Nuacht a hAon

Tá cruinniú de Chomhdháil Idir-Rialtasach na Breataine-na hÉireann ar siúl i gCaisleán Chromghlinne i gContae an Dúin. Ceaptar go gcothóidh an chonspóid atá idir an dá rialtas faoi Oidhreacht na dTrioblóidí roinnt teannais.

Tá Cumann na Meán Mhúinteoirí ar a lá deireadh dá gcomhdhail bhliaintiúil i gCill Áirne. Thug Moira Leyden leas-ard rúnaí an chumainn, bean atá ina crann taca le blianta fada ag an gceardchumann le fios go bé seo a comhdháil deireadh sa gcúram mar go bhfuil sí ag gabháil amach ar scor.

Inniu sheol Coimisiún na Meán a straitéis do na blianta 2025-2027. Sa gclár oibre cuirfear béim ar chosaint a thabhairt do ghasúir ar líne agus dul i ngleic leis an mbréagaisnéis.

Le 24 uair a chloig, d’fhreastal ós cíonn 60,000 duine ar shochraid an Phápa atá ina luí faoi ghradam i mBaisleach Naomh Peadar sa Bhatacáin. Aréir, cinn na h-údaráis síneadh ama a chur le uaireanta an tórraimh, mar gheall ar líon na ndaoine a bhí sna scuainí.

Nuacht Náisiúnta & Idirnáisiúnta Cáit de Bhailís Nuacht an Deiscirt Aoife Ní Shúilleabháin Nuacht an Tuaiscirt Maighréad Uí Annluain Nuacht an Iarthair Maidhc Ó Féinneadha.

An barr is deireanaí nuachta.

Caithfear bhóta ag comhdháil bhliantúil Aontas Múinteoirí Éireann i Loch Gorman inniu faoi ar chóir ballóid a eagrú faoi aighneas tionsclaíoch, mura dtagann aon reíteach as na cainteanna leis an Roinn Oideachais faoin athchóiriú atá le déanamh ar scrúdú na h-Ardteiste.

Léiríonn anailís atá déanta ag an Roinn Fiontraíochta go bé réigiún Bhaile Átha Cliath is measa a bheadh buailte mar thoradh aon táillí breise trádála a ghearrfaí. Comhlachtaí ón iasacht a fhostaíonn 14% d’fhórsa oibre Bhaile Átha Cliath, an sciar is airde sa tír.

Nuacht Náisiúnta & Idirnáisiúnta Cáit de Bhailís Nuacht an Iarthair Maidhc Ó Feinnaeadha Nuacht an Deiscirt Aoife Ní Shúilleabháin Nuacht an Tuaiscirt Maighréad Uí Annluain.

Ó mhaidin inniu, tá corp an Phápa Proinsias ina luí faoi ghradam i mBaisleach Naomh Peadar sa Bhatacáin. As seo go Dé hAoine, meastar go léireoidh na céadta míle duine ómós don iar-Phápa, ina measc tá lánúin as Cill Chiaráin i gConamara.