Þátturinn hefst á Verum í sambandi með Sprengjuhöllinni enda er þar sungið um haust og við erum að sigla inn í þann árstíma. Landsleikur Íslands og Englands er í dag og af því tilefni var síminn opnaður og minningar frá sigri Íslands á Englandi streymdu fram.

Björg Magnúsdóttir og Gísli Marteinn spila mörg þeirra laga sem voru vinsæl í sumar á landinu, spjalla um fjólublá ljós, kvikmyndir og ræða um milt veður.

Morgunkaffið var í ólgandi fjöri á hundadögum og heyrði í fólki á Vestfjörðum þar sem er gul viðvörun. Veðrið var að sögn betra en látið er að liggja í fjölmiðlum en þó rétt að fara a öllu með gát. Góð tónlist hjálpaði til að koma fólki í góðan gír.

Björg Magnúsdóttir og Gísli Marteinn Baldursson fóru yfir víðan völl í Morgunkaffinu. Gísli Marteinn var nýkominn úr Borgarfirðinum og þau fóru yfir færð á vegum og veður víða um land. Fólk sem sá til sólar var hvatt til að hringja inn og það stóð heima, allir þeir sem höfðu samband sögðust vera í bongóblíðu. Oddaflug frá klukkan 11 með tónlist sem jafnast á við það besta sem spilað er á hinum Norðurlöndunum.

Ein stærsta ferðahelgi ársins stendur yfir og Björg og Gísli Marteinn heyra í fólki í síma, taka púlsinn á því sem er að gerast, ræða bestu sundlaugar landsins og spila góða tónlist.

Sjómannadagshelgin runnin upp og það skín sól í heiði. Lög sjómanna leikin, sömuleiðis lög afmælisbarnsins Bubba Morthens sem raunar er jafn gamall gesti dagsins, sem er Kristján Kristjánsson sem bæði vinnur til sjós og lands og Landa - því hann er að fara í loftið með Gísla Einarssyni í Sumarlandanum. Gísli Marteinn og Björg Magnúsdóttir í fanta sumarskapi.