Mana Telugu Kathalu | మనతెలుగుకథలు.కామ్ | Telugu Short Stories

'Chedu Nijam' - New Telugu Story Written By D V D Prasad

'చేదు నిజం' తెలుగు కథ

రచన: డి వి డి ప్రసాద్

(కథా పఠనం: మల్లవరపు సీతారాం కుమార్)

కమలమ్మ మది అల్లకల్లోలంగా ఉంది. ఆలోచనలతో నిద్రపట్టక మంచం మీద దొర్లుతోంది. పదిరోజుల్లో తమ పరిస్థితి అంతా తారుమారైంది. కొడుకు, కోడలు, మనవడితో సుఖంగా కాలం గడుపుతున్న తమకు ఎంతటి విషమ పరీక్ష ఎదురైంది! పదిరోజుల క్రితం వరకూ తమపై అవాజ్యమైన ప్రేమ కనబరచిన ప్రతాప్కి ఉన్నట్లుండి ఏమైంది? కోడలు ప్రమీల కూడా బాగా ఆదరించేది, అభిమానించేది.

ఇంటి చుట్టుపక్కలవాళ్ళందరూ వాళ్ళిద్దరూ అత్తాకోడళ్ళంటే అసలు నమ్మగలిగేవారు కాదు, అలా ఉండేది ఇద్దరిమధ్య అనుబంధం. మూడేళ్ళ మనవడు చింటూ తనని వదిలి ఒక్క క్షణం ఉండలేడే? అలాంటిది అకస్మాత్తుగా వాళ్ళలో ఇంతటి మార్పు ఎలా సంభవించింది? పదిరోజుల క్రితం ఉన్నట్లుండి తమ మకాం ఔట్హౌస్కి మార్చారు. భోజనం కూడా అక్కడికే వచ్చేది. మాట్లాడటం, పలకరించడం అటుంచి అసలు కనపడటమే మానేసారు కోడుకుకోడలు ఇద్దరూనూ.

చింటూని కూడా దూరం పెట్టారు. రోజూ ఆప్యాయంగా తనకి, తన భర్తకీ అన్నీ అమర్చిపెట్టే కోడలు ప్రమీలలో ఇంత మార్పు వచ్చిందంటే నమ్మలేకపోతోందామె. నాలుగు రోజుల క్రితమైతే ప్రతాప్ స్నేహితుడు ప్రసాద్ వచ్చి ఇద్దర్నీ ఈ వృద్ధాశ్రమంలో చేర్చాడు. ఇక్కడకు వస్తున్నప్పుడు కూడా వాళ్ళిద్దరూ కనపడలేదు. మనవడ్ని చూడకుండా తనెలా బ్రతకగలదు?

తన ప్రాణంలో ప్రాణమైన ప్రతాప్ ఇంత కర్కశమైన నిర్ణయం ఎలా తీసుకోగలిగాడు? ప్రమీల ఆ నిర్ణయానికి ఎలా మద్దతు పలికింది? ఇక ఎప్పటికీ తమ బ్రతుకింతేనా! ఇక్కడికొచ్చి నాలుగురోజులైనా ఇంతవరకూ ప్రతాప్ చూడటానికి కూడా రాలేదు. ఆలోచిస్తున్నకొద్దీ ఆమె మెదడు మొద్దుబారిపోతోంది. గుండెలు బరువెక్కుతున్నాయి.

పక్కనే పడుకున్న రామచంద్రయ్య కంటిమీద కూడా కునుకు రావడంలేదు. భార్య కమలమ్మ అసహనంగా పక్కమీద దొర్లడం చూసి, అనునయంగా ఆమెతలపై చేయి వేసి నిమిరాడు. ఆమె ఎంతదాచుకున్నా ఆమె ముఖంలో దుఃఖ వీచికలు, కళ్ళల్లో ఉప్పొంగే కన్నీళ్ళు గమనించాడాయన. భార్య కళ్ళల్లో నీళ్ళు చూసి చలించిపోయాడు. ఆమెని అలాంటి స్థితిలో చూసిన రామచంద్రయ్యకి కూడా కళ్ళల్లో నీళ్ళు తిరిగాయి.

"చింటూని చూడాలని ఉందా?" ఆమె వైపు జాలిగా చూస్తూ అడిగాడు.

అవునన్నట్లు తల ఊపిందామె తన కళ్ళఉబికి వస్తున్న నీళ్ళు భర్తకి కళ్ళబడకుండా జాగ్రత్తపడటానికి ప్రయత్నిస్తూ. అయితే ఎంత ప్రయత్నించినా ఆమె దుఃఖం ఆగలేదు. అంతవరకూ అస్థిమితంగా ఉన్న ఆమెలో దుఃఖం కట్టలు తెంచుకుంది. చేతులో ముఖం దాచుకొని రోదించసాగింది.

"మనం ఏం పాపం చేసామండీ, భగవంతుడు మనకీ శిక్ష విధించాడు? అసలు వాళ్ళని చూడకుండా మనము బ్రతికి ఉండగలమా? చింటూని చూడకుండా అసలు బ్రతకగలమా? మననెంతో ప్రేమగా చూసుకునే అబ్బాయి, కోడలు ఇలా చేసారంటే నమ్మలేకుండా ఉన్నాను." అందామె గద్గద స్వరంతో.

"నీకే కాదు నాకూ వాణ్ణి చూడాలని ఉంది. నాకూ అదే ఆశ్చర్యంగా ఉంది కమలా! ప్రతాప్ ఇలాంటి పని చేస్తాడని నేను కలలో కూడా ఊహించనైనా లేదు. కాలం ఎలాంటి వాళ్ళలోనైనా మార్పు తీసుకువస్తుంది. ఊరుకో! మనసు రాయి చేసుకో! జీవితాంతం నీకు నేను, నాకు నువ్వు తోడు అనుకో! మన రాత ఇలాగే ఉందని అనుకో! ఎక్కువ ఆలోచించుకొని ఉన్న రక్తపుపోటు పెంచుకొని ఆరోగ్యం పాడుచేసుకోకు." ఊరడించాడామెని.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/edOG3opOORs

'Gruhagodika' New Telugu Story Written By Pudipeddi Ugadi Vasantha

'గృహాగోదిక' తెలుగు కథ

రచన, కథా పఠనం: పూడిపెద్ది ఉగాది వసంత

"లిజార్డ్" ఇది ఇంగ్లాండ్ దేశం లోని ఒక పర్వతం పేరే, కానీ నేను ఆ పర్వతం గురించి చెపుతున్నానుకోకండి. నేను చెప్పబోయే"లిజార్డ్" అంటే ఒక"గృహాగోదిక". దీన్ని"గౌళి"

అని కూడా అంటారటండోయ్!! ఈ గృహాగోదిక నా జీవితం లో ఓ నాలుగు రోజులు సృష్టించిన అగ్ని పర్వతాలు, నేను నా జన్మలో మరిచిపోలేను.

అది నా మనసున రేపిన"వ్యధ" గురించి ఎంత చెప్పినా తక్కువే సుమా ! ఇది నాలో లేపిన అలజడి, అశాంతి నన్ను ఎంత వేదనకి గురి చేసిందో మాటల్లో చెప్పడం కష్టం. నేను పడ్డ ఆందోళన నా కజిన్స్ తో పంచుకున్నాను, మా అక్కలతో ముచ్చటించాను, మరి మీకు కూడా ఓ మారు చెప్పాలనుకుంటున్నాను, లేకపోతే నేను దసరా మూడు రోజులూ పడిన ఆవేదనకు, ఓ అర్ధం, పరమార్ధం ఉండొద్దటండీ ??

ఈ గృహాగోదిక ఉరఫ్ గౌళి ఇంట్లో ఉన్న ఆ మూడురోజులూ, ఇంట్లో యముడు నడయాడుతున్నట్టే అనిపించింది నాకు. దాన్ని బయటికి నెట్టేసేవరకూనూ మనం ఎంతో

జాగరూకతతో ఉండాల్సి ఉంటుంది, , ఒప్పుకుంటారా ?? చూద్దాం !!

అయితే, దాని వెనుక వున్నా కధా కమామిషు తెలుసుకుని తీరాల్సిందే. దాని వెనక ఉన్న కధ తెలియాలంటే, ముందు, ముందుకెళ్లాలి. ఇంకెందుకాలస్యం, ఆసాంతం చదవండి ఆ

గృహాగోదిక "కధ". కాదు కాదు నా"వ్యధ" !!

****

ఓ శనివారం నాడు, ఉదయాన్నే నేను వాకింగ్ కి రెడీ అవుతూ ఉంటే, మా ఆయన వచ్చి, “నువ్వు రెడీ అవుతున్నప్పుడు, అన్ని చోట్ల లైట్స్ వేసుకో," అని హెచ్చరిక చేసేరు.

"ఎందుకంటే, నిన్న రాత్రి, నేను పడుకునే ముందు, హాల్ లో, ఓ బల్లిని చూశాను, అది ఇప్పుడు ఎక్కడ ఉందొ తెలియదు కదా" అని నిశ్శబ్దంగా బాంబు వేసేరు.

"అయ్యో! నన్ను అప్పుడే లేపి చెపితే, ఇద్దరం కలిసి దాని పని బట్టేవాళ్ళం కదా ! అది ఒక చోట అలా ఉండిపోదు కదా ! ఏ మూలాన దాక్కుందో ఏమో ? ఎక్కడని వెతకడం ? దాన్ని

బయటికి ఎలా తరమడం ?"

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/HPWYBB64a1I

'Premante Idena Part 2' - New Telugu Web Series Written By Penumaka Vasantha

'ప్రేమంటే ఇదేనా! పార్ట్ 2' తెలుగు ధారావాహిక పార్ట్ 2

రచన, కథా పఠనం: పెనుమాక వసంత

మరుసటి రోజు బ్యాంక్ కు వెళ్లాను. ఆనంద్ బాగా బిజీగా ఉన్నాడు కౌంటర్ లో.

“బ్యాంక్ అకౌంట్ ఒపెన్ చేయాలండి” ఆన్న నా గొంతు విని "విరిజా గారు.. బాగున్నారా" అన్నాడు ఆనంద్.

"బావున్నానండీ! కొంచం బ్యాంక్ అకౌంట్..” అనెలోగా "ఓ ష్యూర్" అంటూ “ముందు ఈ ఫార్మ్ పూర్తిచేసి ఇక్కడ సైన్ చేయం”డని ఒక ఫామ్ ఇచ్చాడు.

తర్వాత పాస్ బుక్ ఇస్తే, నాన్న ఇచ్చిన డబ్బులు డ్రా చేసుకుని "థాంక్స్ ఆనంద్ గార”ని బయటకు వచ్చాను.

నా వెనకాలే వచ్చి “ఇంకా ఏమన్నా హెల్ప్ కావాలంటే మొహమాట పడకుండా అడగండి” అన్నాడు. “మొన్న పద్మ గారు కాల్ చేసి మీరు వస్తారని చెప్పారు”.

"నాకు కూడా చెప్పింది పద్మ, మిమ్మలని

కలవమని. "

“ఇపుడు మనం ఫ్రెండ్స్. అదీకాక ఈ సిటీకి మీరు కొత్త. ఏ అవసరమొచ్చినా కాల్ చేయం”డని సెల్ నంబర్ ఇచ్చాడు.

"ఒకే! తప్పక అడుగుతాను. ఇక ఉంటా”నని చెప్పి కదిలాను అక్కడనుండి.

ఇపుడిపుడే చదువు లో పడుతున్నాను. నా రూమ్మేట్స్ మాకు బ్యాంక్ అకౌంట్ ఓపెన్ చేయించ మంటే ఒకరోజు అందరం బ్యాంక్ వెళ్ళాము.

ఆనంద్ మమ్మలని చూసి కౌంటర్ బయటకు వచ్చి అకౌంట్ ఓపెన్ చేయించాడు. థాంక్స్ చెప్పి బయటకు వచ్చాము.

"సూపర్ గా ఉన్నాడే గురుడు! మంచి జాబ్. మనం కష్ట పడి చదివి జాబ్ తెచ్చుకునే బదులు ఇలాంటివారిని పట్టుకుంటే పోలా" అంది శుభా.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/KLBnfFL_L1c

'Sala Mai Tho Celebrity Bangaya Part 1/2' - New Telugu Story Written By Vasundhara

'సాలా మై తో సెలబ్రిటీ బన్‌గయా పార్ట్ 1/2' పెద్ద కథ ప్రారంభం

రచన: వసుంధర

(ప్రముఖ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

సాలా మై తో సెలబ్రిటీ బన్‌గయా-

ఎందుకు? ఎప్పుడు? ఎలా?

ఎందుకు?

ఎంబియ్యే చేసి ఆరంకెల జీతం తెచ్చుకుంటున్నాను. ఐనా తలిదండ్రుల చాటు మామూలు మగాణ్ణి.

చదువు, ఉద్యోగం, పెంపకాల విషయంలో- నా భార్య కృప కూడా అన్నింటా నాలాగే ఉండే మామూలు ఆడపిల్ల. కానీ ఒక్కటే తేడా! నాకు సెలబ్రిటీ అవాలని లేదు. నేను సెలబ్రిటీ అవాలన్నది తన కల!

మేడ్ ఫర్ ఈచదర్ లా ఉంటామని నన్నూ, కృపనీ జంటగా చూసినవాళ్లు మాది ప్రేమపెళ్లి అనుకుంటారు. కానీ నాకు కృప మా అమ్మ చాయిస్. నేను తనకి వాళ్ల నాన్న చాయిస్.

ఇద్దరం ఒకళ్లనొకళ్లు సరిగ్గా చూసింది పెళ్లిపీటలమీదే! ఒకళ్లతో ఒకళ్లం సరిగ్గా మాట్లాడుకున్నది పెళ్లయ్యాకనే!

పెళ్లయ్యేదాకా నాకు అమ్మాయిలంటే ఆకర్షణే కాదు, చిన్నచూపూ ఉంది. వాళ్లకి వంట, షోకు- అంతే అనుకునేవాణ్ణి.

కానీ కృప వంట చేస్తుంది. టివి చూస్తుంది. పరిజ్ఞానంలో అప్టుడేట్. చుట్టుపక్కల మంచి మేనేజర్. ఆన్లైన్ షాపింగులో ఎక్స్‌పర్ట్. సోషల్ మీడియాలో యాక్టివ్. నెట్‌ బ్రౌజింగులో ప్రొఫెషనల్. ఇన్ని చేస్తూ ఉద్యోగంలో బాసులకి ఫేవరేటు.

ప్రయత్నిస్తే ఇన్నీ నావల్లా కావచ్చు. కానీ- కృపకిలా అన్నీ ఒకేసారి చెయ్యలేను. వన్ బై వన్ చేద్దామంటే- అంత టైమేదీ!

కృప నాకో సెలబ్రిటీ. కానీ నేనో సెలబ్రిటీ అవాలంటుంది తను. తనేం చేసినా బాధ్యతా నిర్వహణ అంటుంది. నేనేం చేసినా గ్రేట్ అంటుంది. ఆ గ్రేట్‌నెస్‌తో నన్ను సెలబ్రిటీని చెయ్యాలని తన టాలెంటుతో నా చరిత్ర మొత్తం తెలుసుకుంది.

ఎల్కేజీ వయసులో డ్రామాలో వేశాను. అది భటుడి వేషం. రాజు సింహాసనంమీద కూర్చుంటే- నేను పక్కన ఓ శూలం పట్టుకుని కదలకుండా నిలబడాలి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/YlH3Iqg3DCE

'Full Discount' - New Telugu Story Written By Surekha Puli

'ఫుల్ డిస్కౌంట్' కథ

రచన: సురేఖ పులి

(కథా పఠనం: మల్లవరపు సీతారాం కుమార్)

అన్ని దినపత్రికలో చీరల డిస్కౌంట్ గురించి ప్రకటన వెలువడింది. పండగ రోజులు కదా.. ఆకర్షించే ప్రకటన అది. ఒక చీర పైన ఫిఫ్టీ పర్సెంట్ డిస్కౌంట్ ఇస్తున్నారని ఆడవాళ్లందరూ కొనుగోలుకు ఎగబడుతున్నారు.

జిల్లా పరిషత్ ఆఫీసులో పనిచేస్తున్న మాణిక్యం, నివేదిత లంచ్ టైం లో పేపర్లో వచ్చిన చీరల ప్రకటన గురించి చర్చించుకున్నారు. ఏదో ఒక రోజు తప్పకుండా హోటల్ సరోవర్ లో నిర్వహించబడుతున్న డిస్కౌంట్ చీరల ఎగ్జిబిషన్ కి వెళ్లాలి అనుకున్నారు. ఎంత ప్రయత్నించినా ఇద్దరికీ ఒకేసారి సెలవు దొరకదన్నాడు బాస్.

రోజులు గడుస్తున్న కొద్దీ వీళ్ళిద్దరిలో ఆత్రుత హెచ్చింది. ఏమైనా సరే తక్కువ రేట్ లో పండక్కి చీర కొనుక్కోవాలని, పిల్లలకు ఆరోగ్యం బాలేదని ఒకరు, తనకే తలనెప్పి అని మరొకరు సగం రోజు సెలవు తీసుకుని మొత్తానికి ఎలాగైతేనేం ఆఫీస్ నుండి బయటపడ్డారు.

ఆటో ఎక్కి హోటల్ సరోవర్ వైపు దారి తీశారు. నివేదిత అన్ది "మా అత్తగారు కూడా ఇంట్లో లేరు, నేను ఇంటికి తొందరగా వెళ్ళాలి ఆలస్యంగా వెళితే పిల్లలు స్కూల్ నుండి వచ్చి గాబరా పడతారు".

మాణిక్యం చెప్పింది "అందుకే కదా సగం రోజు సెలవు తీసుకున్నాము. సరిగ్గా ఆఫీస్ వదిలే టైం కి ఇంటికి వెళ్లి పోతే సరే.. ఏ బాధ ఉండదు, ఎవరికీ డౌట్ రాదు. "

వచ్చేవి పండుగ రోజులు. సగానికి సగం రేటు తగ్గించి చీరలు అమ్ముతున్నారు అనే విషయం ఎంతో మంది స్త్రీల మనసు దోచే విషయము. హోటల్ సరోవర్ వెనకవైపు పెద్ద హాల్లోని గోడలకు రకరకాల చీరలను పురివిప్పిన నెమలి ఆకారంలో వేలాడ దీసారు. గుట్టలుగా టేబుల్స్ మీద పరిచి ఉన్న చీరలను చూసి అన్ని వయస్కుల స్త్రీలు వేలంవెర్రిలా ఎగబడుతున్నారు. కొందరు కొనడానికి వస్తే, చాలామంది కాలక్షేపానికి వచ్చారు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/JhDVzV_2F4k

'PCOD' - New Telugu Story Written By Sirisha Sadhanala

'పీసీఓడీ' తెలుగు కథ

రచన: శిరీష సాధనాల

(కథా పఠనం: మల్లవరపు సీతారాం కుమార్)

“ఏంటమ్మా కోడలు పిల్లా! మీ పెళ్ళి అయ్యి అప్పుడే 3 సంవత్సరాలు అవుతోంది.. ఐన ఇప్పటివరకు నీ నోటి నుండి ఇంకా తీపి కబురు రాలేదు.. అసలు చెప్పే ఉద్దేశం ఉందా నీకు.. ఐన ఈ కాలం అమ్మాయిలకు అమ్మతనం విలువ తెలియట్లేదు.. అమ్మ అని పిలిపించుకోవడం కూడా ఒక వరం అని అర్ధం కావట్లేదు అని అంటున్న తన అత్తగారి మాటలకు ఏం సమాధానం ఇవ్వాలో తెలియక మౌనం గా గదిలోకి వెళ్ళిపోయ్యింది చందన..

వాళ్ళు అత్తగారు అన్న మాటల్లో కూడా తప్పు ఏమి లేదు. ఒక సారి శివ వచ్చాక ఈ విషయం గురించి మాట్లాడాలి అని జ్ఞాపకాలలోకి వెళ్ళింది చందన..

శివ చందన లది పెద్దలు కుదిర్చిన వివాహం.. శివ వాళ్ళ నాన్న గారు కొన్ని సంవత్సరాల క్రితం చనిపోవడంతో పెళ్ళి అయ్యాక శివ వాళ్ళ అమ్మ గారు వీళ్ళతోనే ఉంటారు..

ఆ రోజు వాళ్ళ తొలి రాత్రి..

పాలగ్లాస్ తో ఎన్నో ఆశలతో ఆ గదిలోకి అడుగుపెట్టింది చందన.. చందనని అలా చూసిన శివ తనని బెడ్ మీద కూర్చోపెట్టి "చందన! మనం ఇద్దరం ఉద్యోగం చేస్తున్నాం. ఇద్దరికీ ఉద్యోగం తోనే సరిపోతుంది. అప్పుడే పిల్లలు అంటే మనకి ఏంజాయ్ చేయడానికి ఉండదు.. మనకి ఉన్న వీకెండ్స్ కూడా పిల్లతోనే సరిపోతుంది. కాబట్టి మనం పిల్లల విషయం లో 2 ఇయర్స్ గ్యాప్ తీసుకుందాం.. ఆ 2 ఇయర్స్ మనం ఏంజాయ్ చేయడానికి కూడా బాగుంటుంది.. నువ్వు ఏం అంటావ్.. నీ ఉద్దేశం ఏంటి.. ” అన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/M4KgtDLqg64

'Godugu' - New Telugu Story Written By Jidigunta Srinivasa Rao

'గొడుగు' తెలుగు కథ

రచన : జీడిగుంట శ్రీనివాసరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

“అదేంటి.. గొడుగేది?” అన్నాడులోపలికి వచ్చిన భార్య సుగుణతో కుమార్.

“అవును.. గొడుగేది?” అంటూ కూరల సంచి కిందపెట్టి, “బహుశా మార్కెట్ లో మర్చిపోయాను అనుకుంట, ఏ కూరల బండి మీద వదిలేసానో, మళ్ళీ వెళ్లి అడుగుతాను” అంది.

“ప్రతిదానికి తయారువుతావు,గొడుగు తీసుకుని వెళ్లినిదానివి అలా మర్చిపోయి వస్తే ఎలా?” అన్నాడు ఆ గదిలోనుంచి ఈ గదిలోకి వాకింగ్ చేస్తో.

“ప్రతీ గురువారం మార్కెట్ వుంటుంది, సాయంత్రం త్వరగా లేచి వెళ్లి, వారానికి సరిపడే కూరగాయలు తీసుకుని రావాలని చెప్పినా ‘నువ్వు ఎలాగో పూజకోసం పువ్వులు తెచ్చుకుంటావు కదా అదే చేతితో రెండు కూరలు కొనుక్కుని రా’ అని తప్పించుకుంటున్నారు. నా ఖర్మ కాకపోతే ఈ కొత్త గొడుగు వేసుకుని వెళ్లి మర్చిపోయి వచ్చాను” అంది చెప్పులు వేసుకుంటూ సుగుణ.

“ఆగు. నువ్వు మళ్ళీ ఏం వెళ్తావు? నేను వెళ్లి అన్ని బళ్ళ వాళ్ళని అడిగి గొడుగు పట్టుకుని వస్తాను. అసలు నీలాంటి మతిమరుపు దానికి తాటకు గొడుగు కొనాలిసింది” అన్నాడు కుమార్.

“అవును, కొని మీరు వేసుకుని వెళ్ళాలి, అచ్చు వామనుడి లాగా వుంటారు” అంది నవ్వుతో సుగుణ.

“అంటే నేను పొట్టిగా వుంటానని అంటావా, జుట్టున్నప్పుడు నీకంటే రెండు ఇంచెలు పొడుగే, యిప్పుడు వయసు పెరిగి జుట్టు వూడి పొట్టిగా కనిపిస్తున్నాను. అవునూ.. వయసు మగవాళ్ళకి, ఆడవాళ్ళకి పెరుగుతుంది కదా, జుట్టు వూడి గుండు మగాళ్లకే ఎందుకు అవుతుందో.. ఈ రాకెట్స్ చంద్రుడిమీదకి పంపేబదులు మీ ఆడవాళ్ళ మెదడు మీద రీసెర్చ్ చేసి, మగాళ్ళకి జుట్టు వూడకుండా మందు కనిపెడితే బాగుండును” అన్నాడు.

“ఆ కనిపెడతారు కానీ, ముందు మీరు వెళ్లి పోయిన గొడుగు ఎక్కడ వుందో కనిపెట్టండి, మళ్ళీ వాన పడేడట్లుంది” అంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/b19MjXDFynQ

'Amavasya Vennela - Episode 1 - New Telugu Web Series Written By BVD Prasada Rao

'అమావాస్య వెన్నెల - ఎపిసోడ్ 1' తెలుగు ధారావాహిక ప్రారంభం

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

శిరిడి సాయిబాబా గుడి ముందుకు రాగానే.. కారు ఆపి.. దిగాడు యువకుడు.. శ్రీరమణ.

చెప్పులు వదిలి.. పక్కకు జరిగి.. గుడి వైపు తిరిగి.. కళ్లు మూసుకున్నాడు.. రెండు చేతులు జోడించాడు. మదిలో సాయిని శరణ కోరాడు.

పిమ్మట టాక్సీ స్టాండ్ వైపు కదిలాడు శ్రీరమణ.. తన కారుతో.

కారును సాఫీగా ముందుకు పోనిస్తున్నాడు.

అతనిలో ఒకటే ఆలోచన.. మళ్లీ మళ్లీ చక్కెర్లు కొడుతుంది.

ఈ రోజు సరైన ట్రిప్పులు రావాలని అతను తెగ ఆశిస్తున్నాడు. అతను వెళ్తున్న రోడ్డు రద్దీగానే ఉంది.

వాహనాలు సర్రు సర్రున పోతున్నాయి.

నడిచే వారు నడుస్తున్నారు. శ్రీరమణ కారు ముందుకు చరచరా జరుగుతోంది.

అంతలోనే..

పక్క సందుల్లోంచి జర్రున రోడ్డు మీదికి వచ్చిన స్కూటీ ఒకటి.. శ్రీరమణ కారుకు టక్కున ఎదురయ్యింది.

అతను జర్కయ్యాడు.

ఐనా.. తన కారుని నియంత్రించాడు..

కానీ..

అప్పటికే.. ఆ స్కూటీ భళ్లున.. ఆ కారుని ఢీ కొట్టేసింది.

ఆ స్కూటీ మీది యువతి.. చంద్రిక.. తుళ్లి.. టఫీన కింద పడింది.

అప్పటికే.. చంద్రిక వెంట పరుగు పరుగున వచ్చి.. ఆ సందు చివరన ఆగిపోయిన నడి వయస్కుడు కామేశం..

కింద పడ్డ చంద్రికకు ఆమడ దూరంకి గబగబా చేరాడు.

చంద్రికలో చలనం లేదు.

అది గుర్తించిన కామేశం మెల్లిగా నవ్వుకున్నాడు.

ఆ వెంబడే.. 'హమ్మయ్య' అనుకున్నాడు. తన గుండె వైపు ఛాతీని తన కుడి అర చేతితో పాముకుంటున్నాడు.

***

"నీకు జాబ్ కావాలంటే.." ఆగాడు కామేశం.

ఆబగా చంద్రికను చూస్తున్నాడు.

చంద్రిక చూపు మార్చుకోలేదు.. "జాబ్ కావాలంటే.." అడగ్గలిగింది.

"నువ్వు నాకు కావాలి." అంటూనే చంద్రిక కుడి అర చేతిని.. తన రెండు అర చేతుల్లోకి తీసుకోబోయాడు కామేశం.

చంద్రిక చటుక్కున రియాక్టయ్యింది. కుర్చీలోంచి లేచింది. దానిని విసురుగా వెనుక్కు తన్నింది. అంతే అదునుగా కామేశం చెంప మీద తన కుడి అర చేతితో చెళ్లున చరిచింది.

కామేశం కంగారయ్యాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/B2cgd8oJEts

'Prema Entha Badhiram Part 2/3' - New Telugu Story Written By Sripathi Lalitha

'ప్రేమ ఎంత బధిరం పార్ట్ 2/3' పెద్ద కథ

రచన: శ్రీపతి లలిత

(కథా పఠనం: మల్లవరపు సీతారాం కుమార్)

జరిగిన కథ:

సుధ ఒక ప్రముఖ బ్యాంకులో జనరల్ మేనేజర్.

భర్త మురళికి సీరియస్ గా ఉన్నట్లు కొడుకు ప్రవీణ్ వద్దనుండి ఫోన్ వస్తుంది.

గతం గుర్తుకు వస్తుంది సుధకి..

స్నేహితురాలు ఉష అన్నయ్య మురళితో ప్రేమలో పడుతుంది సుధ. ఐఏఎస్ ఆఫీసర్ కావాలన్న తన కోరికను పక్కన పెట్టి అతన్ని పెళ్లి చేసుకొంటుంది. కొద్ది రోజుల్లోనే బ్ర్హ ప్రవర్తనలో తేడాను గమనిస్తుంది సుధ.

ఇక ప్రేమ ఎంత బధిరం పార్ట్ 2 చదవండి.

సుధకి ఇంటి పని అలవాటు లేకపోయినా ఇన్ని రోజులు చేసింది. ఇప్పుడు బాబుతో చాల కష్టం అనిపించి పనిమనిషిని పెట్టుకుందాము అంటే

"సంపాదిస్తే తెలుస్తుంది డబ్బు విలువ, చూసి ఖర్చు పెట్టు" అన్నాడు మురళి.

ఎవరో బాణంతో గురిపెట్టి కొట్టినట్టు అయింది సుధకి.

ఈమాట వినడానికేనా తాను సివిల్స్ వదిలేసి పెళ్లి చేసుకుంది ప్రేమే ముఖ్యం అంటూ.

ఉష, తండ్రి ఇద్దరూ చెప్పారు తొందర పడద్దని. తనే 'బధిరురాలైంది'.

సుధ మనసులో "సంఘర్షణ" మొదలైంది.

అప్పటినుంచి ఏమాత్రం టైం దొరికినా బుక్స్ తీసి చదివేది.

కాలం గడుస్తున్నకొద్దీ, ఉష, వాళ్ళ అన్న గురించి చెప్పింది ఎంత సత్యమో అర్థమయింది.

తన పై అధికారులు తెలివితక్కువ వాళ్ళు, కింద పని చేసేవాళ్లూ అందరూ మూర్ఖులు అనేవాడు. ఎవరికీ ఏమి తెలీదు, తనకే అన్నీ తెలుసు అనేవాడు. ఐఐటి, ఐఐఎం లో చదవకపోతే వృధా అనేవాడు.

"ఏవో కారణాలవల్ల అక్కడ చదవకపోయినా ఎవరి తెలివి వాళ్ళది. అందరిని అలా తీసిపారేయకు. ప్రతి వాళ్లలో ఏదో ఒక మంచి లక్షణము ఉంటుంది. దాన్ని గుర్తించు." అనేది సుధ.

"అబ్బో! నువ్వే ఐఐఎం లో చదివినట్టు చెప్తావు, చాలుచాల్లే" అని ఎగతాళిగా మాట్లాడేవాడు.

ఆఫీసులో తనతో పనిచేసే ప్రతివాళ్ళని ఏదోరకంగా మాటలతోనో, చేతలతోనో బాధ పెట్టేవాడు.

యాజమాన్యంకి ఈవిషయంలో ఫిర్యాదులు వెళ్ళాక, మురళిని ఉద్యోగంలోనుంచి తీసేసారు. ఇంక దానికి కారణం పిల్లవాడి జాతకం, సుధ దురదృష్టము అనే తప్పా, వేరే మాట లేదు.

ప్రతీ విషయానికి కోపం, వస్తువులు విసిరేయడం, అరుపులు తప్ప, స్థిమితం గా కూర్చుని ఏమి చెయ్యాలి అని ఆలోచన లేదు.

"జాబ్స్ ఇదివరకులాగా కాదు కదా, ఒకటి పొతే ఇంకొకటి వస్తుంది. నీకున్న అర్హతలకి ఇంకా మంచిది వస్తుంది" అని సుధ ధైర్యం చెప్పటానికి ప్రయత్నిస్తే, "నీకేదో ఉద్యోగాల గురించి తెలిసినట్టు చెప్తావు నోర్ముసుకో" అని అరిచేవాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/yrC83Gxdpds

'Ika Jeevitham Udvega Purithamai - Utthunga Tharangamai - 1 ' - New Telugu Web Series Written By Pandranki Subramani

'ఇక జీవితం ఉద్వేగ పూరితమై - ఉత్తుంగ తరంగమై - 1' తెలుగు ధారావాహిక మొదటి భాగం

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

భద్రం ఇప్పుడు మాడవీధి చివరన, జీవన ప్రస్థానపు మలుపున వెనక్కి తిరిగి చూడలేని తావున నిల్చున్నాడు. ఆకాశం లోకి తేరి చూస్తూ, నిట్టూర్పుల నడుమ దిక్కుతోచని స్థితిలో నిస్సహాయంగా నిల్చున్నాడు. బ్రతుకు బాటలోని తటపటలు అతణ్ణి కుదురుగా ఆలోచించనివ్వడం లేదు. అవలోకనంలో పడి మరింత ఆలస్యమైతే ఇంటి వాకిట వరకూ వచ్చిన అవకాశం విహంగం లా యెగిరిపోవచ్చు, చేజారి పోవచ్చు.

మరైతే-- కడుపులోని చల్ల కదలనీయకుండా ఎక్కడ వేసిన గొంగళి అక్కడే ఉన్నట్టు కాలమంతా గడిపేయాలనుకుంటే, జీవితానికి నిలకడ యెప్పుడు వస్తుందని? బ్రతుకు రథ చక్రం ఎప్పుడు కుదుటపడుతుంది. గనుక-- అప్పుడతని కళ్ల ముందు మొన్న జరిగిన దృశ్యం పొడుచుకు వచ్చిన పొద్దులా మెదిలింది. టీ. వీ. సీరియల్స్- లైవ్ కార్యక్రమాలు మిక్కిలి ఇష్టంగా చూసే భార్యను అటు వెళ్తూ అడిగాడు- “అదేంవిటి? జంతువుల ప్రోగ్రాము కూడా చూస్తావేమిటి అంత ఆసక్తిగా! ”

కాంతం తలూ పుతూ బదులిచ్చింది- “ఔనండీ! నాకన్నీ ఇష్టమే—ప్రోగ్రాముల టైమింగ్సు కూడా నాకు బాగా తెలుసు, మరైతే టీ వీ సెట్ మాత్రం మరీ చిన్న సైజు”

అతడు నవ్వి అడిగాడు- “అది సరేగాని- దాని గురించి తరవాత ఆలోచిద్దాం గాని- అదేమిటి- చిన్న పాటి ఎలుగు లా ఉంది. దానిని చూసి తోడేళ్ళు- దుప్పిలు- అడవి గేదెలు- పందులు తప్పుకు తిరుగుతున్నాయి. అది మాత్రం అదురూ బెదురు లేకుండా చేతులూపుతూ రికారిగా తోకాడిస్తూ తిరుగుతూంది. అంతటి చిన్నరూపానికి అంతటి గుండె నిబ్బరమా! అదెలా?"

అది విని నవ్వింది. పుంజుకున్న ఉత్సాహంతో చెప్పింది. “ఔనండీ! చూపుకి చిన్నదయినా దానికి తెగువెక్కువ. రౌడీ షీటర్ లా మొండి గా అడివంతా తిరుగుతుంటుంది- ఎంతటి మొండిదంటే- అన్నిటి తోనూ సైఁ అంటూ కలబడుతుంది. చీటాలు ఎలుగులు సహితం దానిని చూసి దూరంగా తొలగిపోతుంటాయి. బొందిలో ప్రాణం ఉండగా ఏవీ సాహసించి తేనెపుట్టవద్దకు వెళ్ళవు కదా! ఇది మాత్రం అదేమీ లక్ష్యపెట్టకుండా వెళ్లి తేనేటీగల్ని చెల్లా చెదురు చేసి పుట్టతేనెను బాగా తాగి తనకు అడ్డు వచ్చిన తేనెటీగల్ని సహితం నమిలి మ్రింగేస్తుంది. దానిని హనీ బడ్జర్ అంటారు”.

అతడు నమ్మలేనట్టు గుడ్లప్పగించి చూస్తుండగా తన జీవన సహచరి అన్న మరొక మాట అతడి గుండె కవాటాలను తాకింది. “అడవిలో బ్రతకాలంటే అంతటి తెగువ ఉండేతీరాలి కదండీ! ”

నిజమే కదూ! అడవిలోనే కాదు- అడవి వంటి ప్రపంచంలో కూడా మనుగడ చేయాలంటే కడగండ్లకు బెదరకుండా తెగువ చూపించే తీరాలి కదూ ఆ హనీబడ్జర్ లా!

ఎదురవబోయేది కడగండ్ల వర్షం కదానని తను పట్టుతప్పి కొట్టుకుపోకుండా ఉండాలి కదానని జాగ్రత్త చూపిస్తే మరి తన కుటుంబం సహితం కొట్టుకుపోతే-- అప్పుడు తను మాత్రం మిగిలిపోయి ఏమి చేస్తాడు? దేని కోసం మనుగడ సాగిస్తాడు?

ఏది ఏమైనా సరే- నయానో భయానో వృధ్ధ తల్లిదండ్రులకి, లోక జ్ఞానం అంతంత మాత్రమే కలిగున్న సతీమణికి నచ్చచెప్పి ముందున్న నేల, జారుడుగా కనిపిస్తున్నా పట్టు తప్పిపోకుండా వెనక్కి చూడకుండా ముందుకు సాగిపోవాలి.

ఇంతకూ తను యెదుర్కోవలసిందేమిటి? జీవితం- అంతా తన కనుకూలంగా జరగదు. ఆ మాటకు వస్తే యెప్పుడు మాత్రం యెవరికి మాత్రం జీవితం ఆటుపోట్లకు అతీతంగా సాగింది గనుక-- ఇక పైన జాప్యానికి తావివ్వకూడదు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/Uw0geQxP1-Q