Ils utschels tschivlan puspè

Cura ch’i vegn plaunet pli chaud e tut flurescha, tschivlan er ils utschels en citads, curtins e guauds puspè mordio. Ma er sch’els san sgular n’han els betg adina mo simpel tranter nus carstgauns, giats da chasa ed auters disturbis da noss mund modern. Per guardar quants ch’i dat e co ch’i va cun els van expertas ed experts d’utschels sco Natalina adina puspè giuador ad observar els cun glista, rispli e perspectiv. Nus l’avain accumpagnà. Ed ella ha er mussà tge ch’i dovra per ch’ils utschels sa sentian bain. Ed insumma: savevas ch’ils utschels derivan dals dinosaurs?

La bova da Brinzauls

Quest’emna ston las abitantas ed ils abitants da Brinzauls bandunar lur chasas e lur vitg. Il culm cun crappa e grippa sur il vitg sa muventa uschè ferm ch’i vegn privlus da star là anc pli ditg. Nus mussain daco che l’entira plaunca sa mova cun vitg e tut.