Die jungen Zillertaler da Strass en il Zillertal cun «MegaGeil im Juzi Style» e la band Kastelruther Spatzen da Kastelruth en il Tirol dal Sid cun «Feuervogel flieg». La band die Jungen Zillertaler è vegnida fundada l'onn 1994, pia pon Markus, Daniel e Michael far festa per il giubileum da 25 onns. Ils emprims onns faschevan els plitost musica populara classica ed oz maschaidan els musica da pop e rock cun ils elements da la musica populara. Oz tadlain nus chanzuns dal 22avel album da studio, in album tut spezial e forsa er il pli persunal – igl è gie er l'album da giubileum. 

Gia dapi varga 35 onns fan ils Kastelruther Spatzen cun grond success musica. Lur emprim disc è cumparì l'onn 1983 e dacurt è «Feuervogel flieg» vegnì publitgà.

En la Stailalva dad oz preschentain nus a vus quests dus albums. E cun in zichel cletg pudais Vus schizunt gudagnar il disc da die jungen Zillertaler. Bun divertiment e buna fortuna!