”Kjarr” eftir Rakel Helmsdal er skaldsøga um Lauru, sum finnur eina beinagrind. Beinagrindin sendir hana út á eina ferð gjøgnum Evropa at leita eftir svarum. Á ferðini fær lesarin so við og við innlit í trupla uppvøksturin hjá Lauru. Vit tosa við Rakel um nýggju bókina.

Hvat hevði Donald gjørt? Um virðir og annað gott.

Amerikanska forsetavalið gjørdist óvanliga spennandi, úrslitið er óvist, og støðan er eitt sindur kaotisk. Vit fáa eygleiðararnar Regin Berg og Regin Winther Poulsen at greina støðuna.

Stóra framsýningin Havið, sum skuldi vera í Listasavninum í vár, letur nú endiliga upp. Vit tosa við Solveig Hanusardóttir Olsen, listfrøðing og savnsvørð.

Hoyrið sendingina her

Forsetavalið hesa ferð er øðrvísi. Eitt er, at ein alheimsfarsótt setir dagsskránna, og tað hevur fingið yvir 100 milliónir amerikanarar at velja frammanundan.

Valluttøkan verður methøg. Men høvuðsorsøkin er, at valið snýr seg um persónar heldur enn politikk.

- Hetta er fyrst og fremst eitt val fyri og ímóti Donald Trump, staðfestir Regin Winther Poulsen, journalistur, sum starvast í New York.

Samstundis er stórur politiskur munur á, um republikanarin Donald Trump verður afturvaldur sum forseti, ella um demokratiski avbóðarin Joe Biden vinnur.

USA og forsetavalið í morgin seta dám á Nón í dag.

Vit hyggja at teirri ávirkan, sum USA hevur havt á filmsframleiðslu og matvanar. Vit fáa vitjan av Birgiri Kruse, ritstjóra, og Leif Sørensen, kokki.

Vit spyrja eisini Regin Berg, stjórmálafrøðing, hvør tann heilt grundleggjandi politiski munurin er á forsetavalevnunum.

Og fara vit yvir um hav til New York, har Regin Winther Poulsen, journalistur, fer at kunna okkum um tað nýggjasta úr USA dagin fyri valið.

- Heilt erligt, so føli eg tað bara, sum eri eg eitt millumlið millum vanlig fólk og vísindafólk.

Jens-Kjeld Jensen, sum vann umhvørvisvirðisløn Norðurlandaráðsins, hevur ikki hug at gera so nógv burtur úr sær sjálvum. Hann yndar at kalla seg ein danskan kokk ella ein fremmandaarbeiðara í Nolsoy.

Vit hittu Jens-Kjeld Jensen í hansara arbeiðsrúmi í Nólsoy, har hann kennir seg heima millum útstappaðar fuglar, mýs og lýs.

Vit spurdu eisini Jens-Kjeld Jensen, hvat djór hann vildi verið, um hann skuldi valt.

Hoyr alla samrøðuna her.

Vit vitja heima hjá Jens-Kjeld Jensen, sum vann umhvørvisvirðislønina hjá Norðurlandaráðnum týsdagin, og so tosa vit við Ragnar A. Jacobsen, sum framleiðir virðisløntu tónleikasendingina Norðurljóð, um tónleik í Norðurlondum.

 

Hoyrið sendingina her

Føroyar eru í ár partur av formansskapinum í Norðurlendska Ráðharraráðnum. Hendan vikan, har norðurlendsku mentanarvirðislønirnar verða lætnar, og ársfundirnir verða hilnir, verður ofta rópt norðurlendska vikan.

- Tað er ein hóttan móti norðurlendska samstarvinum, um felags málið førkar seg yvir í enskt.

Tað halda bæði Jákup Sørensen og Ingi Samuelsen, sum ikki fíra fyri kalla seg "nordistar". Teir eru ávikavist ráðgevi í NORA og skrivari í Norrøna felagnum og hava í nógv ár arbeitt við tí norðurlendska.

Norðurlendsk vika er hesa vikuna, men røkkur kunningin um norðurlendska samstarvið nóg breitt út til almenningin, og hvussu ber tað til at føroyska ynskið um fullan limaskap er so torført at fáa framt?

Hesar spurningar og aðrar umrøða vit saman við Kaj Leo Holm Johannesen, landsstýrismanni í norðurlendskum samstarvsmálum, og Jaspuri Langgaard og Høgna Hoydal, sum eru umboð løgtingsins í Norðurlandaráðnum.

Hvat er ein "nordistur", og hvat fáa vit burturúr tí norðurlendska?