Moiesstudio

D’Hëtzt bleift och haut ee vun den dominanten Theemen. Déi meescht vun eis kënne sech, wann et méiglech ass, an de Schiet, an e klimatiséierte Büro oder doheem hanner zoue Rolllueden zeréckzéien. Mee et ginn och vill Leit, déi de ganzen Dag dobausse schaffen – zum Beispill um Chantier. D'Paule Rodesch mellt sech live vun Esch a schwätzt mam Gérard Thein vu Bonaria Frères doriwwer, wéi den Aarbechtsalldag um Chantier un déi héich Temperaturen ugepasst gouf.

Wéi soll d'Plattformaarbecht zu Lëtzebuerg gesetzlech encadréiert ginn? De Marc Baum, Deputéierte vun déi Lénk, huet ganz prezis Virstellungen.

De Familljeminister Max Hahn (DP) erkläert, op wéi eng Ënnerstëtzung(en) Leit ouni Daach iwwer dem Kapp wärend der rouder Alert zeréckgräife kënnen.

Si ass déi éischt Fra, déi den Titel "Jeune cheffe de l'année" vu Gaullt Millau krut, huet och ee Restaurant, ass jonk Mamm a gouf an der Philharmonie ausgezeechent.

An der Canicule gëtt de gewinnten Dagesoflaf fir d’Personal am Déierenasyl e bëssen op d’Kopp geheit: Spadséiergäng mat externe Visiteuren am Nomëtteg si wéinst den héijen Temperaturen aktuell net méiglech – dofir ass d’Personal moies scho fréi op de Been.

19 Länner haten um Bord vum Sommet gefuerdert, datt den Opbau vun de Return Hubs sollt mat EU-Sue finanzéiert ginn. Domat ass awer net jiddereen averstanen. Detailer vum Danièle Weber

Dat froe mir de Meteorolog Luca Mathias. Déi nächst Deeg soll et nach méi waarm gi wéi bis elo. Wat ass dobäi den Ënnerscheed tëschent der tatsächlecher an der gefillter Temperatur?

Op Nationalfeierdag ass muer an der Mëttesstonn nees d‘Militärparad an der Avenue de la Liberté an der Stad. Wéi all Joer huet d‘Arméi sech gutt op d‘Parad virbereet. Fir ze kucke wéi déi Preparatiounen ofgelaf sinn, war de Pierre Reyland d‘leschte Freideg op den Härebierg zu Dikrech. Hien hat do och d‘Geleeënheet mat Offizéier iwwer hir Formatioun an hir Motivatioun fir eng Arméis-Karriär ze schwätzen.

Wéi huet dat Vereenegte Kinnekräich sech verännert, zënter et net méi Member vun der EU ass? Erklärunge vun eiser London-Korrespondentin Claire Barthelemy

Den Erny Delosch huet dëst Joer d'Musek fir d'Freedefeier um Virowend vun Nationalfeierdag geschriwwen. Am Interview verzielt hien, wéi hien dobäi virgaangen ass.