စစ်ကောင်စီဟာ လေကြောင်းတိုက်ခိုက်မှုတွေ တောက်လျှောက်လုပ်နေချိန်မှာ တဖက်မှာ ဝါဒဖြန့်ချိရေးကို စနစ်တကျ လုပ်နေတာလည်း တွေ့ရပါတယ်။ လူတွေရဲ့ စိတ်ကို ဝေဝါးစေအောင်၊ သံသယဝင်စေအောင် စနစ်တကျ သတင်းမှားတွေ ဖြန့်နေတာလည်း တွေ့ရပါတယ်။ ဒီ Podcast မှာတော့ ဒီအကြောင်းကို သုံးသပ်ထားပါတယ်။

ကက်ရှ်မီးယား နယ်မြေအငြင်းပွားမှုနဲ့ ဒီနယ်မြေကြားက ပဋိပက္ခတွေကြောင့် ဖြစ်ခဲ့တဲ့ စစ်ပွဲတွေအကြောင်းနဲ့ မေ ၇ ရက်နေ့ကနေ ၁၀ ရက်နေ့ထိ ဖြစ်ခဲ့တဲ့ စစ်ပွဲမှာ နှစ်နိုင်ငံစလုံးက သုံးခဲ့တဲ့ လက်နက်တွေ တိုက်လေယာဉ်တွေနဲ့ စစ်မြေပြင်မဟုတ်ဘဲ သံတမန်ရေးနဲ့ နိုင်ငံတကာမှာပါ အိန္ဒိယက ပါကစ္စတန်ကို ဘယ်လိုတိုက်ခဲ့သလဲဆိုတာတွေကို လေ့လာကြည့်ကြရအောင်ပါ။

ဆီးရီးယားမှာ အာဏာရှင် အာဆတ်ထွက်ပြေးသွားပြီး အိမ်စောင့်အစိုးရထိန်းချုပ်ထားတာ ခုဆို ၅ လကျော်ရှိသွားပါပြီ။ ဒီကြားထဲမှာ လူပေါင်း ၆ ထောင်ကျော် သေကြေခဲ့ပါတယ်။ အရင် အာဏာရှင်ထောက်ခံသူတွေနဲ့ နောက်ထပ်တက်လာတဲ့အစိုးရထောက်သူတွေကြား၊ ဘာသူလူမျိုး မတူ၊ ဂိုဏ်းကွဲတွေကြားက ပဋိပက္ခတွေဟာ ကြီးမားလာပါတယ်။ ဒီနေ့တော့ ဆီးရီးယားမှာ လက်ရှိပြဿနာတက်နေတဲ့ ဒရုဇ်လူမျိုးစု၊ သူတို့ရဲ့ အရေးပါပုံ၊ အာ့လာဝိုက်တွေရဲ့ အခန်းကဏ္ဍ၊ ပြီးတော့ အစ္စရေးရဲ့ ဆီးရီးယားအပေါ် ကျူးကျော်တိုက်ခိုက်မှုတွေနဲ့ ပြည်တွင်းမှာ ကျန်နေခဲ့တဲ့ အာဆတ်ထောက်ခံသူ အုပ်စုတွေအကြောင်း လေ့လာကြရအောင်ပါ။

အပိုင်း (၁) ကနေ အပိုင်း (၈) အထိ အစအဆုံး နားဆင်ကြည့်ရှုပေးခဲ့ကြသူတိုင်းကို ကျေးဇူးတင်ပါတယ်။ ဒီ ခါးသီးသောပြိုင်ဘက်များကို နားဆင်ပြီး အနောက်နိုင်ငံတွေ အင်အားကြီးနိုင်ငံတွေဆိုတာ နိုင်ငံတနိုင်ငံမှာ တော်လှန်ရေးဖြစ်ရင် သူပုန်ထရင် ဘာကြောင့် ကူညီပေးကြသလဲ ဘယ်လိုအခြေအနေမှာ ကူညီပေးကြသလဲဆိုတာကို ထင်ထင်ရှားရှား တွေ့ကြမယ် ထင်ပါတယ်။ ဒါ့အပြင် လက်ရှိ နေ့စဉ်သတင်းတွေမှာ မပါမဖြစ် ဟဇ်ဘိုလာ၊ ဟူသီတို့နဲ့ အရှေ့အလယ်ပိုင်းက ဆော်ဒီနောက်ခံပေးထားတဲ့အဖွဲ့၊ အီရန်နောက်ခံပေးထားတဲ့အဖွဲ့တွေကြားက တင်းမားမှုတွေနဲ့ အစ္စရေးနဲ့ အမေရိကန်ကို ဘာကြောင့် မုန်းတီးနေကြသလဲဆိုတဲ့ နောက်ခံသမိုင်းတွေကိုလည်း အတိုင်းအတာတခုထိ နားလည်သဘောပေါက်သွားလိမ့်မယ်လို့ ယုံကြည်ပါတယ်။

ဒီအပိုင်းမှာတော့ ဆော်ဒီနဲ့အီရန်တို့ရဲ့ ပေါ်တင်တိုက်ကြတဲ့ ဆီးရီးယားက ပြည်တွင်းစစ်အကြောင်းနဲ့ အိုင်းဆစ်ပါဝင်လာမှု နောက်ဆုံး ရုရှားက ပူတင်ပါ ပါဝင်လာတဲ့အထိ အပြည့်အစုံ နားဆင်ရမှာ ဖြစ်ပါတယ်။

ဒီအပိုင်းမှာတော့ ဆက်ဒမ်ဟူစိန်ရဲ့ ကူဝိတ်ကျူးကျော်မှုနဲ့ သူ့နောက်ပိုင်းမှာ ဖြစ်လာခဲ့တဲ့ 9/11 တိုက်ခိုက်မှုအပါအဝင် အီရတ်မှာ ဆွန္နီ-ရှိယိုက်စစ်ပွဲတွေ ဘယ်လိုစခဲ့သလဲဆိုတာတွေကို အပြည့်အစုံ နားဆင်ရမှာ ဖြစ်ပါတယ်။

ဒီအပိုင်းမှာတော့ အီရန်-အီရတ်စစ်ပွဲမှာ ဆော်ဒီရဲ့ အခန်းကဏ္ဍက ဘယ်နေရာကနေ ပါဝင်ခဲ့သလဲ၊ ဆက်ဒမ်ဟူစိန်ရဲ့ ဓာတုဗုံးအသုံးပြုမှုတွေနဲ့ အမေရိကန်ရဲ့ ပါဝင်မှုတို့ကို နားဆင်ရမှာ ဖြစ်ပါတယ်။

ဒီအပိုင်းမှာတော့ ဟဇ်ဘိုလာ ဘယ်လိုပေါ်လာသလဲ၊ လက်ဘနွန်မှာ အီရန်ရဲ့ အခန်းကဏ္ဍနဲ့ အစ္စရေးနဲ့ လက်ဘနွန်ရဲ့ အတိတ်က မကြေပွဲတွေအပြင် အသေခံဗုံးဖောက်ခွဲမှုတွေ ဘယ်လို စတင်ခဲ့သလဲဆိုတာကို နားဆင်ရမှာဖြစ်ပါတယ်။

ဒီအပိုင်းမှာတော့ အာဖဂန်ကို ဆိုဗီယက်ကျူးကျော်မှုကနေ ဆော်ဒီကဘယ်လိုမျိုး ဝင်ပါခဲ့သလဲ၊ အာခိုက်ဒါရဲ့အစနဲ့ အမေရိကန်နဲ့ ဆိုဗီယက်ရဲ့ အားပြိုင်မှုတွေကို အပြည့်အစုံ နားဆင်ရမှာ ဖြစ်ပါတယ်။

ခိုမေနီ တန်ခိုးထွားလာတာကို ဆော်ဒီက ဘာကြောင့် မကြိုက်တာလဲလို့ မေးနိုင်သလို ခိုမေနီနဲ့အတူ ရှီယိုက်အစ္စလာမ် အားကောင်းလာတာကို ဝါဟာဘီဆွန်နီ အစ္စလာမ်ဖြစ်တဲ့ ဆော်ဒီက ဘာကြောင့် မကြိုက်တာလဲလို့လဲ မေးခွန်းပြောင်းမေးနိုင်ပါတယ်။ အစ္စလာမ် ဘာသာမှာ ရှိယိုက်နဲ့ ဆွန်နီ ဘယ်လိုကွာသလဲ။ ဘာကြောင့် ဒီလို ဂိုဏ်းကွဲတွေ ပေါ်လာရသလဲဆိုတာကိုလည်း ဒီအပိုင်းမှာ အပြည့်အစုံ နားဆင်ရဖို့ရှိပါတယ်။