Jensina Olsen er fødd 7/7-70, og sostatt er hon vorðin 50 ár. Serliga børnini hava fingið gleði av hennara skapandi evnum, men hennara framleiðsla er so nógv meira fjølbroytt enn tað. Á sjálvum føðingardegnum vitjaði hon Nón.

Hann sær tað vakra í deyðanum og hevur gjørt um seg í alskyns listagreinum. Nú gevur hann sína fyrstu bók út. Vit hitta Heiðrik á Heygum og tosa um bókina "Deyðin og moyggin", sum júst er útkomin.

Øll sendingin kann hoyrast her.

- Eg haldi, at hetta hevur verið ein serstakliga áhugaverd uppliving. Tað hevur givið íblástur at hava so góðar lærarar og arbeiða saman við so nógvum góðum næmingum.

Soleiðis sigur Katrina Olsen, sum hevur fingið fyrra árið á tónlistabreytini á Diplomútbúgvingini í listaligum arbeiði.

Útbúgvingin er eitt bland millum tað verkliga og ástøðiliga, og í hesum innslagnum hoyra vit eitt lítið verk, sum Katrina hevur gjørt, ið kallast Volapyk.

Vit hoyra eisini Lív Mariu Róadóttur Jæger og Bergur Djurhuus Hansen, sum varða av útbúgvingini, sum er komin fyri at vera.

Diplomútbúgvingin í listaligum arbeiði á Setrinum hevur nú eitt ár á baki. Vit spyrja avvarðandi starvsfólk og studentin, hvussu útbúgvingin hevur roynst, og vit fáa eisini eina lítla smakkroynd. Bergur Djurhuus Hansen, dekanur, Lív Róadóttir Jæger, samskipari, og Katrina Olsen, studentur, vóru í útvarpsstovuni.

Hvat er skón? Og kann skón vera list? Vit hava leitað okkum til Toftavatn at finna svarið. Anette Sonne hevur saman við Visit Runavík skipa fyri framsýning við heitinum Náttúrunar listaverk, har innlit kann fáast í livandi verur í náttúruni. Og hon svarar spurninginum, um skón kann vera list.

Og so hitta vit Kemm Poulsen, sum fekk staðfest Parkinson fyri nøkrum árum síðani. Fyri at halda seg í gongd, hevur hann yrkt nógv hesa tíðina. Fleiri av yrkingunum eru nú vorðnar til sangir hjá kendum sangarum.

Øll sendingin kann hoyrast her.

- Eg hugsaði: Hví ikki lata náttúruna sjálva vera listaverkið, heldur enn at flyta náttúruna yvir á plakatir.

Soleiðis sigur Anette Sonne, sum hevur tikið stig til serstøku framsýningina, sum kann síggjast við Toftavatn í summar. Millum tað, sum kann síggjast og upplivast, er skón á føroyskum gróti. Afturvið eru karmar gjørdir og talvur, har tú kanst lesa og læra um skón.

Hvussu er at gerast pisa í eini tíð, tá koronufarsóttin ávirkar eyðkendu hátíðarhaldini? Vit fáa vitjan av Rúnu Kass Joensen, Davidi Thomassen og Ellu Jógvansdóttir, sum øll júst eru liðug við miðnámsskúlan.

Hvussu er at ganga í stóra stásiliga bygninginum Glasir, tá tú hevur ADHD at stríðast við? Vit tosa við Báru Silvansdóttir, sum hevur ADHD, og júst er liðug við fyrsta árið á Glasi.

Og hvussu er eydnast leiðsluni á Glasi at samantvinna ymsar fakbólkar og skúlar á einum stað? Rektarin á Glasi, Steinbjørn Hardlei, vitjar.

Hoyrið sendingina her

Kvívík telist millum tær vakrastu og hugnaligastu bygdirnar í Føroyum. Og vit hitta fólk í heimablídni á Kletti, samstundis sum vit eisini eru á ferð í bygdini.

Vit hitta vertin á Kletti, Marionnu Eysturoy, og vit prátað við Hera Müller, borgarstjóra, og Sonju Schneider, ið tekur sær av grønu økjunum í kommununi.

Vit skifta orð við Randi Jacobsen, ið er ein av kvinnunum, ið manna fimm-mannafarið Junkaran.

Tummas Marni Joensen er søgufróður kvívíkingur, ið fer at siga okkum frá grannalagnum á Kletti.

- Eg kenni eina skyldu at geva hesa bókina út.

Soleiðis sigur Gitte Klein, sum leggur nýggju bók sína "Talgilda framtíðin" fram í kvøld. Í bókini viðger hon, hvussu tað ávirkar menningina hjá børnum og ungum, at teldlar og snildfonir hava gjørt innrás í teirra barndóm og serliga skúlan. Hon vísir til gransking og nýggja vitan, og hon kennir tað sum sína skyldu at gera vart við, at teldlar og onnur tøkni beinleiðis kunnu gera skaða í serliga fólkaskúlanum.

"Talgilda framtíðin - hvussu fyrireika vit børn og ung á bestan hátt" er heiti á nýggjari bók, sum Gitte Klein hevur skrivað. Bókin er ein uppgerð við tankan at føra tøkni inn í fólkaskúlan. Høvundurin vitjar.

Vinnusøgan skal nú síggjast aftur uttan fyri Íverksetarahúsið í Klaksvík. Og tað fara vit at fregnast um hjá Sigrun Jónsveinsdóttir, stjóra í Íverksetarahúsinum, Duritu Samuelsen, ið hevur um hendi ung í arbeiði, og Katrinu Rógvadóttir, listakvinnu, ið fer at standa fyri verkætlanini.

Tú kanst hoyra sendingina her.