La band voXXclub cun «Wieder dahoam» e Giovanni Zarrella cun il disc «La vita è bella». Stefan e Christian da la band voXXclub han visità RTR. Dapi l'onn 2012 datti la band, ed il spezial vi dad ella è: els èn tschintg giuvens che derivan da l'Austria, da la Germania e da la Svizra.

En «La stail­alva» dad oz preschentain nus a Vus gia lur 5avel album da studio. Schlagher e schlagher popular innovativ cun bler schlantsch, ma er intginas bellas balladas. Inqual istorgia or da lur vita na dastga natiralmain era betg mancar.

Plinavant preschentain nus intgins tocs dal disc «La vita è bella, die Gold Edition» da Giovanni Zarrella. El è vegnì enconuschent sco chantadur da la band BroSis. Dad el tadlain intgins enconuschents covers tudestgs, però chantads en lingua taliana. E cun in zichel cletg savais Vus gudagnar in disc da la band voXXclub. Bun divertiment e buna fortuna!