Moiesstudio

Bei den Olympesche Wanterspiller ass den Äishockeytournoi matten amgaangen. Bei de Fraen ass haut d’Finall a bei de Männer sti muer d’Halleffinallen um Programm. De klore Favorit ass do wéi esou dacks Kanada. Mee wéi steet et eigentlech ëm den Äishockey hei zu Lëtzebuerg? De Jo Welfringer war um Training beim Tornado Lëtzebuerg, deen an der drëtthéchster franséischer Spillklass untrëtt an huet ënner anerem erausfonnt, firwat Lëtzebuerger Äishockey-Ekippen an auslännesche Championnater untrieden.

Mat Spannung gëtt op d’Parlamentswalen den 12. Abrëll an Ungarn gekuckt: Dem Premier Victor Orban seng Fidesz-Partei läit a verschiddenen Ëmfroe bis zu zéng Prozentpunkten hanner der Tisza-Partei vum Peter Magyar. Wéi sinn déi Ëmfrowäerter anzeschätzen? Wéi probabel ass eng Victoire vum Peter Magyar? Mir schwätze mam Ungarn-Expert Péter Techet, wëssenschaftleche Mataarbechter vum Institut fir den Donauram a Mëtteleuropa (IDM).

D’EU ass sech net eens: Zwee Länner maachen voll mat, dräi Länner sinn Observateur - an eng EU-Kommissärin ass elo och mat derbäi: Haut kënnt zu Washington op Invitatioun vum amerikanesche President Donald Trump eng éischte Kéier de sougenannte Board of Peace fir Gaza zesummen. Wéi ass déi europäesch Participatioun ze bewäerten? Explikatioune vun eiser EU-Korrespondentin

Fir déi Lëtzebuerger Olympia-Delegatioun sinn d’Olympesch Wanterspiller zu Mailand a Cortina gëschter aus sportlecher Siicht op en Enn gaangen. E Sonndeg steet just nach d’Schlusszeremonie zu Verona um Programm. De Lëtzebuerger Missiounschef Raymond Conzemius huet gëschter Owend bei enger Video-Pressekonferenz zu Cortina e ganz positive Bilan gezunn.

Haut de Mëtteg gëtt et bei den Olympesche Wanterspiller eng Première. Fir déi alleréischte Kéier gi Medailen am Ski Mountaineering verdeelt. Dës relativ nei Sportaart huet sech an den 80er Joren esou richteg entwéckelt. 2002 gouf et déi éischte Kéier eng Weltmeeschterschaft. An zënter dëser Editioun ass Skimo - wéi d’Sportaart nach genannt gëtt - olympesch. E puer Erklärungen zu dëser spezieller Sportaart

Wat ass Shorttrack eigentlech? Shorttrack ass eng Variantvum Äisschnelllaf an zënter 1992 olympesch. An awer ginn et däitlechËnnerscheeder bei deenen zwou Disziplinnen. Mee wéi genee ënnerscheeden déizwou Sportaarte sech a wat huet dee Sport Extraes ze bidden?

De Claude Frentz presentéiert säi Buch iwwer Republikanismus a Monarchiekritik zu Lëtzebuerg.

Zu Mailand kämpfen zënter knapp zwou Wochen déi bescht Curling-Spiller um Äis ëm eng olympesch Medail. E bësse manner kompetitiv geet et op der Kockelscheier zou. Hei ass d’Doheem vun de knapp 50 aktive Lëtzebuerger Curling-Spiller. De Pit Beffort huet sech fir eis op d’Äis getraut an hanner d’Kulisse vun der Lëtzebuerger Curling-Zeen gekuckt.

Den Ëmweltminister an d'Acteuren um Terrain si sech virum Weekend eens gi fir d'Juegd an der Nuecht ze erlaben. Wat ännert dat? Mir froen de Marc Reiter, Vizepresident vun der Jeeërfederatioun FSHCL.

Wat ass Shorttrack eigentlech? Shorttrack ass eng Variant vum Äisschnelllaf an zënter 1992 olympesch. An awer ginn et däitlech Ënnerscheeder bei deenen zwou Disziplinnen. Mee wéi genee ënnerscheeden déi zwou Sportaarte sech a wat huet dee Sport Extraes ze bidden?