Er suenter la stgargiada datti anc in pau lavur si d’alp: Sin tschertas alps han puras e purs anc dad ir per il chaschiel ch’els han da bun. Tut tenor quant latg che las vatgas han dà, datti dapli u pli pauc chaschiel. Ronja ha accumpagnà il pur Werner Fravi sin l’alp Curtginatsch en la Muntogna da Schons cura ch’el è ì per ses chaschiel.

Vatgas, nursas e chauras èn pitschnas maschinas da pista: Dapi tschientaners laschan blers purs e puras ir lur vatgas, nursas e chauras ad alp sur la stad. E quai betg mo pervi dal bun chaschiel ch’il signun u la signuna fan en chamona. Daco che nus stuain grazia als animals ad alp cumprar pli pauc verdura, fritgs e legums dad auters pajas e tge ch’ils animals han da far cun nossas pistas da skis vegns ti a savair en il Minisguard.