L'instrumentala è emplenida cun marschs da naziuns participantas al campiunadi mundial da skis ad Are en Svezia. Sin l'entir mund ha il marsch ina lunga tradiziun. Il marsch accumpogna gia dapi onns paradas militaras e civilas, embellescha festas da tuttas sorts e divertescha en sala da concerts.

L'entschatta faschain nus cun il marsch «Svenska Flottan» in marsch da la Svezia. Plinavant tadlain nus il marsch «Eidgenossen», il marsch «Graf Zeppelin», il «Marche Lorraine», il «Florentiner Marsch», in marsch da la Slovenia, da la Gronda Britannia ed anc blers auters.