Mana Telugu Kathalu | మనతెలుగుకథలు.కామ్ | Telugu Short Stories

'Pragathi Premikulu episode 10' - New Telugu Web Series Written By Ch. C. S. Sarma

'ప్రగతి ప్రేమికులు ఎపిసోడ్ 10' తెలుగు ధారావాహిక

రచన: సిహెచ్. సీఎస్. శర్మ

(కథా పఠనం: మల్లవరపు సీతారాం కుమార్)

ఆ రాత్రి పదిన్నరన్న ప్రాంతంలో మఫ్టీలో వివేకానంద, ఏకాంబరం, ఎనిమిదిమంది పోలీసులు ఉపేంద్ర ఉన్న గెస్టు హౌసును చుట్టుముట్టారు. నలుగురు మిత్రులతో మందు త్రాగుతూ తన ప్రతాపాన్ని వారికి వినిపిస్తున్న ఉపేంద్రను, నలుగురినీ పట్టుకొన్నారు. బేడీలు వేసి, జీపులో త్రోసి, స్టేషన్ కు తీసుకొని వచ్చి, సెల్ లో త్రోశారు.

వాచ్మెన్ తిరిపాలు, సిటీకి పరుగెత్తి, విషయాన్ని ధనుంజయరావుకు తెలియజేశాడు. ధనుంజయ నిర్ఘాంతపోయాడు. అతనిలో ఆవేశం హద్దులు దాటింది. కోపం, బాధ, అవమానం అతన్ని రాక్షసుడిగా మార్చేశాయి. తన అడ్వకేట్ పీతాంబరంకు ఫోన్ చేసి, వెంటనే బెయిల్ మీద తన కొడుకు జైలు నుండి విడుదలయ్యేలా చేయమని ఆదేశించాడు.

"ఇది రాత్రి సమయం. ఈ రోజు శుక్రవారం. రేపు ఎల్లుండి శని, ఆదివారాలైనందున కోర్టుకు సెలవు. మీరు చెప్పింది నేను సోమవారమే చేయగలను సార్.. " వినయంగా తెలియజేశాడు లాయర్ పీతాంబరం.

విషయాన్ని విన్న రాజేశ్వరి బోరున ఏడుస్తూ.. . "నా మాటలను లెక్క చేయని దానికి ఫలితాన్ని చూచారా.. ! మీ ఇష్టానుసారంగా వాణ్ణి తప్పుడు దారిన నడిపించిన

దానికి ఫలితంగా వాడు జైలుపాలయ్యాడు. వాడు చిన్నవాడు. వాడికేం తెలుసు.. ?, అన్నీ తెలిసిన మీరు ఇలాంటి నీచమైన పనులు వాడి చేత చేయించి వాణ్ణి నాశనం చేశారు.

మీ ఈ పాపాలకు మీరూ ఒకనాడు శిక్ష అనుభవించవలసి వస్తుంది. చేసిన పాపం వూరికే పోదు. ఏదో రూపంలో మనల్ని చుట్టుకొని చంపేస్తుంది” భర్తపట్ల తనకు వున్న కోపం, కసిని, వెళ్ళగక్కి ఏడుస్తూ వెళ్ళిపోయింది రాజేశ్వరి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/dDAdOs4zOag

'Premante Idena Part 1' - New Telugu Web Series Written By Penumaka Vasantha

'ప్రేమంటే ఇదేనా! పార్ట్ 1' తెలుగు ధారావాహిక ప్రారంభం

"ఏ రాజీ! మన ఫ్రెండ్ కం టీచర్ పద్మ కి పెళ్లి కుదిరిందే. " అన్నాను.

"అవునా విరిజా! ఎవరే!?" అడిగింది రాజీ.

"పద్మ తో పని చేసే తోటి టీచరేనే! అన్నాను.

"లవ్ మ్యారేజ్ కదా!" అన్న రాజీ తో

"ప్రేమనా తొక్కనా.. ప్రేమ అయితే కట్నం తీసుకోరుగా! మరి పద్మ లవర్ సూరి మా నాన్న ఒప్పుకోడని కట్నం తీసుకుంటున్నాడు. పద్మ మీద అంత లవ్ ఉంటే వాళ్ల నాన్న ని ఒప్పించి చేసుకోవాలి! అందుకే నాకు ప్రేమల మీద నమ్మకం లేదు. మగవాళ్ళు అందరూ సెల్ఫిష్ లు" అన్నాను.

"సరేలే కాని, మనం పద్మ పెళ్ళిలో సందడి చేయాలే" అన్న రాజీతో "సందడి తర్వాత, పద్మపెళ్లికి మనం, హెల్ప్ చేయాలే" అన్న నా మాటతో ఏకీభవించింది రాజీ.

పద్మ మా కన్నా ఒక రెండు యేళ్లు పెద్దది. కాకపోతే, మా హిందీ పరీక్షలకు తను ట్యూషన్ చెప్పింది. అందువల్ల నేను, రాజీ హెల్ప్ చేయాలనే నిర్ణయానికి వచ్చాము.

ఇక పద్మ పెళ్లికి ఇంటి ముందు తాటాకుల పందిరి వేసి, దాన్ని రంగు రంగుల కాగితాలతో అలంకరించాము. సాయంత్రం పెళ్లి అనగా ఇక మేము రెడీ అయి.. వస్తాం అని చెప్పి ఇంటికి వెళ్ళాము.

"త్వరగా వచ్చేయండి" అన్న పద్మ తో "ఇదిగో చిటికెలో, ఫ్రెసపయి వచ్చేయం!?" అని ఇద్దరం ఇళ్లకు చేరాము.

"ఏంటి వారం రోజులు గా ఆ పద్మ ఇంట్లో వేలాడుతున్నారుగా పెళ్లి పనులనీ! అన్నం అన్నా పెట్టారా, లేదా!" అని మా బామ్మ వెటకారం ఆడింది.

"అయ్యో బామ్మ! అక్కడే, తినేసి వస్తున్నా. కాసేపు పడుకుని మళ్ళీ వెళ్ళాలి. ఇవాళ సాయంత్రం పెళ్లి" అని డాబా పైన గదిలోకి వెళ్ళి పడుకున్నా.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/pyxdZB4iYYM

'Vankaya Kura Kharidu Yabhai Velu' - New Telugu Story Written By Mohana Krishna Tata

'వంకాయ కూర ఖరీదు యాభై వేలు' తెలుగు కథ

రచన: తాత మోహనకృష్ణ

(కథా పఠనం: మల్లవరపు సీతారాం కుమార్)

కాంతం వీధి గుమ్మం దగ్గర నిల్చొని, ఎవరి కోసమో చూస్తున్నాది.

"కాంతం! ఎవరైనా వస్తున్నారా మన ఇంటికి?" అడిగాడు భర్త పేపర్ చదువుతూ..

"లేదండి! మెసేజ్ వచ్చిందండి ఉదయం. క్రెడిట్ కార్డు వస్తుందని!"

"క్రెడిట్ కార్డు అంటే అప్పు - తెలుసా? మీ పుట్టింటివారు పంపించే కట్నం కాదు"

"తెలుసులెండీ! మీకు ప్రతీది వెటకారమే!"

"వచ్చిందండీ.. కొరియర్.. కాంతం ముఖం వంద వాట్స్ బల్బ్ లాగ వెలిగిపోయింది. క్రెడిట్ కార్డు తీసుకొని దాచేసుకుంది కాంతం.

"ఏవండీ! రేపు మీ పుట్టినరోజు కదండీ! మీకు ఇష్టమైన గుత్తి వంకాయ కూర చేయనా?"

"అప్పుడే నోట్లో నీళ్ళు ఊరుతున్నాయి భర్త కళ్యాణ్ కు. అలాగే చెయ్యవే! గుత్తి వంకాయ లో ఉల్లిపాయలు సన్నగా తరిగి, కొత్తిమీర కారం దట్టించి చెయ్యవే కాంతం. నా బర్త్డే స్పెషల్ గా ఉంటుంది"

మర్నాడు ఉదయం..

"ఏవండీ! నన్ను సూపర్ మార్కెట్ లో డ్రాప్ చేయండి. మీ ఆఫీస్ కు వెళ్ళే దారిలోనే కదా"

"ఏం కొంటావ్ ఏమిటి?"

"మంచి తాజా వంకాయలండి"

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/JgIoAe0K7qg

'Prema Entha Badhiram Part 1/3' New Telugu Story Written By Sripathi Lalitha

'ప్రేమ ఎంత బధిరం పార్ట్ 1/3' పెద్ద కథ ప్రారంభం

రచన: శ్రీపతి లలిత

(కథా పఠనం: మల్లవరపు సీతారాం కుమార్)

"ప్రేమ ఎంత బధిరం"

( ప్రేమ గుడ్డిది మాత్రమే కాదు, చెవిటిది కూడా )

"అమ్మా!"

ఫోన్ ఎత్తగానే ప్రవీణ్ గొంతు సుధకి ఏదో తేడాగా అనిపించి

"ఏమైంది ప్రవీణ్ ?" ఆదుర్దాగా అడిగింది."ఇంత పొద్దున్నే ఫోన్ చేసావు"

"అమ్మా! నాన్న.. నాన్నకి సీరియస్ గా ఉందిట. అత్త ఫోన్ చేసింది. మేము విజయవాడ బయలుదేరి వెళ్తున్నాము. నువ్వు కూడా వస్తావా ?" అడిగిన ప్రవీణ్ కి

ఒక క్షణం నిశ్శబ్దం తరవాత,

"నాకు ఇవాళ బోర్డు మీటింగ్ ఉంది. నేను అవగానే బయలుదేరతాను. ఈలోగా మీరు వెళ్ళండి." సమాధానం చెప్పింది.

సుధ ఒక ప్రముఖ బ్యాంకులో జనరల్ మేనేజర్. ఇవాళో రేపో ఎగ్జిక్యూటివ్ డైరెక్టర్ కాబోతోంది.

బ్యాంకింగ్ రంగంలో తనకంటూ ఒక ప్రత్యేక స్థానం ఉంది.

తను వచ్చేసరికి అన్ని ఏర్పాట్లు చెయమని సరోజకి చెప్పి బ్యాంకుకి వెళ్ళింది సుధ. డ్రైవింగుకి సరోజ భర్త రాజు ఉన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/hXg4EwCASFk

'Manasuloni Prema Episode 6/6' - New Telugu Web Series Written By Yasoda Pulugurtha

'మనసులోని ప్రేమ - ఎపిసోడ్ 6/6' తెలుగు ధారావాహిక

రచన: యశోద పులుగుర్త

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

"అప్పట్లో ఈ విషయం నీకు చెప్పాలంటే ఏదో బెరుకు, నీవు తిరస్కరిస్తావేమోనన్ను సంశయం. అప్పుడే ఇంజనీరింగ్ పూర్తి అయింది. ఇంకా పరిపక్వత రాని వయస్సు. నీ పెళ్లి శుభలేఖ ఇస్తూ రమ్మనమని ఆహ్వానించావు. నీ కోసం ఒక చక్కని రాధాకృష్ణుల విగ్రహం బహుమానము గా కొన్నాను. నిన్ను ఇంక జీవితంలో చూడలేనన్న బాధ, నా తొలిప్రేమ విఫలమైందేనన్న ఒకలాంటి వైరాగ్యం నన్ను నీ పెళ్లి చూడకుండా అడ్డుకున్నాయి. నీ పెళ్లి బహుమానము అలాగే నా షోకేస్ లో అలంకరణగా ఉండిపోయింది. ఆ విగ్రహాన్ని చూస్తూ నీవెలా ఉన్నావో, అసలు నేను నీకు గుర్తు ఉన్నానా అనుకుంటూ తలపోస్తూ ఉంటాను. ఆ తరువాత ఏ అమ్మాయి నీలా అనిపించలేదు. పెళ్లిమీద విముఖతతో ఉండిపోయాను".

“నిజమా మురారీ, నమ్మలేకపోతున్నాను”.

'ఆమె కళ్లు దుఖమో, ఆనందమో తెలియని ఉద్విగ్నతతో వర్షిస్తున్నాయి'.

"నిజం చైత్రా, నీకు ఇష్టమైతే మనం పెళ్లి చేసుకుందాం. మనకంటూ ఒక అందమైన ప్రపంచాన్ని నిర్మించుకుందాం".

''అప్పుడు కలలా నా జీవితంలోకి వచ్చావు, కలగంటున్నపుడు వెళ్లిపోయావు, మళ్లీ ఇలా మెరిసావ్. కలో నిజమో ఇంకా అర్ధంకావడంలేదు. దీన్ని నిజం చేయవూ చైత్రా"?

“నేను జీవితంలో మోసపోయాను మురారీ. ప్రేమ, పెళ్లి అనేవి నా జీవితంలో ఎండమావులే అనుకుంటూ బ్రతుకు తున్నాను. కానీ ఇలా నన్నే ఆరాధిస్తూ, నా మీద సముద్రమంత ప్రేమను తన మనసులోనే దాచేసుకుంటూ బ్రతుకుతున్న నా మురారి 'వాసంత సమీరంలా' వచ్చి తన ప్రేమతో నన్ను ఉక్కిరిబిక్కిరి చేస్తాడని ఊహించలేదు. నేను ఎంతటి అదృష్టవంతురాలిని మురారీ అంటూ కళ్లనీళ్లు పెట్టుకుంటున్న చైత్రను అక్కడ నుండి లేపి ఆసరాగా ఆమె భుజాలచుట్టూ చేతులు వేసాడు.

''మా నాన్నకీ విషయం చెపితే ఎంత సంతోష పడ్తాడో మురారీ. మా చెల్లెలి పెళ్లి కుదిరినప్పటి నుండీ మా నాన్నకి నామీద దిగులు మరీ ఎక్కువైంది. నేను ఒంటరిగా ఉండిపోతానేమోనని. మా తమ్ముడు తను ప్రేమించిన అమ్మాయిని పెళ్లి చేసుకుని బెంగుళూర్ లో సెటిల్ అయ్యాడు. మా చెల్లెలికి హైద్రాబాద్ లో జాబ్ వచ్చిందని మా అమ్మా నాన్నా రెండు సంవత్సరాల క్రితం వైజాగ్ నుండి వచ్చేసి మా చెల్లెలితో ఇక్కడే ఉంటున్నారు. నాన్న రిటైర్ అయిపోయారు. మా నందిని పెళ్లి మా మమయ్య కొడుకుతో జరగబోతోంది".

'నందిని' పేరు విన్న మురారి ఒక్క క్షణం గతుక్కుమన్నాడు. "ఏ నందినీ” అంటూ అనుమానంగా అడిగాడు?

"ఏ నందిని గురించి నీకు తెలిసేమి”టంటూ చిలిపిగా అడిగింది.

"శ్రీరామ్ ఫైనాన్స్ కార్పొరేషన్ లో పనిచేసే నందిని తో నాకు పరిచయం ఉంది. అందుకని కాస్త డౌట్ వచ్చింది".

''తను మా చెల్లెలే. మా మామయ్య కొడుకూ, నందూ ప్రేమించుకున్నారు. మామయ్స కి మా నాన్న అంటే ఇష్టంలేదు మొదటినుండీ. దానికి తోడు నాకు డివోర్స్ అయిందని, మా తమ్ముడిది ప్రేమ వివాహమన్న వ్యతిరేక భావం మా కుటుంబం మీద. అదీగాక మా నాన్న తన పిల్లలకు పూర్తి స్వేఛ్చని ఇచ్చేసాడన్న ఒకలాంటి అసహనం. నందూని కోడలుగా చేసుకోడానికి అభ్యంతరం పెట్టాడు. నందూ చాలా మొండిది. బావను తప్పించితే ఎవరినీ చేసుకోనని హఠం వేసి మొత్తానికి సాధించింది. ఎలాగైతేనేమీ వారిరువురి పెళ్లికి మామయ్య అంగీకరించాడు''.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/veGbYaaMRZ4

'Ika Jeevitham Udvega Purithamai - Utthunga Tharangamai ' - New Telugu Web Series Introduction Written By Pandranki Subramani

'ఇక జీవితం ఉద్వేగ పూరితమై - ఉత్తుంగ తరంగమై' తెలుగు ధారావాహిక - ముందుమాట

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

ముచ్చటగా ఒక ముందుమాట—

(ఇక జీవితం ఉద్వేగ పూరితమై--ఉత్తుంగ తరంగమై--- నవలకోసం)

మూడ్రోజుల క్రితం ఒక విదేశీ రచయిత్రి యిలా అన్నట్టు గుర్తు-

‘ఏది వ్రాసినా యెలా వ్రాసినా అందులో నేనుంటాను!’

పైకి యిది సరదాగా సందడిగా అగుపించినా లోలోన లైట్ గా తీసుకోకూడని విషయం మాత్రం కాదు. ఆ కోవన చూస్తే, మరొక అడుగు ముందుకు వేసి చూస్తే— పండిట్ జవహర్లాల్ నెహ్రూ అన్నమాటలు జ్ఞప్తికి రాక తప్పదు, ”జీవితం అనవరతం పరిసరాలతో పరిస్థితులతో సర్దుబాటు చేసుకుంటూపోయే ఒక జీవన ప్రక్రియ“(LIFE IS A CONTINOUS PROCESS OF MAKING ADJUSTMENT WITH ONE’S SURROUNDINGS AND CIRCUMSTANCES).

ఇక్కడ మనిషికి యెదురయే మూలాధారమైన పాయింటాఫ్ ఫోకస్ గురించి తర్కించాలి. సర్దుబాటనేది లేకుండా దానికి తావులేకుండా మనిషి మనుగడ సాగించలేడా! ఎటువంటి సర్దుబాటుకీ తావివ్వకుండా తన యిష్ట ప్రకారం విహంగంలా సర్వ స్వతంత్రుడై బ్రతుకు బాటను మలచుకోలేడా! వీటికి సజావుగా జవాబివ్వాలంటే మనం మన అట్టడుగు అనుభవాల పొదరిండ్లను వెతకవలసిందే-- ఎందుకంటే— ఏ మనిషీ దేశానికీ ప్రాంతానికీ అతీతంగా ఆలోచించి చూస్తే అదాటున లక్ష్మణ రేఖను దాటాలని పూనుకోడు. కంటికానని చీకటి సొరంగంలో చిక్కుకుపోవాలని కోరుకోడు. ఇదే కదా సరైన లా ఆఫ్ లాజిక్ ఔతుంది!

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/h07fOKykpAM

'Mudu Mulla Bandham Edadugula Anubandham' - New Telugu Story Written By Sumathi Thaduri

'మూడు ముళ్ళ బంధం ఏడడుగుల అనుబంధం' తెలుగు కథ

రచన: సుమతి తాడూరి

(కథా పఠనం: మల్లవరపు సీతారాం కుమార్)

'తెంచుకుంటే తెగిపోతుందా, దేవుడు వేసిన బంధం, తెలుసుకో నీ జీవిత గమ్యం, తెంచుకోమ్మ అనుబంధం'.. అంటూ పాట రాగానే, fm బంద్ చేసింది రోజా.

‘ఈ పాట ఏదో నా సిచుయేషన్ కి తగ్గట్టు ఉంది. ఇప్పటికే ఎటూ తెల్చుకోలేక పోతున్నా. ఈ పాట వినగానే తలనొప్పిగా ఉంది. నందిని ఆల్రెడీ పార్క్ కు వచ్చేసి ఉండొచ్చు’ అనుకుంటూ తొందరగా జింకల పార్క్ కు వచ్చింది రోజా.

అక్కడ నందిని ని చూడగానే హాయ్ చెప్పి హాగ్ చేసుకొని, గట్టిగా పట్టుకొని ఏడ్చేస్తూ ఉంది రోజా.

“ఏమైందే.. ఎందుకు ఏడుస్తున్నావు, ఫస్ట్ నువ్వు ఆ ఏడుపు ఆపి, ఏం జరిగిందో చెప్పు.. ” అంది నందిని.

“నేను, కిరణ్ ’విడాకులు’ తీసుకుంటున్నాము, రేపే కోర్ట్ లో కేస్!”

"విడాకులా? అదేంటే.. అదేదో ఫ్లాట్ తీసుకుంటున్నాము అన్నంత సింపులుగా చెప్తున్నావ్.. “ అంది నందిని ఆశ్చర్యం తో..

“నేను ‘లవ్ మ్యారేజ్’ చేసుకున్నాను. నీకు తెలుసుకదా”

“ఆ తెలుసు, అయినా నువ్వే చెప్పావు కదా, కిరణ్ ని ప్రేమించి పెళ్లి చేసుకొని, చాలా హ్యాపీగా ఉన్నావని” అని నందిని అనగానే, “అవునే అన్నాను, పెళ్లి అయిన కొత్తలో హ్యాపీగానే ఉన్నాము. తరువాత ఆ హ్యాపీ నెస్ తగ్గుతు వచ్చింది. పెళ్ళికి ముందు ఉన్న ప్రేమ, పెళ్లి తర్వాత ఉండదు. ఇద్దరూ పిల్లలు పుట్టాక, ఉన్న కాస్త ప్రేమ పోయింది. నాతో ప్రేమగా మాట్లాడి ఎన్ని రోజులైందో.. నేను మాట్లాడినా ‘ఊరికే సోది ముచ్చట్లు చెప్పకు’ అంటాడు.

రోజూ పొద్దునే లేచి, ఇంట్లో పని అంతా చేసుకొని, పిల్లలను రెడీ చేసి, స్కూల్ కు పంపి, కిరణ్ నీ ఆఫిస్ కు పంపి, తర్వాత పని అంతా అయ్యే సరికి మధ్యాహ్నం ఒకటి అవుతుంది. సరే.. కిరణ్ వచ్చే వరకు ఎదురు చూస్తూ ఉంటాను. కిరణ్ రాగానే తనని చూసిన ఆనందములో నా శ్రమ అంత మరచి పోతాను. ప్రేమగా ఎన్నో కబుర్లు చెప్పాలనుకుంటాను. తనేమో నోరు విప్పుడు. నా పాటికి నేనే లొడలొడా వాగుతూ ఉంటాను.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/IO73xPuZy0Y

'Amrutha - Anantha' - New Telugu Story Written By Mohana Krishna Tata

'అమృత - అనంత' తెలుగు కథ

రచన: తాత మోహనకృష్ణ

(కథా పఠనం: మల్లవరపు సీతారాం కుమార్)

ఆనంద్ హడావిడిగా బ్యాగ్ లో బట్టలు సర్దుతున్నాడు. వారం మునుపు ఢిల్లీకి ట్రైన్ బెర్త్ రిజర్వేషన్ చేసుకున్నాడు. పెద్ద కంపెనీ లో సాఫ్ట్‌వేర్ జాబ్ వచ్చింది.

ఆనంద్ చాలా తెలివైన వాడు. కష్టపడి చదువుకున్నాడు. వాళ్ళమ్మ కల - తన కొడుకు పెద్ద ఉద్యోగం చెయ్యాలని. అమ్మ ఆశీర్వాదము తో ఢిల్లీ బయల్దేరాడు.

బుక్ చేసిన క్యాబ్ గుమ్మం ముంది ఆగింది. ఆనంద్ బ్యాగ్ తీసుకొని బయల్దేరాడు. దారిలో తన కాలేజీ రోజులు గుర్తొచ్చాయి..

**************************

ఇంజనీరింగ్ చదువుతున్న రోజులవి. ఫ్రెండ్స్ తో చాలా సరదాగా ఉండేవి ఆ రోజులు. సీనియర్స్ - జూనియర్స్ తో కాలేజీ అంతా చాలా సందడిగా ఉండేది. అలాంటి ఒక సందర్భంలో, ఆనంద్ ఒక అందమైన అమ్మాయిని చూసాడు.

కొత్తగా జాయిన్ అయిన జూనియర్. సీనియర్ అవడం తో, ఆనంద్ చొరవ తో, అమ్మాయి దగ్గరకు ర్యాగింగ్ నెపంతో, పేరు అడిగి తెలుసుకున్నాడు.

"నా పేరు అమృత" అన్నది తన తీయటి గొంతుతో..

"నా పేరు ఆనంద్"- మీకు సీనియర్ని. చదువులో, ఏమైనా డౌట్స్ ఉంటే, నన్ను అడగండి. "

"అలాగే" అంది అమృత

అమృత తో స్నేహం రోజు రోజు కు ప్రేమ గా మారింది. ఆనంద్ తన ప్రేమ గురించి చెప్పడానికి సమయం కోసం చూస్తున్నాడు.

**********************

"సార్! స్టేషన్ వచ్చింది" అన్నాడు క్యాబ్ డ్రైవర్.

"ఓకే" అని చెప్పి బ్యాగ్ తీస్కొని లోపలికి వెళ్ళాడు. ట్రైన్ ఇంకా రాలేదు.

అక్కడ ట్రైన్ కోసం వెయిట్ చేస్తున్నప్పుడు మళ్ళీ పాత రోజులు గుర్తొచ్చాయి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/aIYaFgV0zpA

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Adade Adharam' - New Telugu Story Written By Pitta Gopi

'ఆడదే.. ఆధారం' తెలుగు కథ

రచన: పిట్ట గోపి

(కథా పఠనం: మల్లవరపు సీతారాం కుమార్)

సౌమ్య - విఘ్నేష్ కొత్త జీవితంలో కి వచ్చి అర్ద సంవత్సరం అవుతుంది.

చాలా మంచిగా చూసుకుంటున్నాడు విఘ్నేష్.

ఎందుకంటే సౌమ్య పెద్ద చదువులు చదువుకోకపోయినా.. కులం చూడకుండా విఘ్నేష్ ని ప్రేమించింది. అక్కడితో ఆగక తల్లిదండ్రులును ఎదురించి విఘ్నేష్ ని పెళ్లి చేసుకుంది కాబట్టి.

తానే ఓ చిన్న కంపెనీలో ఉద్యోగం చేస్తూ సౌమ్య ని చూసుకుంటున్నాడు. అర్ద సంవత్సరం వరకు బాగానే సాగిన వీళ్ళ కాపురం తర్వాత దారి తప్పింది.

కారణం..

సౌమ్య "నేను కూడా ఏదైనా జాబ్ చేస్తానండి. మీకు తోడుగా నేను ఉంటే వచ్చే నష్టం ఏమిటి.. " అనటం..

దీంతో విఘ్నేష్ మనసు చెడుగా ఆలోచించటం మొదలయ్యింది.

రోజు విఘ్నేష్ మద్యం తాగుతూ ఇంటికి రావటం. సౌమ్య తో ఊరికే గొడవ పడటం చేస్తుండేవాడు.

సౌమ్య సౌందర్య వంతంగా ఉంటుంది. దీంతో విఘ్నేష్ కి ఎక్కడ లేని అనుమానాలు కల్గేవి.

రోజు ఏదో ఒక నెపంతో గొడవపడకుండా ఆఫీసు కి వెళ్ళేవాడే కాదు..

చివరకు కొట్టడం కూడా మొదలట్టాడు.

సౌమ్య బాదని చెప్పుకునేందుకు కన్నవాళ్ళు ని కూడా దూరం చేసుకుంది. అందువల్ల తన బాదని ఓర్చుకుని అన్ని భరిస్తూ రోజులు గడపసాగింది.

ఒకరోజు విఘ్నేష్ ఆఫీసు కి బయలుదేరి వెళ్ళగా సౌమ్య ఇంట్లో ఎప్పటిలాగానే తన పనులు తాను చేసుకుంటుండగా..

బాల్కనీ వద్ద "దబేల్ "అని పెద్ద శబ్దం, మనిషి అరుపులు విని వెళ్లి చూడగా..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/jp8cX2g2-WM

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Atakapai Deyyam - New Telugu Story Written By Mohana Krishna Tata

'అటక పై దెయ్యం' తెలుగు కథ

రచన: తాత మోహనకృష్ణ

(కథా పఠనం: మల్లవరపు సీతారాం కుమార్)

సుహాస్ 7వ తరగతి చదువుతున్నాడు. అమ్మ, నాన్న లతో కలిసి హైదరాబాద్ లో ఉంటున్నాడు. సుహాస్ నాన్నగారిది బ్యాంకు ఉద్యోగం. ఆయనకి ప్రమోషన్ రావడం చేత వైజాగ్ ట్రాన్స్ఫర్ చేసారు. వైజాగ్ లో కొత్త ఇంట్లో, సుహాస్ కు ఒక పెద్ద గది. అందులో అన్ని వస్తువులు సర్దుకున్నాడు సుహాస్. ఆ ఇంట్లో సుహాస్ గది లో ఒక అటక ఉంది. దానిలో పాత సామాన్లు కొన్ని పడేసారు.

అందరూ కలిసి సరదాగా బయటకు వెళ్లారు. సుహాస్ వైజాగ్ బీచ్ లో చాలా ఎంజాయ్ చేసాడు. పార్క్ లో ఫొటోస్ తీసుకున్నాడు. రాత్రి ఇంటికి వచ్చేసరికి చాలా లేట్ అయ్యింది. అమ్మ ఇచ్చిన పాలు తాగాడు.

"అమ్మా! నిద్ర రావట్లేదు! కథ చెప్పవా?"

"అలాగే సుహాస్" అని ఒక రాజుల కథ చెప్పింది.

అటక పైన ఉన్న దెయ్యం ఈ మాటలన్నీ వింటున్నది.

మర్నాడు ఉదయం అమ్మ కు తెలియకుండా, ఫ్రిడ్జ్ లోంచి చాక్లెట్ తీసి తన రూమ్ లో కూర్చొని, తింటున్నాడు సుహాస్. వాళ్ళమ్మ రావడం గమనించిన సుహాస్, చాక్లెట్ అటక పైన పెట్టేసాడు. అమ్మ వెళ్ళాక చూస్తే అటక పైన చాక్లెట్ లేదు. అంతా వెదికాడు. సుహాస్ కు ఏమీ అర్ధం కాలేదు.

రాత్రి, అటక మీద నుంచి ఎవరో పిలుస్తున్నారు అనిపించింది సుహాస్ కు.

"సుహాస్! చాక్లెట్ చాలా బాగుంది. ఇంకొకటి కావాలి"

సుహాస్ భయపడిపొయాడు. "ఎవరది" అన్నాడు.

"బయపడకు! నేను మంచి దెయ్యాన్ని. నిన్ను ఏమీ చెయ్యను."

దెయ్యం, అలా అనగానే, సుహాస్ కు భయం పోయింది.

"దెయ్యమా? ఇక్కడేం చేస్తున్నావు?"

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/HhJFptiDy2A