L'ensemble vocal Incantanti ha registrà il disc cumpact «Concertare». Ils dus chors da Laax han dà in concert communabel e fatg ordlonder il disc «Concert communabel a Laax».L'onn 2002/2003 han anteriuras scolaras ed anteriurs scolars da la scola chantunala da Cuira fundà l'ensemble vocal Incantanti. Dapi la fundaziun stat quel sut la batgetta da Christian Klucker. Quest onn ha Incantanti gì in program sever: Els èn sa participads cun grond engaschament a trais festivals da chors en l'entira Europa. Sco finiziun da quella perioda han els fatg in disc cumpact cun las chanzuns da concurrenza.Era il chor mischedau Laax ed il chor viril Laax han edì in nov disc cumpact. Els han registrà il concert communabel dal matg. Il chor maschadà stat sut la batgetta da Rest Giusep Tuor. Il chor viril è vegnì dirigì d'Umberto Camathias – per la davosa giada. Il disc cuntegna in vast repertori da chanzuns en differents linguatgs. In program multifar cun chanzuns popularas rumantschas fin a la litteratura sacrala.