Moiesstudio

De Pierre Hurt, Direkter vum Ordre des Architectes et des Ingénieurs-conseils, erkläert, op wéi enge Punkten nei gesetzlech Bestëmmunge misste preziséiert ginn.

De Mëtteg ass um Knuedler an der Stad nees den Depart vum Tour de Luxembourg. D’Vëloscourse vu 5 Deeg huet mëttlerweil eng fest Plaz am Rennkalenner vun de Cyclisten an ass fir verschiddener vun hinnen d’Virbereedung op d’Weltmeeschterschaft, déi vu nächster Woch un a Kanada gefuer gëtt. Mir hunn de President vum Tour de Luxembourg, Andy Schleck, am Virfeld ënner anerem gefrot, firwat dëst Joer méi am Norde gefuer gëtt wéi nach an de leschte Joren.

Wéinst der Dréchent ass den Ertrag beim gréisste Lëtzebuerger Grompereproduzent dëst Joer ëm op mannst 50 Prozent zeréckgaangen. Vun den Assurancë gëtt den Ausfall awer net ofgedeckt.

D'Jugendparlament fuerdert, datt nach eemol seriö iwwer d'Walrecht vu 16 u geschwat gëtt mam Zil, datt Jonker eventuell schonn 2029 bei de Gemengewale kënne matbestëmmen. Den aktuelle President Julien Lemmer-Veloso erkläert.

Haut hält d’Kommissiounspresidentin am Europaparlament zu Stroossbuerg hir Ried zur Lag vun der Unioun. Dat ass all Joer ee grousse Rendez-Vous, an d’Erwaardunge sinn des Kéier besonnesch héich.

Dorun ass an éischter Linn och d’Ekipp vun der Kommissiounscheffin selwer Schold.

Zënter Woche gëtt mat Messagen op de Soziale Medien op dee Speech higewisen, d’Europäesch Kommissioun huet eng 70 Influencer invitéiert, fir den Event méi breet ënner d’Leit ze kréien.

Dobäi wäert et schwéier ginn, d’Erwaardungen ze erfëllen. Wëll déi verschidde politesch Fraktiounen hu ganz ënnerschiddlech Virstellungen doriwwer, wat an där Ried op alle Fall muss dra sinn.

Virun allem d’Resultat vun de Walen a Sachsen-Anhalt mat der Victoire vun der AfD setzt déif - an d’Fro stellt sech, wéi d’EU dorop adäquat äntwerten soll.

Bal 600 Kanner hu fir d'Rentrée keng Plaz am Foyer kritt fir d'Mëttespaus oder no der Schoul. Fir 90 Kanner ass guer keng alternativ Léisung fonnt ginn, erkläert den zoustännge Schäffen, Paul Galles (CSV) am Interview.

Mir froen de Regionaldirekter vun de Grondschoulen zu Esch, den Yves Ciaffone, wéi d'Schüler:inne bei hirem Choix tëschent der Alphabetsiéierung op Däitsch oder Franséisch begleet ginn.

An der belscher Province de Luxembourg goufen 13 jonk Wëllef, respektiv zwee Ruddelen confirméiert. Den Dr. Laurent Schley, Biolog a Chef vum Service Faune sauvage et Chasse bei der ANF, erkläert wat dat fir déi Lëtzebuerger Bëscher bedeit.

De 15. September ass jo all Joer d'Rentrée hei zu Lëtzebuerg. Fir Dausende vu Schüler:inne geet domadder nees de Schoulalldag lass. De Simon Larosche huet mat Senioren a Seniorinnen driwwer geschwat, wéi si hiren éischte Schouldag erlieft hunn.

Bal 600 Kanner hu fir d'Rentrée keng Plaz am Foyer kritt fir d'Mëttespaus oder no der Schoul. Fir 90 Kanner ass guer keng alternativ Léisung fonnt ginn, erkläert den zoustännge Schäffen, Paul Galles (CSV) am Interview.