- Tað verður arbeitt seriøst við hesum í løtuni.

Ólavur Jøkladal er nýggjur formaður í Leiklistaráðnum, og sum slíkur hevur hann sæti í bygginevndini fyri tjóðleikhúsið, sum so nógv hevur verið tosað um.

Nýggi formaður í Leiklistaráðnum sigur, at stutt eftir mánaðarskiftið verður ein dagførd byggiskrá fyri lovaða tjóðleikhúsið almannakunngjørd, og síðan verður ein kapping um staðseting útskrivað fyri, hvar tjóðleikhúsið skal vera.

Byggiskráin inniheldur millum annað ein stóran pall, ein minni pall og ein meiri smidligan pall, sum kann flytast.

Fýra føroyingar eru tilnevndir til virðislønirnar, sum verða handaðar í annaðkvøld, týskvøldið 27. oktober.

Tey eru Oddfríður Marni Rasmussen, Rakel Helmsdal, Jens-Kjeld Jensen og Janus Rasmussen. Vit ringja til Janus, sum er staddur í Reykjavík, og fáa vitjan av Rakel, Oddfríði og Jens-Kjeld í útvarpsstovuni.

Hvørji norðurlendsk bókaverk eru innstillað til bókmentavirðislønina í ár. Tað fer Bergur Djurhuus Hansen, lektara í bókmentum, at siga okkum eitt sindur um.

Hoyrið sendingina her

Føroyingar vóru ikki heilt ófyrireikaðir til nýggjar vinnuligar avbjóðingar, tá landið varð loyst úr ymsum einaveldisbondum miðskeiðis í 19. øld. Og donsku amtmennirnir høvdu lagt lunnar undir týdningarmiklar partar av hesu menning, skrivar Erling Isholm, søgufrøðingur, í nýggjari bók.

Hoyrið samrøðu við Erling her

Føroyingar vóru ikki heilt ófyrireikaðir til nýggju tíðina, eftir at landið var loyst úr ymsum einaveldisbondum miðskeiðis í 19. øld. Og donsku amtmennirnir høvdu lagt lunnar undir týdningarmiklar partar av hesu menning, skrivar Erling Isholm, søgufrøðingur, í nýggjari bók. Erling vitjaði í útvarpsstovuna.

Atlantsflog má fáa pengar, tí føroyingar ferðast ikki meira.

- Hetta er sárt! Vit eru vinir, kenningar ella í familju. Vit eru eitt lítið umhvørvið, sum er sært.

Durita Dahl Andreassen er nýggj forkvinna í Leikarafelagnum, ið er fakfelagið hjá yrkissjónleikarum í Føroyum. Samstundis sum hon er forkvinna í fakfelagnum, er hon eisini partur av Leiklistafylkingini, sum boykottar Tjóðpallin, og so er hon júst vald í Leiklistaráðið, sum stýrir Tjóðpallinum. Harvið fær hon ein sentralan leiklut í kreppuni, sum leikar í.

- Nú mugu vit gera okkara besta fyri at tosa saman; tað er tað týdningarmesta, sigur Durita Dahl Andreassen.

Hjalmar fekk virðislønina fyri bøkurnar Mállæra 1 og 2. Dómsnevndin segði soleiðis í grundgevingum sínum:

"Mállæra 1 og 2 lýsa nútíðarføroyskt. Tær eru skrivaðar við støði í nútímans almennum ástøði um mál og í føroyskari málgransking í hesi øldini. Bøkurnar geva eina góða mynd av føroyskum máli í dag og eru týðandi íkast í mállærubókmentirnar."

Hoyrið samrøðu við Hjalmar her

"Bøkurnar geva eina góða mynd av føroyskum máli í dag og eru eitt týðandi íkast til mállærubókmentir". Tað segði dómsnevndin millum annað, tá Hjalmar P. Petersen fekk M.A Jacobsens virðisløn. Vit tosa við rithøvundin og spyrja eitt nú, hvussu føroyska málið hevur tað í dag.

Framhaldssøgan um føroysku leiklistina heldur fram, og í dag trínur forkvinnan í Leikarafelagnum, Durita Dahl Andreasen, á pallin.

Hoyrið sendingina her

Fyri 25 árum síðani orðaðu nakrir filmsleikstjórar Dogme-yvirlýsingina. Ynski var at fáa góðu søguna og sjónleikin framaftur, eftir at risatórar Hollywood-framleiðslur høvdu tikið valdið í biografmyrkrinum. Vit fáa vitjan av Hermanni Eliassen, miðlafrøðingi, sum fer at siga okkum eitt sindur um Dogme-verkætlanina.

Dansk-kurdiski rithøvundurin Sara Omar skrivar skaldsøgur við einum brennandi ynski um at reformera islam. Hoyr samrøðu við Saru Omar, har hon tosar um sínar skaldsøgur, Dødevaskeren og Skyggedanseren, ið byggja á egnar upplivingar.

Hoyrið sendingina her

- Hetta hevur havt stórar avleiðingar fyri meg. Men um vit skulu liva í einum heimi uttan harðskap, kúgan, sosialt eftirlit, insest, neyðtøku og alt tað, sum fylgir við, so noyðast vit at taka blaðið frá munninum. Og nøkur av okkum noyðast at seta orð á tað, sum fyrigongur.

Dansk-kurdiski rithøvundurin Sara Omar skrivar skaldsøgur við einum brennandi ynski at reformera islam. Í bókunum Dødevaskeren frá 2017 og Skyggedanseren frá 2019 viðger hon harðskap, kúgan, stigmatisering og sosialt eftirlit av kvinnum, bæði í Kurdistan og millum muslimar í vesturheiminum.