– Mær lysti at vita hví, sigur Meduna Dalsgaard, arkitektur, nú standmyndin av Nólsoyar Pálli er tikin niður í Vágsbotni.

– Beint nú er tað bara óneyðuga nógv órógv um hetta, sigur Guðrið Poulsen, listakvinna. Vit fáa at vita, at hon skal setast uppaftur, men hví er tað ikki komið upp á pláss, áðrenn man tekur hana niður. Tað skapar bara óneyðuga nógv órógv og heitar kenslur.

Ein talgildur føroyskur samleiki. Hví er hann so týdningarmikil? Stýrisformaður fyri Talgildu Føroyar, Leif Abrahamsen, sum hevur arbeitt 30 ár við tøkniligum samfelagsbroytingum, vitjaði.

Er tað rætt at flyta Nólsoyar Páll? Og hvat skulu vit við standmyndum í almenna rúminum? Tað eru spurningar, sum vit venda saman við Medunu Dalsgaard, arkitekti, og Guðrið Poulsen, listakvinnu.

Hoyrið sendingina her

Bókadagar 2020 snúgva seg um at vera saman um ta góðu søguna, hóast fjarstøðuna sum krevst í hesum krónutíðum. Bókadagarnir verða í Norðurlandahúsinum alla hesa vikuna, og Lasse Thorning Jæger, samskipari, greiðir frá tillagaða tiltakinum.

Og so spyrja vit hvønn týdning mentanarsamstarvið millum Grønland, Ísland og Føroyar í Útnorðurráðnum hevur í hesum døgum, har samstørv finnast á so at siga øllum serstøkum listaøkjum. Nývaldi føroyski formaðurin í Útnorðurráðnum, Henrik Old, vitjar.

Hoyrið sendingina her

- Eingin kallar meg annað enn Egga.

Jógvan Jensen, sum øll kenna sum Egga, hevur fingið hægstu viðurkenning frá ÍSF.

Ítróttarsamband teirra brekaðu, sum í dag eitur Parasport Føroyar, varð stovnað fyri 40 árum síðan. Millum stovnararnar var Egga Jensen, og hann hevur øll árini virkað ótroyttiliga fyri hesari grein av ítróttini. Og hetta er ein góð mynd av, hvør Egga er.

Jógvan "Egga" Jensen hevur fingið hægstu viðurkenningina frá ÍSF fyri sín ótroyttiliga stuðul til parasport í Føroyum. Í dag er Egga gestur í Nón.

Og so vitja vit Posta, sum nú eina tíð hevur brúkt elbilar og elskutarar. Vit spyrja, hvussu tað hevur riggað?

Hoyrið sendingina her

"Tann sæla ræðslan" er savn við óhugnaligum, ræðuligum og spøkilsiskendum stuttsøgum, sum Hanus Kamban, rithøvundur, hevur umsett úr enskum, týskum og fronskum.

- Tittulin sipar til eitt hugtak frá einum enskum heimspekingi, Edmund Bourke, sum skrivaði eina ritgerð seinast í 18'indu øld, um tað vakra og tað sublima. Um tað sublima brúkar hann orðini "delicious horror", og tann sæla ræðslan er ein beinleiðis umseting av tí, greiðir Hanus Kamban frá.

Listakvinnan Silja Strøm býr og arbeiðir skiftivís í Skotlandi, Onglandi og Føroyum. Í ár hevur hon skula verið í Føroyum í fleiri umførum í sambandi við framsýningar, men strongu koronukrøvini í Bretlandi hava forðað hesum. Nú er hon so her, og vit hava sett henni stevnu í Víngarðinum, har hon sýnir fram.

 

Hoyrið samrøðuna her

 

(Arkivmynd: KvF)

Tá ið atgongdin til atelierið varð kvett vegna koronu, bleiv køkurin tikin í nýtslu. Vit tosa við myndlistakvinnuna Silju Strøm, sum sýnir fram í hesum døgum.

Hvat er sjósirm? Tað greiðir Sigurd F. Christiansen, sum hevur vart Phd-ritgerð um evnið, okkum frá.

"Tann sæla ræðslan" er heitið á forkunnugum savni við átta óhugnaligum søgum, sum Hanus Kamban hevur týtt úr enskum, týskum og fronskum.

Hoyr alla sendingina her.

- Eg byrjaði við at finna eitt skelett. Og so fór eg ferðina við henni at finna útav, hvør tað var. Eg var komin tríggjar fjórðingar inn í bókina, áðrenn eg visti hvør skelettið var.

Soleiðis sigur Rakel Helmsdal, sum hevur útgivið eina nýggja stóra, ungdómsskaldsøgu á forlagnum Bókadeild Føroya Lærarafelags. Bókin er 446 síður.

Bókin hevur fleiri frásagnarhættir. Har er forteljari, har eru dagbøkur, avísklipp, tekningar og annað, sum gera, at bókin hevur ein filmiskan dám.

Á baksíðuni til bókina stendur soleiðis:

Stóra framsýningin Havið, sum skuldi vera í Listasavninum í vár, letur nú endiliga upp. Vit tosa við Solveig Hanusardóttir Olsen, listfrøðing og savnsvørð, um nøkur av teimum yvir hundrað verkunum, sum eru sett upp á Listasavninum.

Hoyrið samrøðuna her

Myndin omanfyri: Karina Lykke Grand (v.m.), stjóri á Listasavninum, og Solveig Hanusardóttir Olsen (h.m.), listfrøðingur og savnsvørður

Myndin niðanfyri: Vovnu verkini úr hári hjá Titu Vinther hava fingið heiðurspláss á framsýningini