Mäntigsschum

Mäntigsschum

By MäntigsschumComedy
Download on the App Store

Mäntigsschum episodes

  • S3#9 | Neus York

    Starte düe mer ganz casual, mit em Thema Ferieplanig. Aber näääär Modi und Giele, diskutiere mer über Diskussione (hehe) und nähme da gad es paar heikli Bispiu us em popkulturelle Beriich usnang. Entweder dient euch das aus Dänkastoss oder aber mir hei eifach gad - 10 Fründe.

    44 min
  • S3#8 | Ehehuet

    Es isch schön, wenn Erwachsni Sorg hei zu Chleider - wüu Ching mache ds nämlech nid. Irgendwie füehrt z‘einte Thema sehr natürlich zum nächste: Zwangsstörige. Nachdäm mr das besproche hei, wärde mer beidi jewius putzmorehässig wäge einzelne Happenings, wow. Damit mr wieder chly obe abe chömme, schwätze mer über Quiz-Shows. Nach derä Foug si ämu mir beidi nudlädüre!

    57 min
  • S3#7 | Haus des Dschungles
    Mir si ja vo Natur us Grüslä. Aber wie grusig muesch aus Redakteur vom Dschungelcamp si?! Nachdäm mr die Serie inkl. paarne konkrete und sehr „interessante“ Dschungelprüefige besproche hei, si mr zu Serie vore angere Art gslided. Und zwar die guete aute Netflix Serie: Weli liebe mer und weli sötte mer liebe, liebe se aber glich nid?
    55 min
  • S3#6 | Mörderaura
    I dere Foug wärde wiud diversi Themä agschnitte und da düe mr bi jedere Möglichkeit chly usschweife. Unger angerem schwätze mer über die eigeti Relevanz, Diktatore und Verbrächer (mit Verwiis ufe Butterfly-Effekt), Merch, Jugendwörter und vieles mehr! Enjoy xD
    57 min
  • S3#5| Zitterwadli
    Die 3 Top-Themä vo dere Foug:Güschä Recap: Olis Jungfernfahrt, nassi bis tröchneti Zeddeli und zu Träne rüehrendi Konzert. Panik-Attacke: Uf em Hügu oder ou a witere x beliebige Orte cha mä se „planet“ oder äbe de ou nid-ibudgetiert ha. Da wirds sogar hurti chly persönlech. (Fäuh-)/Choufverhaute: Schueh wo töne wienes loufends Ross, ä Riischocher < Gascho Bier oder ä Steamer wie ou dr Klassiker „Chleidig“.
    50 min
  • S3#4 | Fuesshuet
    Ab wenn isch mä erwachsä, si Lüt i üsem Auter erwachse, was macht z‘Erwachse-Si us? So viu Frage - und no meh Fragezeiche i üsne Chöpf. Suberi Überleitig zum nächste Thema: Daheime. Wie gseht das idealerwys us (wenn mer gross si und üs cooli Gadgets chöi leiste). När no z‘Gägäteil vom Daheime… Was isch im Usland gäbiger aus ir Schwiz? Und finget dirs guet, wenn mä öich da Züg mitbringt? Mir hei da ungerschiedlechi Meinige.
    43 min
  • S3#3 | Laiche isch ke Fisch
    Mir rede churz über d’EM – Es geit um Emotione und temporäri Offeheit bzgl. angerne Natione. Z’nächste Thema si d’Videos uf em Handy. Was bringe die eim churz- und langfristig? Zämehangslos geits witer zu «Präsentiere». Wieso füehle sech die meiste Lüt nid wohl drmit und wenn wärs aber de cool? Zum Schluss wirds no hurti haub-deep. Mir frage üs: «Wärsch du gärn mit dir säuber befründet?»Ahja no ä churzi Info: Die letschte paar Sekunde vo dere Foug hets nid ufzeichnet. Drum gits statt ä emotio...
    38 min
  • S3#2 | Zwöiehalb Chind
    Liebi Mitmönsche, i dere Foug wärde unger angerem fougendi Themä besproche: 1. So müed / so fescht usgschlafe si, dass mä sech bsoffe füuht - wär kennts nid? 2. Z'Arbeiterläbe müesst wieder meh Wertschätzig übercho. Drfür sötte die Trading-Payasse vo Social Media eifach dür z'Band düre blockt wärde. 3. Arztbsüech si ufribend - aber weli Faktore spiele näbe dr Angst vor Chrankheite no dri? 4. Deep dive i d'Troumwäut: Was zum Figg geit da ab, was tröimt mä, wie tröimt mä?
    56 min
  • S3#1 | Blaui Meersöili
    Leute - die ersti Foug vor neue Stafflä!!! Ä gueti Glägeheit für über zämehangslosi Flashbacks inkl. Meersöi zredä (damit mä dä versteit, muess mä die Foug äbe glost ha oder). Gemäss Oli gits ä neui Rubrik; Steiners Fragä. Mir diskutiere so fescht über dDefinition vo Sport, Salat und Apero, das gloubt jz ke Mönsch. Abgrundet wird die Foug mit emnä churze Exkurs zu „Mogelpackungen“.
    52 min
  • S2#15 | Hassbürger uf Droge
    I dere Foug geits wiedermau ums Ässä: Olis „Chindheitsässä“ heisst wiene Bushautesteu und das vor Steiner isch ä suberi Ileitig fürnes bekannts Sprichwort. A propos - weli Läbensmittu si schön und weli nid? Nachdäm mr über sones schöns Thema gredt hei, wärde mr beidi hässig, während mr über Situatione rede, wo üs hässig machä. Wow. Die letschte paar Minute si prägt vomne ärnsthafte Dialog über Drogä. Wie erfrüschend!
    48 min

About Mäntigsschum

From the publisher's feed

Mir gäbe öich das, wo niemer drnah gfragt het - ä Podcast, wo mir üsi teilwis verstörend dummä Gedankegäng mit dr Wäut teile.