Moiesstudio

D’Rout Kräiz huet seng zwee Fleegedéngschter “Doheem versuergt” an HELP fusionnéiert. De Generaldirekter Michel Simonis erkläert firwat.

Den Erik von Scholz, CEO vun Enovos, berouegt seng Clienten. Anescht wéi Bensinn, Diesel a Masutt géife Gas a Stroum kuerzfristeg net wéinst dem Krich méi deier ginn.

Wärend d’Politik iwwer méiglech Schrëtter diskutéiert, fir d’Präisschwankunge bei den Energiepräisser an de Grëff ze kréien, klammen d’Tariffer op de Bensinnsstatioune weider. Mee den Tank vun hirem Auto opfëlle mussen d’Chaufferen trotzdeem - zu Waasserbëlleg weise sech d'Leit resignéiert.

Dee bei Wäitem gréissten Deel vu Mikroplastik, deen an d'Natur geréit, ass op d'Ofnotzung vun Autospneuen zeréckzeféieren. De Camille Müller vun oekotopten.lu erkläert a gëtt e puer gutt Rotschléi, wéi deen eenzelen Automobilist säin Impakt reduzéiere kann.

Mir froen d'LASEP-Presidentin Nicole Kuhn-Di Centa, wat een dogéint kann ënnerhuelen.

Déi europäesch Kontroll-Agence fir d'Finanzmäert (kuerz ESMA) mat Sëtz zu Paräis soll gestäerkt ginn. Dat huet d'Europäesch Kommissioun am Dezember proposéiert. Un där Reform gëtt den Ament an der EU geschafft.

An d'Iddi vun enger zentraliséierter europäescher Kontrollagence schéngt op EU-Niveau ëmmer méi Zousproch ze fannen. Lëtzebuerg stäipt sech weider dergéint. Dat huet de Finanzminister Gilles Roth en Dënschdeg op enger Reunioun zu Bréissel kloergestallt. Hie krut dobäi awer net all ze vill Ënnerstëtzung. Detailer vum Danièle Weber

An engem oppene Bréif fuerderen déi gréng d'Regierung op, séier ze handelen a fossil Ofhängegkeeten ze reduzéieren. D'Deputéiert Sam Tanson huet de Bréif mat ënnerschriwwen.

Manner dra fir dee selwechte Präis? An Éisträich gouf eng Kennzeechnungsflicht vu verstoppte Präiserhéijunge bei Liewensmëttel a Supermarchéen ageféiert. Ee Beitrag iwwer d’Anti-Mogelpackungsgesetz vum Cyrille Hill

An engem Referendum hu sech bal 62 % dergéint ausgeschwat, manner fir ëffentlech-rechtleche Rundfunk ze bezuelen. D'Reaktioun vun der Larissa Bieler aus der SRG-Direktioun.

Virgëschter Owend ass zu Koblenz e Meteorit op den Daach vun engem Haus gefall. Mir froen den Eric Buttini vum Naturmusée, wéi dacks esou eppes geschitt, a wéi geféierlech et ass.