Mana Telugu Kathalu | మనతెలుగుకథలు.కామ్ | Telugu Short Stories

‘ఆంతర్యం - అంతరంగం’ | Aantaryam - Antarangam is a Telugu short story, originally published in manatelugukathalu.com

కొత్తగా పెళ్ళైన జంటల మధ్య కీచులాటలు సహజం.

అలాంటి ఒక కథే ‘ఆంతర్యం - అంతరంగం’

తను హర్ట్ అయిన విషయాన్ని భర్తకు చక్కగా అర్థమయేలా చెప్పింది కల్పన.

ఈ కథలో చక్కటి హాస్యాన్ని పండించారు ప్రముఖ రచయిత బి. వి. డి.  ప్రసాదరావు గారు.

స్నేహలతలు

Snehalathalu is a Telugu short story, originally published in manatelugukathalu.com

స్నేహలతలు

రచన : భాగవతుల భారతి

ఆన్లైన్ స్నేహాలు చాలా అనర్థాలకు దారి తీస్తుంటాయి.

కానీ అన్ని స్నేహాలూ అలాంటివని చెప్పలేం.

శ్యాం, మందాకిని ల మధ్య ఏర్పడ్డ స్నేహం ఎంతో చక్కటిది. అపరిచితులైనా,  ఒకరికొకరు ఎంతో సహాయం చేసుకున్నారు. చివరికి ఫామిలీ ఫ్రెండ్స్ అయ్యారు కూడా.

ప్రముఖ రచయిత్రి భాగవతుల భారతి గారు రచించిన ఈ స్నేహలతలు అనే చక్కటి కథ మనతెలుగుకథలు.కామ్ లో ప్రచురింపబడింది.

Vintha Manushulu is a is a Telugu short story, originally published in manatelugukathalu.com

వింత మనుషులు

రచన : పిట్ట గోవింద రావు

రోడ్డు మీద ఏదైనా ఘోరమైన సంఘటన చూసినప్పుడు 'అక్కడ ఉన్న వారంతా ఏం చేస్తున్నారు?' అని మనకు అనిపిస్తుంది.

అలాంటి  సందేహమే కలిగిన ఒక వ్యక్తి , సమాధానం కోసం ఒక సాధువును కలిసాడు. సాధువు ఇచ్చిన సమాధానం అతనికి ఎలా కనువిప్పు కలిగించిందో ఈ కథలో చక్కగా వివరించారు అభ్యుదయ రచయిత పిట్ట గోవిందరావు గారు..

ఈ కథ మనతెలుగుకథలు.కామ్ లో ప్రచురింపబడింది.

'Premalekha' - New Telugu Story Written By D V D Prasad

'ప్రేమలేఖ' తెలుగు కథ

రచన: డి వి డి ప్రసాద్

కథా పఠనం: మల్లవరపు సీతారాం కుమార్

ఎదురింట్లో ఉన్న అపర్ణని మనసారా ప్రేమించిన సుందర్ తన ప్రేమని అమెకెలా తెలపాలో తెలియక ఒకటే సతమతమవుతున్నాడు. సుందర్ పేరుకి తగ్గట్టే అందగాడు, పైగా మంచి ఉద్యోగంలో ఉన్నాడు. ఎవరినైనా ఇట్టే ఆకర్షించే పర్సనాలిటీ అతని సొత్తు. అందుకే అపర్ణని ఆకర్షించే పనిలో పడ్డాడు. తనని ఆమె తప్పకుండా ప్రేమిస్తుందనే అతని ప్రగాఢ విశ్వాసం.

అయితే, తనని చూసి అపర్ణ చిరునవ్వు చిందిస్తుంది తప్పితే తనంటే ఇష్టముందో లేదో మాత్రం ఎంత ప్రయత్నించినా తెలుసుకోలేకపోయాడు సుందర్. ఆమె సంప్రదాయానికి విలువిచ్చే బాపూ బొమ్మలాంటి అందమైన అమ్మాయి. ఓ రచయిత్రి కూడా! సాహిత్యం అంటే ముక్కూ చెవులూ కూడా కోసుకొనే సుందర్ ఆమెని ప్రేమించాడు. తన ప్రేమ విషయం ఆమె కెలా చెప్పాలో అర్థం కాక అమ్మాయిల వెంటపడి ప్రేమించడంలో బాగా అనుభవం సంపాదించిన తన స్నేహితుడు ప్రేమానందం సలహా అడిగాడు.

"ఏముంది, ఓ మంచి రోజు చూసి నవ్వుతూ ఆమెకి ఎదురెళ్ళి ఓ గులాబీ పువ్వు ఇచ్చి నీ ప్రేమ విషయం చెప్పేయ్! అంతే! సింపుల్!" చెప్పాడు చాలా తేలిగ్గా.

"అమ్మో! ఇంకేమైనా ఉందా! ఆమెకి కోపం వస్తే!" అంటూ చెంపలు తడుముకున్నాడు సుందర్.

"అంత పిరికివాడివి నువ్వెలా ప్రేమించావు మిత్రమా! చిత్రంగా ఉంది సుమా!" విసుక్కున్నాడు ప్రేమానందం.

"నా ప్రేమని వ్యక్తం చేసే ధైర్యమైతే ఉంది కాని అలా ముఖాముఖీ చెప్పడం అంటే ఎంతైనా కొంచెం కష్టమే, ఇంకేమైనా ఉపాయం చెప్పరా?" స్నేహితుడ్ని అభ్యర్థించాడు సుందర్.

"సరే! అపర్ణ ఫోన్ నంబర్ నీకెలాగూ తెలుసు కాబట్టి వాట్సప్లో సందేశం పెట్టు. ఆమె నుంచి సమాధానం వస్తుందేమో చూడు." అన్నాడు.

స్నేహితుడి సలహా ప్రకారం ఆమెకి సందేశం పంపాడు, అయినా ఆమె నుండి ఏ విధమైన స్పందన లేదు. కానీ ఎప్పటిలా తను కనపడినప్పుడల్లా కాల్గేట్ ప్రకటనలా చిరునవ్వులు చిందిస్తూనే ఉందామె. దానితో ఆమె కూడా తనని ఇష్టపడుతోందని గ్రహించాడు. అయితే ఏ విషయమూ తెలియనిదే ఎలా ముందుకెళ్ళాల్లో తెలియక తికమక పడుతున్నాడు పాపం సుందర్. అలా ఆలోచిస్తూంటే బ్రహ్మాండమైన ఉపాయం తట్టింది.

అపర్ణ పూర్తిగా పాతం కాలం అమ్మాయి. ఆమెకి ఇలా సందేశం పెడితే నచ్చి ఉండకపోవచ్చు, అందులోనూ రచయిత్రి కూడా! ప్రేమలేఖ రాస్తే స్పందిస్తుందేమో అన్న ఆలోచన వచ్చిందే తడువు, ఆచరణలో పెట్టాడు. బాగా ఆలోచించి, చాలా కష్టపడి కిందమీదా పడి చివరికి ఓ ప్రేమలేఖ తయారు చేసి, గులాబి రంగు కవరులో పెట్టి ఆమెకి అందించాడు. నవ్వుతూ ఆమె ఆ కవరు అందుకుందే గానీ, రెండు రోజులు గడిచినా ఆమె నుండి ఏ విధమైన జవాబు రాలేదు. దానితో కొంచెం నిరాశ చెందినా తన బుర్రకి మరింత పదును పెట్టాడు. అప్పుడు మెదడులో ఓ మెరుపు మెరిసింది. తక్షణం తన ఆలోచన ఆచరణలో పెట్టాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/2muH2C9I-1g

'Tholagina Nili Nidalu episode 2' - New Telugu Story Written By Ayyala Somayajula Subrahmanyam

'తొలగిన నీలి నీడలు ఎపిసోడ్ 2' తెలుగు ధారావాహిక ప్రారంభం

రచన : అయ్యల సోమయాజుల సుబ్రహ్మణ్యము

(ప్రముఖ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

జరిగిన కథ:

వెంకటరామయ్య అనే రైతు కూతురు వెన్నెల. గుడి దగ్గర ఆమెను చూసిన రవిప్రకాశ్‌ అనే యువకుడు ఇష్టపడతాడు. ఆమె వివరాలు స్నేహితుడు సుధాకర్ ని అడిగి తెలుసుకుంటాడు.

తొలగిన నీలి నీడలు ఎపిసోడ్ 1 కోసం ఇక్కడ క్లిక్ చేయండి.

ఇక తొలగిన నీలి నీడలు ఎపిసోడ్ 2 చదవండి.

సాయంత్రం గాలి, సంధ్యదీపాన్ని వెలిగించినట్లు చంద్రుడు అప్పుడప్పుడే ఉదయిస్తున్నాడు. వెన్నెల, ప్రియుడి మీద అలిగివున్నట్లే మబ్బుల చాటునే ఉండిపోయింది. డాబాపై వెల్లకిలా పడుకొని తలక్రిందులుగా చేతులుంచుకుని అలలుగా కదిలిపోతున్న మేఘాలవైపు చూస్తున్నాడు రవిప్రకాశ్‌.

నిద్ర పట్టని తుమ్మెద ఒకటి తన గూడు లోంచి బయటకి వచ్చి అతడి మీసకట్టు చూడగానే తనలాగే నిద్రపట్టని తుమ్మెదల బారు ఎక్కడికో ప్రయాణమైందని పరుగు

పరుగున వచ్చి సత్యం తెలుసుకోగానే బిత్తరపోయి బిరబిరా ఎగిరిపోయింది.

అతని కళ్ళ ముందు ఒక మధుర స్వప్నంలోని మహారాణి ఆమె. కనురెప్పలు వాల్చాలని లేదు. కంటి తెరపై నిలుపుకున్న ఆమె రూపాన్ని తనివితీరా చూసుకుంటున్నాడు.

ఆమె వెన్నెల.

ఒక ప్రభంజనంలో ధూళి కణంలా కొట్టుకుపోవడమే ప్రేమయితే అతడు తన ఉనికిని ఎప్పుడో కోల్పోయాడు. ఆమె స్మృతుల ప్రభంజనంలో అతడు జ్ఞాపకమై కొట్టుకు పోతున్నాడు. భుజం మీద ఎవరిదోచేయి పడగానే ఉలిక్కిపడి ఆలోచనల్లోంచి తేరుకున్నాడు. మది కదిలింది. కల చెదిరింది.

"ఏమిటీ అంత దీర్ఘంగా ఆలోచిస్తున్నావు?" అడుగుతూ అతని ప్రక్కనే కూర్చున్నాడు సుధాకర్‌.

"ఏం లేదు. !" అని చెప్పి పెదవుల మీదికి చిరునవ్వు తెచ్చుకుని సర్దుకున్నాడు.

సుధాకర్‌ రెండు చేతులు వెనక్కి ఆన్చి, కాళ్ళు బార్లా చాపుకుంటూ "మా వూరు నచ్చిందా ?" అడిగాడు.

"చాలా ! ప్రకృతి అంటే పల్లియలు. పల్లియలంటే ప్రకృతి. ఎక్కడో చదివాను. ఈ పల్లె, పచ్చని పైర్లు, గోదావరి చూశాక ఆ మాటలు అక్షర సత్యాలుగా తోస్తున్నాయి. దినమంతా ఎండలో కష్టపడ్డా చెదరని ఆ రైతు కూలీల చిరునవ్వులు, సాయంత్రం ఇళ్ళకు వెళుతూ స్త్రీలు పాడే పాటలు. వాటికి తోడు మృదంగనాదంలా, పశువుల గిట్టల చప్పుడు. నిజంగా ఈ పల్లె జనాలెంత అదృష్టవంతులు" పరవశంగా కళ్ళు

మూసుకుని చెప్పాడు రవిప్రకాశ్‌. “నా కిక్కడే వుండిపోవాలనిపిస్తోంది”.

అతడి మాటలకి నవ్వాడు సుధాకర్‌. ఆ నవ్వు చూసి అతని వైపు ప్రశ్నర్థకంగా చూశాడు రవిప్రకాశ్‌.

"పల్లెటూరిని చూడటం ఇదే మొదటిసారా?" అడిగాడు సుధాకర్‌.

అవునన్నట్టు తలవూపాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/W7LuW_U6ZAA

(కథ manatelugukathalu.com లో చదవడానికి కథ పేరు మీద క్లిక్ చేయండి)

పులి మీద స్వారీ

రచన : గన్నవరపు నరసింహ మూర్తి 

(కథా పఠనం: మల్లవరపు సీతారాం కుమార్)

ఆ రోజు మాధ‌వ్ ఆఫీసుకొచ్చేస‌రికి ‘స‌ర్కిల్ ఇన‌స్పెక్ట‌ర్ గౌతమ్ ని ఎవరో దారుణంగా హత్యచేసా’రన్న పిడుగు లాంటి వార్త తెలిసింది. మాధ‌వ్‌, గౌత‌మ్ ఇద్ద‌రూ పోలీసు శాఖ‌లో ఒకేసారి ఎస్సైలుగా చేరారు. ఇద్ద‌రూ ఒకే కాలేజీలో డిగ్రీ చ‌దివారు. గౌత‌మ్‌కు పోలీసు శాఖ‌లో చాలా స్ట్రిక్ట్ పోలీసు ఆఫీస‌ర్ అన్న పేరుంది..

మాధ‌వ్ వెంట‌నే డీయ‌స్పీ రఘుని  క‌లిశాడు.

"చాలా ఘోరం జ‌రిగిపోయింది మాధ‌వ్‌.. ఇలా జ‌రుగుతుంద‌ని మేమెవ్వ‌రం అనుకోలేదు" అన్నాడు రఘు.

"సార్ ! మీరెవ్వ‌రూ అనుకోలేదు గానీ మా బేచ్‌లోని వాళ్ళంతా అత‌ని ప్రాణానికి ముప్పు ఉంద‌ని అనుకుంటునే ఉన్నాము" అన్నాడు మాధ‌వ్‌.

"మీ కెందుకొచ్చిందా అనుమానం.. ? అలాంట‌ప్పుడు ఎస్పీ గారికి గాని, నాకు గానీ ఆ విష‌యం ఎందుకు చెప్ప‌లేదు" అన్నాడు రఘు.

"సార్‌! మీరు 20 సంవ‌త్స‌రాల నుంచి పోలీసు శాఖ‌లో పనిచేస్తునారు. ఇక్క‌డ స‌మ‌స్య‌ల‌న్ని మీకు తెలుసు. మొన్న‌టి దాకా గౌత‌మ్ ఎన్నో సెన్సిటివ్ పోస్ట్‌ల‌లో ప‌నిచేసాడు. కొన్నాళ్ళు ఏంటీ న‌క్స‌ల్ స్వాడ్‌లో, కొన్నాళ్ళు సీఐడీలో, మరి  కొన్నాళ్ళు టౌన్ సీఐగా, కొన్నాళ్ళు లా అండ్ ఆర్డ‌ర్లో ప‌నిచేసాడు. అత‌ని ముక్కు సూటిత‌నం, ఎవ‌రికీ త‌ల‌వంచ‌ని మనస్తత్వాలవల్ల   ఎందరికో శత్రువయ్యాడు; ఏసీబీలో ఉన్నప్పుడు  అవినీతి ప‌రుల గుండెల్లో నిద్ర‌పోయాడు.

టౌన్ సీఐగా ఉన్న‌ప్పుడు రౌడీలు, ఎమ్మెల్యేల అనుచ‌రుల ఆగ‌డాల‌ను అణిచివేసి క‌ట‌క‌టాల్లోకి నెట్టాడు. అంత‌ర్రాష్ట దొంగ‌ల భ‌ర‌తం ప‌ట్టాడు. కాలేజీ అమ్మాయిల‌ను ఏడిపించే వాళ్ళ‌ను న‌గ‌ర బహిష్కరణ  చేయించాడు. స్మ‌గ్ల‌ర్ల‌ను ఉక్కుపాదంతో అణిచివేసాడు. ఈ చ‌ర్య‌ల వల్ల ఎంద‌రో శత్రువుల‌ను మూట‌కట్టుకున్నాడు. అటువంటి వాడిని ప్ర‌భుత్వం ఒక్క‌సారిగా ఆఫీసులో వేసి అత‌ని అధికారమ‌నే కోర‌ల్ని పీకేసింది.. దాంతో  శత్రువులు కక్ష గట్టి  అతన్ని హత్య చేశారు;" అన్నాడు మాధ‌వ్‌.

"నువ్వు చెబుతున్న‌ది ఆశ్చ‌ర్యంగా ఉంది.  అత‌న్ని ఆఫీసులో వెయ్య‌డానికీ, హ‌త్య‌కూ  సంబంధం ఏంటి? నువ్వు బోడిగుండుకీ,   మోకాలికీ ముడిపెడుతున్నావు" అన్నాడు ర‌ఘు.

"సార్‌! నేను స‌రిగ్గానే చెప్పాను. మీకు అర్ధం కాలేదో లేక  అర్థంకాన‌ట్లు న‌టిస్తున్నారో తెలియ‌టం లేదు.. అత‌ను 10 సంవ‌త్స‌రాలుగా ఎంద‌రో సంఘ విద్రోక శ‌క్తులు, రౌడీల‌కు వ్య‌తిరేకంగా చ‌ర్య‌లు తీసుకొని వాళ్ళ‌కి కొర‌క‌రాని కొయ్యిగా త‌యార‌య్యాడు;ఇన్నాళ్లూ  ఫీల్డ్ పోస్ట్‌లో వున్న  రక్షణ వల్ల  వాడిని ఎవ్వ‌రూ ముట్టుకునే సాహ‌సం చెయ్యలేదు.. 

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/VdfpVCcGBjY

నిన్నా మెున్నటి పూవు

రచన: భాగవతుల భారతి

కూతురిలో వయసుకు మించిన పరిణితి చూసింది ఆ తల్లి.

ఆ మెచూరిటీ కూతుర్ని తప్పు దారిలో నడుపుతుందని భయపడింది.

ఆమె అనుమానం నిజమో కాదో..ప్రముఖ రచయిత్రి భాగవతుల భారతి గారి కథలో తెలుసుకోండి.

ఈ కథ మనతెలుగుకథలు. కామ్ లో ప్రచురింప బడింది.

మీకు చదివి వినిపిస్తున్నది మీ మనోజ్.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి

Video link

https://youtu.be/tgTcPduTI_E

(కథ manatelugukathalu.com లో చదవడానికి కథ పేరు మీద క్లిక్ చేయండి)

సాంపి 

రచన: ముక్కామల జానకిరామ్

పున్ని, ఈరు సిన్నప్పటి నుంచి మంచి దోస్తులు. ఐదో తరగతి చదువుతుర్రు. పొద్దూకాల నుంచి సీకటయ్యే వరకు ఆడుకొని దూపైతే ఈరిగాడు పున్నిగాని ఇంటికి ఎల్లిండు. నీళ్ళు తాగనైతే తాగిండు గాని, ఆని సూపంతా పున్ని ఇంట్లో నేలపై ఏసిన బండల మీదనే ఉంది. పాల లెక్క తెల్లగా మెరుస్తున్నై బండలు.

ఆనుంచి ఇంటికొచ్చిన ఈరిగాడు "అమ్మా ! నేను పున్నిగాని ఇంటికి మంచిళ్ళు తాగితానికి ఎల్లిన. ఆలింట్ల లోపల తెల్లబండలున్నై. మరి మనింట్ల ఎందుకు లేవే?" అని ఈరి గాడు అడ్గిన దానికి ఏం సెప్పాలో అర్థంకాలే అమ్మ సలీలకు.

కాసేపు ఆలోశల్నవడ్డది అమ్మ..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి

Video link

https://youtu.be/pV6bzRZO4nQ

(కథ manatelugukathalu.com లో చదవడానికి కథ పేరు మీద క్లిక్ చేయండి)

స్టేటస్ కో

రచన : మల్లవరపు సీతారాం కుమార్

"నాన్నా! మనకు నెల్లూరుకు పక్కన అల్లీపురం గ్రామంలో తాతగారు రాసిచ్చిన ఇల్లు ఉందన్నావు కదా!" అడిగాడు మా పెద్దబ్బాయి సుధీర్.

అతను హైదరాబాద్ లో మా దగ్గరే ఉంటూ, సాఫ్ట్ వేర్ ఉద్యోగిగా పనిచేస్తున్నాడు.

"అవును సుధీర్! అయన వీలునామాలో నాకు రాసిచ్చాడు. ఆ ఊరికి అయన అంత్యక్రియలు, కర్మకాండలకు వెళ్లడమే.. అప్పుడు తాళం వేసుకుని వచ్చేశాను.

పదేళ్లయింది. మళ్ళీ అటువైపు వెళ్ళడానికి కుదర్లేదు. ఆ తరువాత ఆ ఇంటి గురించి పట్టించుకోలేదు" అన్నాను నేను.

"ఒకసారి వెళ్దాం నాన్నా. ఆ ఇల్లు ఎలా ఉందో.. చూడాలనుంది"  అన్నాడు రెండో అబ్బాయి కళ్యాణ్. వాడు బి టెక్ ఆఖరి సంవత్సరం చదువుతున్నాడు.

గతుక్కుమన్నాను. కొంపదీసి వీళ్లకు ఆ ఇంటి విషయంగా గొడవలు జరిగినట్లు తెలిసిందా..?

అనుమానంగా నా శ్రీమతి వైపు చూశాను.

తను వారికేమీ చెప్పలేదన్నట్లు సైగ చేసిందామె.

'హమ్మయ్య! వాళ్ళు యధాలాపంగా అడిగారన్న మాట. ఏదో చెప్పి దాటవేయ్యాలి' అనుకున్నాను.

"మీకేనా.. నాక్కూడా ఎన్ని రోజుల్నించో అక్కడికి వెళ్లి, అవసరమైన మరమ్మత్తులు చేయించాలని ఉంది. ఆ ఇల్లు మా నాన్నగారి జ్ఞాపకం కదా! ఈ రెండు నెలలూ బిజీ గా ఉంటాను. తరువాత అందరం కలిసి వెడదాం " అన్నాను వెంటనే.

నా వంక ఆశ్చర్యంగా చూస్తోంది శ్రీమతి.

బహుశా నేను అబద్ధమాడుతూ ఉండగా ఆమె చూడడం అదే మొదటిసారేమో…

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి

Video link

https://youtu.be/m6nOYG3NKP8

'Premante Idena Part 6' - New Telugu Web Series Written By Penumaka Vasantha

'ప్రేమంటే ఇదేనా! పార్ట్ 6' తెలుగు ధారావాహిక

రచన, కథా పఠనం: పెనుమాక వసంత

నాకు ఒక వైపు ఆనందం మరో వైపు ఏమి చేయాలో పాలుపోవటం లేదు. ఆనంద్ నన్ను ఇష్ట పడుతున్నాడా!? మేఘాల్లో తేలిపోతునట్లుగా ఉంది. ఇన్నాళ్లు, నన్ను, ఇష్ట పడటం లేదనీ ఆనంద్ మీద పీకల దాకా కోపం ఉంది. ఇపుడేమో ఇష్టపడుతుంటే.. అయోమయం గా ఉంది. ఇందుకేనా! ఆడవారి మాటలకు, ఆర్ధాలే వేరులే అనేది.

అంటే, నేను ఆనంద్ ను ఇష్ట పడుతున్నానా!? ఇదేనా ప్రేమంటే? ఆనంద్, ఫోన్ చేస్తే, ఏమి మాట్లాడాలి.. కాని నేను నా సుఖం చూసుకొని వెళ్లిపోతే నాన్న అప్పులు ఎవరు తీరుస్తారు. పిచ్చి నాన్న.. అందరూ నీలాగా వుండరు. నువ్వు అమ్మమ్మ వాళ్లకు ఎంత హెల్ప్ చేసావో! మాకు తెలుసు. తాతయ్య పోతే పిన్నికి పెళ్లి చేసావు. మామయ్యను చదివించావు. అదే అక్కను ఇచ్చిన బావ మనకు అంత హెల్ప్ గా లేడు. పండగకు అది ఇవ్వలేదు, ఇది ఇవ్వలేదంటూ! ఒకటే నస.

అందుకని, ఇపుడు బాగున్నా ఆనంద్ తర్వాత మీ అమ్మ వాళ్ళు ఏమి ఇవ్వలేదంటే ఏమి చేయాలి. !? ఒకవేళ ఆనంద్ కు లేకపోయినా వాళ్ల అమ్మానాన్న కుంటే కాదనలేడు కదా! ఇవన్నీ క్లియర్ చేసుకుంటేనే నేను ఆనంద్ తో పెళ్లికి ఒప్పుకోవాలనుకున్నా.

ఆ ఈవెనింగ్ ఆఫీస్ నుండి వచ్చి కాఫీ తాగుతుంటే కాల్ చేసాడు ఆనంద్. "హలో” అన్నాను.

"నేను ఆనంద్ నండి” అన్నాడు. నాకు ఏమి మాట్లాడాలో తెలియలేదు. "ఆ.. చెప్పండి."

"థాంక్స్, ఓకే చెప్పినందు”కన్నాడు.

"కానీ!" అని నేనసుగుతుంటే..

"అర్థమైంది!.. మీరు ఏమి మాట్లాడతారో! రేపు సండే మీకు వీలైతే ఒకసారి కలిసి మాట్లాడుకుంటే, ఇవన్నీ, క్లియర్ అవుతాయి కదా!" అన్నాడు ఆనంద్.

"అవునండీ! ఇంటికి రండన్నాను. "

"ఓకే! కొంచం రేపు అయినా.. కాస్త మనసు విప్పి మాట్లాడుతారుగా!" అన్న ఆనంద్ తో నవ్వుతూ.

"ట్రై చేస్తా లెండ”ని ‘బై’ చెప్పి పెట్టేసాను.

రేపు ఆనంద్ వస్తాడనగా ఇల్లంతా సర్ది ఉంచాను. ఉన్న వాటిల్లో వైట్ ఆర్గంజ్ శారి తీసి కట్టుకుని ముత్యాల దండ వేసుకుని రెడీ అయి ఫస్ట్ టైం చాలా ఇంటరెస్టింగ్ గా తయారయ్యాను. తయారవుతూ.. 'ఎందుకు ఇలా రెడీ!? అవ్వటం ఆనంద్ ను ఇంప్రెస్స్ చేయటానికా! ఇదేనా ప్రేమ అంటే.. నో అదేమీ! కాదు. ఆత్మ సౌందర్యం తో పాటు బాహ్య సౌందర్యం కూడా ఉండాలంటూ' ఇలా రెఢీ అవ్వటం తప్పు కాదంటూ!' మనసును సమాధానపెట్టాను.

కాలింగ్ బెల్ మోగిన సౌండ్ వినిపించటం తో వెళ్లి డోర్ తీస్తే ఎదురుగా ఆనంద్! ఏదో తెలియని సిగ్గు ఆవరించగా "లోపలికి రండి" అని సోఫా చూపించాను.

"మంచి నీళ్ళు కావాలా?” అని అడిగాను.

ఓ.. ! మీకు మాటలు కూడా వచ్చా?" చిరునవ్వుతో ఆనంద్ అడిగేసరికి "నేను చాల వాగుడు కాయను. కాకపోతే బాగా పరిచయం అయితే కాని మాట్లాడను" అన్నాను.

"ఇప్పుడు నేను పరిచితుడినా, అపరిచితుడునా!" అని ఆనంద్ అడిగేసరికి నవ్వు వచ్చింది.

"మీరు ప్రస్తుతానికి అపరిచితుడు. ఇపుడు మాట్లాడితే కాస్త పరిచితుడవుతారు. "

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/FgfretZbiIc