Moiesstudio

Fir de Jeff Schinker war et schonn deen 9. Berliner Filmfestival, deen hien als Journalist couvréiert huet. Wéi leeft dat of?

Wéi erkläert ee Kanner, wat d’Risike vun zum Beispill Soziale Medie sinn an dat op eng verständlech Manéier an ouni Angscht ze maachen? BEE Secure hat op den DigiRallye invitéiert. Hei hu Kanner eng fiktiv Stroumpann misse léisen a dobäi d'Risike vun der digitaler Welt kennegeléiert.

E Sonndeg sinn déi Olympesch Wanterspiller zu Mailand a Cortina d'Ampezzo op en Enn gaangen. Mee u wat wäert ee sech an e puer Méint nach erënneren? De Jo Welfringer huet d'Wanterspiller nach eng Kéier Revue passéiere gelooss.

An de leschte Stonne froe sech der vill, ob d’USA de Regimm zu Teheran all Moment attackéieren. Dozou Aschätzunge mam Politolog an Iran-Expert Ali Fathollah-Nejad

Mat der traditioneller Saison vum Buergbrenne gëtt no Fuesent de Wanter verdriwwen an d’Fréijoer begréisst. Zu Rodange ass fir déi 70. Editioun eng gréisser Party geplangt.

D’Berlinale geet haut an hiren néngten a virleschten Dag. Muer den Owend ass d’Präisiwwerreechung, an de Jeff Schinker stellt eis hei net just seng Favoritten aus der Competitioun vir, mee verréit eis e bësse méi iwwer d’Lëtzebuerger Koproduktiounen “Roya”, e Film vun der iranescher Realisatrice Mahnaz Mohammadi aus der Panorama-Sektioun, an “Die Liebhaberinnen” vun der Koxi, deen an der Forum-Sektioun leeft.

Den CSSS, de Conseil supérieur de la sécurité sociale, huet d’Revalorisatioun vun der Lettre-clé fir 2025 an 2026 op Null Prozent festgeluecht. Fir d'Dokteren e Schlag an d'Gesiicht, esou de Chris Roller.

Hutt Dir Äert Reesverhale wéinst dem Klimawandel ugepasst? Dat ass eis Fro vun der Woch. An d'Reaktioune weisen, datt et verschidden Äntwerte ginn.

Déi eng reesen zënter Joren net méi mam Fliger a sinn op den Elektroauto oder den Zuch ëmgeklommen. Dobäi entdecke si eegenen Aussoen no e ganz neit Reeserliefnis.

Anerer soen, si wéilten awer grad an hirer aktueller Liewensphase vun der Méiglechkeet profitéiere wäit ze reesen, oder s géifen d'ganzt Joer mam Bus op d'Aarbecht fueren an hätten dofir hiert Reesverhalen net ugepasst.

Haut ginn ë. a. am Massestart vum Biathlon bei den Häre Medaile verdeelt: Wourëms geet et am Biathlon a wat genee ass déi Disziplin?