MANTALITID

Nan epizòd MANTALITID sa, Vanessa Jeudi (chantez, militan feminis) se envite nou. Apati eksperyans pèsonèl li, ap pale « Kòman pratike mizik patisipe nan devlopman pèsonèl ak byennèt emosyonèl » li kòm atis.

« Réseaux Génies » se yon aktivite edikatif ki ap ankouraje jèn ayisyen ayisyen yo enterese plis ak aktivite entelektyèl. Ki bò pwojè sa soti ? Kòman l ka patisipe nan fòmasyon ak byennèt jèn yo? Monthyna Duperval, youn nan responsab aktivite a, ap bay detay nan epizòd MANTALITID sa.

Pa gen kritè inivèsèl nan tonbe damou. Chak moun gen preferans li. Si aparans fizik la konte pou kèk moun, pou kèk lòt, li pa gen twòp enpòtans. Nan epizòd MANTALITID sa, 7 envite bay avi yo sou kesyon an. E chak moun bay agiman pa yo.

Aprè yon eksperyans dezagreyab, pafwa nou gen tandans dekonekte menm ak pwòp tèt nou. Sa ki nwizib pou byennèt emosyonèl ak devlopman pèsonèl nou. Nan epizòd MANTALITID sa, w ap jwenn 5 etap enpòtan, pou ede w rekonsilye ak tèt ou aprè nenpòt eksperyans lan.

Pawòl yo gen yon chaj emosyonèl ki kapab gen enpak sou lavi nou. Nan epizòd MANTALITID sa, divès envite pale sou enfliyans yon pawòl yon moun te di yo genyen sou konpòtman ak eta emosyonèl yo kòm moun.

Pwokrastinasyon, se abitid yon moun genyen pou l repòte pou demen, aktivite li ta dwe fè jodi a, pandan li konn pito fè yon lòt bagay li twouve ki pi agreyab e mwens egzijan pase sa li ta dwe fè a. Kisa menm ki koz pwokrastinasyon ? Kòman nou ka soti nan pyèj sa ? Repons kesyon sa yo ak lòt ankò, nan nouvo epizòd MANTALITID sa.

« Sèks fèb », se yon ekspresyon yo konn itilize pou pale de fanm, kòm yon moun ki enferyè pa rapò ak gason nan kèk domèn. Konstriksyon sosyal sa souvan tounen yon baryè kont amansipasyon medam yo. Nan epizòd MANTALITID jodi a, Asmylaine Emmanuelle Brice, ki se yon militant dwa fanm, ap pale de reyalite a an Ayiti.

Abi seskyèl sou timoun, se tout konpòtman, atitid, enteraksyon yon moun genyen ak yon timoun, nan entansyon pou jwenn yon benefis seksyèl, oubyen itilize timoun nan seksyelman pou jwenn yon satisfaksyon. Max te gen 9 lane, lè yon responsab lekòl kote l te ye te abize li seksyèlman. Li rakonte kòman sa te pase, e kòman sa make lavi li.

Abi emosyonèl, se tout konpòtman sistematik, yon moun genyen anvè yon lòt moun, ki riske pwovoke domaj sikolojik, ak dezekilib emosyonèl sou moun ki afekte a. Kòman ou ka idantifye abi emosyonèl ? Kòman ou ka fè fas ak li ? Repons kesyon sa yo ak lòt ankò, nan nouvo epizòd MANTALID sa.

Pandan ane 2021 an, ansanm ak envite n yo, nou te gen okazyon prezante yon karantèn epizòd Mentalitude sou tematik sikolojik, sante mantal ak devlopman pèsonèl moun. Jodi a, nan dènye sòti pòdkas la pou ane a, nou prezante w yon rezime sou kèk sijè n te wè.