Ella è pli veglia che 2'000 onns, vegn venerada fin oz sco ina deessa ed ha inspirà musicists da Bach fin tar ils Beatles da scriver songs per l'eternitad: Maria, la Mamma da Jesus, la Mamma da Dieu.

Ma tgi era questa dunna? Las paucas passaschas da la Bibla èn bain enconuschentas, però per vegnir a savair dapli da la vita da Maria e tge influenza ch'ella ha fin il di dad oz, renda tant da leger scrittiras veglias sco da tadlar musica da pop. E precis quai avain nus fatg – en discussiun cun las duas scienziadas da religiun Dr. Natalie Fritz e Dr. Anna-Katharina Höpflinger. Ensemen avain nus guardà pertge che Maria vala sco mamma perfecta era sche nus n'enconuschain betg ses stil d'educaziun, e pertge che cartents e cartentas pelegrineschan pervi da Maria si Ziteil.

Redacziun: Anna Serarda Campell