Per ils blers è musica instrumentala musica da marschs, polcas, valzers u musica da divertiment – ma era cumposiziuns da concurrenza; «L'instrumentala» d'oz tuna dentant tut auter.

Oz tadlain nus musica innovativa, che tuna in zic auter: Jazz, funk, blues, dance, popular e pop – ma era tocs maschadads cun chant dattan en il tun en l'emissiun d'oz. Bands sco LaBrassBanda, Traktorkestar u Viera Blech èn forsa gia enconuschentas – oz datti dentant anc ina massa bands novas d'udir e scuvrir:

The Dirty Dozen, Serious Six, Red Baraat, Soul Rebels, BiFunk Brass Band e sco ivetta era la band Caprihorns feat. Chiara Jacomet.