Nørdarnir

By Kringvarp Føroya

Savnssending

Hvat er eitt lukkuligt lív? Hvaðani stavar átrúnaður? Er Gud til? Hvør er munurin á monnum og kvinnum? Hvat er deyðin?

Hetta eru nakrir av spurningunum, sum nýggja útvar... more

· News

Download on the App Store

Download on the App Store

Get it on Google Play

FAQs about Nørdarnir:

How many episodes does Nørdarnir have?

The podcast currently has 7 episodes available.

Nørdarnir episodes:

August 08, 2011 Hvat er ein rættur føroyingur?
"Vit eru føroyingar serstøk tjóð", yrkti Pól f á sinni. Men hvat merkir tað at vera føroyingur í 2011? Hvat merkir tað í heila tikið at hoyra til eina tjóð? Er føroyskleiki tengdur at máli, mentan og siðum, ella er tað nóg mikið at kenna seg sum føroying? Í mong ár hava globalisering, kapitalisma og multikulturalisma máað støðið undan nationalum mørkum um allan heim, men samstundis hava tjóðskaparflokkar framgongd í fleiri europeiskum londum. Í dag spyrja vit nørdarnar: Hvat merkir tað at vera føroyingur í dag? Hvaðani stavar hugtakið tjóð? Og kunnu vit ímynda okkum ein heim uttan landamørk, har vit øll eru heimsborgarar fyrst og fremst?
...more
49min
July 25, 2011 Hvør er munurin á monnum og kvinnum?
Dreingir eru dreingir, tí teir eru føddir so, og gentur eru gentur, tí tær eru føddar so. Ella er tað nú soleiðis? Eru dreingir møguliga dreingir, tí samfelagið ger teir til dreingir, og eru gentur møguliga gentur, tí okkara mentan og sosialu vanar gera tær til gentur?
Í dag spyrja vit nørdarnar: Í hvønn mun eru menn og kvinnur fødd ymisk, og í hvønn mun er hugtakið kyn ein sosial og mentanarlig konstruktión?
...more
38min
July 18, 2011 Í hvønn mun er menniskjan ein fræls vera?
Øll menniskju uppliva, at lívið og gerandisdagurin eru á tremur við avgerðum, bæði stórum og smáum. Men er menniskjan grundleggjandi ein fræls vera? Ella eru vit bert úrslit av lívfrøðiligum arvi og sosialum og mentanarligum umstøðum?
Er okkara uppliving av einum fríum vilja okkurt, sum vit billa okkum? Ella eru vit harrar í egnum lívi við teimum fortreytum, sum vit hvør sær eru fødd inn í?
Í dag spyrja vit Magnus Gaard, lívfrøðing, Súsonnu Skaale, sálarfrøðing, Dorit Hansen, cand. mag. í søgu og enskum og Jógvan D. Hansen, heimspeking: Er menniskjan ein fræls vera?
...more
52min
July 11, 2011 Er Facebook vandamikið?
Kann man ímynda sær Søren Kierkegaard við fartelefon, Dostojevski vid iPad ella Charles Darwin við einum profili á Facebook?
Alnótin og tann tøknifrøðiliga kollveltingin hevur grundleggjandi broytt lívið hjá tí modernaða menniskjanum. Rúm og tíð eru upployst í cyberspace, fartelefonir, iPad og iPod eru hvørs mans ogn, og heimasíður sum Facebook, Twitter, Myspace, Google og Youtube eru ein fastgrógvin partur av gerandisdegnum hjá milliónum av menniskjum.
Summi fegnast um nýggju atgongdina til alskyns vitan og nýggju møguleikarnar at samskifta tvørtur um landamørk, sum ger lívið súrt hjá alskyns einaræðisharrum. Onnur vísa á, at modernaða menniskjað dugir ikki longur at vera til staðar og fordjúpa seg í stórum hugsanum. Hvørjir eru fyrimunirnir við hesum fagra, nýggja veruleikanum? Og hvørjir eru vansarnir?
Súsanna Skaale, sálarfrøðingur, Jógvan D. Hansen, heimspekingur, Magnus Gaard, lívfrøðingur, og Dorit Hansen, cand. mag. í enskum og søgu, kjakast í dag um alnótina og avleiðingarnar av tøknifrøðiligu kollveltingini.
...more
45min
July 04, 2011 Guð er komin fyri at verða
Menniskju hava til allar tiðir havt sinar atrúnaðir. Fra náttúrureligion og persónligum spiritualiteti til trúnna á fleiri gudar til trúnna á ein guð. Men hvaðani stavar átrúnaður? Hvaðani stavar hugmyndin um ein guð?
Hetta eru nakrir av spurningunum, sum tey fýra, Súsanna Skaale, sálarfrøðingur, Magnus Gaard, livfrøðingur, Jógvan D. Hansen, heimspekingur, og Dorit Hansen, cand. mag. i enskum og søgu, viðgera í dag.
Háast tey ikki koma við kategoriskum svarum, so eru tey samd um, at trúgvin á ein guð er til, og at hon ikki fer at hvørva i bræði.
...more
50min
June 27, 2011 Hvat var lívið uttan deyðan?
Hvat er deyðin? Kann deyðsótti nýtast til okkurt gott? Hvørja ávirkan hevur okkara tilvit um deyðan á okkara lív? Hvat hendir eftir deyðan?
Í panelinum eru Súsanna Skaale, sálarfrøðingur, Magnus Gaard, lívfrøðingur, Dorit Hansen, cand. mag. í søgu og enskum og Jógvan D. Hansen, heimspekingur.
...more
41min
June 21, 2011 Hvat er eitt lukkuligt lív?
"Nørdarnir" er nýggj útvarpssending í summarskránni hjá Kringvarpi Føroya, har fýra fakpersónar komandi vikurnar fara at kjakast um lívsins stóru spurningar. Í dag spyrja vit nørdarnar kring borðið: Hvat er eitt lukkuligt lív?
Í panelinum sita Súsanna Skaale, sálarfrøðingur, Magnus Gaard, lívfrøðingur, Dorit Hansen, cand. mag. í søgu og enskum og Jógvan D. Hansen, heimspekingur.
...more
49min

FAQs about Nørdarnir:

How many episodes does Nørdarnir have?

The podcast currently has 7 episodes available.