D’BBC huet 1957 an der politescher Emissioun “Panorama” nämlech - ganz seriö - ee Reportage iwwer eng Spaghetti-Recolte an der Schwäiz gewisen.

En neit Buch vun der Historikerin Inna Ganschow beliicht den Alldag an d'Aarbechtsbedéngunge vu Russen, Wäissrussen an Ukrainer, déi vun de Preisen op Lëtzebuerg verschleeft goufe fir hei ze schaffen.

U sech hat ee gemengt elo wier alles kloer, e Sonndeg virun 8 Deeg, wéi d’Resultat vum Referendum zu Bettenduerf virlouch: Eng Majoritéit vu 57,4 Prozent vun de Wieler:innen hat sech do derfir ausgeschwat, datt d’Gemeng weider un de Sondéierungsgespréicher iwwer eng eventuell Nordstad-Fusioun sollt deelhuelen - wat déi jo u sech net méi wëlles hat. De leschte Mëttwoch huet de Bettenduerfer Gemengerot dunn awer net, wéi een hätt kënnen erwaarden, eng Decisioun an deem Sënn geholl ... nee: en huet guer näischt decidéiert, ausser eng Reunioun mat de 4 anere Fusiounskandidaten ze froen, fir op de leschte Stand bruecht an dann och gewuer ze ginn, ob Dikrech, Ettelbréck, Schieren an Ierpeldeng iwwerhaapt nach op Bettenduerf géifen zielen.

De Päiperleksgaart zu Gréiwemaacher mécht nom Wanter seng Diere fir eng nei Saison op. Fir dës 36. Saison krut de Gaart dann erëm eng ganz nei Poppekëscht.

Wéi geet et elo weider fir d’Marine Le Pen an den RN a wat bedeit d’Urteel fir déi franséisch Politik? Dat ass d’Fro, nodeems d’Leaderin vum rietsextreemen RN gëschter zu Paräis wéinst Verontreiung vun ëffentleche Sue vun engem Geriicht schëlleg gesprach gouf. D’Strofmooss gesäit niewent 2 Joer Prisong, déi awer duerch eng elektronesch Foussfessel kéinten ersat ginn, an enger Geldstrof vun 100.000 Euro, och vir, datt d’Marine Le Pen sech 5 Joer laang fir keng Wal dierf opstellen. Dës Spär gëllt och schonn elo direkt an net eréischt no enger zweeter Instanz, wat et onwarscheinlech mécht, datt d’Marine Le Pen an 2 Joer bei der Presidentielle kéint untrieden.

D'Police presentéiert de Kriminalitéits-Rapport 2024, um Stater Geriicht muss sech dee Jonke veräntwerten, deen en Amoklaf am Escher Lycée Technique ugekënnegt hat an an der Coque ginn d'Diplomer an d'Medaile vum nationale Sportsbrevet iwwerreecht.

Reegelméisseg lafe goen ass ouni Zweifel gutt fir d’Gesondheet ... kann natierlech awer och dozou féieren, datt duerno eppes wéideet .... a mir schwätzen elo net vu Muskelkater ... mee vu Knéien, Knéchelen a Feeschten, mat deenen ee ka Problemer kréien. Vläicht wéinst de Lafschlappen, well déi net gutt genuch gefiedert sinn. Et gëtt nämlech en Zesummenhang tëschent der Fiederung oder der Dämpfung vum Schong an dem Verletzungsgefor - dat hu Chercheure vum Luxembourg Institute of Health schonn eemol virun enger hallwer Dose Jore kënnen noweisen a si wëllen deen Zesummenhang elo nach eemol analyséieren. Explikatioune vum Laurent Malisoux, deen de Projet leet.

Eng brittesch Sendung suergt grad fir vill Diskussiounen an dat net nëmmen op der Insel. An der Serie “Adolescence” geet et ëm ee Jong, deem virgeworf gëtt, eng Schoulkomerodin erstach ze hunn. Huet hien dat wierklech gemaach a wéi eng Roll hunn d'Sozial Medie bei deem Ganze gespillt? D’Claire Barthelemy huet d’Serie gekuckt.

Déi 3. Spuer op der Diddelenger Autobunn ass elo zënter enger Woch op, si sollt fir déi Autoe reservéiert sinn, an deene méi wéi just ee sëtzt, also op d’mannst nach ee Passagéier nieft dem Chauffeur. Mee no deem, wat ee liest an héiert, gëtt déi Consigne nach laang net vu jidderengem respektéiert. Froen un de gréngen Deputéierte Meris Sehovic

Generalversammlung vun der Policegewerkschaft, nationalen Aktiounsplang fir d'Gläichstellung vu Mann a Fra a Besuch vum EU-Agrarkommissär zu Lëtzebuerg