Amelia konfronteer Armand oor Elmarie, en probeer uitvis wat in Amerika verkeerd geloop het. Vernie het erge brandwonde aan sy gesig opgedoen met die ontploffing in die garage, en Lenie probeer die waarheid wegsteek.

Wynand vra Beekman om vir hom uit te vind wie Lizelle Keyser is. Donovan verras Lenie met 'n kontrak wat hy van sy nuwe kliënte verkry het. Beekman ontmoet Lizelle om uit te vind of sy Vernie Keyser se dogter is.

Amelia vertel Armand van haar besorgdheid oor Wynand en die wildplaas. Lizelle se broer, Donovan, beland in die tronk vir dronkbestuur. Amelia lig die geskokte Wynand in dat sy graag binnekort kleinkinders wil hê.

Armand lieg vir sy ma oor die rede hoekom sy vrou, Elmarie, nie saam teruggekeer het van Chicago nie. Lenie is bekommerd dat Lizelle se eis teen die De Villiers-familie hulle skoonmaakbesigheid skade kan berokken.

Die De Villiers-familie woon in die buitewyke van Durbanville, op 'n landgoed wat geslagte lank aan die gesiene familie behoort. Hulle internasionale sakebelange word bedryf onder die vaandel van hulle moedermaatskappy, Adamastor Holdings. Maar is alles pluis? Wat gebeur binne die mure van die imposante woning? En wat is die verhaal van die tamboeryn wat sedert die slawetyd aan die Kaap in Vernon Keyser se familie se besit is? In die eerste episode is Amelia besorg dat Wynand op sy ouderdom begin oefen het. Lizelle vertel haar pa, Vernon Keyser, dat sy 'n groot eis teen die De Villiers-familie hanteer. Wynand de Villiers ontmoet Lizelle Keyser vir die eerste keer.

Wie het met behulp van Milana Kurkova, die Irma Stern-skilderye vervals? Wie het Yolandi Veldsman vermoor? Wie het Werner Beyers vermoor? Daar is 'n nuwe minister in beheer van staatsveiligheid. Hoe raak hierdie invloedryke man se besluite agent Meyer Moerdyk?

Iemand is besig om fluks opdragte uit te deel. Ingrid Loots se talente word weer eens ingespan. Jasper de Jager sien nie lig vorentoe nie. En dan is daar steeds die tergende geheim: Wie is Neilson se biologiese pa?

Agent Meyer Moerdyk is op die oorlogspad. Ingrid Loots se slinksheid ken geen perke nie. Hoekom jaag die ambulans weer deur die strate van Pretoria? Frank Lubbe kom beslis nie met leë hande uit die buiteland terug nie.

Hoe meer agent Meyer Moerdyk uit die moeras van probleme kom, hoe dieper sink hy daarin weg. Wie is dit wat hom so ywerig in die moeras in help? Neil Veldsman se lewe word oopgekrap en dít lewer heelwat opspraakwekkende onthullings op.

Wat se verrassing wag op Sandra Beyers en agent Meyer Moerdyk? Ingrid krap verstommende inligting uit. Hoekom voel agent Moerdyk skielik hy word in 'n hoek vasgeverf?