Moiesstudio

Am Kader vun der LUGA gouf den Aquatunnel fir d’éischte Kéier zanter 2011 fir de Public opgemaach. Deen 900 Meter laangen Tunnel, deen ënner der Uewerstad läit, verbënnt de Pafendall an de Péitrussdall. Déi schottesch Klangkënschtlerin Susan Philipsz huet d’Klanginstallatioun “The Lower World” entworf, bei där si de Klang vun de Sireenen a vun de Mieresjongfraen evoquéiert. Dofir huet si hir eege Stëmm opgeholl, déi duerch 12 Haut-parleuren am Tunnel ofgespillt gëtt. De Lex Kauffmann, d’Marie Trussart, d’Kerstin Thalau an de Joe Birchen sinn duerch den Tunnel gaangen an hunn Andréck gesammelt.

A sengem Buch "Wim Delvoye et moi" schwätzt den Enrico Lunghi iwwer vill méi wéi just seng Frëndschaft mam belsche Kënschtler (Rediffusioun vum 12.05.2025)

De Lëtzebuerger Christophe Mirkes dirigéiert de Staatsorchester vun Athen. Bis ewell war hie “just” Geiist. Wéi ass et, op emol op där aner Säit vun der Bün ze stoen?

A Moldau léise sech déi europäesch Politiker mat hire Staatsbesich of. Gëschter koum de Lëtzebuerger Ausseminister Xavier Bettel vu senger Rees aus dem Nopeschland der Ukrain zeréck, dofir sinn den däitsche Bundeskanzler Friedrich Merz, de polnesche President Donald Tusk an de franséische President Emmanuel Macron gëschter ukomm. Dat fir de moldaweschen Nationalfeierdag, deen um Dag vun der Onofhängegkeet vum osteuropäesche Land vun der Sowjetunioun viru 34 Joer gefeiert gëtt.

Moldau, d’Nopeschland vun der krichsbetraffener Ukrain, strieft a Richtung Europa. An dat net nëmmen am politesche Sënn - och wat d’Energie ugeet wëllt Moldau esou onofhängeg wéi méiglech sinn. Dofir gräift d’Land mat der aktueller pro-europäescher Regierung ëmmer méi op erneierbar Energiesourcen zeréck.

Den Historiker Steve Kayser iwwer de Glacis a seng Manègen am Laf vun de leschte Joerzéngten.

De Whiskey huet op de britteschen Inselen eng laang Traditioun an dat staarkt Gedrénks ass an der ganzer Welt bekannt. Mee d‘Industrie leit staark ënner dem Donald Trump senge Stroftaxen. D‘Claire Barthelemy bericht vun Edinburgh.

60 Joer laang gouf et en net méi zu Lëtzebuerg - de sougenannte Venuskamm. Eng Ackerplanz, vun där een ausgaangen ass, datt se ausgestuerwe war. Mee elo hunn d’Botaniker op engem Acker bei Munneref duerch Zoufall 100 Planze vum Venuskamm entdeckt. Zënter 1963 gouf et keng Spure méi vun dëser Planz.

Am Joer 1830 hunn d'Belsch sech géint den hollännesche Kinnek Wëllem I. revoltéiert. Dat hat och ee groussen Impakt op de Grand-Duché. Hannergrënn mam Historiker Guy Thewes

2025 gouf et bis elo optimal Wiederkonditioune fir d'Beien. D'Recolte esouwuel am Fréijoer ewéi och am Summer ass méi héich ewéi déi aner Jore virdrun