Mana Telugu Kathalu | మనతెలుగుకథలు.కామ్ | Telugu Short Stories

'Premante Idena Part 4' - New Telugu Web Series Written By Penumaka Vasantha

'ప్రేమంటే ఇదేనా! పార్ట్ 4' తెలుగు ధారావాహిక

రచన, కథా పఠనం: పెనుమాక వసంత

జరిగిన కథ:

విరిజ ఫ్రెండ్ పద్మ పెళ్లి జరుగుతుంది. పద్మ భర్తకు స్నేహితుడైన ఆనంద్ ని చూస్తుంది విరిజ.

వైజాగ్ లో ఎం ఏ చేరడానికి వెళ్తుంది విరిజ. ప్రేమలో విఫలమైన రాజీని వైజాగ్ రప్పిస్తుంది. రాజీ బ్యాంకు ఎగ్జామ్స్ కి, విరిజ సివిల్స్ కి ప్రిపేర్ అవుతుంటారు.

ఆనంద్ వైజాగ్ లో బ్యాంకు లో పనిచేస్తుంటాడు. వారికి సహాయం చేస్తుంటాడు.

రాజీ కి బ్యాంక్ జాబ్ వచ్చింది. హైదరాబాద్ లో పోస్టింగ్ ఇచ్చారు. విరిజ గ్రూప్స్ కి సెలెక్ట్ అవుతుంది.

ఇక ప్రేమంటే ఇదేనా! పార్ట్ 4 చదవండి.

రోజులు గడుస్తున్నాయి. రాజీ అపుడప్పుడు కాల్స్ చేస్తూ.. ఉంది. అది హైదరాబాద్లో బాగానే క్లిక్ అయింది.

"ఇంటిలో పెళ్లి సంబంధాలు చూస్తున్నారు నాకు విరిజా”

"మరి చేసుకోవే ఒక పని అయిపోతుంది మీ అమ్మ వాళ్లకు" అన్నాను.

"లేదే! ఒకసారి రవిని, ప్రేమించి, మోసపోయాను, ఇపుడు, చేసుకునేవాళ్ళను, జాగ్రత్తగా చూసి, విచారించి, చేసుకోవాలి. "

"గుడ్! అలా ఆలోచించి తీసుకోవే! మంచి నిర్ణయం. "

"ఏ విరిజా !ఆనంద్ ను చేసుకుంటే ఎలా ఉంటుం”దన్నది!

ఒక్కసారి నాకు గుండెలో కలుక్కుమంది.. అయినా తోట్రుపడకుండా, "బానే ఉంటుంది. మీ నాన్న గారిని ఒకసారి ఆనంద్ వాళ్ల అమ్మానాన్న కి కాల్ చేసి కనుక్కోమనవే" అన్నాను.

"అవును కదా! ఇపుడే చెపుతాను. థాంక్స్ విరిజ ఒకసారి ఆనంద్ తో నువ్వు కూడా మాట్లాడవా!” అంది.

"ఆనంద్ కలకత్తా వెళ్ళిపోయాడు. ఇక్కడ ఉంటే మాట్లాడేదాన్ని" అన్నాను.

"కానీ మంచివాడే కదా!” అంది.

“ఏమోనే! నేనేమి అతన్ని దర్మామీటర్ పెట్టీ కొలవలేదు రాజీ. ఎంత గుడ్ ఎంత బాడ్" అని ఫోన్ పెట్టేసాను విసుగ్గా.

'దీనికీ ఏమైందీ! సడెన్గా ఫోన్ కట్ చేసింది. కొంప దీసి విరిజ, ఆనంద్ ను లవ్ చేయటం లేదు కదా. !'

అదేమికాదు, విరిజకు లవ్వంటేనే, గిట్టదు ఛాన్స్ లేదు. అది ప్రేమించదు, సో ఆనంద్ నా వాడే..’ అనుకుంది రాజీ.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/4jpA4lfNiF4

'Nanneppudosthadu?' - New Telugu Story Written By P. Gopalakrishna

'నాన్నెప్పుడొస్తాడు?' తెలుగు కథ

రచన: P. గోపాలకృష్ణ

కథా పఠనం: A. సురేఖ

"అమ్మా, నాన్నెప్పుడొస్తాడు?” విచారంగా ఇంట్లోకి అడుగుపెడుతూ అడిగాడు నాలుగేళ్ళ రిషి.

"అలా అనకూడదు నాన్నా! నాన్న నీకంటే పెద్దవారు కదా! ‘ఎప్పుడొస్తారు?’ అనాలి” చెప్పింది వాళ్ళమ్మ.

"అబ్బా, చెప్పమ్మా" అడిగాడు వాడు.

"నాన్న డ్యూటీ అయిపోయి ఇంటికి వచ్చేసరికి రాత్రి పది గంటలవుతుంది. అప్పటికి నువ్వు పడుకుంటావు నాన్నా" చెప్పారు ఆవిడ.

రిషి తండ్రికోసం ఎదురుచూస్తూ వీధిగుమ్మంలో కూర్చున్నాడు.

"బయట చలిగా ఉంది" అంటూ వాళ్ళమ్మ లోపలికి తీసుకెళ్లింది. రిషి విచారంగా ఒక మూల కూర్చున్నాడు.

"ఏమైంది నాన్నా, అలా ఉన్నావు" అడిగారు ఆవిడ.

"నా పన్ను కదిలిపోయి ఊగుతోంది, భయమవుతోంది" చెప్పాడు రిషి.

"అయ్యో అవునా, మరేమీ పరవాలేదులే ఏమీ అవ్వదు సరేనా, రా బువ్వ పెడతాను" అంది వాళ్ళమ్మ.

తల్లి పెడుతున్న అన్నం ముద్దలు నమలకుండా మింగుతూ కబుర్లలో పడ్డాడు వాడు. "ఇవాళ బళ్ళో రాజుగారి కథ చెప్పారమ్మా" అంటూ ఉత్సాహంగా బళ్ళో చెప్పిన కథ చెప్పసాగాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

'Okkate' - New Telugu Story Written By Dinavahi Sathyavathi

'ఒక్కటే!' తెలుగు కథ

రచన: దినవహి సత్యవతి

కథా పఠనం: మల్లవరపు సీతారాం కుమార్

అనగనగా ఒక గ్రామంలో భైరవశర్మ అనే ధనికుడైన బ్రాహ్మణ పండితుడు ఉండేవాడు. అతని భార్య వేదవతి. ఆ దంపతులకి ఆరేళ్ళ కొడుకు, పేరు రాఘవ శర్మ. భైరవశర్మ, భార్య వేదవతి మడి, ఆచారాలని అధికంగా పాటించేవారు. కొడుకుని తమ కులపు పిల్లలతో తప్ప వేరే కులం వారితో కలవనిచ్చేవారు కాదు. భైరవశర్మకి ఇంటిపనీ తోటపనీ చేయడానికి సూరీడని పాలేరు ఉండేవాడు.

సూరీడుకి ఒక కూతురు, పేరు మంగళ. తల్లిలేని బిడ్డని ఒంటరిగానే పెంచుకొచ్చాడు సూరీడు. మంగళకి ఇప్పుడు ఎనిమిదేళ్ళు. పనికి వచ్చేటప్పుడు కూతుర్ని వెంటబెట్టుకుని వచ్చేవాడు. తండ్రి పని చేస్తుంటే తానూ చిన్న చిన్న పనులు చేస్తూ, ఆడుకుంటూ కాలక్షేపం చేస్తుండేది మంగళ. మంగళతో ఆడుకోవాలని ఉబలాటపడుతున్న కొడుకుని వద్దని వారించాడు భైరవశర్మ.

“ఎందుకు నాన్నా అక్కతో ఆడుకుంటే ఏమవుతుంది?” కొడుకు ప్రశ్నకి కోపం ముంచుకొచ్చి “అది నీకు అక్కేమిటీ, వెధవ వరస కలపడం నువ్వూనూ” కసురుకున్నాడు.

“నువ్వే కదా పెద్దవాళ్ళని పేరు పెట్టి పిలవకూడదన్నావు?”

“మనవాళ్ళని అలా పిలవకూడదన్నాను”

“వాళ్ళు మనవాళ్ళు కాదా?”

“కాదు. వాళ్ళు అంటరాని వాళ్ళు. అలాంటి పిల్లతో నీకు ఆటలేమిటీ?”

“అంటరాని వాళ్ళంటే?”

“అంటే వాళ్ళని మనం ముట్టుకోకూడదు, వాళ్ళతో కలిసి తిరక్కూడదు”

“మన వాళ్ళంటే?”

“అంటే.. అంటే.. నీకిప్పుడు చెప్పినా అర్థం కాదుగానీ పోయి ఆడుకో” తండ్రి విసుక్కునేసరికి బిక్క ముఖం వేసాడు రాఘవ.

ఎంత ఆలోచించినా తండ్రి మాటలు బోధపడలేదు సరికదా ‘వాళ్ళని ముట్టుకో కూడదంటాడు నాన్న. కానీ మరి సూరీడు మా అందరి బట్టలూ ఉతుకుతాడు, ఆరిపోయిన బట్టలు మడత పెడతాడు, అవేగా మేము కట్టుకుంటాము! ఇల్లు ఊడుస్తాడు, అంట్లు తోముతాడు, గేదె పాలు పితుకుతాడు- ఆ పాలేగా నేను తాగుతాను! ఏంటో మరి?’

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/wmf2A3tdeuc

'Andamaina Podarillu' - New Telugu Story Written By Neeraja Hari Prabhala

'అందమైన పొదరిల్లు' తెలుగు కథ

రచన: నీరజ హరి ప్రభల (ఉత్తమ రచయిత్రి బిరుదు గ్రహీత)

కథా పఠనం: మల్లవరపు సీతారాం కుమార్

"ఏయ్ స్విగ్గీ!" ఈరోజు మన పెళ్లిరోజు కదా! సాయంత్రం ఏదైనా సినిమాకి వెళదామా"? అడిగాడు జొమాటో.

"తప్పకుండా!" అంది స్విగ్గీ.

సాయంత్రం ఇద్దరూ సరదాగా సినిమాకి వెళ్లి ఇంటికి వచ్చి కబుర్లు చెప్పుకుంటూ తమ ఫాస్ట్ ఫుడ్ ని కమ్మగా ఆరగించి హాయిగా నిద్రపోయారు.

స్విగ్గీ, జొమాటో అన్యోన్యంగా కాపురం చేసుకుంటూ సంతోషంగా ఉంటున్నారు. వాళ్ల అన్యోన్యమైన కాపురాన్ని చూసి "ముచ్చటైన జంట" అని ఇరుగుపొరుగు అందరూ మెచ్చుకుంటున్నారు.

చూస్తూ ఉండగానే ఏడాది గడిచింది. స్విగ్గీ గర్భవతి అయింది. జొమాటో ఫంక్షన్ ఏర్పాటుచేసి అందరికీ సంతోషంగా విందు ఇచ్చాడు. వచ్చినవాళ్లందరూ ఆ దంపతులను దీవించి కమ్మని విందు ఆరగించి వెళ్లారు. స్విగ్గీకి నెలలు నిండి సుఖప్రసవం జరిగి పండంటి కొడుకు పుట్టాడు. వాడికి "పొటాటో" అని పేరు పెట్టుకొని అల్లారుముద్దుగా పెంచుకుంటున్నారు. పొటాటో క్రమేణా పెరుగుతూ తన ముద్దుముద్దు మాటలతో, ఆటపాటలతో అందరినీ అలరిస్తున్నాడు.

రోజులు గడుస్తున్నాయి. పొటాటోకి మూడు సం.. నిండగానే అక్షరాభ్యాసం చేసి దగ్గరలో ఉన్న మంచి స్కూలులో చేర్చారు స్విగ్గీ, జొమాటోలు. పొటాటో చక్కగా అక్షరాలు దిద్దుతూ శ్రధ్దగా చదువుకుంటున్నాడు. మరో రెండు సం.. లకు స్విగ్గీ గర్భం దాల్చింది. జొమాటో ఆనందానికి అవధులు లేవు. రోజులు ఆనందంగా గడుస్తున్నాయి. నెలలు నిండి సుఖప్రసవం జరిగి స్విగ్గీకి మరో కొడుకు పుట్టాడు. వాడికి "టొమాటో" అని పేరు పెట్టుకొని ప్రేమగా పెంచుకుంటున్నారు స్విగ్గీ, జొమాటోలు. తమ్ముడు పుట్టాడని సంబరంగా ఉంటున్న పొటాటో స్కూలు నుంచి రాగానే తమ్ముడిని ఎత్తుకొని ముద్దుచేస్తూ కాలం గడుపుతున్నాడు.

టొమాటో క్రమేణా పెరిగి పెద్దవుతూ తన మాటలు, ఆటపాటలతో ఇంటిల్లిపాదినీ సంతోషపెడుతున్నాడు. టొమాటోకి మూడు సం.. నిండగానే అక్షరాభ్యాసం చేసి పొటాటో చదువుచున్న స్కూలులోనే టొమాటోను కూడా చేర్చారు స్విగ్గీ, జొమాటోలు.

ప్రతిరోజూ పొటాటో, టొమాటోలు చక్కగా స్కూలుకు వెళ్లి వస్తూ చక్కగా చదువుకుంటున్నారు. కాలం గడుస్తోంది. ఇద్దరూ కష్టపడి చదువుతూ మంచిమార్కులతో పాసవుతున్నారు. రోజులు సాఫీగా గడుస్తున్నాయి. పొటాటో డిగ్రీ పాసయి బాంకు పరీక్షలు వ్రాసి బాంకులో ఉద్యోగం చేస్తున్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/fpAd10kVK_k

'Pragathi Premikulu episode 12' - New Telugu Web Series Written By Ch. C. S. Sarma

'ప్రగతి ప్రేమికులు ఎపిసోడ్ 12' తెలుగు ధారావాహిక

రచన: సిహెచ్. సీఎస్. శర్మ

కథా పఠనం: మల్లవరపు సీతారాం కుమార్

జరిగిన కథ:

బి. డి. ఓ. గా పనిచేస్తున్న అమృతకు యస్. ఐ. వివేకానంద పరిచయమౌతాడు. స్వామి వివేకానంద గురించి అమృత రాసిన పుస్తకం చదవడం పూర్తి చేసాడు అతడు. రాజకీయ నాయకుడు ధనుంజయరావు, ఎస్సై వివేకానందను తన అదుపాజ్ఞలలో పెట్టుకోవా లనుకుంటాడు.

వివేకానంద తండ్రి మృతి సహజం కాదనీ, అందులో వివేకానంద పినతండ్రి ధనుంజయ రావు ప్రమేయం ఉందని చెబుతాడు మేనమామ ఆదిశేషయ్య.

తన బర్త్ డే కి విజయ్ ని ఇన్వైట్ చేస్తుంది అమృత.

ధనుంజయరావు. కొడుకు ఉపేంద్రను హత్యానేరంపై అరెస్ట్ చేస్తాడు వివేకానంద.

ఉపేంద్రకు యావజ్జీవ కారాగార శిక్షను విదిస్తుంది కోర్ట్.

హాస్పిటల్ కోసం కడుతున్న బిల్డింగ్ కూలిపోవడంతో 'ఏఈ' గా పనిచేస్తున్న తన తమ్ముడు విజయానందను, కాంట్రాక్టర్ ధర్మలింగాన్ని అరెస్ట్ చేస్తాడు వివేకానంద.

ఇక ప్రగతి ప్రేమికులు ఎపిసోడ్ 12 చదవండి.

జైలునుండి విడుదలైన విజయానంద, ధర్మలింగాలను అమృత, వివేకానందలు కలిసి, జోగయ్య బృందం వలన మీకు హాని కలుగకుండా ఉండేదానికి అరస్ట్ చేయవలసి వచ్చిందని, మీరు నిర్దోషులని అసలు నేరస్తులను, జోగయ్యను పట్టుకొన్నామని, వారిచేత నేరాన్ని ఒప్పించామని, వారికి శిక్ష తప్పదని వివరించారు.

ఆ నేరస్థులకు రొండు సంవత్సరాల కారాగార శిక్ష, తలా పాతికవేల జరిమానా జడ్జిమెంటులో వెల్లడయింది. ఆ రాత్రి వివేకానంద తమ్ముడు విజయానందను తన క్వార్టర్ కు రమ్మన్నాడు. విజయ్ వెళ్ళాడు. తమ్ముడిని సాదరంగా లోనికి ఆహ్వానించాడు వివేకానంద.

“విజయ్..! నీకు నా మీద కోపంగా వుండా..!" అతని ముఖంలోకి దీనంగా చూస్తూ అడిగాడు వివేక్.

అన్నగారి కళ్ళల్లో చుట్టుకొంటున్న కన్నీటిని చూచాడు విజయ్. అతని హృదయంలో తన అన్నయ్య పట్ల ఉన్నది గౌరవం, అభిమానం, ప్రేమ. వివేక వాలకాన్ని చూచిన విజయ్ కళ్ళల్లో కన్నీరు…

"అన్నయ్యా..! నీవు నా అన్నయ్యవని చెప్పుకొనే దానికి నాకు గర్వంగా వుందన్నయ్యా..! నాకు నీ మీద కోపమా..! ఇప్పుడే కాదు అసలు ఎప్పటికీ రాదు. కారణం నీ వృత్తిని నీవు ఆరాధిస్తావు. కర్తవ్య నిర్వహణలో నీకు పక్షపాతం అన్నది లేదు. కొందరు ప్రజల్లో ఉన్న స్వార్ధం, ధ్వేషం, మోసం, అవినీతి, అహంకారం, నశించాలంటే నీలాంటి పోలీస్ ఆఫీసర్ ఈ రాష్ట్రానికి, మన దేశానికి ఎంతో అవసరం. అప్పుడే గుండాలు, రౌడీలు అణగిపోతారు. వారి మనస్తత్వాల్లో సాటి వారికి పడ్డ శిక్ష సింహాస్వప్నం అవుతుంది. ఈ సిద్ధాంతాలు నమ్మి, ఆచరచించే నీవు నాకు అన్నవైనందుకు నాకు గర్వం, ఎంతో సంతోషం అన్నయ్య. ఏ నేరము చేయని నేను, నీవు నన్ను అరెస్ట్ చేసినప్పుడు భయపడలేదు. నిన్ను తలచుకొని ఎంతగానో ఆనందించాను." ఎంతో ఆవేశంతో చెప్పాడు విజయ్.

తమ్మునికి తన పట్ల వున్న నమ్మకానికి, గౌరవానికి వివేకానంద సంతోషించి విజయ్ ను తన హృదయానికి హత్తుకొన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/8HhvnNCOS7Q

'Amavasya Vennela - Episode 3 - New Telugu Web Series Written By BVD Prasada Rao

'అమావాస్య వెన్నెల - ఎపిసోడ్ 3' తెలుగు ధారావాహిక

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

జరిగిన కథ:

టాక్సీ డ్రైవర్ శ్రీరమణ నీతీ నిజాయితీలు ఉన్న యువకుడు.

అనుకోకుండా అతని టాక్సీ క్రింద చంద్రిక అనే యువతి పడుతుంది.

గాయపడ్డ ఆమెను అతనే హాస్పిటల్ లో చేరుస్తాడు.

ఆమె తల్లి సావిత్రి, చెల్లెలు ఇంద్రజ హాస్పిటల్ కి వస్తారు.

నిజానికి ఇంటర్వ్యూ కోసం వెళ్లిన చంద్రికతో అసభ్యంగా ప్రవర్తించబోతాడు కామేశం. అతన్ని తప్పించుకునే ప్రయత్నంలోనే ఆమె నడుపుతున్న స్కూటీ శ్రీరమణ కారు కింద పడుతుంది.

చంద్రిక వైద్యం ఖర్చులు తను భరిస్తానని చెబుతాడు శ్రీరమణ.

ఇక అమావాస్య వెన్నెల ధారావాహిక ఎపిసోడ్ 3 చదవండి..

హాస్పిటల్ ముందు.. బైక్ ఆపాడు కామేశం.

బండి దిగి చుట్టూ చూస్తున్నాడు.

ఎవరెవరో అగుపిస్తున్నారు.

చంద్రిక భోగట్టా ఎలా తెలుసుకోవాలో యోచిస్తున్నాడు కామేశం.

అప్పుడే కంపౌండర్ వీరయ్య.. యాద కొచ్చాడు.

బైక్ ను పక్కన నిలిపి హాస్పిటల్ లోకి కదిలాడు.

వీరయ్యకై వాకబు చేపట్టాడు.

పావుగంట లోపునే వీరయ్యను కలవగలిగాడు.

"ఏంటి సారూ." అడిగాడు వీరయ్య.

"ఒకరి గురించి తెలుసుకోవాలని వచ్చాను." చెప్పాడు కామేశం.

"ఎవరికై." అడిగాడు వీరయ్య.

"ఉదయం స్కూటీ యాక్సిడెంట్ ఐంది. ఆ అమ్మాయిని ఇక్కడికే తెచ్చారు. దాని కోసమే వచ్చాను. నువ్వు ఇక్కడి వాడివేగా. తెలుస్తుందని.." మెల్లి మెల్లిగా మాట్లాడుతున్నాడు కామేశం.

అంతలోనే..

అటుగా.. చంద్రిక ఉన్న స్ట్రెచర్.. దాని వెనుక ఇద్దరు ఆడ వాళ్లు.. వాళ్ల వెనుక పోలీసులతో కూడిన ముగ్గురు మగాళ్లు.. రావడం చూసిన కామేశం.. మాటలు ఆపేసాడు.

వాళ్లలోని శ్రీరమణను పోల్చాడు.

'ఇతడి కారుకేగా చంద్రిక స్కూటీ గుద్దుకుంది..' అనుకున్నాడు.

ఆ వెంబడే..

'చంద్రికను హాస్పిటల్ కు తీసుకెళ్లింది ఇతడేగా..' అని కూడా అనుకున్నాడు.

వెనుక్కు తగ్గాడు.

ఆ స్ట్రెచర్ తో పాటు.. వాళ్లంతా తనను దాటుకు పోయేక..

"వీరయ్య.. ఇదే.. ఈ సంగతే.. ఈ అమ్మాయే.." అనగలిగాడు కామేశం తడబాటులతో.

"ఓ. ఇదా. అమ్మాయికి పెద్దగా దెబ్బలేమీ కాలే. కానీ యాక్సిడెంట్ షాక్ కు తెలివి పోయింది. ఇంట్లో పెట్టుకొని వైద్యం చేయించుకుంటారట." చెప్పాడు వీరయ్య.

"అంటే.. బతుకుతుందా." ఆత్రమయ్యాడు కామేశం.

"ఏమో. కోమా లాంటిదేనట. తెలివి రాందే ఏమీ చెప్పడం కాదట." చెప్పాడు వీరయ్య.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/HHtMylroLPE

'Chikati Velugulu Part 2/2' - New Telugu Story Written By Allu Sairam

'చీకటి వెలుగులు పార్ట్ 2/2' పెద్ద కథ

రచన: అల్లు సాయిరాం

కథా పఠనం: మల్లవరపు సీతారాం కుమార్

జరిగిన కథ:

ప్రకాష్ ఒక ఔత్సాహిక రచయిత.

అయితే సరైన అవకాశాలు లేవని నిస్పృహలో ఉంటాడు.

అతని తండ్రి, ప్రకాష్ ని చిత్రకారుడు శేఖర్ కి పరిచయం చేస్తాడు.

కళ్ళు లేకపోయినా చక్కటి నఖ చిత్రాలు గీస్తున్న శేఖర్ గతం అడుగుతాడు ప్రకాష్.

డిఫెన్స్ ఉద్యోగంలో చేరబోయే సమయంలో కళ్ళు పోగుట్టుకున్న విషయాన్ని వివరిస్తాడు శేఖర్.

ఇక చీకటి వెలుగులు పార్ట్ 2 చదవండి.

శేఖర్ కొనసాగిస్తూ "తర్వాత హాస్పిటల్లో డాక్టర్ నాన్నతో ఆ కర్రముక్క కంట్లో చాలాబలంగా గుచ్చుకుంది. ఒక కంటి ద్వారా రెండో కంటికి కూడా ఇన్ఫెక్షన్ మూలంగా సోకి పూర్తిగా కంటిచూపు పోయింది అని చెప్తుంటే, పెట్టుకున్న ఎన్నో ఆశలు నెరవేరకపోగా, పైగా తాను కొట్టిన కర్రముక్క వలన యిలా జరిగిందని, కొడుకు జీవితం చీకటి అయిపోతుందన్న విషయం జీర్ణించుకోలేని తండ్రి బాధ ఎంత వర్ణనాతీతంగా ఉంటుందో, ఆ బాధలో ఆయన చేసిన ప్రయత్నాలు, ప్రార్ధనలు, దండాలు మీ ఊహకే వదిలేస్తున్నాను. ఎంత ప్రార్థించినా, బతిమాలినా డాక్టర్ అవకాశం లేదని చెప్పేయడంతో, కొన్నిరోజుల తర్వాత హాస్పిటల్ నుంచి డిశ్చార్జ్ చేసి నన్ను యింటికి తీసుకువచ్చారు.

సాధారణంగా సాగిపోతున్న మా జీవితసముద్రాల్లో ఊహించని అలజడి రేపిన అలల ధాటికి చితికిపోయిన తండ్రి హృదయం, యింటికి నన్ను పరామర్శించడానికి వచ్చిన వాళ్ళందరూ ఎలా జరిగింది అని అడుగుతుంటే, సమాధానం చెప్పలేక, ఉద్దరిస్తాడు అనుకున్న కొడుకు ఉసూరుమంటూ మూల కూర్చునేటట్టు, నా చేతులతో నేనే చేసినాను. అంతా నా కర్మ! మళ్లీ బాబుకి చూపు వస్తుందంటే, నా చూపు వాడికివ్వనా! అని అంటూ తలుచుకుని తలకొట్టుకుంటూ కుమిలిపోయేవాడు! నా పరిస్దితి యింకా అధ్వాన్నం. పగలైనా, పడుకున్నా చీకటే! నేను పుట్టి పెరిగిన యింట్లో బతకడమే కష్టంగా అనిపించేది.

తండ్రిగా నాన్న నా చిన్నప్పుడు చెయ్యిపట్టుకుని చేయించిన చిన్నచిన్న పనులు మళ్లీ చేయిస్తుంటే, నాకు రెండో జన్మలా అనిపించింది. పనులు మానుకుని నాన్న యింటి దగ్గర నన్ను చూసుకోవడానికి ఉండిపోయేవాడు!" అని భావోద్వేగంగా చెప్తూ, ప్రకాష్ నుంచి స్పందన లేకపోవడంతో "ప్రకాష్ గారు! ప్రకాష్ గారు!!" అని పిలిచాడు శేఖర్.

"ఆఁ చెప్పండి! యిక్కడే ఉన్నాను. వింటున్నాను!" అని పొడిబారిన గొంతుతో అన్నాడు ప్రకాష్.

"ఓఁ ఉన్నారా! ఎటువంటి శబ్దం లేకపోయేసరికి" అని శేఖర్ అంటుంటే "మీరే కదా, మధ్యలో ఏం అడగొద్దన్నారు! అయినా, తరువాత జరిగేది ఊహకి కుడా ఏం అందట్లేదులేండి!" అని అన్నాడు ప్రకాష్.

"అయ్యోయ్యో! ఏమైనా అడగాలంటే అడగండి. పర్వాలేదు!" అని అన్నాడు శేఖర్.

"మీకు పర్వాలేదు. కానీ, మాకు యిబ్బంది శేఖర్!" అని అన్నాడు జగన్నాథం అక్కడికి వస్తూ.

"ఏమైంది గురువుగారు?" అని శేఖర్ కంగారుపడుతుంటే "ఏంలేదు శేఖర్! మాట్లాడండని అంటే, టైం రాత్రి పదిన్నర గంటల దాటుతున్నా యింకా మాట్లాడుకుంటున్నారు. యింటికి బయలుదేరు శేఖర్. రేపు ఉదయం మళ్ళీ రావాలి కదా! మిగతా సగం కథ రేపు మాట్లాడుకోండి!" అని జగన్నాధం నవ్వుతూ అంటే "సరే సార్!" అని అంటూ తన చేతిసంచి సర్దుకుని బయలుదేరుతున్నాడు శేఖర్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/e01P-fQeOPs

'Nagaramlo Vantavida' - New Telugu Story Written By Jidigunta Srinivasa Rao

'నగరంలో వంటావిడ' తెలుగు కథ

రచన : జీడిగుంట శ్రీనివాసరావు

(ప్రముఖ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

“నాన్నా! దేశాంతరాలు వెళ్ళిపోతారు కానీ నా దగ్గరికి రమ్మంటే బద్ధకం మీకు. మాకు కూడా మీతో గడపాలని ఉండదా, అమ్మని అడిగితే ‘నన్ను అడిగి లాభం ఏముంది ఆ మొండి మనిషి ని అడుగు’ అంటుంది.. మీరు మాత్రం హైదరాబాద్ పట్టుకుని వుంటారు. అక్కడైనా, నా దగ్గరైనా మీరు చేసే పని ఏముంటుంది.. గంటల తరబడి యూట్యూబ్ చూడటం, ఫోన్లో మాట్లాడుకోవడం” అన్నాడు తండ్రి శ్రీకాంత్ తో కొడుకు వినయ్.

“నాకు రాకూడదు అనికాదు రా, ప్రయాణాలు చెయ్యలేకపోతున్నాను అంతే. మీ మొగుడు పెళ్ళాలు యిద్దరు జాబ్ కి వెళ్ళిపోతారు, మనవడు స్కూలుకి. అమ్మకి వంటా, నాకు ఫోన్, పెద్ద మార్పు ఏమి వుంటుంది?” అన్నాడు కొడుకు తో శ్రీకాంత్.

“అదేమిటి డాడీ, వంట కి వంటమనిషి వుంది అని చెప్పానుగా, అప్పుడే మర్చిపోయారా” అన్నాడు కొడుకు వినయ్.

“వంటమనిషి వుంటే మంచిదే, అమ్మకూడా యిక్కడ నాకు వంట చేసి బాగా అలిసిపోయింది, అక్కడ కి వస్తే కొద్దిగా రెస్ట్ తీసుకుంటుంది లే. నాకు కూడా కాళ్ళు నొప్పి, అక్కడకి వస్తే మనవడు, నువ్వు కొద్దిగా కాళ్ళమీద కూర్చుంటారు, హాయిగా వుంటుంది, వచ్చే వారం కి ఫ్లైట్ టికెట్స్ బుక్ చెయ్యి, ట్రైన్ లో అంతసేపు కూర్చోలేను” అన్నాడు శ్రీకాంత్.

“అవును.. వంటమనిషి మనవాళ్లేనా, ముంబయిలో మన వాళ్ళు దొరుకుతారా?” అని ఆడిగాడు కొడుకుని.

“ఆ.. మనవాళ్లే! జానకమ్మ పేరు, అయితే మరాఠి తప్పా ఏమి రాదు, యిప్పుడే కొద్దిగా హింది నేర్చుకుంటోంది” అన్నాడు వినయ్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/GnRyFx5NtYA

'Ika Jeevitham Udvega Purithamai - Utthunga Tharangamai - 3' - New Telugu Web Series Written By Pandranki Subramani

'ఇక జీవితం ఉద్వేగ పూరితమై - ఉత్తుంగ తరంగమై - 3' తెలుగు ధారావాహిక

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

జరిగిన కథ:

కుటుంబ పోషణ కోసం ఢిల్లీలోని ఒక మెస్ లో కుక్ గా చేరుతాడు రామభద్రం.

ఒకరోజు అతనికి కలలో ఆ మెస్ నిర్వాహకురాలు రూపవతి కనిపిస్తుంది. అతనిలో అలజడి మొదలవుతుంది.

తన ఊరికి వెళ్లి రావడం కష్టంగా ఉందని, పని మానేసి వెళ్ళిపోతానంటాడు భద్రం. కుటుంబాన్ని ఢిల్లీకి తీసుకురమ్మని, అవసరమైన సహాయం చేస్తానని చెబుతుంది రూపవతి.

'ఇక జీవితం ఉద్వేగ పూరితమై, ఉత్తుంగ తరంగమై - పార్ట్ 3' చదవండి.

ఆవేదనా పూర్వమైన అతడి మాటలు విన్నంతనే ఆమెలో హృదయావేశం పొంగింది. వయసు ముదిరిన తల్లిదండ్రుల కోసం ఎంతమంది ఈరోజుల్లో అంతగా ఆలోచిస్తారు? ఇప్పటి తరం వాళ్ళు చాలా మంది గట్టు దాటిన తరవాత తెప్పను తగలబెట్టే రకమే--

అప్పుడు రామభద్రమే మళ్ళీ అందుకున్నాడు- “పోను రెండురోజులు- రాను మరొక రెండురోజులు- ఇది దాదాపు నాకు వల్లకాని వ్యవహారమండీ—ఇందులో మరొకటి కూడా ఇమిడి ఉందండీ! రాఘవయ్యగారు నాకు కన్నతండ్రే కాదు- నాకు గురువు గారు కూడాను. పాకశాస్త్ర వ్యవహారమంతా చిన్నప్పుడు ఆయనే నేర్పారు. ఆ తరవాతనే కామయ్యగారి వద్దకు మరింతగా వంట పనులు నేర్చుకోవడానికి పంపించారు. ఇప్పుడాయననూ అమ్మనూ అలా గాలికి వదిలి రావడం ఏమాత్రమూ సముచితంగా తోచడం లేదండీ!

ఇక నేను బయల్దేరడానికి ఇంకా నాలుగైదు రోజులున్నాయి గనుక నేను గంగాధరానికి ఓ మాట చెప్పి- నాకు వత్తాసుగా నిలచిన ఇద్దరు ముగ్గురుకి కూడా ఓ మాట చెప్పి వస్తానండి. మనస్ఫూర్తిగా చెప్తున్నాను, మీరు నా పట్ల చూపించిన ఆదరణ నేనెన్నటికీ మరవలేనండీ! మొదట్లో ఇంకేమో అనుకున్నాను గాని-- ఇంత కచ్చితంగా నికార్సుగా పని వాళ్ల అవసరాలు తెలుసుకుని జీతభత్యాలందించే ఓనర్ ని నేనింత వరకూ చూడలేదండి.

పెద్ద పెద్ద హోటేల్ వాళ్ళు కూడా మా బోటి వాళ్ల వద్దకు వచ్చేటప్పటికి పిలకలు పట్టుకుని ఆటలు ఆడిస్తారు. జీతభత్యాలివ్వకుండా పి ఎఫ్ కట్టకుండా పదిహేనవ తేదీవరకూ ఈడ్చుకుంటూ పోతారండి. ఈవిషయంలో మీవి అమృత హస్తాలండి” అపరిమితమైన ఆవేశానికి లోనైపోయి అసంకల్పితంగా రూపవతి చేతిని అందుకుని కళ్ళకు హద్దుకున్నాడు.

అతడు చూపించిన అభిమానానికి ఆమె నేత్రాలు తడిసాయి. ఇంతటి ఉన్న త సంస్కా రవంతుడి ఉనికిని కోల్పోవచ్చా! ఆణిముత్యాలు కడలి అడుగున కదూ ఉంటాయి-- ఆమె తన చేతిని వెనక్కి తీసు కుంటూ అంది- “నేనొకమాట చెప్తాను వింటారా! ”

ఉఁ అన్నాడతను.

“నా అనుభవంలో నాకు తెలిసినంత వరకూ చాలామంది పని చేస్తారు ఏనో తానుగా-- కాని అందరూ మనసుంచి పని చేయరు. కాబట్టి చెప్తున్నాను, ఇక మీరక్కడుండకండి. మళ్లీ ఇక్కడకు వెంటనే వచ్చేయండి. నాకిక్కడ కాస్తంత దూరాన సింగల్ విజిటర్స్ రూముంది. ఇన్నాళ్లూ బాడుగపైన అక్కడుంటూన్న వారు ఖాలీ చేయబోతున్నారు. మీరూ- మీవాళ్ళందరూ ఆ సింగిల్ రూము గదిలోకి వచ్చేయండి. సరేనా?"

“వీలుపడదేమోనండీ! ఎందుకంటే మాకుటుంబానికి ముఖ్యంగా మా అమ్మానాన్నలకు సింగిల్ బెడ్ రూము చాలక పోవచ్చం డి. అందునా మాకుర్రాలిద్దరికీ ఇక్కడ స్కూలులో సీట్లు దొరకకడమంటే మాటలు కావుగా! వంటవాణ్ణి—అంతెత్తు విరాళాలు ఫీజు లూ ఇచ్చుకోలేనుగా-- అక్కడి వ్యవహారం వేరు—ఏదో ఒక పంచాయతీ బోర్డు స్కూలులో చేర్పించేయ వచ్చు”

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/Uk8BYmHBvFc

'Vanaja Vanta Prahasanam Ramarao asahanam - New Telugu Story Written By M. Bhanu

'వనజ వంట ప్రహసనం - రామారావు అసహనం' తెలుగు కథ

రచన: M. భాను

కథా పఠనం: మల్లవరపు సీతారాం కుమార్

పలకరిస్తుంటే బిత్తర చూపులు చూస్తోంది వనజ. కళ్ళు నుండి నీళ్లు ధారాపాతం గా కారిపోతున్నాయి. డాక్టర్లకి కూడా అంతు పట్టడం లేదు వనజ బాధ ఏమిటో.

అప్పటికి వారం నుండి ఇలా సాగుతోంది. ఒకరోజు వనజ హఠాత్తుగా మంచం మీద కూర్చుని భయం భయంగా బిత్తర చూపులు చూస్తోంది, రామారావు ఆఫీస్ నుండి వచ్చేటప్పటికి.

“ఏమైంది వనజా..” అని దగ్గరికి వెళ్ళబోతే ఇంకా ముడుచుకుపోయింది. తలను మోకాళ్ళ మధ్య పెట్టుకుంది.

ఏమైందో తెలియక రామారావు కాసేపు మౌనంగా వనజనే చూస్తూ కూర్చున్నాడు. రామారావును చూస్తుంటే ఇంకా బెదిరిపోయి ముడుచుకుపోతోంది.

రామారావుకి ఏమీ అర్థం కావటం లేదు. రోజు చూసే నన్ను చూసి ఇలా అయిపోతుంది ఏమిటి అనుకున్నాడు.

బయటికి వచ్చి తన అత్తగారికి ఫోన్ చేశాడు. వాళ్లు ఉండేది మూడవ వీధిలో. వనజ పరిస్థితి వివరించి చెప్పాడు. ఇప్పుడే 10 నిమిషాల్లో వస్తాను అని చెప్పి ఫోన్ పెట్టేసింది. వనజ తల్లి సీతాయమ్మ పెద్ద కొడుకుని తీసుకుని రామారావు ఇంటికి వచ్చింది. రామారావు ని అడిగింది వనజ ఎక్కడ అని. బెడ్ రూమ్ వైపు చూపెట్టాడు రామారావు.

“సరే మీరు ఇక్కడ ఉండండి, నేను వెళ్తా”నని లోపలికి వెళ్ళింది సీతాయమ్మ.

“రండి బావ.. ఇలా కూర్చోండి” అని రామారావు చేయి పట్టి సోఫాలో కూర్చోబెట్టాడు సుందరం.

“ఏమిటో బావా, ఎప్పుడు ఇంటికి వచ్చేటప్పటికి కాఫీ చేతిలో పెట్టేది. ఏమైనా తినడానికి ఇచ్చేది. లొడ లొడ మాట్లాడేది. ఇప్పుడు ఇలా! ? ఏమిటో నాకు అర్థం కావట్లేదు” అని కన్నీళ్ల పర్యంతం అయ్యాడు.

సుందరం, “ఊరుకో బావ! ఏమిటి కన్నీళ్లు, డాక్టర్ చూస్తున్నారుగా, ఏమీకాదు, ఏదో చూసి జడుసుకుని ఉంటుంది” అన్నాడు.

“ఏమో బావ! నన్ను చూస్తోనే ముడుచుకుపోతోంది.”

“బావ! ఏమీ అనుకోకు, ఒక విషయం అడుగుతాను, నిజాయితీ గా చెప్పు” అన్నాడు సుందరం.

“నీకు తెలియని విషయం ఏమీ లేదు, సరే అడుగు” అన్నాడు రామారావు.

“మీ మధ్య గొడవ ఏమైనా జరిగిందా? మా చెల్లిని కొట్టేవా? లేక ఏమైనా బెదిరించావా?” అన్నాడు సుందరం

“చ్ఛా! నేను కొట్టడం ఏమిటీ? ఆడవాళ్ళ మీద చెయ్యి చేసుకునెంత మూర్ఖుడిని కాదు. అయినా నా గురించి తెలిసీ ఇలా ఎలా బావా! ?” బేలగా అన్నాడు రామారావు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/6vDFn0mGIDE