Morgunkaffið var í ólgandi fjöri á hundadögum og heyrði í fólki á Vestfjörðum þar sem er gul viðvörun. Veðrið var að sögn betra en látið er að liggja í fjölmiðlum en þó rétt að fara a öllu með gát. Góð tónlist hjálpaði til að koma fólki í góðan gír.

Björg Magnúsdóttir og Gísli Marteinn Baldursson fóru yfir víðan völl í Morgunkaffinu. Gísli Marteinn var nýkominn úr Borgarfirðinum og þau fóru yfir færð á vegum og veður víða um land. Fólk sem sá til sólar var hvatt til að hringja inn og það stóð heima, allir þeir sem höfðu samband sögðust vera í bongóblíðu. Oddaflug frá klukkan 11 með tónlist sem jafnast á við það besta sem spilað er á hinum Norðurlöndunum.

Ein stærsta ferðahelgi ársins stendur yfir og Björg og Gísli Marteinn heyra í fólki í síma, taka púlsinn á því sem er að gerast, ræða bestu sundlaugar landsins og spila góða tónlist.

Sjómannadagshelgin runnin upp og það skín sól í heiði. Lög sjómanna leikin, sömuleiðis lög afmælisbarnsins Bubba Morthens sem raunar er jafn gamall gesti dagsins, sem er Kristján Kristjánsson sem bæði vinnur til sjós og lands og Landa - því hann er að fara í loftið með Gísla Einarssyni í Sumarlandanum. Gísli Marteinn og Björg Magnúsdóttir í fanta sumarskapi.

Það er ólgandi uppgangur í þjóðfélaginu og Morgunkaffið stakk sér djúpt í samband við þjóðarsálina. Síminn var opnaður og Gísli Marteinn og Björg heyrðu í fólki úr þremur landsþriðjungum. Sundlaugalög voru áberandi enda laugarnar að opna á mánudag. Ný og gömul tónlist spiluð í bland og stemningin ósvikin.

Björg Magnúsdóttir og Gísli Marteinn eru í skínandi skapi þennan laugardag, þegar sólin skín um nær allt land. Síminn var opinn og fjöldi fólks hringdi inn, lögin voru til þess falin að lyfta andanum og skýjunum og vorstemning í algleymingi.