SANPARKE sê hy is bekommerd oor die stroop van verskeie plantspesies in die Richtersveld in die Noord-Kaap. Die vermoede is dat 'n sindikaat met sy wortels in die Verre Ooste verantwoordelik is vir die stropery. Die jongste gestroopde vetplant is Conophytum, waarvoor duur in Europa en China betaal word. Conopyhytum is 'n beskermde plant. Reginald Witbooi het die Ricthersveld besoek.

Een van die voormalige internasionale tennisster, Bob Hewitt, se verkragtingslagoffers, Olivia Jasriel, sê ou wonde is van vooraf oopgekrap toe sy laasweek moes hoor dat Hewitt op 23 September op parool vrygelaat sou word sonder dat sy of die twee ander slagoffers deur die Departement van Korrektiewe Dienste se paroolraad gekontak is. Die Minister van Justisie en Korrektiewe Dienste, Ronald Lamola, het Sondag 'n ommekeer gemaak deur die nasionale kommissaris van korrektiewe toesig te beveel om die besluit om Hewitt op parool vry te laat, te hersien. Jasriel sê sy voel verraai deur 'n stelsel wat duidelik geen agting het vir die slagoffers van seksuele misdade nie. Este de Klerk het met haar gepraat.

'n Honneursstudent aan die Universiteit van die Witwatersrand, Lauren den Besten, het op die ouderdom van 14 uitgevind dat sy aan Alopesie, oftewel haarloosheid, ly. Binne 'n kwessie van drie maande, het sy al haar hare verloor. Ons is in die middel van Alopesie bewusmakingsmaand, en Den Besten, het haar verhaal met ons gedeel...

Meer as vyf en veertig duisend besoekers het verlede jaar die eerste Comic Con Africa bygewoon. Dit is so gewild dat hulle vanjaar 'n groter lokaal gekry het om aan die aanvraag te voldoen. Strokiesprent liefhebbers, aanhangers van sogenaamde "pop culture" en superhelde gaan die naweek weer skouers skuur by die gewilde expo. Maar hoekom is die wereld van rekenaarspeletjies, strokiesprente en superhelde nog steeds, so gewild? Ons het met die inhoudsbestuurder van Comic Con Africa, Patrick Duvenage hieroor gepraat....

By die Sentrum vir Siektebeheer in die VSA word een uit elke 59 kinders met outisme gediagnoseer. 'n Suid-Afrikaner wat twee outistiese seuns het, Ilana Gerschlowitz, s^e die statistiek in Suid-Afrika stem ooreen met die in Amerika. Sy deel haar reis met outisme in 'n boek "Saving my Sons", wat sy onlangs geskryf het. Tegnologie op 'n Ipad maak dit vir haar oudste seun wat nie kan praat nie moontlik om te kan kommunikeer. Metzi van der Merwe het hierdie verslag saamgestel. (Kyk ook elders op RSG se webblad vir inligting of potgooie oor outisme).

OUTISME

By die Sentrum vir Siektebeheer in die VSA word een uit elke 59 kinders met outisme gediagnoseer. 'n Suid-Afrikaner wat twee outistiese seuns het, Ilana Gerschlowitz, s^e die statistiek in Suid-Afrika stem ooreen hiermee. Sy deel haar reis met outisme in 'n boek Saving my Sons, wat sy onlangs geskryf het. Tegnologie op 'n Ipad maak dit vir haar oudste seun wat nie kan praat nie moontlik om te kan kommunikeer.

Metzi van der Merwe mon 15 9 2019

Verskeie regters het gereageer op bewerings dat die regbank korrup is. Die leierskap van die regbank het aangedui dat hulle, met groot kommer kennis neem van die bewerings waaroor die afgelope weke skerp in die hoofstroom- en sosiale media berig is. Este de Klerk doen verslag.

Suid-Afrikaners in Nederland het in Amsterdam vergader vir 'n optog teen geslagsgeweld in Suid-Afrika. Die beweging is deur Keö Borejszo op Facebook begin, waar Suid-Afrikaners in Nederland uitgenooi is na die betoging. Dit volg na duisende Suid-Afrikaners landwyd uitgepraat het teen die voortgesette geweld teen vroue en kinders. Annelu le Roux doen verslag.

Verskeie gedenkdienste word hierdie week vir die ontslape Springbokvleuel, Chester Williams, gehou. Williams is Vrydag op die ouderdom van 49 aan 'n hartaanval oorlede. Anita Visser het met Heindrich Wyngaardt, 'n voormalige kollega maar ook die skrywer van rugbyboeke oor Peter de Villiers, Errol Tobias en Ashwin Willemse gepraat.

Die Interregeringspaneel oor Klimaatsverandering het pas 'n beraad in Toulouse, Frankryk bygewoon, waar die nuutste inligting bspreek is sodat riglyne vir beleid geskep kan word. Professor Francois Engelbrecht van Wits Universiteit se Global Change Institute was daar en is self ook betrokke by die skryf van die dokument, met 'n spesifieke fokus op die implikasies van klimaatsverandering vir Afrika. Anita Visser het met hom gepraat.