Mana Telugu Kathalu | మనతెలుగుకథలు.కామ్ | Telugu Short Stories

'Bahumanam - New Telugu Story Written By Bhagavathula Bharathi

'బహుమానం' తెలుగు కథ

రచన: భాగవతుల భారతి

(ఉత్తమ రచయిత్రి బిరుదు గ్రహీత)

కథా పఠనం: మల్లవరపు సీతారాం కుమార్

"వీరలక్ష్మి ఎలా ఉందో! పెళ్ళి చేసుకుని ఉండదు. అదృష్టవంతురాలు." మనసులో అనుకున్నాననుకుని పైకే అనేసాను.

"వీరలక్ష్మి ఎవరమ్మా!" పాప ప్రశ్నకు

“నాతోపాటు టెన్త్ క్లాస్ చదివిన బెంచ్ మేట్.".. నా జవాబు.

"ఆమె పెళ్ళే చేసుకోదని ఎందుకనిపించింది?” ఈయన ప్రశ్న.

"స్కూల్ లో చదివే రోజుల్లోనే ఆమె కుడిచేతికి 'బోద' ఉండేది. చిన్నప్పుడు ఆ విషయం పట్టించుకోలేని పసితనం.

ఇప్పుడు అప్పుడప్పుడూ గుర్తుకు వస్తూ ఎక్కడుందో.. అని.."

"అయ్యో! 'బోదకాలు' లాగా 'బోదచెయ్యి'.. ఎంత బాధాకరం. ఎవరో ఒకరు చేసుకునే ఉంటారులే!".. ఈయన మాట పూర్తి కాలా..

"పెళ్ళేంపెళ్ళి. వెధవపెళ్ళి. వెధవమెుగుడు వెధవసంసారం.. వెధవలంపటం. వండా..పెట్టా.. ఇదేగా..

పెళ్ళి కానివాళ్ళు ఎంత అదృష్టవంతులో.." విసురుగా నేనన్నమాటలకు ఈయన చిన్నబుచ్చుకొని

"ఈమాట చాలాసార్లు అన్నావ్. సంసారమంటే అంతచేదుగాఉందా?" అంటూ పేపర్లో తలదూర్చారు.

"ఎన్ననుకున్నాతప్పదుగా!" అంటూ వంటగదికేసి విసుగ్గా విసవిసా వెళ్ళాను.

వెడుతూవెడుతూ "జీవితం మీదే విరక్తి పుడుతోంది.. ఛీ" అన్నాను.

“నిజమే! పెళ్ళి చేసుకోని వాళ్ళ జీవితమే బాగుంది. హాయిగా ఉన్నారు. లేస్తూనే, ఇళ్ళు ఊడవటాలూ, బట్టలూ, అంట్లూ, వంటలూ, పిల్లల్ని స్కూల్ కి పంపటాలూ! బాక్స్ లూ, వచ్చిపోయే అతిథులూ మళ్ళీ కాఫీలూ, టీలూ, సరుకులు తీసుకురావటానికి, సూపర్ మార్కెట్ లకు వెళ్ళటం. ఇవన్నీ రొటీన్, అయిపోయినా, వేలెడు సాయం చేయక పోయినా,"ఇంటిపెత్తనం, డబ్బులతో సహా నీదేగా!"అనే శ్రీవారూ!

చాకిరీ చేయలేక, విసుగువచ్చి, చాలాసార్లు చికాకూ వచ్చేస్తోంది. ఓ రచయిత్రిగా రచనలు చేస్తూ, ఇదిగో! ఇలాంటి పనులతో ఆడవాళ్ళు ఉక్కిరిబిక్కిరి అవుతూ

సతమతమయ్యే అంశాల గురించి, పత్రికలలో వ్రాస్తూ, పాపులర్ రచయిత్రినే అయ్యాను.

"నీకేమోయ్! ఇంటిపని చేసుకుంటూనే చక్కటి రచయిత్రి వయ్యావుగా" అంటారీయన.

"ఇంత చదివాను. ఉద్యోగం చేయనిచ్చారా? ఏమన్నానా? వెధవ సంసారం"అన్నాను ఎన్నోసార్లు.

"ఇల్లాలి ఉద్యోగమేమన్నా తక్కువనుకుంటున్నావుటోయ్. ఇదే కష్టం. నీతో కలిపి నలుగురు మేథావుల్ని సమాజానికి అందిస్తున్నావు. నువ్వే గొప్పదానివి. ఎక్కడతిరిగినా, ఎంతతిరిగినా, ఇల్లేకదా! స్వర్గధామం!?"

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/vEfGr-DfeFw

'Chikati Velugulu Part 1/2' - New Telugu Story Written By Allu Sairam

'చీకటి వెలుగులు పార్ట్ 1/2' పెద్ద కథ ప్రారంభం

రచన: అల్లు సాయిరాం

కథా పఠనం: మల్లవరపు సీతారాం కుమార్

స్వతహాగా కథారచయితగా మంచి కథలు రాసుకుని, తన ప్రతిభను నిరూపించుకోవడానికి చాలామందిని కలిసి చాలావిధాలుగా ప్రయత్నాలు చేసి, సరైన అవకాశాలు లేక నిరుత్సాహంగా గడుపుతున్నాడు ప్రకాష్. కొన్నిరోజులుగా గమనిస్తున్న ప్రకాష్ తండ్రి జగన్నాథం, తమ లలితకళా ప్రోత్సాహక సంస్థ తరపున నిర్వహిస్తున్న కళాచిత్ర ప్రదర్శనకి, ప్రకాష్ ని కాలక్షేపంగా చూడడానికి రమ్మని చెప్పాడు. ప్రకాష్ కూసింత అయిష్టంగా, కూసింత మొహమాటంగా చిత్రప్రదర్శనకి బయలుదేరి వచ్చాడు.

కళాచిత్రప్రదర్శన ప్రాంగణమంతా, తమ తమ కళలను ప్రదర్శిస్తున్న కళాకారులతో, ఆసక్తిగా కళలను వీక్షిస్తున్న సందర్శకులతో, సమన్వయం చేస్తున్న నిర్వాహకులతో హడావిడిగా ఉంది. ఆ చిత్రకళాప్రదర్శనలో ప్రదర్శించిన అన్నిరకాల చిత్రాలను పరిశీలనగా చూస్తూ వస్తున్న ప్రకాష్ దృష్టిని, శిల్పాలను పోలిన నఖచిత్రాలు ఆకర్షించాయి.

ప్రకాష్ కన్నార్పకుండా ఆ నఖచిత్రాలను చూస్తూ, ఆసక్తిగా జగన్నాథానికి ఆ చిత్రాల గురించి అడిగాడు. అప్పుడు జగన్నాథం "అవి నఖచిత్రాలు. నఖం అనగా చేతివ్రేలిగోరు. వ్రేలిగోటితో దళసరి కాగితంపై శిల్పాన్ని చెక్కినట్లు, ఎత్తుపల్లాలను అన్వయించుకుని, మనసులో ఉన్న భావాలను అధ్బుతమైన రూపంలో చిత్రించే కళ. అలా గీసిన చిత్రాలు చూడడానికి శిల్పాలకు ఏమాత్రం తగ్గకుండా కన్నులవిందుగా ఉంటాయి. ప్రస్తుతం యి ప్రదర్శనలో పెట్టిన కళాచిత్రాలు, నఖచిత్రకళలో తనదైన ప్రావీణ్యం సాధించి, అందరి మన్ననలు పొందుతున్న శేఖర్ అనే చిత్రకారుడి సృష్టి!" అని అంటూ నల్లటి కళ్లద్దాలు పెట్టుకొని, ఆ చిత్రాల ప్రక్కన ఒక మూలగా నిల్చున్న శేఖర్ ని చూపిస్తూ చెప్పాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/70w-2ReX0nM

'Premante Idena Part 3' - New Telugu Web Series Written By Penumaka Vasantha

'ప్రేమంటే ఇదేనా! పార్ట్ 3' తెలుగు ధారావాహిక

రచన, కథా పఠనం: పెనుమాక వసంత

జరిగిన కథ:

విరిజ ఫ్రెండ్ పద్మ పెళ్లి జరుగుతుంది. పద్మ భర్తకు స్నేహితుడైన ఆనంద్ ని చూస్తుంది విరిజ.

వైజాగ్ లో ఎం ఏ చేరడానికి వెళ్తుంది విరిజ. ప్రేమలో విఫలమైన రాజీని వైజాగ్ రప్పిస్తుంది. రాజీ బ్యాంకు ఎగ్జామ్స్ కి, విరిజ సివిల్స్ కి ప్రిపేర్ అవుతుంటారు.

ఆనంద్ వైజాగ్ లో బ్యాంకు లో పనిచేస్తుంటాడు. వారికి సహాయం చేస్తుంటాడు.

ఇక ప్రేమంటే ఇదేనా! పార్ట్ 2 చదవండి.

"అయినా, మన కన్నాంబ, బాగా, స్ట్రిక్ట్, కదా! బాగా, ప్రిపేరవ్వూ" అంది పద్మ నన్ను, ఉద్దేశించి, నవ్వుతూ.

"అవును, పద్మ, చంపుతుందీ! ఈ కన్నాంబ, చదువనీ.. ! నవ్వుతూ, నన్ను చూస్తూ, అంది రాజీ. చంపుతా, నిన్నూ! నేను బుక్ తీసేసరికి, "వద్దే అంటూ, పరుగు తీసింది".

"పద్మా, ఆ బిసి, ఆనంద్, బ్యాంక్ లో భలే హెల్ప్ చేశాడే. బాగుంటాడు, మంచి జాబ్, కూడా ఉంది. ఎవరు చేసుకుంటారో! లక్కీ నే వాళ్ళు" అంది.

పద్మ కూడా, నిజమే, రాజీ! ఆనంద్ చాలా మంచివాడు, ఎవరోనే! ఆ లక్కీ గాల్ అంది.

"రాజీ అతన్ని ఎవరు చేసుకుంటే మనకెందుకే మన పని అయింది కదా. ! మగవాళ్ళు అందరూ ఒకే జాతి మోసం చేసే జాతి. ఇంకా నీకు బుద్ది రాదే. ప్రేమని వెంటపడతారు పెళ్లి దగ్గరికి వచ్చేసరికి మొహం చాటు చేస్తారు. పెళ్లి ముందు ప్రేమ కన్నా పెళ్లి తర్వాత ప్రేమ గొప్పది" అన్నాను.

"వామ్మో! కన్నాంబ, క్లాస్ తీస్తుందని", పద్మ ఫోన్ పెట్టింది.

"నిజమే నన్ను రవి మోసం చేశాడు" అంటు బాధ పడిన రాజీ ని హ్యాపీ గా ఉంచటం కోసం రిలీఫ్ గా హోటల్ కి తీసుకెళ్ళాను ఒక కప్ కాఫీ తాగి రూం కి వెళ్ళాము.

రోజులు గడుస్తున్నాయి. నా ఎంఏ ఫస్ట్ యియర్ అయింది. రాజీ కి బ్యాంక్ జాబ్ వచ్చింది. దానికి హైదరాబాద్ లో పోస్టింగ్ రావటం తో, అది వెళ్ళింది. వెళ్లేప్పుడు "విరిజా! నీ ఋణం ఈ జన్మలో తీర్చుకోలేనే. అదే మన ఊళ్ళో ఉంటే ఏడుస్తుండేదాన్ని. ఇక్కడికి వచ్చి ఈ బ్యాంక్ జాబ్ తెచ్చుకున్నా అంది. ఇదంతా, నీ వల్లనే" అంటూ, నన్ను కౌగిలించుకుంది.

"ఫ్రెండ్స్ లో ఏంటా.. రుణాలు తీర్చుకోవటం అపుడప్పుడు కాల్ చేస్తుండవే.. చాలు అన్నాను. "

వెళ్ళే ముందు ఆనంద్ ని కలిసి థాంక్స్ చెప్దామని బ్యాంక్ కి వెళ్ళాము. ఆనంద్ రాజీకి బ్యాంక్ జాబ్ వచ్చినందుకు రాజీకి కంగ్రాట్స్ చెప్పాడు. పార్టీ ఎపుడు అంటే "ఈవెనింగ్ బీచ్ దగ్గర హోటల్ కు రండన్న" రాజీ తో "తప్పక వస్తాను" అన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/TD4FsWunV8c

'Amavasya Vennela - Episode 2 - New Telugu Web Series Written By BVD Prasada Rao

'అమావాస్య వెన్నెల - ఎపిసోడ్ 2' తెలుగు ధారావాహిక

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

జరిగిన కథ:

టాక్సీ డ్రైవర్ శ్రీరమణ నీతీ నిజాయితీలు ఉన్న యువకుడు.

అనుకోకుండా అతని టాక్సీ క్రింద చంద్రిక అనే యువతి పడుతుంది.

గాయపడ్డ ఆమెను అతనే హాస్పిటల్ లో చేరుస్తాడు.

ఆమె తల్లి సావిత్రి, చెల్లెలు ఇంద్రజ హాస్పిటల్ కి వస్తారు.

ఇక అమావాస్య వెన్నెల ధారావాహిక ఎపిసోడ్ 2 చదవండి..

లంచ్ వేళ కావడంతో..

టాక్సీ స్టాండ్ పల్చనయ్యింది.

"శ్రీరమణ ఉదయం నుండి కనిపించడం లేదు. మంచి బేరం దొరికినట్టు ఉంది." అన్నాడు డ్రయివర్ కాశిం.

"అట్టానే ఉంది." అన్నాడు.. అది విన్న మరో డ్రయివర్ అబ్దుల్.

"అప్పుడే కలగచేసుకుంటూ.. అరె. అదేం కాదు. శ్రీరమణ బండి యాక్సిడెంట్ అయ్యిందట." చెప్పాడు మరో డ్రయివర్ భీమ.

"అట్టానా. ఎక్కడ. ఎప్పుడు. అతడుకు ఏమీ కాలేదుగా." వాకబు చేపట్టాడు అబ్దుల్.

"వివరాలు అంతగా తెలియవు కానీ. స్పాట్ నుండి గవర్నమెంట్ హాస్పిటల్ వైపు అతడు కారుతో పోయినట్టు తెలిసింది. అంతే." చెప్పాడు భీమ.

"అరె. ఏమైందో.. పరిస్థితి ఎలా ఉందో. ఒక మారు పోయి చూస్తే బాగుంటుంది." అన్నాడు అబ్దుల్.

"ఎంతైనా మనోడేగా. వెళ్లి చూడాలి." అన్నాడు కాశిం.

"మొదట మీరు పోయి చూసి రండి." చెప్పాడు భీమ.

అబ్దుల్, కాశిం.. తమ కార్లతో హాస్పిటల్ కు బయలు దేరారు.

***

"నువ్వు చెప్పింది కరెక్టే కావచ్చు. ఆ సమయంలో ఆమె స్కూటీకి నీ కారు అడ్డు రావడం నిజమేగా. అలా కాక పోతే.. ఆమెకు యాక్సిడెంట్ అయ్యేది కాదుగా." అన్నాడు ఒక పోలీస్.

శ్రీరమణ ఏమీ అనలేక పోతున్నాడు.

సావిత్రి ఏడుస్తుంది.

"ఊరుకో అమ్మా. మాట్లాడుతున్నాంగా." చిరాకయ్యాడు రెండో పోలీస్.

"మీ అమ్మాయిని చూసారుగా. దెబ్బలు లేవు. కానీ కోమా ముంచింది. అదిన్నూ వైద్యంతో నయం కావచ్చని డాక్టర్ అంటున్నారుగా." చెప్పాడు మొదటి పోలీస్.

ఇంద్రజ తికమకలో ఉంది.

"మగ దిక్కు లేని వాళ్లం బాబు. అది మాకు అందుకు వచ్చిందనే సరికి.. ఇలా అయ్యింది." బెదిరిపోతుంది సావిత్రి.

అక్కడి వాళ్లు ఎవరూ ఏమీ అనలేక పోతున్నారు.

పోలీసులనే చూస్తున్నాడు శ్రీరమణ.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/SNxIxyokTKc

'Pragathi Premikulu episode 11' - New Telugu Web Series Written By Ch. C. S. Sarma

'ప్రగతి ప్రేమికులు ఎపిసోడ్ 11' తెలుగు ధారావాహిక

రచన: సిహెచ్. సీఎస్. శర్మ

(కథా పఠనం: మల్లవరపు సీతారాం కుమార్)

కఠిన శిక్షకు గురిఅయిన సాంబయ్య ప్రాణభయంతో ఉపేంద్ర చెప్పగా తనే సీసాల్లో ఎండ్రిన్ కలిపి వారికి ఇచ్చినట్లు ఒప్పుకొన్నాడు. ఉపేంద్రకు బెయిల్ దొరకకుండా చేశారు త్రిపాటి, వివేకానందలు. లాయర్ పీతాంబరం ప్రయత్నం ఫలించలేదు. కేసు కోర్టుకు వెళ్ళింది. పబ్లిక్ ప్రాసిక్యూటర్

అనంతయ్యగారు, డిఫెన్స్ లాయర్ పీతాంబరంగారు, సాక్షులను కోర్టులో జడ్జిగారి ముందు విచారించారు. జడ్జిగారు కేసును రొండుసార్లు వాయిదా వేసి మూడవమారు, పోలీసులు బలపరిచిన సాక్ష్యాల ఆధారంగా ఉపేంద్రకు యావజ్జీవ కారాగార శిక్షను, మిగతా ఏడుగురికి ఐదేళ్ళ జైలు శిక్షను, విధించినట్లు జడ్జిమెంటు చెప్పారు.

ఈ వార్త విన్న ధనుంజయరావు కుప్పలా కూలిపోయాడు. తను నమ్మిన వారంతా మోసం చేశారని పిచ్చివానిలా గావు కేకలు వేశాడు. ఎంతోకాలంగా వారికి వంత పాడిన మిత్రులు, హితులు ఈ సంఘటనతో 'బ్రతుకు జీవుడా' అని అతనికి దూరమైపోయారు. బ్రతికుంటే బలుసాకు తినైనా బ్రతకవచ్చనే నిర్ణయానికి వచ్చి వారి తత్వాలను మార్చుకున్నారు.

రాజేశ్వరమ్మ కొడుకును తలచుకొంటూ కుమిలి కుమిలి ఏడ్చింది. తన బిడ్డ ఈ స్థితికి కారణం తన భర్తే అని అతన్ని అసహ్యించుకొంది. అతని ముఖం చూడడం మానేసింది. త్రివిక్రం తల్లికి అండగా నిలచి వూరడించి ఓదార్చాడు. ఎక్కువ సమయం ఆమె ప్రక్కనే ఉండి గడిపేవాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/JRbO7fGO4K4

'Ananada Madhuranubhuthi - New Telugu Story Written By Neeraja Hari Prabhala

'ఆనంద మధురానుభూతి' తెలుగు కథ

రచన: నీరజ హరి ప్రభల

(ఉత్తమ రచయిత్రి బిరుదు గ్రహీత)

కథా పఠనం: నీరజ హరి ప్రభల

ప్రతి రోజూ సద్గురు శ్రీ త్యాగరాజ స్వామివారిని తలుచుకొంటూ, వారి కృతుల అర్ధం తెలుసుకొంటున్న నా జీవితం ధన్యం. ఇదే ఆలోచనలలో ఉన్న నేను నిన్న రాత్రి స్వప్నంలో సద్గురు శ్రీ త్యాగరాజస్వామి వారిని దర్శించాను. ఆ స్వప్నంలో శ్రీత్యాగరాజ స్వామి వారి దినచర్యను గమనిస్తూ ఉన్నాను.. ఉదయం నుండి రాత్రి నిద్రపోయే దాకా శ్రీత్యాగరాజ స్వామివారు శ్రీరాముని ఏ కీర్తనలతో కొలిచేవారో నాకు తెలుసు.

ఆ ఆనందమధురానుభూతిని మీకోసం...

"తెలతెలవారింది లే, నీరజా! కిటికీ లోంచి భానుకిరణాలు నీమీద పడుతున్నా ఏమిటా మొద్దునిద్ర." అని ఎవరో పిలుస్తున్నట్లు అయి కనులు తెరుద్దామన్నా కనురెప్పలు ఎంతసేపటికీ తెరిపినపడట్లేదు. అదొక అందమైన అద్భుతమైన భక్తి సాగరంలో విహరిస్తూ అలౌకికమైన ఆనందానుభూతిని ఆస్వాదిస్తున్నాను. నిన్న రాత్రి నాకొక స్వప్నం వచ్చినది. అందులో అద్భుతమైన సద్గురు శ్రీ త్యాగరాజస్వామి వారి దివ్యమోహన తేజము నా కనులముందు సాక్షాత్కరించింది. నేను స్వప్నంలో ప్రత్యక్షంగా చూచి తరించిన అలౌకిక ఆనందానుభూతిని ఈరోజు మీ అందరితో పంచుకోవాలనుకుంటున్నాను. అది ఎంత చెప్పినా తనివితీరదు. అనుభవించి తీరాలి. అయినా చెప్పటానికి ప్రయత్నిస్తాను.

"ఆహా! ఏమి నా భాగ్యం!. ఎంత మహత్తరమైన తేజస్సు! సూర్యచంద్రులకు సరిసమానమైన ఆ కళను చూసి తరించాలే కానీ మాటలతో వర్ణించనలవి కాదు".

ఆ మహానుభావుడు తన దివ్యతేజస్సుతో ప్రాతఃకాలముననే నిదుర లేచి కాలకృత్యాలను తీర్చుకుని తన శిష్యులను వెంటనిడుకొని పవిత్రమైన కావేరి నదిలో స్నానం చేసి జపతపాదులను పూర్తి కావించి ఇంటికి రాగా భార్య కమలమ్మ ఎదురేగి అర్ఘపాద్యాదులతో ఆయన పాదములను కడిగి ఆ ఉదకమును తన శిరస్సుపై చల్లుకుంది.

మెత్తటి బట్టతో సుతారంగా భర్త పాదములను తుడిచి వాటిని భక్తితో కనులకద్దుకుని కొంచెం ప్రక్కగా జరిగి భర్తకు దారి ఇవ్వగా చిరునవ్వుతో శ్రీ త్యాగరాజ స్వామివారు లోపలికి వెళ్లి తాను నిత్యమూ పూజించే శ్రీరామచంద్రుని మందిరము ముందు ఆసనముపై కూర్చొని ఆ మందిరము తలుపులను తెరిచి తన రెండు చేతులూ జోడించి "మేలుకోవయ్యా! మమ్మేలుకో రామా! మేలైన సీతా సమేత నా భాగ్యమా!" అని భక్తితో గానం చేస్తూ తన శ్రీరాముని నిద్ర లేపుతున్నారు.

వెంటనే భక్తవశుడైన శ్రీరామచంద్రమూర్తి నవ్వుతూ నిద్ర లేచి "నీవు వచ్చి లేపితే గానీ నాకు తృప్తి ఉండదు. ఇంక నీ పూజ మొదలుపెట్టు" అని అన్నట్లుగా ఆయన చూపులు ఉన్నాయి. త్యాగరాజస్వామి వారు షోడశోపచారాలతో భక్తిగా పూజ మొదలుపెట్టగానే కమలమ్మ గారు ఒక వెండిగిన్నెలో ఆవుపాలను తీసుకొచ్చి అక్కడ పెట్టగా "ఆరగింపవే…" అంటూ ఆ పాలను భక్తితో రామచంద్రమూర్తికి నివేదించగా శ్రీరాముడు దాన్ని ప్రేమగా తీసుకున్నాడు.

వెంటనే త్యాగరాజస్వామి రామునితో "నేను ఇప్పుడే ఉంఛవృత్తికి వెళ్లి నీ పూజకు, నివేదనకు కావల్సిన ఫలములను, ద్రవ్యాలను తీసుకువస్తాను. అంత దాకా నీవు మా సీతమ్మతో సరదాగా ముచ్చటిస్తూ హాయిగా విశ్రాంతి తీసుకో రామా! " అని చెప్పి బయటకు వచ్చారు. తన శిష్యులకు చూపులతో సైగ చేయగానే వాళ్లు వచ్చి "పిలిచారా స్వామీ! " అని చేతులుకట్టుకుని నిలబడ్డారు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/JZ8nznajA3g

'సాలా మై తో సెలబ్రిటీ బన్‌గయా పార్ట్ 2/2' - New Telugu Story Written By Vasundhara

'సాలా మై తో సెలబ్రిటీ బన్‌గయా పార్ట్ 2/2' పెద్ద కథ చివరి భాగం

రచన: వసుంధర

(ప్రముఖ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

జరిగిన కథ:

నన్ను సెలబ్రిటీగా చూడాలన్నది నా భార్య కృప కోరిక.

కాలేజిలో తన సీనియర్ చంద్ర టివి యాంకర్ అయినట్లు తెలుస్తుంది కృపకి.

నన్ను చంద్ర నిర్వహిస్తున్న ‘చిలకా గోరింకా’ ప్రోగ్రాం కి సెలెక్ట్ చెయ్యమని చంద్రని కోరుతుంది.

ఇక సాలా మై తో సెలబ్రిటీ బన్‌గయా పెద్ద కథ చివరి భాగం చదవండి..

ఆ తర్వాత నేను నాకు తెలియకుండానే రచయితనయ్యాను. ఎటొచ్చీ ఆ విషయం కూడా తర్వాతే తెలిసింది.

ఎలా?

ఆ రోజు సాయంత్రం ఐదు.

పడక గదిలో మంచంమీద కూర్చున్న నేను- ‘సీ యూ టుమారో, బై’ అని ఒళ్లోని లాప్‌టాప్‌లో టైపు చేసి- ఓ పక్కనుంచి కింగులా దిగాను. అదే సమయానికి మంచంమీద మరో పక్కనుంచి క్వీనులా దిగింది కృప.

నేనిలా మంచం దిగి, అలా కృపని చూశానో లేదో- జేబులో సైలెంటు మోడ్‌లో ఉన్న మొబైల్ అదిరింది.

చూస్తే కొత్త నంబరు,

“నేను చంద్ర. సీటివిలో ‘చిలకా గోరింకా’ యాంకర్ని. పది నిముషాల్లో వస్తున్నా. మీ దంపతులు నాకోసం ఓ గంట స్పేర్ చెయ్యాలి” అని కట్ చేశాడా చంద్ర.

ఫోన్ మళ్లీ అదిరింది. కారణం ఆ కబురుకి నా బాడీ, మైండూ అదిరాయి. ఫోను అదురుతున్న నా చేతిలో ఉంది.

కృప ఉత్సాహంగా నన్ను సమీపించి, “ఎవరూ, చంద్రేనా? గంటనుంచి చాట్ చేస్తున్నాడు. పది నిముషాల క్రితం ఓకే చేశాను. నాకులా సైమల్టేనియస్ చాటింగు నీకు రాదంటే, ఆఫీసు టైమవగానే నీకు ఫోన్ చేస్తానన్నాడు. నా విషయంలో తను మహా ప్రాంప్ట్” అంది కృప గర్వంగా.

మా ఇంట్లో దేనికైనా పర్మిటింగ్ అథారిటీ తనదేననీ, ఏ టాలెంటులోనైనా తన తర్వాతే నేననీ- చెప్పుకుందుకు వచ్చే ఏ అవకాశాన్నీ వదులుకోదు కృప. అమ్మ, నాన్న, తోడబుట్టినవాళ్లతో సహా- మొత్తం నా బంధుమిత్రులందరికీ ఈ విషయం తెలిసి కనీసం రెండున్నరేళ్లు అయింది.

ఆ జాబితాలో తాజా ఎంట్రీ చంద్రది.

“చంద్ర ప్రాంప్ట్‌నెస్ విషయం సరే, మనమింకా సెలబ్రిటీసు కాలేదుగా!” అన్నాను.

“కాకపోవడమేంటి? గతవారం- ‘చంచల’ వెబ్ మాగజైన్లో నీ మొదటి కథ పడింది. ఆ కథని నాలుగు వాట్సాప్ గ్రూపుల్లో పెడితే, 400 మంది వహ్వా అన్నారు. వాళ్లలో చంద్ర ఒకడు. సో, తనకి నువ్వు సెలబ్రిటీ” అంది కృప వెంటనే.

నేనెప్పుడు కథ వ్రాశానూ అనబోయాను కానీ, కృప నన్ను మాట్లాడనివ్వలేదు.

“చంద్ర టైం చాలా విలువైనది. డౌట్లు తర్వాత! ముందు నువ్వు ఫ్రెష్షయి రా” అంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/1cFgjLgsd00

'Ika Jeevitham Udvega Purithamai - Utthunga Tharangamai - 2' - New Telugu Web Series Written By Pandranki Subramani

'ఇక జీవితం ఉద్వేగ పూరితమై - ఉత్తుంగ తరంగమై - 2' తెలుగు ధారావాహిక

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

జరిగిన కథ:

కుటుంబ పోషణ కోసం ఢిల్లీలోని ఒక మెస్ లో కుక్ గా చేరుతాడు రామభద్రం.

ఒకరోజు అతనికి కలలో ఆ మెస్ నిర్వాహకురాలు రూపవతి కనిపిస్తుంది. అతనిలో అలజడి మొదలవుతుంది.

'ఇక జీవితం ఉద్వేగ పూరితమై, ఉత్తుంగ తరంగమై - పార్ట్ 2' చదవండి.

ఇప్పుడతని మనసు మరొక మారు అటువేపు మళ్లింది. ఇంతకీ కలలోకి రూపవతి ఎలా వచ్చిందని? వచ్చి తన ముందు ఎలా కూర్చుందని? నెమరు వేసుకోవడానికి ప్రయత్నించాడు. బుగ్గనిండా చివచివలాడే కొల్ కొత్తా స్వీట్ పాన్ బిగుంచుకొని, పండి పోయిన ఎర్రటి నాలికను పదే పదే తనకు తాను చూసుకుంటూ, అతడికి కావాలనే చూపిస్తూ- కాటుక కళ్ళను ఎగరేసి నవ్వు తూ, కైపెక్కించే చూపులతో పుర్రెక్కిస్తూ- దగ్గరితనమున్న అత్తకూతురులా జారిపోతూన్న పైట చెంగుని కావాలనే గాలికి వదిలే స్తూ- మురిపంగా తన గడ్డం నిమురుతూ బుజ్జగిస్తూంది- గగన వీధిన వీణ మీటగా వినిపించే మోహన రాగంలా--

ఐనా తను భార్యను విడిచి ఎన్నాళ్ళయిందని? పట్టుమని నెలరోజులు కూడా కాలేదే-- కలలో కూడా రూపవతి మేడమ్ ఒక రిటైర్డ్ ఆర్మీ ఆఫీసరు భార్య అన్నది మరచిపోవచ్చా! మరి కాసేపటికి లేచి చూస్తే అతడికి ముఖం నిండా చెమట చుక్కలు నిండాయి. తిన్నగా మొసలి నోట్లోకి తలదూర్చడం అంటే ఇదేనేమో! ఇంతకీ తనను ఇంతగా హత్తుకుపోవాడనికి రూపవతిలో తనకగుపించినది ఏమిటో! ఇంకేమిటి- అదెప్పుడో వీధి నాటకంలో యెవరో పాడి వినిపించిన పద్యం గుర్తుకి వచ్చింది;

శ్రీనాథుడికి మనసార నమస్కరిస్తూ తలపోసాడు —

“బిగువై, వట్రువులై, విరాజితములై, బింకంబులై- యుబ్బులై, నగసాదృశ్యములై, మనోహరములై, నాగేంద్ర కుంభంబులై, సొగసై, బంగరు కుండలై-”

అబ్బో! ఇక తనవల్లకాదు బాబూ ఆ విరహాగ్నిని భరించడం-- గతి తప్పిన ఆలోచనల్ని తిరిగి దారిలోకి తీసుకురావడానికి కంకణం కట్టుకుంటూ ఆపుకున్నాడ తను. మొదట తన ఇద్దరు కొడుకుల్నీ కళ్లముందుకు తెచ్చుకున్నాడు- పిదప వయసు మళ్ళి కన్న తల్లి దండ్రుల్ని గుర్తుకు తెచ్చుకున్నాడు. అప్పుడు తననే నమ్ముకున్న తన భార్యామణి కాంతం ముఖారవిందం కనిపించింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/mRL50JFkZaY

'Prema Entha Badhiram 3/3' - New Telugu Story Written By Sripathi Lalitha

'ప్రేమ ఎంత బధిరం పార్ట్ 3/3' పెద్ద కథ చివరి భాగం

రచన: శ్రీపతి లలిత

(కథా పఠనం: మల్లవరపు సీతారాం కుమార్)

సుధకి ఎప్పుడో నమ్మకం పోయింది మురళి మీద, మళ్ళీ వచ్చి తమతో గడుపుతాడని. అందుకే, వీలైనంత ప్రవీణ్ తో గడుపుతూ, తండ్రి లేని లోటు తెలియకుండా చేయాలనుకునేది.

అలాఅని, మురళి మీద ప్రవీణ్ కి చెడుగా చెప్పేది కాదు. పెద్ద అయితే మంచిచెడు ప్రవీణే తెలుసుకుంటాడు అనుకునేది.

రామనాథం, రాజ్యలక్ష్మి దిగులు పెట్టుకున్నారు మురళిమీద.

ఎంత ఫోన్లో మాట్లాడినా కొడుకుని చూసి చాలా రోజులయింది, ఎలా ఉన్నాడో ఏమిటో అని.

వీళ్ళ పోరు పడలేక మధ్యలో వచ్చి వెళ్లాడు కానీ, సుధని, ప్రవీణ్ ని తీసుకెళ్లడం గురించి ఏమి అనలేదు.

మురళి వచ్చినప్పుడు, తండ్రి తెచ్చిన బహుమతులు అందరికి చూపించి మురిసిపోయాడు ప్రవీణ్.

సుధ మాత్రం నిర్లిప్తంగానే ఉండేది.

సుధ జీవితం ఇలా అవడానికి తమకొడుకే కారణం అని బాధ పడేవారు మురళి తల్లి, తండ్రులు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/vT2tR-UYj-U

'Vachaspathi' - New Telugu Story Written By Sudarsana Rao Pochampally

'వాచస్పతి' తెలుగు కథ

రచన : సుదర్శన రావు పోచంపల్లి

కథా పఠనం: మల్లవరపు సీతారాం కుమార్

‘పూవు పుట్టగానే పరిమళిస్తుంది’.

ఇది లోక వాడుక. కానీ ఏ పూవూ పుట్టుకతో పరిమళించదు. పెరిగి విప్పారినప్పుడే పరిమళము గుప్పుమంటూ గుబాళిస్తుంది. అట్లనే ఏ కాయైనా పండితేనే పరిమళముతోపాటు మాథుర్యము మనకందిస్తుంది. పూవు రుచి చూడము కాని, కాయను ఓపికలేక కసరుకాయనుండే కొరికేయడమూ మానవ సహజమే. పరిపక్వ దశకొచ్చేటప్పటికి చేదు, వగరు, పులుపు తరువాతనే తీపిదనము ఆస్వాదిస్తాము.

తరువాత జాతులైన, పక్షి రెక్కల బలము పెరిగితేనే ఎగురగలదు, పశువు పాలు మరచి మేత గరిచే దాకనే తల్లి వెంట తిరుగుతుంది. అట్లనే "ఆళి, కుళి, వృచ్చిక, వేణు, రంభ అవసానకాలే ఫలముద్భవంతి" అంటారు. అంటే తుమ్మెద, వెండ్రకాయ(పీత), తేలు, వెదురుచెట్టు, అరటి చెట్టు ఫలమొసంగి చనిపోతాయంటారు.

మానవునికి మాత్రము బాల్య, కౌమార, యౌవన, వార్థక్యమను నాలుగు దశలుండి. శైశవములో పాలుగుడుచుట, బాల్యములో విద్యాభ్యాసము, యౌవ్వనములో సంపాదన. వార్థక్యములో విశ్రాంతి పొందుతూ ఉంటారు.

విద్యాభ్యాసముతో పాటే జ్ఞానము అలవడుతుంది.

కొందరికి ఆ జ్ఞానము చిరు ప్రాయముననే బయట పడితే పూవు పుట్టగానే పరిమళిస్తుంది అను సామెత వాడుతుంటారు.

ఆ జ్ఞానమబ్బుడు చాలా కొద్దిమందిలో మాత్రమే.

కొన్ని తీగ జాతులలో ఉదాహరణకు పొట్ల, ‘పట్టినెత్తుకొనే పందిరెక్కుతుంది’ అంటారు.

అన్ని జీవ జాతులలో మానవ జాతి ఉత్కృష్టమైనది. కాని చెట్టుకు చెదలు పట్టినట్టు కొందరు మానవత్వము చంపుకొని కౄరులుగా దానవులుగా, రాక్షస స్వభావము అలవర్చుకొని సంఘములో చీడలా తయారైతారు. అడవిలో కౄర జంతువులైతే అది స్వాభావికము. కొన్ని కౄర పక్షులూ ఉన్నా అవి అడవికే పరిమితము. తక్కిన పక్షులు, పశువులు మనుషులనాశ్రయించుకొని ఉంటాయి. వాటిలోనూ తరచు కొన్ని తెలివితేటలు బయల్పడుతుంటాయి. అందులో కుక్క విశ్వాసముగల జంతువు. యజమానికొరకు ప్రాణమివ్వడానికి కూడా వెనుకాడదు.

ఇక కథలోకి వస్తే విశ్వేశ్వర్. వినయ ఆదర్శ దంపతులు. ఒకరిమాటకు ఒకరు వ్యతిరేకత కనబరుచరు. అన్యోన్యతకు మారు పేరా అన్నట్టు వ్యవహరిస్తుంటారు. వాళ్ళకో పుత్ర రత్నం- పేరు వాచస్పతి. పదేండ్లైనా విద్య అబ్బదు సరికదా దురలవాటు. దుర్మార్గపు ఆలోచనలే అతని విధానము. విశ్వేశ్వర్, వినయ లోకములో అందరు బుద్ధిమంతులతో పోల్చుకొని తమకీ దురదృష్టమేమిటి అని వాపోతుంటారు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/yvWm8IAX5Ac