Morgunkaffið var lauf þennan morguninn. Síminn var opnaður og Kiddi vídeófluga hringdi inn og ýmsir fleiri. Góð stemning í landsmönnum. Fuglar dagsins hljómuðu og mikið af nýrri íslenskri tónlist í bland við gamla. Rykið var dustað af gamalli plötu Supertramp og Þriggja daga vakt leikin á hápunkti þáttarins.

Björg Magnúsdóttir og Gísli Marteinn Baldursson gerðu sitt besta til að létta þjóðinni lundina í fyrsta þætti sumarsins. Sólin skein á höfuðborgarsvæðinu og fyrir austan og sólarlög voru áberandi. Mikil samskipti við hlustendur í gegnum netið og almenn sumarstemning!

Morgunkaffið var á peppaðari nótunum þennan morguninn. Íslensk tónlist í öndvegi enda tónlistarmenn að gera frábæra hluti. Gestir eru ekki heimilir í hljóðverinu á þessum tímum, þannig að Gísli Marteinn og Björg Magnúsdóttir voru ein síns liðs.

Morgunkaffið var á peppaðari nótunum þennan morguninn. Íslensk tónlist í öndvegi enda tónlistarmenn að gera frábæra hluti. Gestir eru ekki heimilir í hljóðverinu á þessum tímum, þannig að Gísli Marteinn og Björg Magnúsdóttir voru ein síns liðs.

Þjóðin þarf pepp og Morgunkaffið svarar kallinu með dúndrandi skemmtilegri tónlist úr öllum áttum og spjalli um allt milli himins og jarðar. Ellý Vilhjálms og Bob Dylan stytta okkur stundir ásamt fjölmörgum öðrum.

Björg Magnúsdóttir og Gísli Marteinn eru í laufléttu stuði á vorjafndægrum. Engir gestir eru í húsi vegna samkomubanns og sóttvarna, en þau skötuhjú heyra í Bubba Morthens, Dröfn Ösp Snorradóttur og Helga Björnssyni í síma. Mikið af góðri tónlist og gírandi sönglögum.

Morgunkaffið er svart og sykurlaust í dag þótt sólin hækki á lofti. Til að lyfta andanum eru spiluð lög sem eru svokallaðar neglur og koma blóðinu á hreyfingu. Listafólkið Saga Sigurðardóttir og Valdimar Guðmundsson sem sækja orku til æskustöðva á Suðurnesjum, Þingvöllum, Skálholti og víðar koma með sína sjarmerandi framkomu og barmafull af hæfileikum og deila með okkur sigrum og sorgum.