La musicista Ursina Giger ha vivì e studegià bun in onn a Copenhagen. Per la Marella turna ella en la chapitala danaisa e mussa «ses» Copenhagen.Cun velo e microfon viagiain nus tras questa citad nua che chanals mainan l'aua da la Mar da l'Ost enfin en il center. Ursina Giger ans raquinta da retgs che laschan bajegiar turs nua ch'ins sa ir si cun charrotscha, da velos cun trais rodas, e da lacriza cun gust da carottas.Redacziun: Astrid Alexandre

L'autur, pur e dissegnader Göri Klainguti visita la citad da sia uffanza.Per bunamain 150 onns han ils Klaingutis da Samedan manà en Piazza Sozigla a Genova ina pastizaria.Sche era sut autra gestiun exista «Il Grand bar pasticeria fratelli Klainguti» anc oz, e schizunt las turtas e la pastizaria èn restadas las medemas sco quellas dal tat da Göri Klainguti. Sco uffant e giuvenil era el adina puspè a Genova en visita tar ses parents. La Marella turna cun l'autur, pur e dissegnader Göri Klainguti en la citad da sia uffanza, en tschertga da fastizs ed a la scuverta d'ina citad extraordinaria. Pertge plat è a Genova mo la mar ...Redacziun: Guadench Dazzi

Med Ingela dat in'invista en la citad Göteborg che festivescha bainprest ses 400avel onn d'existenza.Ella è il Turitg da la Svezia. La citad en il sidvest dal pajais nordic cun in mez milliun abitants. Göteborg è la patria dad Ingela Wolf-Holmquist. La svedaisa ha passentà sia uffanza e giuventetgna en la citad ch'è surtut enconuschenta per ses port da mar e las numerusas universitads.En la Marella dat la dunna che viva dapi passa 30 onns en Svizra in'invista en la citad giuvna che festivescha en tschintg onns ses 400avel onn d'existenza.Redacziun: Anna Caprez

Dapi bainbaud 45 onns viva Pia Candinas a Roma.Ella è creschida si a Glion, ha dentant era vivì a Londra, Paris e Cologna. Roma è daventà ses dachasa, atgnamain plitost il quartier da Trastevere. «Trastevere è anc sco in vitg en la gronda citad», di Pia Candinas. Là vivan era blers da ses amis e sia famiglia.Ensemen cun Pia Candinas visitain nus Roma, nus chaminain tras la fiera sin Piazza Cosimato, inscuntrain vairs Trasteverins ed empruvain da chapir la vita dal mintgadi. Tge plascha ad ella e nua dovri gronda flexibilitad?Redacziun: Esther Berther

Il viadi cumenza a Maiavilla e finescha sin l'area di servizio a San Vittore.L'autostrada A13 dal San Bernardin enconuscha bleras istorgias: da la via che dat il paun da mintgadi, da stgadanadas, e da quels che fan opposiziun cunter la lingia planisada. Il Radio Rumantsch ha fatg in viadi da Maiavilla enfin San Vittore. Cun in töf d'anno tubac ans essans fatg a la tschertga da «l'istorgia e da las storgias» da l'A13.Redacziun: Rafael MüllerInfurmaziuns tar l'emissiun «Antenne»Lemissiun «Antenne» dals 15-09-1972 da la televisiun svizra davart la dispita per la lingia da la N13 tras la Tumleastga. Da vesair èn ils giuvens Bartolome Tscharner e R. Knecht dal Neues Forum Domleschg, l'inschigner superiur dal Grischun Hans Fuhr ed il cusseglier naziunal Jakob Bächtold da la cumissiun federala per la protecziun da la patria e da la natira.

Ir ad alp: per blers in'imaginaziun romantica. Quai è dentant be ina part da l'istorgia.Malgrà tut ils maletgs romantics è ir ad alp surtut ina lavurada. Ed in business che sto render. In business che renda era. La Marella dal Radio Rumantsch mussa ils facturs impurtants per il rendaquint sin alp.Redacziun: David Spinnler

Seser en il rudè, chantar e far gieus - è quai propi tut quai ch'ins fa en scolina?Entras tgi è la visiun d'in tal «iert per uffants» naschida en Germania en il 19avel tschientaner? Avant tge sfidas sa chatta l'instituziun en il mument? Pertge è la scolina ina domena uschè feminina? E tge pregiudizis inscuntra la professiun da mussadra era anc ozendi?A la tschertga da respostas turna la marella en scolina e discurra cun Anna Tina Campell (docenta PHGR), Gelgia Deplaz (mussadra dapi 41 onns), Daniel Manzoni (sulet mussader en il Grischun) e cun Rica Arpagaus che finescha quests dis sia scolaziun da mussadra.Redacziun: Astrid Alexandre

Il pli nov Globi sin il Tavulin litterarTgi avess pensà quai: noss Globi prenda ses satgados e vegn en Grischun. « Globi en il Parc Naziunal » e « Globi und der Goldraub », quai èn ils dus Globis che nus mettain sin il Tavulin litterar.Co tuni sche Globi discurra rumantsch? E tge es la lingua da las muntanellas?Da questas e dad autras dumondas discutan Martin Camenisch e Clà Riatsch al Tavulin litterar.Redacziun: Esther Krättli