En l'Instrumentala dad oz preschentain nus blera musica nova. La musica da recruts 16-2-2017 cun «Musique Suisse, Volume 5» ed il Prager Filmorchester sut la bitgetta da Christoph Walter cun il disc «Swiss Marsch Explosion in Classic». 3 dunnas e 75 umens da la musica da recruts 16-2-2017 èn pronts e sunan per vus marschs, musica moderna mo er musica da divertiment, tut da cumponists svizzers. Plinavant preschentain nus il disc «Swiss Marsch Explosion in Classic», cun il Prager Filmorchester. Las musicantas ed ils musicants han giu grond gust da quest project spezial. Tadlai e giuditgai sez sche quai experiment e gartegià !