
Sign up to save your podcasts
Or


In hierdie episode gesels Pieter saam met dr. Nioma Venter, Algemene Sekretaris van die NG Kerk se Algemene Sinode, oor die voorreg en die verantwoordelikheid van bediening – plaaslik, landswyd asook ons verbintenis aan die breër kerk.
Hulle kyk terug na Markus 4:1–20 en die uitnodiging om goeie grond te wees wat God se Woord ontvang. En hulle kyk vorentoe na Markus 4:35–41, waar Jesus ’n storm stilmaak – en ons uitnooi om eerder in Sy teenwoordigheid te rus as in paniek te bly.
Van die Kaap se storms tot die stilte van gebed, van breë strukture tot plaaslike geloofsfamilies – hierdie gesprek bring egtheid, humor en insig saam.
Kom luister saam na ’n gesprek oor mindfulness, geloofsgroei, en die genade om deel te wees van iets groter as onsself.
In hierdie episode van Gebedsbegeleiding word jy stadig en deernisvol begelei deur Psalm 23 — nie as ’n tekst vir afskeid nie, maar as ’n gebed vir die pad van die lewe. Hier word die herder nie geromantiseer nie, die kloof nie vermy nie, en die tafel nie vergeet nie.
Ons nooi jou om stil te word…
om God se teenwoordigheid te ontdek te midde van moegheid, onsekerheid of verlange.
Met sagte voorlesing, simboliese refleksie en ruimte vir rou gebed, skep hierdie episode ’n veilige plek waar jy net kan wees — saam met die Een wat jou lei… selfs in die donkerste kloof.
Geen prestasie nie. Geen maklike antwoorde nie. Net rus. Net teenwoordigheid.
Ons leer om te luister na God se stem, te midde die geraas van die wêreld.
In hierdie episode praat ons oor Paasfees, detoxing, die Tour de France, Markus 4, en hoe geloof ons help om beter lewens te leef.
Ons reflekteer oor ons verbintenis aan God deur Die Skepping. 'n Vraag om oor te dink vir die week: Hoe kan ek meer bewus wees van God, wanneer ek in aanraking kom met dit wat Hy geskep het?
In hierdie sagte, introspektiewe gebedsbegeleiding word jy genooi om stil te word, asem te haal en net te wees in die teenwoordigheid van God. Ons beweeg stadig en deernisvol deur Johannes 14:7–11, waar Jesus vir Filippus — en vir ons — herinner dat wie Hom gesien het, die Vader gesien het.
Deur asemhaling, stilte, refleksie en eenvoudige gebed skep hierdie episode ruimte vir rus, eerlike vrae en vertroue te midde van onsekerheid. Jy hoef niks te bewys nie. Jy mag wag, mag twyfel, mag wees — en in dit alles is jy nie alleen nie.
Ons gesels saam met Lourens oor hulle reis na Australië en oor die waarde van egtheid.
Volg Lourens-hulle se reis hier:
https://youtube.com/@vandeventers?si=ogLLfCsDpY96897B
In hierdie sag-geleide gebedsmeditasie word jy uitgenooi om stadig en eerlik stil te word saam met Jesus aan die tafel, op die drempel van sy lyding. Teen die agtergrond van Johannes 13:1–5, waar Jesus die voete van sy dissipels was — insluitend dié wat Hom sou verraai — skep die podcast ’n ruimte vir selfondersoek, rus en ontmoeting.
Met sagte asemhalingsaanwysings, ’n intieme teksvoorlesing en teer simboliese refleksie, lei hierdie episode jou deur ’n proses van stilstaan, hoor, ervaar en vertrou. Jy word nie gedwing tot antwoorde nie — net genooi om teenwoordig te wees.
Luister saam en word bewus van die eenvoud van God se teenwoordigheid
Van Hadidas tydens COVID filming tot by saam kuier in 'n ateljee - hoe God se Woord mense se stories by mekaar bring.
From the publisher's feed