Mana Telugu Kathalu | మనతెలుగుకథలు.కామ్ | Telugu Short Stories

'Kotha Keratam Episode 3' - New Telugu Web Series Written By Dinavahi

రచన: దినవహి సత్యవతి

కథా పఠనం: మల్లవరపు సీతారాం కుమార్

జరిగిన కథ:

అచ్యుతాపురం గ్రామంలోని ఒక మోతుబరి రైతు రామయ్య, ఆయన భార్య జానకి. వారి కుమారుడు రాజేంద్ర, కోడలు కళ్యాణి. డెలివరీ కోసం అడ్మిట్ అయిన కళ్యాణి పరిస్థితి సీరియస్ అని చెబుతారు డాక్టర్లు.

హాస్పిటల్ లో సూరజ్ అనే వ్యక్తి తారసపడతాడు రాజేంద్రకి. తాను రామయ్య గారి సహాయంతో చదువుకున్నానని చెబుతాడు అతను.

రాజేంద్ర భార్య క్షేమంగానే ఉందనీ, పుట్టిన బిడ్డ మరణించిందనీ చెబుతాడు డాక్టర్.

తనకు కొడుకు పుట్టి రెండు రోజులే అయిందనీ, డెలివరీ కాగానే తన భార్య చనిపోయిందనీ చెబుతాడు సూరజ్.

తాను అమెరికా వెళ్ళిపోతున్నట్లు చెబుతాడు. తన కొడుకును పెంచుకొమ్మని రాజేంద్రతో చెబుతాడు సూరజ్.

కొత్త కెరటం! ఎపిసోడ్ - 1 కోసం ఇక్కడ క్లిక్ చేయండి.

కొత్త కెరటం! ఎపిసోడ్ - 2 కోసం ఇక్కడ క్లిక్ చేయండి.

ఇక కొత్త కెరటం! ఎపిసోడ్ - 3 చదవండి.

అంతలోనే అటుగా వచ్చిన వ్యక్తులను చూసి “మీలో రాజేంద్ర ఎవరు?” అని అడిగింది.

“నేనే” అనగానే రామయ్యగారు అనే వ్యక్తి ఫోన్ చేయమన్నారని చెప్పి వెళ్ళిపోయింది నర్స్.

“అయ్యో అసలు ఆ విషయమే మర్చిపోయాను సుమా! నాన్నెంత కంగారుపడుతుంటారో? ఇప్పుడే చేస్తాను”

“ఆగాగు మనం అనుకున్నట్లు అంతా సర్దుబాటు చేసాక శుభవార్త చెప్దువుగాని. ముందుగా డాక్టర్ ని కలుద్దాము పద” వారిస్తూ అటుగా అడుగులు వేసాడు సూరజ్.

“ఓ! సరే సరే” ఫోన్ జేబులో పెట్టుకుని, అవసరమైతే పిలవమని కళ్యాణి అటెండర్ కి చెప్పి, సూరజ్ ని అనుసరించాడు.

డాక్టర్ ఛాంబర్ కు వెళ్ళి “మే ఐ కమిన్” తలుపు తట్టాడు సూరజ్.

“కమిన్”

లోనికి వచ్చిన వ్యక్తులను చూసి “ఓ మీరా రండి కూర్చోండి” కుర్చీలు చూపిస్తూ సైగ చేసాడు.

“థాంక్యూ”

“మీ స్నేహితుడిని వెంటబెట్టుకుని వచ్చారేమిటీ విశేషం?” రాజేంద్ర వైపు ప్రశ్నార్థకంగా చూస్తూ అడిగాడు.

“మీతో అత్యవసరమైన పనుండి వచ్చాము”

“చెప్పండి”

తనకీ రాజేంద్ర పరివారానికీ ఉన్న పరిచయం, వాళ్ళు చేసిన సహాయం క్లుప్తంగా చెప్పి “మీకు తెలుసు కదా నా భార్య మగబిడ్డని ప్రసవించి చనిపోయిందనీ, రాజేంద్ర భార్యకి పుట్టిన ఆడబిడ్డ చనిపోయిందని”

“అవునూ. అయితే?” డాక్టర్ భృకుటి ముడివడింది.

“కళ్ళైనా తెరవకముందే తల్లిని కోల్పోయిన నా బిడ్డకి తల్లినీ, బిడ్డని పోగొట్టుకున్న విషయమే తెలియని అపస్మారక స్థితిలో ఉన్న ఆ తల్లికి బిడ్డనీ ఇవ్వమని మిమ్మల్ని అర్థించడానికి వచ్చాను”

“అంటే?”

“నా బిడ్డని ఇతని భార్యకి ఇచ్చి ఆతడి చనిపోయిన బిడ్డని నేను తీసుకునేలా. అందుకు మీరు తోడ్పడాలని అర్థిస్తున్నాను”

“అదెలా? అది మా ఆస్పత్రి నియమాలకి విరుద్ధం” డాక్టర్ స్వరంలో తీవ్రత.

“నాకు తెలుసు డాక్టర్ అడగకూడనిది అడుగుతున్నానని. కానీ ఈ విషయంలో మానవతా ధృక్పథంతో ఆలోచించి నా బిడ్డకి తల్లి ప్రేమని ప్రసాదించమని, మనవల కోసం కళ్ళు కాయలు కాచేలా ఎదురుచూస్తున్న వృద్ధ దంపతులు, రాజేంద్ర తల్లిదండ్రుల మనసులలో ఆనందం నింపమని వేడుకుంటున్నాను”

“...............”

“ఇది మీ ఆస్పత్రి. మీరు తలుచుకుంటే తప్పక ఈ సహాయం చేయగలరు ప్లీజ్” ప్రాధేయపడ్డాడు సూరజ్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/Q9fGbvI0q94

'Ika Jeevitham Udvega Purithamai - Utthunga Tharangamai - 6' - New Telugu Web Series Written By Pandranki Subramani

'ఇక జీవితం ఉద్వేగ పూరితమై - ఉత్తుంగ తరంగమై - 6' తెలుగు ధారావాహిక

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

జరిగిన కథ:

కుటుంబ పోషణ కోసం ఢిల్లీలోని ఒక మెస్ లో కుక్ గా చేరుతాడు రామభద్రం. ఒకరోజు అతనికి కలలో ఆ మెస్ నిర్వాహకురాలు రూపవతి కనిపిస్తుంది. అతనిలో అలజడి మొదలవుతుంది.

తన ఊరికి వెళ్లి రావడం కష్టంగా ఉందని, పని మానేసి వెళ్ళిపోతానంటాడు భద్రం. కుటుంబాన్ని ఢిల్లీకి తీసుకురమ్మని, అవసరమైన సహాయం చేస్తానని చెబుతుంది రూపవతి. ఇంటికి వెళ్లిన రామభద్రం ఢిల్లీకి రావడానికి తన కుటుంబ సభ్యులను ఒప్పిస్తాడు.

ఢిల్లీకి చేరుకున్న భద్రం కుటుంబానికి వసతి చూపిస్తుంది రూపవతి.

రూపవతి ప్రవర్తన కాస్త అసహజంగా కనిపిస్తుంది భద్రానికి. ఆమెతో నిగ్రహంగా వ్యవహరించాలని అనుకుంటాడు.

అతను ఆఫీసుకు రాకపోవడంతో ఏమై ఉంటుందని ఆలోచిస్తుంది రూపవతి.

'ఇక జీవితం ఉద్వేగ పూరితమై, ఉత్తుంగ తరంగమై- పార్ట్ 6' చదవండి.

అనుకున్నట్టే రామభద్రం ముందస్తుగా తన సెల్ ఫోను ద్వారా మెస్సుకి వస్తున్నట్టు తెలియ చేసి మరునాడు డ్యూటీకి ఠంచనుగా వచ్చాడు. కాని మామాలు స్థితిలో కాదు; దవడలపై రెండు- నుదుటపైన మరొక చోటా ప్లాస్టరూ కట్టుకుని కనిపించాడు. అతడి వాలకం చూసి రూపవతితో బాటు తతిమ్మా ఇద్దరు లేడీ మెస్ స్టాఫ్ కూడా నివ్వెరపోయారు.

“ఏమైంది రామభద్రం?" అని ముక్తకంఠంతో అడిగారాడాళ్ళూ ముగ్గురూ-- ఎందుకంటే అతడి ముఖం కూడా నీరసంతో జేవురించి ఉంది.

“ఏమి లేదు మేడమ్. బాత్రూములో జారిపడ్డాను. మరేమీ కాలేదు“ అంటూ పాకశాల వేపు వెళ్లిపోయాడు. ముగ్గురూ ఒకరి ముఖం ఒకరు చూసుకున్నారు. ఇంత వరకూ అతడు చాలామంది ఢిల్లీ వాసుల్లా, సాయంత్రం పూట ఇల్లు చేరుకున్న తరవాత మజాగా మందు ద్రావకం వేసుకుంటాడన్న అనుమానం వాళ్ళకెప్పుడూ కలగలేదు. అలాగని అదొక పెద్ద నేరమని కాదు-- ఎందుకంటే అక్కడ హైస్కూలు పిల్లకాయలు సహితం కొందరు ధారాళంగా బీర్ అంటూ- జిన్ అంటూ మామూలు తేనీరులా పుచ్చుకుంటుంటారు.

కాని- కుటుంబం పట్ల మిక్కిలి అక్కర చూపిస్తూ- మంచీ మర్యాద పాటిస్తూ- హందాగా కనిపించే రామభద్రం వాటి జోలికి వెళ్తాడా-- ముగ్గురూ ఎటూ తేల్చుకోలేక సతమయారు. అతను నిజంగానే ఏదైనా ప్రమాదానికి లోనై ఉంటే తనకు ఫోన్ చేసి చెప్పడూ-- అలా కాకుండా రోజంతా కబురు కూడా లేకుండా కనుమరుగవడానికి ప్రయత్నించాడంటే- ఇంకేదో జరిగుంటుంది.

ఇక విషయానికి వస్తే- ఎదుటి మనిషిని అర్థం చేసుకొని ఎంత వరకు నమ్మాలో యెంతవరకు నమ్మకూడదో తేల్చుకోవడం నిప్పుకణి కల మీద సాగే నడకే-- ఏమో యిప్పటికిప్పుడు చెప్పడం కష్టం గాని యిరుగు పొరుగు వాళ్ళ సహవాస దోషం కూడా కావచ్చే మో! ఢిల్లీ నగరంలో చాలా మంది సిక్కు పంజాబీలకు గుంపుగా మందు పుచ్చుకోవడం అలవాటు. అటువంటి గుంపులోకి చేరక పోతే నామోషీగా భావిస్తారు వాళ్ళు. రామభద్రం వాళ్ళ వలయంలో చిక్కుకున్నాడేమో!

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/7DuawADGuSs

'Amavasya Vennela - Episode 6 - New Telugu Web Series Written By BVD Prasada Rao

'అమావాస్య వెన్నెల - ఎపిసోడ్ 6' తెలుగు ధారావాహిక

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

జరిగిన కథ:

టాక్సీ డ్రైవర్ శ్రీరమణ నీతీ నిజాయితీలు ఉన్న యువకుడు. అనుకోకుండా అతని టాక్సీ క్రింద చంద్రిక అనే యువతి పడుతుంది. గాయపడ్డ ఆమెను అతనే హాస్పిటల్ లో చేరుస్తాడు. ఆమె తల్లి సావిత్రి, చెల్లెలు ఇంద్రజ హాస్పిటల్ కి వస్తారు.

నిజానికి ఇంటర్వ్యూ కోసం వెళ్లిన చంద్రికతో అసభ్యంగా ప్రవర్తించబోతాడు కామేశం. అతన్ని తప్పించుకునే ప్రయత్నంలోనే ఆమె నడుపుతున్న స్కూటీ శ్రీరమణ కారు కింద పడుతుంది.

చంద్రిక వైద్యం ఖర్చులు తను భరిస్తానని చెబుతాడు శ్రీరమణ.

మాజీ రూమ్ మేట్ వెంకట్ ఆత్మహత్యా ప్రయత్నం చేసాడని తెలిసి పరామర్శిస్తాడు.

పార్వతమ్మకు తన గతం చెబుతాడు శ్రీరమణ.

ఇక అమావాస్య వెన్నెల ధారావాహిక ఎపిసోడ్ 6 చదవండి

తను ఒక బిడ్డను కని.. సోములు చేతిలో పడేసింది. అంతే లాఘవముగా పరాన్నజీవిలా పరారయ్యింది. తన చేతుల్లో ఒదిగిన బిడ్డను ఏడిపించలేక.. తను ఏడుస్తూ.. ఆ బిడ్డ బతుకై యాతనలతో ప్రాకులాడేడు సోములు.

ఆ బిడ్డ పెద్దవుతుండగా.. సోములు జబ్బు పడ్డాడు. ఒక పక్క బిడ్డ.. మరో పక్క జబ్బు.. తో తన బతుకు కాడిని ఈడ్చలేక.. విడవలేక.. తుదికి జబ్బు వైపు ఒరిగి పోయాడు. సోములు మళ్లీ ఓడిపోయాడు.. చచ్చిపోయాడు."

శ్రీరమణ చెప్పడం ఆపేసాడు.

కారుతున్న కన్నీళ్లను తుడవక తల వాల్చేసి అలానే కూర్చున్నాడు.

పార్వతమ్మ గుండె బరువెక్కిపోయి ఉంది.

అతడినే చూస్తూ ఉంది.

కొద్ది నిముషాలు పిదప..

తిరిగి శ్రీరమణ చెప్పడం చేపట్టాడు.

"ఆ బిడ్డను.. నేనే..

ఆ సోములే నా నాన్న..

నాన్న చనిపోతూ.. చనిపోతూ.. రోజువారీగా నాకు ఇవన్నీ తెల్పాడు.

నాలో ధైర్యాన్ని నింపాడు.

బతుకు వన్నెలకు పాఠాలు నేర్పాడు.

నన్ను చాలా మటుకు నిలిపాడు.

నా అంతట నేను నడిచేలా ఊతం ఇచ్చాడు.

నేను కారును అద్దెకు సమకూర్చుకోగలిగాను.

నేను ఏమీ చదవక పోయినా.. నాన్న నేర్పిన బతుకు అభ్యాసాలు.. నాకు ఆసరా అయ్యాయి."

మళ్లీ చెప్పడం ఆపాడు శ్రీరమణ.

ఈమారు కూడా పార్వతమ్మ ఏమీ మాట్లాడలేక పోయింది.

ఆ వెంబడే..

"ఇది అమ్మ.. నాది. చాలా." అడుగుతున్నాడు శ్రీరమణ.

తననే చూస్తూ ఉన్న శ్రీరమణను చూస్తూ ఉండిపోయింది పార్వతమ్మ.

కొద్దిసేపు పిమ్మట..

"పడుకో." అని అక్కడ నుండి లేచి తన పడకకై వెళ్లిపోయింది.

శ్రీరమణ పక్క పర్చుకొని.. దాని మీద నడుము వాల్చాడు.

***

మర్నాడు..

మధ్యాహ్నం భోజనం అయ్యాక..

పనికి కదలబోతూ..

"నిన్నటి నేను తెచ్చిన పులిహోర బాక్సును కడిగి పెడతానన్నావు. అది ఏడ అమ్మ." అడిగాడు శ్రీరమణ.

పార్వతమ్మ వెళ్లి.. ఆ బాక్సును తెచ్చి.. శ్రీరమణకి అందించింది.

"ఈ పులిహోర కథ ఏంటి. రాత్రి ఇదీ చెప్పుతావనుకున్నాను." అంది.

చిన్నగా నవ్వేసాడు శ్రీరమణ.

"ఇదే మరో కథలే అమ్మా." అన్నాడు.

"చెప్పవా." ఆశ పడుతుంది పార్వతమ్మ.

"ఇదేం అంతటది కాదమ్మా." అనేసాడు శ్రీరమణ.

"నీకు కాకవచ్చు. నాకు చెప్పొచ్చుగా." కుతూహలం పడింది పార్వతమ్మ.

టూకీగా చంద్రిక వాళ్ల కబుర్లు చెప్పేడు శ్రీరమణ.

"అవునా. అయ్యో. నువ్వు ఉన్నావే.. మరీ ఇంత మంచోడివా." నోరు నొక్కుకుంటుంది పార్వతమ్మ.

శ్రీరమణ ఏమీ అనలేదు.

బాక్సుతో అక్కడి నుండి వెళ్లి పోయాడు.. తన కారు వైపు.

***

ఆ సాయంకాలం..

ఇంద్రజ.. పిల్లలకు ట్యూషన్ చెప్పుతుంది.. ఆ ఇంటి వరండాలో.

ఆ ఇంటి మధ్య హాలులాంటి గదిలో..

మంచం మీద ఎప్పటిలాగే చంద్రిక ఉంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/zcS6YCOBO5Y

'Raghupathi Raghava Rajaram Episode 3 - New Telugu Web Series Written By Parupalli Ajay Kumar

'రఘుపతి రాఘవ రాజారాం ఎపిసోడ్ 3' తెలుగు ధారావాహిక

(కథ manatelugukathalu.com లో చదవడానికి కథ పేరు మీద క్లిక్ చేయండి) 

రచన: పారుపల్లి అజయ్ కుమార్

కథా పఠనం: మల్లవరపు సీతారాం కుమార్

జరిగిన కథ

కాలేజీ లెక్చరర్ గా పని చేస్తుంటాడు రఘుపతి. కాలేజ్ దగ్గర స్పృహ కోల్పోయి పడున్న స్త్రీని చూస్తాడు. ఆ యువతిని గ్రామంలో తమ ప్రత్యర్థి సీతయ్య బావమరిది శేషగిరితో చూసినట్లు పోలీసులతో చెబుతాడు.

స్పృహ వచ్చిన ఆ యువతి తన పేరు కమల అనీ తనని శేషగిరి, అతని స్నేహితులు సామూహిక అత్యాచారం చేశారనీ చెబుతుంది. కమలకు తన ఇంట్లో ఆశ్రయం కల్పిస్తాడు రఘుపతి.

రాఘవ, సీతయ్య ల ఘర్షణలో అడ్డు వెళ్లిన రఘుపతి గాయం అవుతుంది.

ఇక రఘుపతి రాఘవ రాజారాం ఎపిసోడ్ 3 చదవండి..

పొలంలో సీతయ్యతో గొడవ పడుతుండగా తనచేతి కర్ర దెబ్బ అన్నయ్య తలను చీల్చటం చూసి బాధతో కృంగి పోయాడు రాఘవ.

హాస్పిటల్ లో చేర్చాక రక్తం కావాలంటే తనే ఇచ్చాడు.

రాజా ఇస్తానన్నా వద్దని మొండికేసి ఎంత రక్తం కావాలన్నా తన శరీరం నుండే తీయాలని ఏడుస్తూ డాక్టర్ కు మొరబెట్టుకున్నాడు.

రఘుపతికి స్పృహ వచ్చేదాకా పచ్చి మంచినీళ్లు కూడా ముట్టనన్నాడు. కంటికీమంటికీ ఏకధాటిగా ఏడుస్తూనే వున్నాడు.

అన్నయ్యను కొట్టిన చేయి వుండకూడదని హాస్పిటల్ లో తలుపు సండులో చేయి పెట్టి తలుపు బలంగా లాగబోయాడు. రాజా చూసి ఆపుచేసాడు. అప్పటినుండి ఎవరోఒకరు నిరంతరం రాఘవను కనిపెట్టుకొని వుండేవారు.

మగత వీడి రఘుపతి నెమ్మదిగా కళ్ళు తెరిచాడు.

చుట్టూ పరికించాడు.

ICU లో బెడ్ మీద వున్నాడు.

చేతికి సెలైన్ పెట్టివుంది.

తలంతా దిమ్ముగా, భారంగా వుంది. రఘుపతి కళ్ళు తెరవటం చూసి ప్రక్కనే వున్న నర్స్" డాక్టర్" అంటూ డ్యూటీలో వున్న డాక్టర్ ను పిలిచింది.

డాక్టర్ వచ్చి రఘుపతిని చూసాడు.

BP చెక్ చేస్తూ" మీ పేరు?"అడిగాడు.

" రఘుపతి" నీరసంగా బదులు పలికాడు రఘుపతి.

"గుడ్. చాలా త్వరగా రికవరీ అవుతున్నారు. ప్రస్తుతం మీరు ICU లో వున్నారు. రేపుగానీ, ఎల్లుండి గానీ జనరల్ రూం కి షిఫ్ట్ చేస్తాము. అంతవరకు మీరు ఎవరితో ఎక్కువుగా మాట్లాడకూడదు. మీకు స్పృహ వచ్చిందని మీ వారికి చెపుతాను. టేక్ రెస్ట్" అని డాక్టర్ ఇవ్వవలసిన మందులు, ఇంజక్షన్లు నర్స్ కు చెప్పి బయటికి నడిచాడు.

అక్కడ వేచివున్న రఘుపతి కుటుంబ సభ్యులకు

రఘుపతి స్పృహలోకి వచ్చిన విషయం చెప్పాడు.

రఘుపతి కి స్పృహ వచ్చిందన్న వార్త విని అందరూ వూపిరి పీల్చుకున్నారు.

"యిక మీరంతా ఇంటికెళ్లి రేపురండి. వారి మిసెస్ ఒక్కరు ఇక్కడ వుంటారు." అని చెప్పాడు. రాఘవ తాను కూడా ఆసుపత్రిలోనే వుంటానన్నాడు.

రాఘవ అన్నయ్య కాళ్ళపై పడి ఏడుస్తూ వుండిపోయాడు.

విశాలే అతన్ని దగ్గరకు తీసుకుని ఓదార్చింది.

*******************************

తెల్లవారి రఘుపతి ని జనరల్ రూం కు షిఫ్ట్ చేసారు.

హాస్పిటల్ కి SI ప్రభాకర్ వచ్చాడు రఘుపతిని వెతుక్కుంటూ.

"ఎలా వున్నారు?" అని అడిగాడు.

"ఫరవాలేదు. బాగానే వున్నాను."

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/2OdqPqDJvfg

'Tholagina Nili Nidalu episode 1' - New Telugu Story Written By Ayyala Somayajula Subrahmanyam

'తొలగిన నీలి నీడలు ఎపిసోడ్ 1' తెలుగు ధారావాహిక ప్రారంభం

రచన : అయ్యల సోమయాజుల సుబ్రహ్మణ్యము

(ప్రముఖ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

పద్మం అలక చెందిన వేళ !

సంధ్యాదీపం చంద్రహారం పడుతున్న వేళ !

కొలనులో కలువ అభిసారికగా మారే వేళ !

శుకపికాది కలవరం సద్దుమణిగే వేళ !

వేళ కాని వేళ.. వేలుపు వేంచేసినట్టు వెన్నెల వీది తలుపులు తెరిచింది. నెమ్మదిగా కదిలి వచ్చి సిద్దంగా వున్న గుర్రపుబండి నెక్కి కూర్చుంది.

అప్పటికే..

ప్రకృతి పాడే భూపాలరాగం వినడానికి సంధ్యాకాంత అడుగిడుతోంది. దారి దారంతా నీరెండని ముఖాన అలుముకుని వెన్నెల రాక కోసం ఎదురు చూస్తోంది.

అరుదుగా వచ్చే వెన్నెలను చూసిన మలయసమీరం చెట్లఆకుల మీదుగా కదులుతూ మంద్రంగా వాయుతనం ఆలపిస్తోంటే.. తమతమ నెలవులకు వెళ్ళే గిత్తల డెక్కల చప్పుడు మృదంగధ్వానంలా వినిపిస్తోంది.

వాటికి జతగా గుర్రపు మెడలోని గజ్జెలు నర్తకి పాద మంజీర ధ్వనిలా శబ్దం చేస్తున్నాయి. జన్మ ధన్యమైనట్టు గోధూళి.. ప్రియుడి స్పర్శ తగిలిన కాంతలా సిగ్గుతో మొహాన్ని ఎర్రగా చేసుకుని నర్తకి గా మారి.. గాలిలో ఆనంద తాండవ మాడింది.

నిర్మానుష్యంగా ఉన్న ఆ మట్టిరోడ్డు "చాముండేశ్వరీ" ఆలయం వైపు మలుపు తిరిగింది.

రోడ్డుకి కాస్తదూరంలో గోదావరి ప్రేమికుడి కోసం సంకేతస్థలానికి వడిగా పోయే నాయికలా దూకుడుగా సాగుతోంది. గుడి మరో కిలోమీటరు దూరం ఉందనగా అక్కడనుండి ప్రారంభమైంది అశేషజనవాహిని.

సింహద్వరం నుండి గర్భగుడి వరకు వున్నారు. వాళ్ళ వెనకాల.. దూరంగా విడిది చేసిన గుర్రపు బళ్ళు, ఎడ్లబళ్ళు, జీపులు, స్కూటర్లూ సైకిళ్ళు.. అన్నీ జనంతో కలిసిపోయాయి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/Xy4yahOiHgk

'కొత్త కెరటం! ఎపిసోడ్ - 2' - New Telugu Web Series Written By Dinavahi Sathyavathi

'కొత్త కెరటం! ఎపిసోడ్ - 2' తెలుగు ధారావాహిక

రచన: దినవహి సత్యవతి

కథా పఠనం: మల్లవరపు సీతారాం కుమార్

జరిగిన కథ:

అచ్యుతాపురం గ్రామంలోని ఒక మోతుబరి రైతు రామయ్య, ఆయన భార్య జానకి. వారి కుమారుడు రాజేంద్ర, కోడలు కళ్యాణి.

డెలివరీ కోసం అడ్మిట్ అయిన కళ్యాణి పరిస్థితి సీరియస్ అని చెబుతారు డాక్టర్లు.

హాస్పిటల్ లో సూరజ్ అనే వ్యక్తి తారసపడతారు రాజేంద్రకి. తాను రామయ్య గారి సహాయంతో చదువుకున్నానని చెబుతాడు అతను.

ఇక కొత్త కెరటం! ఎపిసోడ్ - 2 చదవండి

చేతులు తుడుచుకుంటూ థియేటర్ లోంచి బయటకి వచ్చిన డాక్టర్ కి ఆందోళనగా తనవైపే చూస్తున్న రాజేంద్ర కనిపించాడు.

“నా భార్య ఎలా ఉంది, బిడ్డ క్షేమమేనా, చెప్పండి డాక్టర్”

“తల్లి క్షేమమే. ఇంకా స్పృహలోనికి రాలేదు. ప్రసవానికి ముందే చాలా నీరసించి పోయినందువల్ల జనరల్ అనస్థీషియా ఇవ్వాల్సి వచ్చింది”

“మరి బిడ్డ?”

“ఆడబిడ్డ. బ్రతికించడానికి చేసిన ప్రయత్నాలన్నీ విఫలమయ్యాయి. వెరీ సారీ” అన్నాడు.

“అయ్యో!” పుట్టిన బిడ్డ మరణించిందని విని దుఃఖిస్తూ కుర్చీలో కూలబడ్డాడు రాజేంద్ర.

“ధైర్యంగా ఉండండి” ఓదార్పుగా రాజేంద్ర భుజం తట్టి, ప్రక్కనే సూరజ్ ని చూసి “ఓ హలో! మీరేమిటీ ఇక్కడ.. ” ఆశ్చర్యం వ్యక్తం చేస్తూ కరచాలనం చేసారు డాక్టర్.

“హలో డాక్టర్ బాగున్నారా? చిన్న పనిమీద వచ్చాను. ఈలోగా వీరు కనిపించారు. వీరి కుటుంబమంతా నాకు అత్యంత ఆప్తులు. అదెలా అన్నది ఒక పెద్దకథ. తరువాత ఎప్పుడైనా చెప్తాను అవకాశమొస్తే” అనునయింపుగా రాజేంద్ర వీపు నిమురుతూ బదులిచ్చాడు.

“ఓ ష్యూర్! మరిక వస్తానూ మీ ఫ్రెండ్ కి ధైర్యం చెప్పండి” అని డాక్టర్ వెళ్ళిపోయారు.

“నువ్వే ఇలా అధైర్యపడితే చెల్లెమ్మనీ అమ్మానాన్నలనీ ఎవరు సముదాయిస్తారు, సంబాళించుకో” చనువుగా, సంభోదనని మీరునుంచి నువ్వులోకి మార్చి, ప్రక్కనే కూర్చుని భుజంపై చేయి వేసాడు సూరజ్.

“నీకు తెలీదు. పుట్టబోయే బిడ్డ గురించి శుభవార్త వినాలని అమ్మానాన్నా ఎంతగానో ఎదురు చూస్తున్నారు. ఇప్పుడు బిడ్డ మృతిచెందిందని తెలిస్తే తట్టుకోలేరు” విలపించసాగాడు.

“నేను అర్థం చేసుకోగలను. కానీ కొంతలో కొంత అదృష్టం చెల్లెమ్మ క్షేమంగా ఉంది. అందుకు సంతోషిద్దాము”

“నిజమే కనీసం కళ్యాణైనా నాకు దక్కినందుకు ఆనందంగానే ఉంది. కానీ.. ”

“బిడ్డ చనిపోవడం బాధాకరమే అయినా మున్ముందు మీకు మళ్ళీ బిడ్డలు పుట్టొచ్చునుగా. ఎందుకంత నిరాశ?”

“కళ్యాణికి ఇక పిల్లలు పుట్టే అవకాశం లేదన్నారు”

“అయ్యో అలాగా!” బాధగా అని సాలోచనగా రాజేంద్ర వైపు చూసి దేని గురించో ఒక నిర్ణయానికి వచ్చినట్లుగా దీర్ఘశ్వాశ తీసుకుని “రాజేంద్ర! నాతో రా ఒకసారి” భుజాలు పట్టుకుని లేవదీస్తూ అన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/_SV9Qx2xDy0

'Ika Jeevitham Udvega Purithamai - Utthunga Tharangamai - 5' - New Telugu Web Series Written By Pandranki Subramani

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

రామభద్రం డబ్బా అందుకున్నాడే గాని చేష్టలుడిగి నిల్చున్నాడు. కలలో లేక ఊహలో మాత్రమే ఎదురు చూడగల పనిని రూపవతి మేడమ్ తనకు మక్కికి మక్కిగా అప్పగిస్తూంది. ఒక విధంగా ఇది నిప్పుతో చెలగాటమే- వాళ్ళ మరదలు మంజులవాణి ఆమెకు మర్దన చేయడం వేరు. అకౌంట్సు స్టాఫ్ మాలిని రుద్దడం వేరు.

పరపురుషడైన తను తాకుతూ రుద్దడం అంటే, కత్తిపైన సాము చేయడమే అవుతుంది. ఈతంతు అంతా ఎక్కడో ప్రైవేటు ఉద్యోగం చేసుకుంటూన్న ఆ మాజీ మిలిటరీ ఆఫీసరు భవ్యంగా చేయాల్సిన పని. అప్పుడతనికి రూపవతి గొంతు వినిపించింది- ”అదేమిటి గోడకు కొట్టిన పటంలా నిల్చుండిపోయారూ! నొప్పితో మెలికలు తిరిగి పోతుంటేనూ—త్వరగా ముగించండీ—నాకు బోలెడంత పనులున్నాయి“

“హాఁ హాఁ! డబ్బా విప్పుతున్నానండీ! ఐనా మీరు మరి కొంచెం సేపు మంజులవాణిగారి రాక కోసం నిరీక్షిస్తే బాగుంటుందేమో- లేదా మీ యింటి పనిగత్తెను పిలిపిస్తే బాగుంటుందేమో-- ” అంటూ అతడు మరొక మారు నిశ్చలంగా చూస్తూండిపోయాడు.

అందమైన ఆమె శరీరఛ్చాయికి అతడి కళ్ళు రెండూ ఫెళ్లు మంటున్నాయి. తెల్లటి విశాలమై నునుపైన వీపు. చాతీ మధ్య పచ్చపాములా ప్రాకిన చార బిగువైన యవ్వనానికి ముత్యాల హారం. అతడెప్పుడో చదివిన పద్య భావం స్ఫురణకి వచ్చింది- ‘దొండపండులాంటినీ పెదవులు, గుండె ఎత్తులు, గిరిజాల జుత్తు, మెరిసే సుందరమైన నీ కన్నులు చూపించకుండా నీ సౌందర్యమైన వదనాన్ని అలుక వహించి చాటేసుకున్నంత మాత్రాన వచ్చిన నష్టం ఏ మొచ్చింది గనుక? అద్భుతమైన నీ నితంబాలు, పొడవైన వంపులు పోయే నీ జడ చాలవూ నన్నూ నా మనసునీ ముప్పిరిగొనడానికి! ’” అతడిక ఆలోచించడం ఆపుచేసాడు.

ఆడది ఎదుర్కుంటూన్న అపాయ సమయంలో ఈ తెలివి మీరిన ఉపాయాలేమిటి? ఊహాగానాలేమిటి? అందులో తనకు ఉపాధి కల్పిస్తూన్న యజమానురాలాయె—ఐనా విధి విలాసం కాకపోతే, ఇటువంటి సమయంలోనే ఆ మంజులాదేవి మహాతల్లి మాలినీ మహాతల్లీ నల్లపూసల్లా కనుమరుగయి పోవాలా!

తనను తను నిగ్రహించుకుని నిదానంగా “పాహిమాం! పాహిమాం! ”అని మనసున పదే పదే అనుకుంటూ అమృతాంజనం మెడ చుట్టూ కొంత మెడకి అవతలి వేపు మరికొంత రుద్ది డబ్బాను ఆమెచేతికిచ్చేసాడు భద్రం.

రూపవతి రిలీఫ్ గా ఫీలవుతూ అంది- “అబ్బ! ఎంత రిలేక్స్ గా ఉందని—పోయిన ప్రాణం లేచి వచ్చినట్లుంది. నిజం చెప్తున్నాను- చాలా బాగ మర్దన చేసారు”.

అప్పుడతను నవ్వి సమర్థింపుగా అన్నాడు- “ఔను! మీరు చెప్పిందాంట్లో వాస్తవం ఉంది. మర్దన చేయడం ఒక కళ మేడమ్. ఇది మా బాబు నేర్పాడు. కొన్ని కీలక స్థానాల్లోనే నొక్కి వదలాలి. అలాగని అంతటా గట్టిగా ఒత్తిడికి లోను చేయకూడదు” అంటూ క్యాష వింగ్ నుండి బైటకి వచ్చాడతడు.

అప్పుడామె అంది-. “అదేంవిటి? థేంక్స్ కూడా తీసుకోరా!”

”అప్పుడతను వెనక్కి తిరిగి చూసి అన్నాడు- “థేంక్స్ నాకెందుకండీ? మీకు సహాయకారిగా ఉండటంలో నాకెంతో సంతోషం. లోపల సోమనాథం గారు నాకోసం వెతుకుతుంటారు ఐతే- వెళ్లే ముందు రెండు మాటలు చెప్తాను—మీరు గాని ఫ్రెండ్లీగా తీసుకుంటే--”

“దానికేముంది? చెప్పండి”

“మీరెప్పుడైనా మీ ముఖార విందాన్ని బాగా చూస్తుకున్నారా!”

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/5DkXiDxpbJA

'Amavasya Vennela - Episode 5 - New Telugu Web Series Written By BVD Prasada Rao

'అమావాస్య వెన్నెల - ఎపిసోడ్ 5' తెలుగు ధారావాహిక

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

ఆ వెంబడే..

"సర్లే కానీ.. ఇంతకీ ఏమైంది" అన్నాడు శ్రీరమణ.

"సుజాత.. తన తల్లిదండ్రులను ఒప్పించలేక పోయింది" నెమ్మదిగా చెప్పాడు వెంకట్.

"నువ్వు వెళ్లి.. ఆ తల్లిదండ్రులతో మాట్లాడాలిగా" అన్నాడు శ్రీరమణ.

"తమ కూతురుకే లెక్క చేయని వాళ్లు. నా మాట కానిస్తారా" అనేసాడు వెంకట్.

"అదే తప్పుడు ఆలోచన. ప్రయత్నం చేయాలిగా. ఆ అమ్మాయే కావాలనుకున్నప్పుడు నువ్వు చొరవ అవ్వాలి. తప్పు నీదే" చెప్పాడు శ్రీరమణ.

వెంకట్ తలెత్తాడు. శ్రీరమణనే చూస్తున్నాడు.

శ్రీరమణ మాత్రం సూటిగానే వెంకట్ నే చూస్తూ..

"పైగా చావాలనుకోవడం మరీ తప్పురా" అంటున్నాడు.

గిరి, సుబ్బారావు శ్రోతలై ఉన్నారు.

"ప్రేమ వ్యవహారం చాలా సున్నితం.." చెప్పుతున్నాడు శ్రీరమణ.

"అందుకే దానిని ఒడుపుగా హేండిల్ చేయాలి తప్పా.. తెగనీయకూడదు" ఆగాడు శ్రీరమణ.

అప్పుడే..

"సుజాత కూడా.. 'నువ్వు దక్కకపోతే నేను చస్తాను' అన్నా.. నన్ను పట్టించుకోలేదురా" మాట్లాడేడు వెంకట్.

"చాల్లే. నువ్వు.. నీ చావు వాలకం" కసురుకున్నాడు శ్రీరమణ.

వెంకట్ తగ్గాడు.

"ప్రేమించుకో ముందే తర్జన భర్జన పడాలి. ప్రేమలో పడేక దానకై కట్టుబడాలి. అంతే. " తేల్చేసాడు శ్రీరమణ.

"ఇప్పుడు ఏం చేయగలం. " అడిగాడు వెంకట్.

"సుజాత.. తన తల్లిదండ్రులను ఒప్పించకోలేక పోయింది మరియు నువ్వు చస్తానన్నా తను పట్టించుకోలేదు.. కదూ" ఆగాడు శ్రీరమణ.

"అవును" అన్నాడు వెంకట్.

"తన పెద్దలు కుదిర్చిన సంబంధంకి తను సమ్మతిస్తుందనుకోవాలా" అడిగాడు శ్రీరమణ.

"అంతే అనుకున్నా. తను మరొకడితో పెళ్లికి సమ్మతించింది కనుకనే.. నన్ను తను లెక్క చేయలేదు" అనేసాడు వెంకట్.

"మరి అట్టి దానికై నువ్వు చావడం ఏమిట్రా" అనేసాడు శ్రీరమణ.

వెంకట్ మాట్లాడ లేదు.

"తను నీ మీద మొగ్గు అగుపరిస్తే ఏమైనా చేయచ్చు. తనే ఖాతరు చేయ నప్పుడు.. మీ మధ్య ప్రేమేట్రా" విస్మయం ప్రదర్శించాడు శ్రీరమణ.

"అంతేగా. రమణ అంది ముమ్మూటికి కరెక్టురా" అప్పుడే అన్నాడు గిరి.

"అవున్రా. అట్టి అమ్మాయి కోసం నువ్వు చావడం ఏంట్రా" అందుకున్నాడు సుబ్బారావు.

"నా మాట ఆలకించు. ఆమె సొద ఆమెకే వదిలేసి.. నువ్వు మామూలు అవ్వు. చక్కగా నీ మానాన నువ్వు ఉండు. నీ ఇజ్జతు వీడకు" చెప్పాడు శ్రీరమణ.. వెంకట్ చూపుల్లోకి చూస్తూ.

ఆ వెంబడే..

"నీ మీద ఆధార పడ్డ వారు ఉన్నారు. వారిని హైరాన పర్చకు" చెప్పాడు.

అందుకు మిగతా ఇద్దరూ వత్తాసు పలికారు.

వెంకట సముదాయించుకోగలుగుతున్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/RpgRQxgWYRw

'Raghupathi Raghava Rajaram Episode 2 - New Telugu Web Series Written By Parupalli Ajay Kumar

'రఘుపతి రాఘవ రాజారాం ఎపిసోడ్ 2' తెలుగు ధారావాహిక

రచన: పారుపల్లి అజయ్ కుమార్

కథా పఠనం: మల్లవరపు సీతారాం కుమార్

జరిగిన కథ

కాలేజీ లెక్చరర్ గా పని చేస్తుంటాడు రఘుపతి.

కాలేజ్ దగ్గర స్పృహ కోల్పోయి పడున్న స్త్రీని చూస్తాడు.

ఆ యువతిని గ్రామంలో తమ ప్రత్యర్థి సీతయ్య బావమరిది శేషగిరితో చూసినట్లు పోలీసులతో చెబుతాడు.

స్పృహ వచ్చిన ఆయువతి తనని శేషగిరి, అతని స్నేహితులు సామూహిక అత్యాచారం చేసినట్లు చెబుతుంది.

ఇక రఘుపతి రాఘవ రాజారాం ఎపిసోడ్ 2 చదవండి..

వెంకటాయపాలెం లో మోహన్ గాంధీ మోతుబరి రైతు.

గాంధీ తండ్రి బలరామయ్య స్వాతంత్ర సమరంలో పాల్గొన్నాడు.

పక్కా గాంధేయవాది. లేక లేక పుట్టిన తన కొడుకుకు జాతిపిత గాంధీ గారి పేరు పెట్టుకున్నాడు.

మహాత్మా గాంధీ ఆశయాలను తాను త్రికరశుద్ధిగా పాటిస్తూ వాటిని కొడుకు కు నూరి పోసేవాడు.

గాంధీకి తండ్రి అంటే వల్లమాలిన ప్రేమ. తండ్రి మాటను ఎప్పుడూ జవదాటలేదు. సత్యం, అహింస మొదలైన సుగుణాలన్నీ తండ్రినుండి పుణికి పుచ్చుకున్నాడు. గాంధీ భార్య సత్యవతి కూడా భర్తకు తగ్గ ఇల్లాలే. మామగారిని తండ్రిలా ఆదరించి గౌరవించేది.

గాంధీకి ముగ్గురు మగపిల్లలు.

బలరామయ్య వారికి రఘుపతి, రాఘవ, రాజారాం అని పేర్లు పెట్టాడు. ముగ్గురూ తాతగారి స్వాతంత్ర పోరాట కథలను వింటూ పెరిగారు. ముగ్గురిలో రఘుపతి నెమ్మదైన వాడు. రాఘవ కొద్దిగా ఆవేశపరుడు. రాజా మధ్యస్తంగా వుండేవాడు.

రఘుపతి M . sc . చదివి కాలేజ్ సర్వీస్ కమీషన్ పరీక్ష పాస్ అయి మండల కేంద్రం లో వున్న ప్రభుత్వ జానియర్ కాలేజీలో జూనియర్ లెక్చరర్ గా పని చేస్తున్నాడు.

రాఘవ ఇంటర్ తో చదువుకి స్వస్తి పలికి వ్యవసాయం చేస్తున్నాడు.

రాజారాం మెకానికల్ ఇంజనీరింగు ఫైనల్ ఇయర్ చదువుతున్నాడు.

ముగ్గురు అన్నదమ్ములు ఒకేమాట, ఒకే బాట అన్నట్లుగా వుంటారు. ఒకరంటే ఒకరికి ఎనలేని ప్రేమ. అనురాగాలకు, అనుబంధాలకు ఆ ఇల్లు ప్రత్యక్ష సాక్ష్యంగా నిలుస్తుంది.

ఉద్యోగం రాగానే రఘుపతికి పెళ్ళి చేసారు. విశాల డిగ్రీ చదివింది. ఉమ్మడి కుటుంబంలో పెద్దకోడలిగా బాగా కలిసిపోయింది.

రాఘవ, రాజా వదిన దగ్గర బాగా గారాలు పోతారు. ఏది కావలసిన ముందుగా వదినకే చెపుతారు.

విశాల కూడా వారి కోరికలను నవ్వుతూ నెరవేరుస్తుంది. తల్లి తండ్రులతో, అన్నతో పంచుకోలేని విషయాలను కూడా వదినతో చెపుతుంటారు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/VWU7uQEFOGM

'Premante Idena Part 5' - New Telugu Web Series Written By Penumaka Vasantha

'ప్రేమంటే ఇదేనా! పార్ట్ 5' తెలుగు ధారావాహిక

రచన, కథా పఠనం: పెనుమాక వసంత

జరిగిన కథ:

విరిజ ఫ్రెండ్ పద్మ పెళ్లి జరుగుతుంది. పద్మ భర్తకు స్నేహితుడైన ఆనంద్ ని చూస్తుంది విరిజ.

వైజాగ్ లో ఎం ఏ చేరడానికి వెళ్తుంది విరిజ. ప్రేమలో విఫలమైన రాజీని వైజాగ్ రప్పిస్తుంది. రాజీ బ్యాంకు ఎగ్జామ్స్ కి, విరిజ సివిల్స్ కి ప్రిపేర్ అవుతుంటారు.

ఆనంద్ వైజాగ్ లో బ్యాంకు లో పనిచేస్తుంటాడు. వారికి సహాయం చేస్తుంటాడు.

రాజీ కి బ్యాంక్ జాబ్ వచ్చింది. హైదరాబాద్ లో పోస్టింగ్ ఇచ్చారు. విరిజ గ్రూప్స్ కి సెలెక్ట్ అవుతుంది. ఆనంద్ ని కలుస్తుంది విరిజ.

తనకు ఇప్పట్లో పెళ్లి చేసుకునే ఉద్దేశం లేదని రాజీ వాళ్ళ నాన్నకు చెప్పినట్లు విరిజతో అంటాడు ఆనంద్. తన మనసులో ఒక అమ్మాయి ఉన్నట్లు కూడా చెబుతాడు.

ఇక ప్రేమంటే ఇదేనా! పార్ట్ 5 చదవండి.

రాజీకి తన బ్యాంక్ లో చేసే అతనితో, పెళ్లి కుదిరింది. విరి నువ్వూ! కూడా, పెళ్లి చేసుకో!, ఇక ఆంటీ వాళ్లకు ఒక బాధ్యత, తీరుతుంది. మొన్న మీ ఇంటికి వెళ్ళి నప్పుడు, మీ బామ్మ అంది. "రాజి నీకు పెళ్ళవుతుంది, నా మనవరాలికి ఎపుడు అవుతుందో! కాస్త నువ్వైనా, చెప్పరాదు, మీ ఫ్రెండ్ కు జాబ్ వచ్చింది కదే, ఇక పెళ్లి చేసుకోమని. "

"పెళ్లి లేదు, గిల్లి లేదు, నేను, ఇంకా లైఫ్ లో సెటిల్ అవ్వాలన్నాను" కోపంగా.

"గిల్లి వద్దు కానీ పెళ్లి చేసుకో" అని నవ్వుతూ! ఆట పట్టించింది రాజీ. అది ఒక టూ వీక్స్ ముందు వెళ్ళింది. నేను ఇపుడేగా జాయిన్ అయ్యాను, జాబ్ లో.

"పెళ్లికి టూ డేస్ ముందు వస్తానే" అన్నాను. "సరే తప్పక రావాలని" చెప్పి రాజీ ఊరు వెళ్ళింది.

రాజీ పెళ్లికి వెళ్ళాను. పెళ్ళికొడుకు ఆనంద్ కి ఫ్రెండుట. రాజీ కూడా తెల్సు కాబట్టి ఆనంద్ పెళ్లికి వచ్చాడు. పద్మ వాళ్ల ఆయన వచ్చారు. ఈ సారి నేను పద్మ కలిసి రాజీ పెళ్లి లో అల్లరి చేశాము. అపుడప్పుడు ఆనంద్ నన్ను చూస్తుండటం గమనించాను. పెళ్లిలో పంతులు గారు ఏదో తెమ్మంటే గదిలోకి వెళ్ళాను. అపుడే ఆ గదిలోకి ఆనంద్ వచ్చాడు.

"విరిజ గారు మీతో మాట్లాడాలి!" అన్నాడు.

"ఇపుడా! అక్కడ పెళ్లివాళ్లు, పిలుస్తున్నారు. ఈవెనింగ్ మాట్లాడుకుందాం" అని చెప్పాను.

ఈవెనింగ్ పెళ్లి సందడి తగ్గింది నేను, పద్మ కుర్చీలవీ! పనివాళ్ళ చేత తీయిస్తుంటే, "నేను హెల్ప్ చేయనా.. " అని ఆనంద్ అక్కడికి వచ్చాడు. ఇంతలో పద్మ నీ! వాళ్ల ఆయన పిలవటం తో పద్మ లోపలికి వెళ్ళింది నేను ఆనంద్ మిగిలాం.

"విరిజా జాబ్ వచ్చిందిట కదా! కంగ్రాట్స్ అండి" అన్నాడు ఆనంద్.

" థాంక్స్" అన్నాను. "నాకు హైదరాబాద్ కి ట్రాన్స్ఫర్ అయింది. వచ్చేవారం హైదరాబాద్ షిఫ్ట్ అవుతానన్నాడు. "

"మీకు కంగ్రాట్స్" అన్నాను

"మీరు ఉండేదెక్కడ"అని అడిగాడు చెప్పాను. నేను ఉండేది మీకు కొంచం దూరంలో, మరి నెక్స్ట్ ఏంటి మీ ప్లాన్" అన్నాడు ఆనంద్.

"ఏముంది నాన్న కున్న అప్పులు తీర్చాలి" అన్నాను.

"మీ ప్లాన్ ఏంటని" అడిగాను ఆనంద్ ను.

"ఇక పెళ్లి చేసుకోవటం తరువాయి"అన్నాడు ఆనంద్.

"మరి మీ లవర్ ఓకే చెప్పిందా!" కొంచం వ్యంగ్యంగా అన్నాను.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/fp1SF2bGSf0