In Bloemfontein vind 'n Kinderbeskerming Stap plaas die 30ste Mei 2026 in samewerking met ENGO, Vrystaat Versorging in Aksie (VVA) en Childline FS. Luchell Coetzee, maatskaplike werker by ENGO, Ashley Olivier, maatskaplike werker by VVA en Febe Groenewald, maatskaplike werker by ENGO sluit by Yolanda Maartens aan om die doel van Kinderbeskermingsweek te verduidelik en ook om skokkende statistieke oor kindermishandeling in sentraal Suid Afrika te deel. Deelname is gratis maar stappers word gevra om nie-bederfbare kos en toiletware saam te bring wat deur die drie organisasies benodig word.

Alex Daneel, algehele bestuurder, gesels met Yolanda Maartens oor die opgraderings en nuwe dienste se kapitaal wat Lenmed investeer het, hoekom dit belangrik is om die opgraderings en uitbreidings te doen en wat die publiek en pasiente kan verwag van die hospital.

Dr. René Du Plessis gesels met Yolanda Maartens oor die hospitaal se Noodeenheid wat onlangs opgegradeer en uitgebrei is. Sy praat oor behandeling van werkverwante-beserings, soos WCA- en COID-gevalle.

Gedurende die wintermaande sien mens dikwels meer siek persone en noodgevalle, sy verduidelik ook vir ons wanneer moet iemand mediese hulp dringend opsoek, en na watter simptome moet mense oplet.

As deel van ons "40 Acts of Kindness", deel ons graag met jul die verhaal van ’n onderwyseres van Grey College, Karen du Plessis in Bloemfontein wat vir Wilco de Villiers wil bedank vir sy onbaatsugtige poging om haar by te staan deur middel van 'n fondsinsameling by sy skool.

Die NWU Potchefstroom Opedag vir 2026 is die 9de Mei en Walter van der Walt, Bemarkings- en Openbare Betrekkingebeampte op die Potchefstroomse Studentekampusraad sluit by Yolanda Maartens aan om te vertel wat voornemende studente kan verwag by die opedag en hoekom hy destyds die Noordwes-Universiteit gekies het na hy ook die opedag bygewoon het. Meer besonderhede kry jy onder EVENTS by ofm.co.za

Dis meer as net ’n toernooi – dis ’n platform waar jong talent kan groei en skitter. Met 1600 atlete en meer as 100 spanne, bring die VKB Sentraal Sport Toernooi skole van regoor die streek bymekaar vir ’n onvergeetlike sportervaring.

Yolanda gesels met CJ Holzhausen, hoof van sport by Hoërskool Sentraal oor wat die dag alles behels.

Die VKB Sentraal Sport Toernooi vind plaas vanaf 29 April tot 2 Mei by Hoërskool Sentraal in Bloemfontein. Mid-Morning Magic kuier regstreeks saam op 30 April en nooi jou om ook die jong atlete te kom ondersteun. Yolanda Maartens gesels met VKB Groephoof vir Bemarking en Kommunikasie en GWK Streeksdirekteur, Neil De Klerk oor die belangrikheid van die sporttoernooi en die rol wat skole speel om hierdie geleentheid ‘n suskes te maak. Lees gerus meer onder EVENTS by ofm.co.za

Hoof Uitvoerende Direkteur van ENGO, De Wet Claassens sluit by Yolanda Maartens aan om sy dankbaarheid teenoor Nashua te deel vir hul volgehoue vennootskap en om te vertel wat die fondse van die jaarlikse gholfdag vir ENGO beteken. ENGO bedryf 32 kinder- en jeugsorgsentrums, wat veilige en koesterende omgewings bied vir tussen 700 en 800 kinders wat deur die kinderhof uit onveilige situasies verwyder is. Hierdie sentrums bied stabiliteit, opvoeding en emosionele ondersteuning en help kinders om hul lewens te herbou. Met 10 gesinsorgkantore regoor die Vrystaat bereik Engo jaarliks byna 89 000 mense. Sonder die publiek se ondersteuning kan ENGO nie hierdie belangrike take verrig nie. Vir meer inligting oor die gholfdag en die werk wat ENGO doen, stuur gerus ‘n epos na [email protected] of besoek www.engo.co.za

Die VKB Sentraal Sport Toernooi vind plaas vanaf 29 April tot 2 Mei by Hoërskool Sentraal in Bloemfontein. Mid-Morning Magic kuier regstreeks saam op 30 April en nooi jou om ook die jong atlete te kom ondersteun. Yolanda Maartens gesels met Johan Goosen van Edutrace oor hul vennootskap met VKB en hoe hulle streef om ‘n volhoubare talentpyplyn te bou op die platteland. Lees gerus meer onder EVENTS by ofm.co.za

At just six weeks old, Olive was diagnosed with a rare condition that meant her body couldn’t produce its own blood. Diamond Blackfan Anaemia (DBA), a rare genetic bone marrow failure syndrome. For a decade, nine dedicated 'Guardian Angel' donors have given blood specifically to keep her alive. Now, after more than 150 transfusions, Olive has a message for the people whose kindness has supported her life.