Guðrun og Guðrun vóru ein av fýra føroyskum sniðgevarafyritøkum, ið var við á sniðgevaraátakinum í La Maison du Danemark í París um vikuskiftið.

Guðrun og Guðrun fara hesa vikuna eisini at luttaka á stórari, kendari mótamessu í París. Hetta er neyðugt fyri at fáa beinleiðis samband við týdningarmiklar kundar, sigur Guðrun Rógvadóttir, sum serliga tekur sær av marknaðarføringini hjá Guðrun og Guðrun.

Hon vísir á, at hóast klædnamarknaðurin er sera stórur og kappingin hørð, so er stórur áhugi fyri sniðgevingini hjá Guðruni og Guðruni.

Um vikuskiftið var føroyskt sniðgevaraátak í La Maison du Danemark í París, har dentur var lagdur á nýmótans føroyska sniðgeving, ulla- og bindimentan í Føroyum og burðardygga framleiðslu.

Ein bólkur av føroyskum sniðgevum við Sissal Kristiansen á odda samskipaði átakið, og luttakandi sniðgevar vóru: Guðrun og Guðrun, Shisa Brand, Steinum og Navia.

Um vikuskiftið vóru vit til stórt føroyskt sniðgevaratiltak í París. Fýra føroyskir sniðgevar sýndu fram, Jóhanna av Steinum við merkinum Steinum, Guðrun og Guðrun, Navia og Sissal Kristiansen, sum eisini samskipaði átakið, við merkinum Shisa Brand.

Dentur var bæði lagdur á sniðgeving, men eisini á at fortelja søguna um ulla- og bindimentanina í Føroyum og burðardyggleikan við henni. Og hendan søgan kann eisini brúkast til at marknaðarføra Føroyar og føroyska sniðgeving, halda sniðgevarnir.

Vit tosa við fleiri teirra.

- Eg havi ikki ordiliga skilt tað enn. Eg má lata tað sodna eitt sindur.

Soleiðis sigur 24 ára gamla Beinir Bergsson, sum nú er tilnevndur til bókmentavirðisløn Norðurlandaráðsins fyri sítt annað yrkingasavn, ið nevnist Sólgarðurin.

Yrkingasavnið er nakað so serligt sum erotisk økopoesi. Og Beinir brýtir ikki bara skaldslig men eisini egin mørk við yrkingasavninum.

Hoyr samrøðuna við unga yrkjaran, sum brúkar óvanliga langa tíð um síni yrkingasøvn.

"Vit eiga at skapa betri sambond millum norðurlond, Kanada og restina av norðurøkinum". Tað heldur Daniel Chartier, professari á lærda háskúlanum fyri Quebéc í Montréal.

Tað eru helst ikki nógv støð í heiminum, har til ber at læra føroyskt.

Men á útbúgvingini í norðurlendskum málum og mentanum, "Nordic studies", á lærda háskúlanum Sorbonne í París, hava tey havt eitt skeið í føroyskum. Og fleiri lesandi og lærarar har, hava stóran tokka til føroyskt mál og føroyska mentan:

"Í løtuni er skeiðið í føroyskum tíverri niðurlagt, tí vit mangla lærara. Men áhugin fyri føroyskum máli er stórur, og vit vóna, at vit skjótt fáa ein nýggjan undirvísara", sigur assisterandi professari á útbúgvingini Sarah Harchaoui.

Beinir Bergsson er tilnevndur bókmentavirðisløn Norðurlandaráðsins. Beinir vitjar í Nón.

Og so eru vit aftur í býanna býi, París.

Á víðagitna universitetinum Sorbonne í París er ein bólkur av lesandi, ið hevur stóran áhuga fyri føroyskum máli og mentan. Tí á útbúgvingini Nordic Studies á Sorbonne, hevur borið til at læra føroyskt. Vit hitta Sarah og Georges.

Hoyr vikuliga Høgnatáttin, har Høgni Djurhuus tekur saman um hendingar og útsagnir hesa farnu vikuna

Bonjour siga vit aftur í Nón í dag, tí vit senda úr París, har stórt átak er við føroyskari list, bókmentum, filmi og sniðgeving.

Vit hoyra Urd Johannesen úr Farlit, sum hevur til endamáls at breiða út føroyskar bókmentir til útheimin, Jóanes Nielsen, ið hevur fingið Glansbílætasamlararnir týddar til franskt, og Maluna Marnersdóttir, ið hevur skrivað nýggja føroyska bókmentasøgu á fronskum.

- Hesir filmarnir eru so knýttir til teirra land og teirra landslag, og teir eru eitt fínt ískoyti til ta list, sum verður sýnd fram her.

Tað sigur Tina í Dal Wagner, stjóri á Filmshúsinum, sum er partur av mentanarátakinum, sum er í París í hesum døgum.

Talan er um filmarnar Skál, Trøllabeiggin og Handanland, og áskoðararnir tóku sera væl ímóti føroysku filmunum í París, sigur Tina í Dali Wagner.

Nón er í hesum døgum í París, og sendingarnar hesa vikuna lýsa føroysku mentanarútrásina, sum er á Champs Élysée.

Hoyr samrøðuna við Tinu her.