Cumbre Vieja – co ch’in vulcan mida la cuntrada

Dapi emnas spida il vulcan Cumbre Vieja lava. Sin sia via ha la lava devastà entirs quartiers. Il Minisguard fa in viadi en il profund da la terra, accumpogna il magma fin a la surfatscha e mussa co che novas inslas naschan tras il fieu dals vulcans.

Rument en il spazi: Satellits – millis gidanters sgolan enturn il mund. Cun els pudain nus far purtrets da la terra, prognosas da l’aura fitg exactas u telefonar dapertut. Onn per onn vegnan novs satellits transportads en il spazi. Ma l’orbit n`è betg mo in lieu plain gidanters, mabain er ina gigantica deponia da merda. Scienziadas e scienzads schazegian che passa 140 milliuns tocs rument sgolan enturn il mund. In privel per tut ils satellits, ma er per astronautas ed astronauts.