MANTALITID

Mari gen 50 lane. Li fè plis pase 10 lane ap fè travayè seksyèl (pwostitisyon). Jodi a li fè pati yon òganizasyon ki ap travay ak jèn fi ki nan domèn sa. Nan epizòd Mantalitude sa, li pa pale de eksperyans li, sitou aspè emosyonèl travay sa, ki gen anpil diskriminasyon ladan l.

MOTIVASYON se yon konpozant sikolojik, ki gide e detèmine kondwit nou a yon objektif. Men, nou konn pèdi motivasyon nan prèske tout sa n ap fè. Nan epizòd Mantalitude sa, ak Jodelyn Georges ki gen yon paj sou motivasyon, n ap gade enpòtans motivasyon genyen nan akonplisman pèsonèl yon moun.

Devlopman sikososyal ak rannman akademik timoun yo difisil nan yon sosyete kote dwa yo pa respekte. Kisa Pwoteksyon Dwa Timoun yo ye? Kòman sa ye an Ayiti? Kisa ki dwe fèt pou sa amelyore ? Repons tout kesyon sa yo ak anpil lòt ankò nan epizòd Mentalitude sa.

Kémissa Trécile (DJ Kemissa) se yon jiris. Li chwazi fè DJ tou dabò pa pasyon pou mizik. Malgre obstak li rankontre kòm fi nan domèn nan, li deside fè yon diferans. Nan epizòd Mentalitude sa, li pale de eksperyans li, motivasyon l ak kòman aktivite sa kontribye nan moun li ye a.

Mentalitude ap kontinye jodi a ak yon lòt epizòd sou motivasyon ak devlopman pèsonèl moun. Envite nou se Alfred Chéridor, yon Enjenyè sivil ayisyen. Pou l te peye etid la nan yon inivèsite prive Sendomeng, li te fè anpil sakrifis tankou vann krèm glase nan bourèt, fè taksi moto elatriye. Jodi a l ap ofri konpetans li sou mache dominiken an.

Nan epizòd Mentalitude jodi a, Miracson Saint-val ki se Aktè, Metè an sèn ap rakonte rezon ki fè li chwazi fè teyat malgre lòt etid li fè, kòman pratike teyat kòm travay atistik patisipe nan devlopman pèsonèl ak emosyonèl li kòm moun, malgre kondisyon travay yo pa toujou fasil.

Yon relasyon santimal ki mal fini, yon biznis ki kraze, yon echèk akademik [...], rekòmanse pa toujou fasil. Sitou lè batri emosyonèl ou dechaje. Men, rekòmanse apre yon eksperyans ki mal pasebkapab youn nan pi bon desizyon ou pran nan vi ou. Nan epizòd Mentalitude sa, w ap jwenn 5 estrateji k ap ede rekòmanse aprè nenpòt move eksperyans ou ta fè a.

Pou anpil moun, egzistans yo gen sans nan aktivite y ap mennen chak jou. Pafwa, finalite aktivite sa yo se pou byennèt kolektivite a. Nan epizòd Mentalitude sa, Skason Baptiste ap pale de sa k motive l antreprann kèk aktivite, epi tou pale de vi l, ki ka enspire lòt moun.

Sophia te gen sèlman 13 lane lè papa l te vyole l. Se yon eksperyans twomatizan ki kite anpil sikatris sikolojik nan vi l. Nan epizòd Mentalitude sa, Sophia rakonte kòman sa te pase, ki aspè nan vi l ki afekte, epi ki travay li fè sou tèt li pou l rive viv ak sa.

---

Send in a voice message: https://anchor.fm/osman-j351r364me/message

Support this podcast: https://anchor.fm/osman-j351r364me/support

Menm jan ak tout rès manm nan popilasyon an, fenomèn ensekirite a fè anpil viktim tou nan kan la polis la, ki pa toujou kapab reponn reyèlman ak responsabilite l. Nan epizòd Mentalitude sa, yon ajan UDMO ap pataje ak nou lekti l sou sityasyon an epi ak ki presyon sikolojik li souvan fè fas nan kad travay li.