Zënter 2019 bréngt de Projet Super Senior Seniore mat Kanner a Verbindung. Zesumme schaffe si un de Schwieregkeeten an der Schoulmatière oder maachen Hausaufgaben zesummen. Mat 14 Gemengen huet et ugefaangen. Aktuell sinn d’Super Senioren an 41 Gemengen uechtert d’Land aktiv. Do kann awer net jiddereen einfach esou matmaachen. Fir Super Senior ze ginn, mussen d’Seniore fir d’éischt Tester a Formatioune maachen an dann eréischt kënne si an den Asaz. D’Pebia URBAN erkläert.

D’Stéphanie Weydert vun der CSV an d’Sam Tanson vun déi gréng gi Co-Rapportricë fir de Rapport iwwert déi kritesch Analyse vun der Cour des Comptes iwwert de Large-Sclae-Testing. An enger zweeter Reunioun huet d’Cour des comptes den zweeten Deel vum Rapport presentéiert, wat d’Depensë vum Staat fir de Large-Scale-Testing wärend der Covid-Pandemie ugeet. Am Fokus stoung virun allem d’Prozedur vum Marché publique, déi net à la lettre agehale gi wier. Hei gouf parteiiwwergräifend Verbesserungsbedarf an de Ministèrë festgestallt.

D’Frënn vun der Militärmusek organiséieren e Concours. E Jury an de Public sollen decidéieren, wéi eng Kompositioun als "Marsch Grand-Duc Guillaume" zeréckbehale gëtt. Explikatioune vum Chefdirigent vun der Militärmusek Jean-Claude Braun.

Lëtzebuerg soll e KI-Supercomputer kréien, dee - wéi de Supercomputer Meluxina - an den Datacenter um Rouscht stoe kënnt. De Wirtschaftsminister Lex Delles an d’Digitalisatiounsministesch Stéphanie Obertin hu gëschter déi deementspriechend Pläng virgestallt. Ronderëm dee Computer soll dann eng sougenannt KI-Factory, also eng Fabrik fir Kënschtlech Intelligenz, opgebaut ginn. Wat sech dohannert verstoppt, erkläert de Jimmy Bruch.

Een Urteel, ee Prozess-Optakt an eng Aarbechtsvisitt vum belschen a vum hollännesche Premier

Mir froen de Raoul Schaaf vum CNDS, dem Comité National de Défense Sociale, deen esou Projete bedreift.

Mir froen de Laftrainer Ben Schroeder.

D'Gewerkschafte kritiséieren dem Inneminister seng Pläng fir d'Demonstratiounsrecht ze verschäerfen. Mir froen den CSV-Deputéierte Laurent Mosar, ob hien d'Kritik novollzéie kann.

Wäiss, wollen Déier am Wäibierg? Jo, Dir gesitt richteg. Laanscht d’Musel ginn ëmmer méi Schof als natierlech Alternativ zu Maschinnen an Herbizid agesat. Op knapp 15 Hektar Wéngerten uechter d’Museldall grasen d’Déieren. Dat Ganzt ass Deel vun engem Fërderprogramm, deen de SIAS zesumme mat der Regierung ausgeschafft huet. Och an de Wéngerte vum Domaine Aly Duhr zu Ohn sinn eng 40 Schof am Asaz a këmmere sech ëm d’Onkraut.

Ëmmer méi Jonker zu Lëtzebuerg an an Däitschland hunn Angscht virun engem Krich. Dat geet aus neien Etüden iwwer Jugendlecher a béide Länner ervir. Déi renomméiert däitsch Shell Jugendstudie an déi Lëtzebuergesch Youth Survey weisen: E méigleche Krich géif ville Jonken an Däitschland an zu Lëtzebuerg haut méi Angscht maachen ewéi d‘Klimakris.