Katika kipindi hiki cha kwanza tunazungumzia juu ya ndoa za lazima na elimu muhimu kwa wasichana. Bibiy atamsaidia rafiki yake ambaye wazazi wake wanataka aache shule ili aolewe na mzee mwenye pesa.

Katika kipindi hiki tutazungumzia juu ya vijana na kujiamini. Bibiy msichana mwenye kiburi lakini mrembo, atamsaidia rafiki yake kuwa huru kujieleza.

Bibiy na rafiki yake wanaanzisha mtandao wao. Unawahamasisha wasichana kufikia malengo yao, kujifunza kwa kutumia mtandao wa intaneti na kuwapa nafasi ya kuweza kuendesha mijadala.

Katika kipindi hiki chenye sehemu mbili, tutazungumzia juu ya udhalilishaji kingono. Bibiy msichana mtukutu lakini siku zote aliye tayari kusaidia, atamsaidia rafiki yake ambaye anakabiliwa na tatizo kubwa la kibinafsi.

Katika sehemu hii ya pili, Bibiy amegundua kuwa mmoja wa marafiki zake wakubwa alifanyiwa visa vya udhalilishaji kingono na mjomba wake na sasa ni mjamzito. Kwa hivyo ameanzisha harakati za kutafuta haki ya kisheria.

Soksi zimesababisha mjadala mkubwa miongoni mwa vijana hao watano wa bweni la Mandela kuhusiana na usafi binafsi. Kuishi mbali na wazazi kwaweza kusababisha uchafu. Hasa linapokuja suala la kufua nguo na kuoga.

Simo, Steve na Manuel wanapata kiamsha kinywa kikubwa. Jambo hili linazua mjadala mkubwa. Pesa walizonazo hazitoshi kuwafanya wapate chakula bora. Tutaangalia pia tatizo lengine - unene.

Katika kipindi hiki Jimmy anaumwa sana na tutaangalia sababu za kuumwa kwake. Pia tutakueleza jinsi ya kuwa mbali na wadudu kwani kwa kiasi kikubwa maradhi huletwa na wadudu.

Bweni ya Mandela imegeuka kuwa jalala. Hakuna hata mmoja mwenye kutilia maanani usafi wa nyumba wala usafi binafsi. Ndio maana Jimmy anaumwa. Nini unachotakiwa kukifanya iwapo rafiki yako mkubwa anaumwa?

Tutashuhudia Manuel, Steve, Simo, Jimmy na Hassan wanavyokabiliana na maradhi. Wawili kati yao wameenda katika zahanati. Pia tutajifunza jinsi ya kuepuka kuambukizwa vijidudu hatari vya malaria.