MedCast

Օրգազմի տեսակներ, կնոջ սեքսուալություն, G կետ, սեքս և հղիություն | Լուսինե Ստեփանյան | MedCast 91

MedCast-ի այսօրվա հյուրը բժիշկ,սեքսապաթոլոգ Լուսինե Ստեփանյանն է: Հաղորդման ընթացքում Լուսինե Ստեփանյանը և Դավիթ Տոնոյանը քննարկել են կնոջ սեքսուալությունը և առանձնահատկությունները: Անդրադարձել են նաև կնոջ մոտ սեռական ցանկության ձևավորմանը, կնոջ օրգազմի տեսակներին և խնդիրներին, կանանց սեռական խանգարումներին, սեքսին հղիության ժամանակ և Հայաստանում սեքսոլոգիայի զարգացմանը: Ինչպես նաև խոսել են սեռակրթության զարգացման ճանապարհների և սեքսոլոգիական խնդիր ունեցող պացիենտի ճանաչման մասին:

Բժշկի իրավունքներն ու հանրային ընկալումը, գովազդի մասին օրենքներ | Արփինե Հովհաննիսյան | MedCast 87

MedCast-ի այսօրվա հյուրը ՀՀ արդարադատության նախկին նախարար, AH Consulting-ի հիմնադիր տնօրեն Արփինե Հովհաննիսյանն է: Հաղորդման ընթացքում Արփինե Հովհաննիսյանը և Դավիթ Տոնոյանը քննարկել են բժշկական ոլորտում իրավաբանությանը առընչվող բոլոր մանրամասները: Անդրադարձել են նաև բժշկի հանրային ընկալմանը, փաստաթղթի և խոսքի ուժին, բժիշկների հանդեպ վատ վերաբերմունքին սոցցանցերում, համացանցի ոչ ցանկալի հետևանքներին, բժիշկների ձայնագրություններին: Ինչպես նաև, խոսել են բժշկական սպասարկման օրենքից, արդյո՞ք բժիշկներն իրավունք ունեն չսպասարկելու որոշ դեպքերում, բժշկական գովազդների օրենքներից և լիցենզիաներից:

 Անհարկի կեսարյան հատումներ, վիժում, գինեկոլոգիա | Նորայր Ղուկասյան | MedCast 86

MedCast-ի այս թողարկման հյուրն է՝ Նորայր Ղուկասյանը, ով Հայաստանում բժշկական գիտությունների թեկնածու է և Էրեբունի բժշկական կենտրոնի ծննդօգնությունների բաժնի փոխտնօրեն։ Հաղորդման ընթացքում նա Դավիթ Տոնոյանի հետ քննարկել է մի շարք կարևոր թեմաներ՝ ներառյալ կեսարյան հատումների թվի նվազման անհրաժեշտությունը, գինեկոլոգիայի ֆինանսական մարտահրավերները, մարզերում երիտասարդ բժիշկների պակասը և քիչ վարձատրվող վիրահատությունների խնդիրը։  

Նրանք անդրադարձել են նաև, թե ինչու են բժիշկներն ու հղիները հաճախ նախընտրում կեսարյան հատումը, ինչու են բարդ ծննդաբերությունների դեպքերը արագ հայտնվում հանրային ուշադրության կենտրոնում, ինչպես նաև խոսել են էնդոմետրիոզի հետևանքների, մոմիկների սխալ նշանակման, վիժումների, թաց քսուկների և ուրեապլազմայի բուժման մասին։ 

Քաղցկեղից հետո կյանք, օնկոլոգիա երեխաների մոտ և անվճար բուժում | Արմեն Մարտիրոսյան | MedCast 85

MedCast-ի այսօրվա հյուրը Հայաստանում «Երեխաների առողջության հիմադրամ»-ի հիմնադիր Արմեն Մարտիրոսյանն է: Հաղորդման ընթացքում Արմեն Մարտիրոսյանը և Դավիթ Տոնոյանը քննարկել են Հայաստանում երեխաների բուժման խնդիրների և դժվարությունների մասին: Անդրադարձել են նաև «Երեխաների առողջության հիմնադրամ»-ի գործունեությանը, նպատակներին և առաքելությանը, Հայաստանում երեխաների անվճար բուժման պետական ծրագրին, մանկական դեղերի ներմուծմանն ու գրանցմանը, ասթմայով հիվանդ երեխաների բուժման մոտեցումներին, «Ժառանգական քաղցկեղի կանխարգելման կենտրոն»-ի ստեղծմանն ու համացանցում տարածվող երեխաների նկարներին: Ինչպես նաև խոսել են մահից հետո կյանքի գոյության և Աստծո հանդեպ հավատի մասին:

Քաղցկեղածին արևապաշտպաններ, կյանքին սպառնացող մաշկային խնդիրներ և չկրթված կոսմետոլոգներ | Էդուարդ Ավագյան | MedCast 84

MedCast-ի այսօրվա հյուրը մաշկաբան, «Cosmo Lab» բժշկական կենտրոնի փոխտնօրեն, ինչպես նաև «Սուրբ Գրիգոր Լուսավորիչ» բժշկական կենտրոնի մաշկաբան Էդուարդ Ավագյանն է: Հաղորդման ընթացքում նա և Դավիթ Տոնոյանը քննարկել են կյանքին սպառնացող մաշկային հիվանդությունները, գենիտալ միկոպլազման և դրա կանխարգելման եղանակները։ Նրանք անդրադարձել են նաև այն հարցին, թե ինչ ազդեցություն ունեն չկրթված կոսմետոլոգները մաշկաբանության և բուժառուների վրա։ Բացի այդ, քննարկել են հիդրադենիտը, մեծ խնդիրներ առաջացնող դեղորայքները և արևապաշտպանների հնարավոր քաղցկեղածին ազդեցությունը։

MedMeet. Ամեն ինչ տարվա գլխավոր միջոցառման մասին | Անի Երեմյան | MedCast 83

MedCast-ի այսօրվա հյուրը Երիտասարդ #բժիշկ ների հայկական ասոցիացիայի նախագահ Անի Երեմյանն է։ Հաղորդման ընթացքում նա և Դավիթ Տոնոյանը մանրամասնորեն քննարկել են MedMeet-ի ստեղծման պատմությունը, ինչպես նաև այն, թե ինչու ընտրվեց հենց այդ անունը։ Նրանք խոսել են, թե ինչպես գրանցվել #կոնֆերանս ին, և ինչ անակնկալներ սպասվում են մասնակիցներին։ 

Բացի այդ, հյուրը բացատրել է, թե MedMeet-ը ինչ արժեք կբերի մասնակիցներին, հատկապես՝ բժիշկներին, ինչ բրենդներ ու կազմակերպություններ կլինեն ներկա, ինչպիսի կլինիկաներ ու լաբորատորիաներ կունենան ներկայացումներ, և ինչպես է #MedMeet -ը կապվում Երիտասարդ բժիշկների ասոցիացիայի գործունեության հետ։

Աշնանը սրտաբանական խնդիրների սրացումը, ինֆարկտի կանխարգելումը, սրտի ռիթմի խանգարումը | MedCast 82

MedCast-ի այսօրվա հյուրը սրտաբան, առիթմոլոգ, «Նորք-Մարաշ» բժշկական կենտրոնի մասնագետ Տաթևիկ Հովակիմյանն է։ Հաղորդման ընթացքում նա և Դավիթ Տոնոյանը քննարկել են, թե ինչու են աշնանը սրվում սրտային հիվանդություններ ը և ինչ անել զարկերակային գերճնշման դեպքում։ Քննարկել են նաև սրտի ռիթմի խանգարումները, դրանց առաջացման պատճառները, CPR հետազոտությունները և թե ինչպես տարբերել #ինֆարկտ ը կրծքավանդակի ցավից։

MedCast-ի այսօրվա հյուրը նյարդաբան, նեյրոֆիզիոլոգ , «Էկոսենս» և «Նաիրի» բժշկական կենտրոնի նյարդաբան Անուշ Գասպարյանն է: Հաղորդման ընթացքում Դավիթ Տոնոյանի հետ նրանք քննարկել են ձեռքերի դողի պատճառները, դրանց կապը ուռուցքների հետ, կիստաների վտանգները, միգրենի ալտերնատիվ բուժումները, կողմնային և ցրված սկլերոզների պատճառները, դեմքի ցավերի սխալ բուժումները և նյարդաբանության հայեցակարգը հոգու գոյության վերաբերյալ:

Շագանակագեղձի ադենոմիան, անմիզապահությունը, երիկամի քարերի տարածման պատճառները | MedCast 80

MedCast-ի այսօրվա հյուրն է Աստղիկ բժկական կենտրոնի ուռոլոգիական բաժանմունքի ղեկավար Արմեն Ավոյանը: Հաղորդման ընթացքում Դավիթ Տոնոյանի հետ քննարկել են ինչ է շագանակագեղձի ադենոմիան, վիրահատության որ միջոցն է նախընտրելի, ինչ է անմիզապահությունը, ինչու են կանայք դիմում գինեկոլոգի ոչ թե ուռոլոգի, ցիստիտի հանդեպ անտարբեր վերաբերմունքը, երիկամի քարերի առաջացման պատճառներն ու փշրելու տարբերակները:

Երևանյան հիվանդությունը, ռևմատոլոգիան, համակարգային կարմիր գայլախտը և անպտղության միֆը | MedCast 79

MedCast-ի այսօրվա հյուրն է ռևմատոլոգ, ԵՊԲՀ Ռևմատոլոգիայի ամբիոնի դոցենտ և Միքայելյան Ռևմատոլոգիայի բաժանմունքի ղեկավար Վալենտինա Վարդանյանը։ Հաղորդման ընթացքում Դավիթ Տոնոյանի հետ նրանք քննարկում են, թե ինչ է ռևմատոլոգիան, ով է ռևմատոլոգը, ինչ է համակարգային կարմիր գայլախտը և որոնք են ամենաշատ դիմելիություն ունեցող հիվանդությունները։