Mana Telugu Kathalu | మనతెలుగుకథలు.కామ్ | Telugu Short Stories

'Pellam Chebithe Vinali' - New Telugu Story Written By Mohana Krishna Tata

'పెళ్ళాం చెపితే వినాలి' తెలుగు కథ

రచన: తాత మోహనకృష్ణ

కథా పఠనం: మల్లవరపు సీతారాం కుమార్

"నాన్నా! ఒక విషయం అడగనా?"

"అడుగు శ్యామ్"

"మీరు అమ్మ మాట వింటారా? అడిగిన అన్నింటికీ ఒప్పుకుంటారా?"

"ఎందుకు అలాగా అడుగుతున్నావు"

"మా ఫ్రెండ్స్ అంతా, పెళ్ళాం మాట వింటేనే, మొగుడు హ్యాపీ అంటున్నారు"

"పెళ్ళైతే నీకే తెలుస్తుంది రా కన్నా"

"నేను మాత్రం, పెళ్ళాం మాట వినను. నేను స్వతంత్రంగానే ఉంటాను నాన్న!"

"ఆల్ ది బెస్ట్ మై సన్"

***

సంవత్సరం పోయాక, శ్యామ్ కు పెళ్ళిచూపుల హడావిడి..

ముందు రోజు వాళ్ళ ఫ్రెండ్స్ "ఒరే శ్యామ్! మంచి పెళ్ళాం వస్తే లైఫ్ హ్యాపీ రా! లేకపోతే అంతే రా!” అన్న మాటలు గుర్తొచ్చాయి.

పెళ్ళి చూపులలో అమ్మాయి, అబ్బాయి ఎదురుగా కూర్చుంది. ఫార్మాలిటీ రౌండ్ లో ప్రశ్నలు అయిపోయాయి.

అమ్మాయి పేరు మేఘన. చదువు డిగ్రీ. ఇంటి పని, వంట పని వొచ్చు. ఇవే ఫార్మాలిటీ రౌండ్ ప్రశ్నలకు సమాధానాలు.

"నాన్నా శ్యామ్! అమ్మాయి నచ్చిందా? "

"అమ్మాయి చాలా అందంగా, అమాయకంగా ఉంది నాన్న! అమ్మాయి చాలా నెమ్మదిగా, గౌరవంగా మాట్లాడింది"

"అయితే! నచ్చిందంటావు! మీ అమ్మకు చెప్పు మరి..."

"నాకు అమ్మాయి నచ్చిందమ్మ... పెళ్ళి చేయండి" అడిగాడు శ్యామ్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/b3Rvb-V5Xxw

'Yee Kalam Pillalu' - New Telugu Story Written By Jidigunta Srinivasa Rao

'ఈ కాలం పిల్లలు' తెలుగు కథ

రచన : జీడిగుంట శ్రీనివాసరావు

(ప్రముఖ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

“దోశ తింటారా లేకపోతే వడా సాంబార్ తెప్పించుకుంటారా?” అంటూ వంటగది లోనుంచి అరిచింది శాంత.

చదువుతున్న పేపర్ పక్కన పడేసి “నీరసం గా వుంది, దోశలు వెయ్యి” అన్నాడు పరమేశ్వర్.

“అడిగితే కానీ చెప్పరు, షుగర్ పడిపోయి దడ దడలాడిపోతో టిఫిన్ అంటే అప్పటికప్పుడు రెడీ అవ్వటానికి హోటల్ కాదుగా, పోనీ పెనం వేడిచేసి యిస్తాను, మీకు కావలిసినట్టు దోశలు వేసుకోండి, నేను దీపం పెట్టుకోవాలి” ఆంది.

“దీపం కి ఏమి తొందరలేదు. ముందు నువ్వు నాకు టిఫిన్ పెట్టు, పతిదేవుడు కంటే ఎవ్వరు గొప్పకాదు అని మీ అనసూయ చెప్పింది” అన్నాడు.

“మీకు సినిమా అనసూయ తప్పా పురాణం అనసూయ కూడా తెలుసా..” అంటూ చూయ్యి మని దోశ వేసింది పెనం మీద.

“ఒరేయ్ పరంగా! కొంపములిగింది రా” అంటూ పరమేశ్వర్ స్నేహితుడు కృష్ణ లోపలికి వచ్చాడు.

“యింకో రెండు దోసెలోయ్, మీ అన్నయ్య వచ్చాడు” అంటూ భార్య తో అని, “చెప్పరా, ఏమైంది?” అన్నాడు.

“కిందటి వారం మా అమ్మాయి పద్మని చూసుకోవడానికి నాలుగు సంబంధాలు వచ్చాయి అన్నాను గుర్తుందా?” అన్నాడు కృష్ణ.

“నువ్వు చెప్పి వారమేగా అయ్యింది. అప్పుడే ఎలా మర్చిపోతాను, మీ అమ్మాయి జీతం రెండు లక్షలు అయితే వాళ్ళవి లక్ష కంటే లేవని, అందుకనే మీ ఆవిడా, అమ్మాయి కలిసి వాళ్ళని నానా ప్రశ్నలు వేసి పంపించేసారని చెప్పావుగా, మళ్ళీ ఈ రోజు ఎవ్వరైనా వస్తున్నారా పెళ్లిచూపులకి?” అన్నాడు పరమేశ్వర్.

“లేదురా బాబూ, ఆ నలుగురి తండ్రులు ఫోన్ చేసి, ‘మీ అమ్మాయి నచ్చింది, ఒకసారి మీరు వస్తే విషయం మాట్లాడుకొందాము’ అని అన్నారు” అన్నాడు.

“అయితే మంచిదేగా, మీకు నచ్చిన సంబంధం ఒప్పుకుని మాకు పప్పన్నం పెట్టేసేయ్” అన్నాడు పరమేశ్వర్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/rLQ9hmqRIAA

'Nannu kshaminchavu' - New Telugu Story Written By Padmavathi Divakarla

'నన్ను క్షమించవూ' తెలుగు కథ

రచన: పద్మావతి దివాకర్ల

కథా పఠనం: మల్లవరపు సీతారాం కుమార్

ప్రశాంత్ హాస్పిటల్లో బెడ్పై విశ్రాంతి తీసుకుంటున్నాడు. అతనికి నిద్రాభంగం కలగకుండా నెమ్మదిగా కుర్చీని అతని బెడ్ పక్కకి లాక్కొని కూర్చుంది సుమతి. ఎంత నెమ్మదిగా ఆమె అలా చేసినా ప్రశాంత్కి మెలుకువ రానేవచ్చింది. కళ్ళెత్తి ఆమె వైపు చూసి బలహీనంగా నవ్వాడు. మరుక్షణం అతని కనుకొలుకుల్లో నీళ్ళు నిలిచాయి.

ప్రశాంత్ ని అలా చూసేసరికి సుమతికి మనసులో కలుక్కుమంది. ఎప్పుడూ జాలీగా, సరదాగా, హుషారుగా ఉండే ప్రశాంత్ పరిస్థితికి బాధ కలిగింది.

"ధైర్యంగా ఉండు ప్రశాంత్! నీకేమీ కాదు! త్వరలోనే నయమైపోతుంది. రెండంటే రెండే రోజుల్లో నయమై హాస్పిటల్నుండి తిరిగి వస్తావు. " ప్రశాంత్ తల నిమురుతూ అనునయంగా అంది సుమతి పెదవులపై నవ్వు తెచ్చుకుంటూ.

ఆమె వైపు జాలిగా చూసి జీవంలేని నవ్వు ఒకటి నవ్వాడు ప్రశాంత్. "నాకు తెలుసు సుమతీ, నాకు వచ్చిన జబ్బు ఎంత ప్రమాదకరమైనదో! నాకు బ్లడ్ క్యాన్సరని నాకు తెలుసు. నా ఆయువు కొన్ని నెలలేనని కూడా నాకు తెలుసు. నేను బతకనని, కొద్ది రోజుల్లోనే నిన్ను విడిచిపెట్టి వెళ్ళక తప్పదని కూడా తెలుసు నాకు. " అన్నాడు ప్రశాంత్.

అతని మాటలు విన్న సుమతి నిరుత్తరరాలైంది. ఇన్నాళ్ళూ ప్రశాంత్ కి ఏ విషయమైతే తెలియకూడదని ఆరాటపడిందో ఆ నిజమే అతనికి తెలిసిపోయింది. అసలే అధైర్యంగా ఉన్న ప్రశాంత్ పరిస్థితి మరింత దిగజారుతుంది. ప్రశాంత్ ని చూసే డాక్టర్ వెంకట్ తనకేనాడో చెప్పాడీ విషయాన్ని. ప్రశాంత్ కి బ్లడ్ క్యాన్సర్ అని తెలియగానే ఆమె నవనాడులు కృంగిపోయాయి.

ప్రశాంత్ ని ప్రేమించి పెళ్ళి చేసుకొని ఏడాదైనా కాలేదు. తన జీవితం అర్ధాంతరంగా మోడుబారిపోతుందని తెలియగానే ఆమె దుఃఖానికి అంతేలేకుండా పోయింది. ఎంతోమంది స్పెషలిస్ట్ లకి చూపించింది. ధైర్యం కోల్పోకుండా విదేశాలనుండి వచ్చిన డాక్టర్లకి కూడా చూపించింది. రేపు అమెరికానుండి డాక్టర్ ప్రాన్సిస్ వస్తాడంటే అతన్ని కలసుకోవడానికి అన్ని ఏర్పాట్లు చేసుకుంది. ఆమెలో ఇంకా ఆశ మిణుకుమిణుకుమంటూనే ఉంది.

ప్రశాంత్ ప్రాణం కాపాడటానికి, అతన్ని మృత్యుముఖం నుండి తప్పించడానికి అన్ని ప్రయత్నాలు కొనసాగిస్తూనే ఉందామె. ఆమెలో ఆత్మస్తైర్యం తగ్గలేదు. అయితే ఇప్పుడు ప్రశాంత్ కి తన జబ్బు విషయం తెలిసిందనగానే ఆమెలో ఏదో తెలియని భయం ప్రవేశించింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/OPXnSvC0s40

'Amavasya Vennela - Episode 4 - New Telugu Web Series Written By BVD Prasada Rao

'అమావాస్య వెన్నెల - ఎపిసోడ్ 4' తెలుగు ధారావాహిక

రచన: బివిడి ప్రసాదరావు

(ప్రముఖ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

జరిగిన కథ:

టాక్సీ డ్రైవర్ శ్రీరమణ నీతీ నిజాయితీలు ఉన్న యువకుడు.

అనుకోకుండా అతని టాక్సీ క్రింద చంద్రిక అనే యువతి పడుతుంది.

గాయపడ్డ ఆమెను అతనే హాస్పిటల్ లో చేరుస్తాడు.

ఆమె తల్లి సావిత్రి, చెల్లెలు ఇంద్రజ హాస్పిటల్ కి వస్తారు.

నిజానికి ఇంటర్వ్యూ కోసం వెళ్లిన చంద్రికతో అసభ్యంగా ప్రవర్తించబోతాడు కామేశం. అతన్ని తప్పించుకునే ప్రయత్నంలోనే ఆమె నడుపుతున్న స్కూటీ శ్రీరమణ కారు కింద పడుతుంది.

చంద్రిక వైద్యం ఖర్చులు తను భరిస్తానని చెబుతాడు శ్రీరమణ.

చంద్రిక పరిస్థితి గురించి హాస్పిటల్ లో వాకబు చేస్తాడు కామేశం.

రూమ్ మేట్స్ అసహనంగా ఉండడంతో వేరే రూమ్ చూసుకోవాలనుకుంటాడు శ్రీరమణ.

ఇక అమావాస్య వెన్నెల ధారావాహిక ఎపిసోడ్ 4 చదవండి

మధ్యాహ్నం..

భోజనం చేస్తూ..

"అమ్మా. ఇప్పుడు ఉంటున్న రూంలో ఉండడానికి నాకు కుదరడం లేదు. రోజూ నా రావడాలు రాత్రి రెండు ఐపోతుంటుంది. నాలుగు గంటలే పడక." చెప్పుతున్నాడు శ్రీరమణ.

అతడినే చూస్తుంది పార్వతమ్మ.

"నువ్వు ఒప్పుకుంటే.. ఆ నాలుగు గంటలూ.. నీ పాకలో.. ఈ బల్లల మీద పడుకుంటాను. ఆ సమయంలో నువ్వు తలుపు తీయవలసి పని కూడా ఉండదు. నువ్వు లోపలే పడుకో. తెల్లారాకే తలుపు తీయి. నా కొద్ది సామాను నీతో లోపల పెట్టు. చాలు." చెప్పడం ఆపాడు శ్రీరమణ.

చిన్నగా నవ్వుతూ.. "నీ కష్టాలు చెప్పవు. అన్నింటికీ సర్దుకు పోతావు. ఏమిటి నాయనా నీ వాలకం." అంది పార్వతమ్మ.

శ్రీరమణ ఏమీ అనలేదు. ఆవిడనే చూస్తున్నాడు.

"సర్లే. నువ్వంటే నాకు గురి. నీ మాట కాదన లేను. నీకు నచ్చినట్టు చేసుకో." ఒప్పేసుకుంది పార్వతమ్మ.

"రాత్రి భోజనానికి వచ్చేటప్పుడు నా సామాను తెచ్చి పెడతాను. ఇక్కడ ఉన్నందుకు డబ్బులు.. భోజనాలకు ఇచ్చే డబ్బులతో ముట్ట చెప్పుతాను." చెప్పాడు శ్రీరమణ.

"చాల్లే.. నీ వాటమే వింత." అంది పార్వతమ్మ.

ఆ వెంబడే..

"నేను అడిగినా నువ్వు చెప్పేది లేదు. నీకు బోద పడినప్పుడే.. నీవి నాకు చెప్పు. నా దగ్గర.. నీకు నచ్చినట్టు తిరుక్కో." చెప్పింది.

శ్రీరమణ భోజనం చేస్తున్నాడు.

***

పక్షం రోజుల తర్వాత..

"నేను రోజూ రావడంతో.. మీ సంగతులు దగ్గరగా చూస్తున్నాను." చెప్పుతున్నాడు శ్రీరమణ.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/BV5TDTfK3uw

'Pragathi Premikulu episode 13' - New Telugu Web Series Written By Ch. C. S. Sarma

'ప్రగతి ప్రేమికులు ఎపిసోడ్ 13' తెలుగు ధారావాహిక చివరి భాగం

రచన: సిహెచ్. సీఎస్. శర్మ

కథా పఠనం: మల్లవరపు సీతారాం కుమార్

ఆ సాయంత్రం ఏడుగంటలకు వివేకానంద ఆహ్వానం మీద అతని క్వార్టరుకు అమృత పెద్దతండ్రులు ఇరువురూ, వారి సతీమణులు, వెంకటేశ్వర్లు వారి సతీమణి, త్రివిక్రం ఏడున్నరకు వచ్చారు.

ఝాన్సీ ఆమె తల్లి అలివేలు వారికంటే ముందుగా ఆరుగంటల కల్లా వివేక క్వార్టర్ కు వచ్చారు. వారు వచ్చిన అరగంటలో అమృత విజయ్ లు కలసి వచ్చారు.

అందరినీ వివేక్, ఝాన్సీలు స్వాగతం పలికారు. వివేక్ అందరికీ ఝాన్సీని, ఆమె తల్లిగారినీ పరిచయం చేశాడు. ఝాన్సీ తనకు కాబోయే అర్ధాంగి అని అందరికీ చెప్పాడు.

అందరికీ ఆశ్చర్యం కలిగే రీతిలో అమృత.. విజయ్ తనూ ప్రేమించుకొన్నామని మాకు పెద్దలు వివాహం జరిపించాలని నిర్భయంగా తెలియజేసింది.

వెంకటేశ్వర్లుగారు నవ్వుతూ వారి కుటుంబానికి వివేకానంద కుటుంబానికి ఉన్న బాంధవ్యాన్ని వివరించాడు. తను త్వరలో వెళ్ళి, వరసకు అక్క అయిన భువనేశ్వరిని కలవబోతున్నానని, విజయ్ కు అమృతను చేసుకోవలసిందిగా కోరబోతున్నానని తెలియజేశాడు.

తనకు, వివేకానంద కుటుంబానికీ ఉన్న బాంధవ్యాన్ని తెలిసుకొని త్రివిక్రం ఎంతగానో సంతోషించాడు. అందరూ పరస్పర ఛలోక్తులతో విందు భోజనాన్ని ఆరగించారు. అనంతరం సగౌరవంగా అందరికీ వీడ్కోలు పలికారు వివేక్, విజయ్ లు.

***

అమృత తండ్రి వెంకటేశ్వర్లు వాకిట్లో నిలబడి, ఇన్స్పెక్టర్ ఝాన్సీ రాకకు ఎదురు చూస్తున్నారు. ఝాన్సీ జీప్ వచ్చింది. ఆమె దిగింది.

“ఝాన్సీ అక్కా.. !" పిలిచింది అమృత.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/8u1qS91HVQQ

'Kottha Keratam Episode 1' - New Telugu Web Series Written By Dinavahi Sathyavathi

'కొత్త కెరటం! ఎపిసోడ్ - 1' తెలుగు ధారావాహిక ప్రారంభం

రచన: దినవహి సత్యవతి

కథా పఠనం: మల్లవరపు సీతారాం కుమార్

ఆపరేషన్ థియేటర్ వెలుపల, తలుపు పైన ఎర్రబల్బు వెలుగుతోంది. కళ్యాణిని ఆపరేషన్ థియేటర్ లోనికి తీసుకుని వెళ్ళాక, లోపలినుంచి ఎవరూ బయటకు రాలేదు బయటనుంచి లోనికీ ఎవ్వరూ వెళ్ళలేదు.

సమయం గడుస్తున్నా లోపల ఏం జరుగుతోందనే దాని గురించి ఎటువంటి సమాచారమూ లేదు.

ఒక పేరొందిన ప్రైవేటు ఆస్పత్రిలో, ప్రసవ సంబంధిత ఆపరేషన్ థియేటర్ బయట కుర్చీలో కూర్చుని, లోపల ప్రసవవేదన పడుతున్న భార్య, కళ్యాణిని, తలుచుకుని ఆందోళన చెందుతున్నాడు రాజేంద్ర.

కొడుకుకి ధైర్యం చెప్తూ ప్రక్కనే దిగులుగా కూర్చుని ఉన్నారు రామయ్య జానకి.

ఇంతలో ఆపరేషన్ రూము తలుపు తెరిచి బయటకి వచ్చిన గైనకాలజిష్ట్ “మిస్టర్ రాజేంద్ర, మీ భార్య కడుపులో బిడ్డ అడ్దం తిరిగింది. ఆపరేషన్ చెయ్యాలి” అని చెప్పారు.

“ఏమంటున్నారు డాక్టర్?”

“అంతకు ముందే ఇంకో ముఖ్యవిషయం కూడా తెలియజేయాలి. మునుపటికంటే ఇప్పుడు ఆమె స్థితి మరింత ఆందోళనకరంగా మారింది, తల్లీ బిడ్డలు ఇరువురినీ కాపాడేందుకు మా ప్రయత్నం మేము చేస్తాము కాని ఇద్దరిలో ఒక్కరినే కాపాడగలము. అయితే ఎవరిని కాపాడాలి అనే విషయంలో మీ నిర్ణయం, అనుమతి కూడా అవసరం” డాక్టర్ చెప్పినది విని హతాశుడయ్యాడు.

“తల్లిని అంటే నా భార్యనే బ్రతికించండి డాక్టర్”

“సరే మీ నిర్ణయం ప్రకారమే జరుగుతుంది. అయితే ఆమెకి ఇకపై పిల్లలు పుట్టే అవకాశం ఉండదు”

ఒకదానిపై ఒకటిగా వింటున్న వార్తలు శరాఘాతంలా బాధిస్తుంటే గిలగిలలాడారు రాజేంద్ర, రామయ్య, జానకి.

ముందుగా తేరుకున్న రాజేంద్ర, కృంగిపోతున్న మనసుని అదుపులోకి తెచ్చుకోవడానికి విశ్వప్రయత్నం చేస్తూ “అయినా సరే నా భార్యనే బ్రతికించండి డాక్టర్” ధృఢంగా పలికాడు.

కొడుకు నిర్ణయం రామయ్య హృదయాన్ని ముక్కలు చేసింది. జానకి నోట మాటలేదు. ఒకవైపు కోడలు క్షేమంగా బ్రతికి బయటపడాలని కోరుకుంటున్నా మరోవైపు ఆమెకిక తల్లయ్యే అవకాశం లేదని విని హతాశురాలైంది.

‘ఓ భగవంతుడా! ఇంత నిర్దయుడవేమయ్యా, ఎందుకిలా చేసావయ్యా, ఈ జన్మకి మనవడిని కళ్ళజూసుకుని ఒడిలో ఆడించి మురిసిపోయే యోగమే లేదా? మా వంశం ఇక్కడితో ఆగిపోవాల్సిందేనా?’ అనుకుంటూ జానకి మధనపడుతుంటే, మనసులో బాధని దైవానికి విన్నవించుకుంటూ కన్నీరు కారుస్తున్నారు రామయ్య.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/iC6sqlHPnvI

'Raghupathi Raghava Rajaram Episode 1- New Telugu Web Series Written By Parupalli Ajay Kumar

'రఘుపతి రాఘవ రాజారాం ఎపిసోడ్ 1' తెలుగు ధారావాహిక ప్రారంభం

రచన: పారుపల్లి అజయ్ కుమార్

కథా పఠనం: మల్లవరపు సీతారాం కుమార్

రఘుపతి స్పెషల్ క్లాస్ తీసుకోవాలని ఉదయం ఎనిమిది గంటలకల్లా హీరో స్ప్లెండర్ ప్లస్ మీద కాలేజీకి వచ్చాడు.

బైక్ స్టాండ్ వేస్తుంటే గర్ల్స్ టాయిలెట్స్ దగ్గర పిల్లలు, పెద్దలు గుమిగూడి ఉండటం చూసాడు.

ఏమైందోనని ఆదుర్దాగా అటు నడిచాడు. సుమారు ఇరవై ఏళ్ళ యువతి నేలమీద బోర్లా పడివున్నది.

వంటి మీద బట్టలన్నీ చిరిగిపోయి అస్తవ్యస్తంగా చెదిరిపోయివున్నాయి.

దాదాపుగా అర్ధ నగ్నంగా కనిపిస్తున్న ఆమెను చూస్తూ ప్రక్కనున్న పెద్దమనిషి తలకు చుట్టుకొనివున్న తువ్వాలుని అడిగి తీసుకొని ఆమెపై కప్పాడు.

ఇంతలో పోలీసులు వచ్చారు.

గుంపును చెదరగొట్టి ఆ యువతి దగ్గరకు వెళ్ళారు.

ఒక కానిస్టేబుల్ ఆమె ముక్కు దగ్గర వేలు ఉంచి చూసాడు.

" సార్, ఈమె బ్రతికే వుంది. "

అన్నాడు SI తో.

SI వెంటనే 108 కు ఫోన్ చేసాడు.

పోలీసుల వెంట వచ్చిన కెమెరామెన్ ఆమెను ఫోటోలు తీస్తున్నాడు.

ఆ యువతిని ఎక్కడో చూసినట్లు అనిపించింది రఘుపతికి.

జ్ఞాపకం తెచ్చుకోవటానికి ప్రయత్నిస్తూ SI దగ్గిరకు వెళ్ళి విష్ చేసాడు.

"SI గారూ ఈమెను ఇంతకుముందు ఎక్కడో చూసినట్లు గుర్తు" అని అన్నాడు.

"ఎక్కడ చూసారు?" SI అడిగాడు.

రఘుపతి రెండు నిమిషాలు ఆలోచిస్తున్నట్లు ఉండిపోయాడు.

" ఆ గుర్తొచ్చింది. మా వూరి రైతు సీతయ్య బావమరిదితో కనిపించింది రెండుసార్లు. పెట్రోలు బంక్ దగ్గర ఒకసారి కనిపించింది. నేను పెట్రోల్ పోయించుకోవటానికి వెళ్ళినప్పుడు సీతయ్య బావమరిది శేషగిరి పెట్రోల్ బంక్ వాడితో గొడవపడుతున్నాడు.

అప్పుడు ఈమె శేషగిరి బండిపైన కూర్చొని కనిపించింది. మాములుగా అయితే అంత గుర్తుండేది కాదు. కానీ శేషగిరి గొడవకు అటు చూసిన నాకు ఈమె కనిపించింది.

శేషగిరి భార్య నాకు తెలుసు. ఈమెను చూసి ఎవరో బంధువులో, తెలిసిన వారో అనుకున్నాను. శేషగిరి నన్ను గమనించలేదు. రెండు మూడు నిమిషాలపాటు పెద్దగా అరచి అక్కడినుండి బండి తీసుకుని వెళ్ళిపోయాడు ఈమెతో పాటుగా.

రెండవసారి సినిమా హాల్లో కనిపించారు. మా ముందు వరుసలో కూర్చున్నారు వీరిద్దరూ. ఊళ్ళో సీతయ్యకు, మాకు పొలం సరిహద్దుల గురించి కొద్దిగా గొడవలున్నాయ్. అందుకే శేషగిరిని చూసినా పలకరించలేదు" చెప్పాడు రఘుపతి.

"శేషగిరిది ఏ వూరు?" అడిగాడు SI.

"గువ్వల పాలెం. ఎక్కువుగా అక్కగారింట్లో అంటే మావూరిలోనే ఉంటాడు. పిల్లలు లేరు. భార్య ఆ వూరిలో, ఇతను మావూరిలో.. జల్సా రాయుడని అందరూ అనుకుంటుంటే విన్నాను. అతనితో నాకు ఎక్కువ పరిచయం లేదు."

SI ప్రభాకర్ పోలీస్ స్టేషనుకు ఫోన్ చేసి వెంకటాయపాలెం, గువ్వలపాలెం లకు కానిస్టేబుల్స్ ను పంపించాడు.

శేషగిరి ఎక్కడున్నా పోలీస్ స్టేషనుకు తీసుకు రమ్మని.

108 వచ్చింది.

ఆ యువతిని పట్టుకొని లేపుతుంటే దగ్గరగా వెళ్ళి చూసాడు SI ప్రభాకర్. గొంతు నులిమినట్లుగా కంఠంపై కమిలిపోయిన గుర్తులున్నాయి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/4z6lYvMkAXs

'Ika Jeevitham Udvega Purithamai - Utthunga Tharangamai - 4' - New Telugu Web Series Written By Pandranki Subramani

'ఇక జీవితం ఉద్వేగ పూరితమై - ఉత్తుంగ తరంగమై - 4' తెలుగు ధారావాహిక

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

కథా పఠనం: మల్లవరపు సీతారాం కుమార్

జరిగిన కథ:

కుటుంబ పోషణ కోసం ఢిల్లీలోని ఒక మెస్ లో కుక్ గా చేరుతాడు రామభద్రం.

ఒకరోజు అతనికి కలలో ఆ మెస్ నిర్వాహకురాలు రూపవతి కనిపిస్తుంది. అతనిలో అలజడి మొదలవుతుంది.

తన ఊరికి వెళ్లి రావడం కష్టంగా ఉందని, పని మానేసి వెళ్ళిపోతానంటాడు భద్రం. కుటుంబాన్ని ఢిల్లీకి తీసుకురమ్మని, అవసరమైన సహాయం చేస్తానని చెబుతుంది రూపవతి.

ఇంటికి వెళ్లిన రామభద్రం ఢిల్లీకి రావడానికి తన కుటుంబ సభ్యులను ఒప్పిస్తాడు.

'ఇక జీవితం ఉద్వేగ పూరితమై, ఉత్తుంగ తరంగమై - పార్ట్ 4' చదవండి.

రామభద్రం కుటుంబ సమేతంగా రైలు బండినుండి న్యూఢిల్లీ స్టేషనులో దిగేటప్పటికి తనతో బాటు అసిస్టెంటు కుక్సుగా పనిచేస్తూన్న భీమన్, సుందరయ్య ఇద్దరూ ఎదురు వచ్చారు చేయూత నివ్వడానికి. వాళ్ళను చూసిన మరుక్షణం అతడికి కడుపులో బిందెడు పాలు పోసినట్లనిపించింది. సహాయమంటే ఇది కాదా నిజమైన సహాయం! అదీను తను అడక్కుండానే తాముగాఎదురొచ్చి చేయూతనివ్వడమంటే ప్రాణదానం చేసినట్లుకాదూ!

వాళ్ళను భర్త పరిచయం చేసిన తోడనే కాంతం ఇద్దరికీ నమస్క రించింది. అందరూ ట్రాలీలో సామానుంచుకుని స్టేషన్ బయటకు వచ్చేటప్పటికి చలి తీవ్రంగా తాకనారంభించింది. రాఘవయ్యా తాయారమ్మా తమతో తెచ్చుకున్న దట్టమైన దుప్పట్లను ఒంటినిండా కప్పుకున్నారు. పిల్లకాయలిద్దరూ వేసుకున్న నార స్వెట్ట ర్లకు ఉషారుగా గుండీలు వేసుకుని సర్దుకుని చుట్టు ప్రక్కల కలయ చూస్తూ నడవసాగారు; కదిలే ప్రవాహంలా సాగుతూన్న జనసం దోహం మధ్య. కాంతం మాత్రం చీర చెంగుని మెడనిండా పరచుకుంది.

దేశరాజధాని పరిసరాలను అక్కడ కొత్తగా గోచరించే ప్రజల ఆహార్యాన్ని పరకాయించి చూస్తూ నడుస్తూంది. అలా వాళ్ళతో కలసి నడుస్తూనే ఆగాడు రామభద్రం- “ఎన్ని ఆటోరిక్షాలు మాట్లాడుకుందాం? మూడు చాలా? ”అని అడుగుతూ--

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/3rTCsYTHhwk

'Kovidara Sumam' - New Telugu Story Written By Ganga Koumudi

'కోవిదార సుమం' తెలుగు కథ

రచన: గంగా కౌముది

కథా పఠనం: మల్లవరపు సీతారాం కుమార్

"అమ్మా! విద్యావతి, నాకు పూజకి వేళ అవుతొంది. గంగమ్మను అర్చించి వస్తాను. అంతవరకు పిల్లలను చూస్తూ ఉండమ్మ" అంటూ జాగ్రత్త చెబుతోంది ఓ వనిత.

చూడటానికి తపస్వినిలా ఉన్నా ఆమె స్వరం కోకిలకి పాఠాలు నేర్పేటంత మధురంగా ఉంది. ప్రపంచంలో ఉన్న పూలన్నీ కలిపి తయారు చేసినట్లు ఆమె ముఖం కాంతి వెదజల్లుతొంది. కోటి సూర్యులు, శత కోటి చంద్రులు ప్రకాశించినా ఆ కాంతి ముందు తక్కువే అనిపిస్తోంది. ఆమె నడక హంసలకి పాఠాలు చెప్పే విధంగా ఉంది. సాక్షాత్తు ఆదిలక్ష్మీ దేవి భువిపైకి వచ్చినట్లున్న ఆమె గంగా నదికి బయలు దేరుతూ తోటి చెలికి తన పిల్లలను అప్పగిస్తోంది.

"అలాగే లోకపావనీ దేవి! నాకు అంతగా చెప్పాలా! నువ్వు పూజ చేసుకుని రా తల్లీ! నేను పిల్లలను చూసుకుంటాను" అన్నది ఆమె చెలి విద్యావతి.

తూర్పు తెల్లవారింది. బాల భానుని నునులేత కిరణాలు పద్మాలను ముద్దాడుతున్నాయి. విరిసీ విరియని కుసుమాలు అరవిరిసిన అరవిందాలతో మకరందాలు చిందుతున్నాయి. ప్రకృతి అంతా శరత్కాల శోభని సంతరించుకుంది. ఆ నగర ప్రాంగణంలో అంత శోభ విరిసినా ఓ మందిరంలో ఎవ్వరూ పోల్చలేని చీకటి తాండవిస్తూనే ఉంది. ఐదేళ్లుగా ఆ చక్రవర్తి హృదయాంతరాళంలో కమ్ముకున్న విషాద మేఘాలు కరిగి కన్నీరై వర్షిస్తోంది. ఇంతలో ఏవో అడుగుల సవ్వడి విని అటువైపు చూసాడు.

"అన్నా ! వందనం" అంటూ ఒక శుభ లక్షణ మూర్తి ఆ చక్రవర్తికి పాదాభివందనం చేసాడు. ఆ శుభ లక్షణ మూర్తి సర్వ శోభితుడైన లక్ష్మణ స్వామి. ఆ చక్రవర్తి భువనైక మోహన జగదాభి మూర్తి యైన శ్రీరామ చంద్రమూర్తి.

"అన్నా! గురువులైన వశిష్టుల వారి ఆనతి ప్రకారం మనం ఈ శరత్కాల వేళ వేటకు బయలుదేరాలి. అరణ్య ప్రాంత సంరక్షణా బాధ్యత నిర్వర్తించవలెనని గురువుల కోరిక. కనుక తమ ఆనతి అయితే రేపే సిద్ధం చేస్తాను అన్నయ్య!" అని సవినయంగా విన్నవించుకున్నాడు లక్ష్మణ స్వామి.

"లక్ష్మణా! సరిగ్గా ఐదు సంవత్సరాల క్రితం అపవాదు కారణంగా మీ వదినను కానలకు పంపిన కఠినాత్ముడను. నన్నూ ఆ కానల పాలు చేసే తరుణం మంచిదే నాయనా! గురువులు ఎటుల చెప్తే అట్లే కానీ నాయనా" అన్నాడు రామయ్య.

ఆ మాటలు వింటూనే "లేదు అన్నయ్య! మనుష్యులు కేవలం నిమిత్తమాత్రులు. సర్వం దైవాధీనం. తమరు అన్యదా చింతించకండి" అన్నాడు.

"సరే! రేపే భాగీరదీ అరణ్యానికి ప్రయాణం సిద్ధం చేయి" అంటూ తన లోకంలో తాను ములిగిపోయాడు శ్రీరాముడు.

గంగా తీరంలో పూజ చేసి గంగమ్మకి పూలమాల సమర్పించి, లోకపావనీ దేవి తన ఆశ్రమానికి బయలుదేరింది. ఇంతలో ఐదేళ్ల పిల్లాడు ఆమెని చూసి "అమ్మా! అప్పుడే పూజ అయిపోయిందా! మరి పసాదం ఏదీ" అంటూ తన బుజ్జి చేతులతో ఆమెని చుట్టేసాడు. అప్పుడు గ్యాపకం వచ్చింది ఆమెకు ప్రసాదం అక్కడే మరిచానని.

"నాయనా! కుశా! నీవు తమ్ముడిని చూస్తూ ఉండు. నేనిప్పుడే ప్రసాదం తీసుకువస్తాను" అంటూ మరలా గంగా తీరానికి వెళ్ళింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/AQl1CEOlEwA

'Vruddhudi Charamankam' - New Telugu Story Written By Varanasi Bhanumurthy Rao

'వృద్ధుడి చరమాంకం' తెలుగు కథ

రచన: వారణాసి భానుమూర్తి రావు

కథా పఠనం: మల్లవరపు సీతారాం కుమార్

అర్ద రాత్రి అయినా ఇంకా నిద్ర రాలేదు పరంధామయ్యకు. నిద్ర వచ్చిందంటే వింత గానీ, నిద్ర పట్టక పోవడం అనేది మామూలు విషయమే ఈ వయసులో! హాల్లో జీరో లైట్ బల్బు వెలుగుతుంది గుడ్డి గుడ్డిగా తన జీవితంలాగే! ఫాన్ గాలికి కిర్రు కిర్రు మని శభ్ధం చేస్తున్నాయి కొక్కీలు లేని కిటికీ తలుపులు. ఒక్కొక్క సారి గాలికి శబ్ధం చేసుకొంటూ ముందుకూ వెనక్కు కొట్టుకొంటున్నాయి. కిటికీ చెక్క తలుపుల్లాగా తన గుండె ఎన్నో సార్లు బలంగా వేగంగా కొట్టుకొంటూ వూగిసలాడుతోంది.

తను లేచి కిటికీ తలుపులు వేద్దామనుకొంటాడు. కానీ ఓపిక ఏదీ? దుమ్ము పట్టి, యాభై ఏళ్ళ నుండి తనతో సహ వాసం చేస్తూ కిర్రు కిర్రుమని శబ్ధం చేస్తూ తిరుగుతున్న ఫాను రెక్కల శబ్ధం తన రెక్కలుడిగిన వృద్ధ్యాపాన్ని పదే పదే గుర్తుకు తెస్తుంది. బేరింగులు చెడిపోయిన ఫాను చేసే వింత శబ్ధం వింటూ నిద్ర పోవడం తనకు అలవాటే! తను సావిత్రిని పెళ్ళి చేసుకొన్న రోజుల్లో తెచ్చుకొన్న ఓరియంట్ ఫాన్ అది. యాభై ఏళ్ళు అయినా ఇంకా మూలుగుతూ పని చేస్తోంది.

ఈ ఇల్లు తను కష్ట పడి వూరవతల కట్టించుకొన్నాడు. ‌ ఆ రోజుల్లో లక్ష రూపాయల వ్యయంతో ఈ రెండు రూముల ఇల్లు కట్టించి యాభై ఏళ్ళు దాటింది. తనకు ముసలి వయసు వచ్చినట్లుగా ఈ ఇంటికీ ఆలనా పాలనా లేక పాత బడి పోయింది. ఇంటికి సున్నాలు కొట్టించింది పాతిక సంవత్సరాల క్రితం పెద్దోడి పెళ్ళి కోసం. పెద్దోడి పెళ్ళికి‌ పైన ఒక రూము వేయించాడు తను. పిల్లలు వస్తే హాయిగా వుంటారని. పెద్దోడు పెళ్ళి చేసుకొని అమెరికా వెళ్ళి పోయి పాతిక సంవత్సరాలు దాటింది.

ఇంతవరకూ వాడి మొహం తను చూడనే లేదు. ‌ ఎక్కడున్నాడో ఏమో పెద్దోడు, కనీసం ఫోన్ గూడా చెయ్యడు. ఎక్కడున్నాడో గూడా తెలీదు. చిన్నోడయినా ఇంటి పట్టున వుండి హైదరాబాదు లో వుద్యోగం చేసుకొని వుంటాడనుకొంటే ఏదో రష్యన్ అమ్మాయిని పెళ్ళి చేసుకొని రష్యాకి వెళ్ళి పొయ్యాడు. ‌ ఇంతవరకూ రాలేదు. ఎలా వున్నావన్న అడిగిన పాపాన పోలేదు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/o23YeMwSK68