Najeriya a Yau

Send us Fan Mail

Harin da wasu ‘yan ta’adda suka kai kasuwar Daji da ke karamar hukumar Borgu a Jihar Neja ya sake jawo hankalin al’umma kan matsalar rashin tsaro da ke kara ta’azzara a yankunan karkara na Arewa ta Tsakiya. Kasuwar Daji, wadda ke zama cibiyar hada-hadar kasuwanci ga manoma, ‘yan kasuwa da mazauna kauyuka makwabta, ta kasance wuri na zaman lafiya kafin wannan mummunan lamari da ya girgiza mazauna yankin.

Batutuwa da dama daga kafafen yada labarai da dama sun bayyana mabanbantan ra’ayoyi kan batun.

Ko menene hakikanin abun da ya faru a wannan hari da ‘yan bindiga suka kai a kasuwar Daji?

Wannan shine batun da shirin Najeriya a yau na wannan lokaci zai yi duba akai.

Send us Fan Mail

A fagen siyasar Najeriya a halin yanzu, ana ta ce-ce-ku-ce kan wacce ce babbar jam’iyyar adawa da za ta iya tsayawa ƙafada da ƙafada da jam’iyyar APC mai mulki. Wannan takaddama ta fi karkata ne tsakanin jam’iyyar PDP, wacce ta dade tana taka rawa a matsayin babbar jam’iyyar adawa bayan ficewarta daga mulki a 2015, da kuma jam’iyyar ADC, wacce a ‘yan shekarun nan ta fara samun karɓuwa sakamakon shigar wasu manyan ‘yan siyasa da kuma ƙoƙarin gina sabuwar haɗaka a matsayin madadin tsoffin jam’iyyu.

Masu goyon bayan PDP na nuna cewa jam’iyyar na da tsari, da tarihi, da kuma gagarumar ƙafar da ta shimfiɗa a kusan dukkan jihohin ƙasar, lamarin da ke ba ta damar kiran kanta babbar jam’iyyar adawa. A ɓangaren guda kuma, magoya bayan ADC na jaddada cewa PDP ta raunana ne sakamakon rikice-rikicen cikin gida, da yawan sauya sheƙa, da gajiyar da al’umma ke nunawa ga tsoffin jam’iyyun siyasa.
Kazalika anga yadda manyan jiga-jigan siyasa keta dinkewa wuri daya a jam’iyyar ADC wanda ake ganin ta fara shafe jam’iyyar ta PDP a matsayin babban jam’iyyar adawa a Najeriya.
Ko me da me ake dubawa don gane babban jam’iyyar adawa a Najeriya?

Wannan shine batun da shirin Najeriya a Yau na wannan lokaci zai yi duba akai.

Send us Fan Mail

Shekarar 2026 ta zo a wani lokaci da ’yan Najeriya da dama ke fuskantar matsin tattalin arziki, da sauye-sauyen siyasa, da kuma ƙalubalen rayuwa da ke bukatar sabon tunani. Wannan ba lokaci ba ne na fatan samun sa’a kawai, lokaci ne na tsara hanya, da ɗaukar matakai, da yin gyara a rayuwar yau da kullum.

A wannan shiri, za mu duba yadda ya kamata ’yan Najeriya su fara sabuwar shekara ta 2026 ta hanyoyi masu ma’ana—daga kula da yadda zasu sarrafa kuɗi da sana’a, zuwa kiwon lafiya, da siyasa, da uwa uba tsaron rayukan sun. 

shirin Najeriya A Yau ya ji ra’ayoyin masana da kuma shawarwari masu amfani da za su taimaka wa kowa ya fara shekarar da tsari, da hangen nesa, da kuma ƙudurin canji.

Send us Fan Mail

Yayin da muke bankwana da shekarar 2025, siyasar Najeriya ta kasance cike da sauye-sauye, rikice-rikice, da kuma manyan al’amura da suka shafi iko, jam’iyyu da shugabanci. Shekarar ta shaida sauyin sheƙa na ‘yan siyasa, rikicin cikin gida a wasu jam’iyyu, da kuma fafutukar karɓar ragamar mulki a jihohi da matakin tarayya, lamarin da ya ƙara zafafa siyasar ƙasa.

A bangaren tsare-tsaren gwamnati kuwa, 2025 ta kasance shekara mai ɗauke da tsauraran manufofi da suka shafi tattalin arziki, tsaro da walwalar al’umma. Gwamnati ta ɗauki matakai masu nauyi domin tinkarar matsalolin tsadar rayuwa, rashin tsaro da sauye-sauyen tattalin arziki, inda wasu tsare-tsaren suka samu karɓuwa, wasu kuma suka jawo muhawara mai zafi a tsakanin ‘yan kasa.

Shirin Najeriya A Yau na wannan lokaci ya yi waiwaye ne kan siyasa da tsare-tsaren gwamnati da suka dabaibaye shekarar 2025 da muke bankawana da ita.

Send us Fan Mail

A shekarar 2025, Najeriya ta fuskanci manyan ƙalubalen tsaro da suka fi daukar hankali, musamman hare-haren ‘yan bindiga, garkuwa da mutane, da ta’addanci a jihohin Arewa kamar Zamfara, da Katsina da Sokoto da Kaduna da kuma Borno. Hare-haren sun yi sanadin rasa rayuka, da rufe makarantu, da kaura daga gidaje, da kuma durkushewar harkokin tattalin arziki a wasu yankuna.

Wadannan matsaloli suka sa Shugaban Kasa Bola Ahmed Tinubu ya ayyana dokar ta-ɓaci kan matsalar tsaro, domin daukar matakan gaggawa na kare rayuka da dawo da doka da oda wanda hakan yasa shugaban kasa dawo da tsohon babban hafsan rundunar sojin Najeriya a matsayin ministan tsaro.

Shirin Najeriya a yau na wannan lokaci zai yi waiwaye ne kan manyan kalubalen tsaro da suka faru a 2025.

Send us Fan Mail

A duk faɗin Arewacin Najeriya, ana gudanar da bukukuwan Kirsimeti cikin kwanciyar hankali da fahimtar juna, duk da kasancewar Musulmai ne suka fi rinjaye a yawancin yankuna. Kiristoci kan yi bukukuwansu cikin mutunta al’adar Musulmai, yayin da Musulmai kuma ke nuna goyon baya ta hanyar gaisuwa, da tsaro, da mu’amala ta zamantakewa. 

A wurare da dama kamar Kaduna, Jos, Zaria, Minna da wasu sassan jihar Kano, ana ganin Kiristoci suna zuwa coci ba tare da tsangwama ba, yara suna yin nishadi tare, makwabta suna raba abinci da gaisuwar biki. Wannan yanayi na nuna cewa zaman lafiya, girmamawa da zumunci sun fi bambancin addini ƙarfi a rayuwar yau da kullum ta Arewacin Najeriya.

Shirin Najeriya A Yau na wannan lokaci zai yi duba ne kan yadda kiristoci ke gudanar da bikin kirsimeti a tsakiyar musulmai.

Send us Fan Mail

A yayin da al’ummar Kirista a sassa daban-daban na ƙasar nan ke gudanar da bukukuwan Kirsimeti cikin walwala, da annashuwa da haɗuwa da iyalai, akwai kuma waɗanda wannan lokaci ya zo musu cikin ƙunci da jimami. 

Waɗannan su ne mutanen da matsalolin tsaro—kamar hare-hare da rikice-rikice—suka tilasta musu barin gidajensu da muhallansu. A maimakon shagulgula a cikin gidajensu, suna gudanar da bikin ne a sansanonin gudun hijira, inda rayuwa ta cika da ƙalubale, da rashin isasshen abinci, da tsaro da kulawar jin ƙai. 

Wannan bambanci na nuna yadda bukukuwan Kirsimeti ke zuwa wa ‘yan ƙasa da yanayi daban-daban—ga wasu na farin ciki, ga wasu kuma na juriya da fatan samun mafita.

Irin halin da Martha Andrew ta tsinci kanta a ciki kenan a unguwar Kudansa dake karamar hukumar cikun dake jihar Kaduna.

Zamu ji irin halin da wannan baiwar Allah ta tsinci kanta a ciki da ma wasu dake sansanin ‘yan gudun hijiran a cikin shirin na yau.

Send us Fan Mail

Gabannin bukukuwan Kirsimeti, kasuwanni a sassan ƙasar nan sun cika sun bunkasa. Jama’a na ci gaba da zirga-zirga domin sayen kayan bukukuwa, yayin da ‘yan kasuwa ke kokarin jawo hankalin masu saye ta hanyar daidaita farashi. 

A wannan shekarar, alamu sun nuna ba a samu hauhawar farashin kayayyaki a yawancin kasuwanni ba, sai dai wasu na kokawa da rashin kudaden saye. 

Ko yaya hakikanin farashin kayayyakin suke a wasu kasuwannin Nnajeriya?

Wannan shine batun da shirin Naj.. a yau na wannan lokaci 

Send us Fan Mail

Takaddama mai zafi ta dabaibaye sabbin dokokin haraji da Majalisar Tarayya ta amince da su, bayan zarge-zargen cewa an samu sauye-sauye a cikin dokokin bayan an kammala dukkan matakan amincewa da su a majalisa. Batun da ya taso ya jawo cece-kuce daga ‘yan majalisa, jam’iyyun adawa da kungiyoyin fararen hula, inda suke tambayar sahihancin abin da aka mika wa Fadar Shugaban Kasa domin aiwatarwa.

Masu suka na cewa sauye-sauyen da ake zargin an yi ba tare da amincewar majalisa ba na iya lalata tsarin dimokuraɗiyya, tare da haifar da rashin gaskiya da amana a tsarin dokoki. A daya bangaren kuma, fadar shugaban kasa ta yi nuni da cewa abin da aka yi gyara ne na fasaha da tsari, ba sauya ma’anar doka ba.

Ko wadanne irin sauye sauye aka yiwa sabon dokar harajin?

Wannan shine batun da shirin Najeriya A Yau na wannan lokaci zai yi duba a kai.

Send us Fan Mail

Gobara a irin wannan yanayi  na iska musamman a kasuwanni da gidaje ba sabon abu bane kuma ba abun mamaki ba. Wasu kafintoci dake aiki a kasuwar lale dake unguwar Tal’udu a karamar hukumar Gwale dake jihar Kano sun wayi gari da alhinin gobarar da ta yi sanadiyyar raba su da hanyar abincinsu.

Wannan gobara da ba’a san musabbabinta ba ta janyo asarar miliyoyin Naira tare da jefa wadanda abun ya shafa cikin mawuyacin hali.

Ko wanne irin hasara aka yi a wannan gobara?

Wannan shine batun da shirin Najeriya A Yau na wannan lokaci zai yi duba akai.