Nuacht a hAon

Tá trí lá sos comhraic fógraithe ag Uachtarán na Ruise Vladmir Putin san Ucráin ón 8ú lá den chead mhí eile. Deir an Rúis go bhfuil súil acu go bhfógróidh an Úcráin macasamhail de shos cogaidh.

Tá sé tugtha le fios ag an gCoimisiún Neamhspleách um Aimsiú Taisí Íospartach go bhfuil Eamonn Henry ceaptha acu mar phríomh imscrúdaitheoir. Tá tuilleadh brú ag teacht ar an ngrúpa ceoil Kneecap mar gheall ar an gconspóid faoi ráitis a líomhnaítear a rinne siad gur cheart polaiteoirí a mharú.

Tá Comhdháil na gCeardchumann agus an tÚdarás Sláinte agus Sábháilteachta ag éileamh go gceapfaí tuilleadh ionadaithe slándála agus sábháilteachta in ionaid oibre, ionas nach mbeadh an-oiread daoine á ngortú agus á marú sa láthair oibre.

An barr is deireanaí nuachta.

Tá gearáin ag treisiú ar fud na tíre faoi na h-amanna feithimh do thástálacha tiomána. Tá an Teachta Ward ag iarraidh ar an Údarás um Shábháilteacht ar Bhóithre aghaidh a thabhairt ar an mhoill agus réiteach sásúil a fháil ar an scéal.

Nuacht Náisiúnta & Idirnáisiúnta Marion Ní Shúilleabháin Nuacht an Tuaiscirt Aodh Máirtín Ó Fearraigh Nuacht an Iarthair Séamus Ó Scanláin Nuacht an Deiscirt Conn Ó Muíneacháin.

Tá comhdháil bhliantúil Chumann Dochtúirí Éireann ar siúl i gCill Airne inniu. Ar cheann de na príomhábhair atá á bplé tá an moladh atá déanta ag an Aire Sláinte, Jennifer Carroll MacNeill, go mbeadh dochtúirí comhlaireacha ar fáil seacht lá na seachtaine.

Léiríonn staidéar nua nach bhfuil aon fhianaise go bhfuil milleán an easpa lóistín sa margadh príomháideach ar earnáil an Airbnb. Bréagnaíonn sé an tuairim go raibh an méid tithe a bhí gafa le AirBnB ciontach as an solathar lóistín fad téarmach a bhí sa tír.

Tá an TD as Múscraí i nDailcheantar Chorcaigh Thiar Thuaidh ceaptha mar chathaoirleach ar gCoiste Oireachtais Talmhaíochta & Bia. Tuigeann sé, a deir sé, an brú atá ar fheirmeoirí agus ar tháirgeoirí bí agus tá súil aige teacht i gcabhair orthu.

an barr is deireanaí nuachta.