Nuus

Capricorn Group sê dat hulle oor voldoende kapitaalbronne beskik om nasionale ekonomiese groei te ondersteun en met die regering saam te werk in sleutel-ontwikkelingsektore. Na 'n vergadering met president Netumbo Nandi-Ndaitwah, het die uitvoerende hoof van Capricorn Group, David Nuyoma, bevestig dat die groep se bank- en batebestuursafdelings meer as 110 miljard Namibiese dollar in kumulatiewe bates en voorskotte hou. Nuyoma sê dat die groep 'n sterk beleggingsaptyt vir opkomende groeibedrywe, insluitend olie en gas handhaaf. Hy het meer.

Woordvoerder van SADC Tribunal Rights Watch, Ben Freeth, sê Zimbabwiese president Emmerson Mnangagwa se administrasie het versuim om formele appèlle te erken om ongeveer 4 500 onteiende kommersiële boere te vergoed. Freeth het aan Kosmos 94.1 Nuus gesê dat die regering meer as ses maande nadat hy 'n ope brief aan Mnangagwa uitgereik het, stilbly oor die afdwinging van grondregte en die herstel van die oppergesag van die reg. Hy sê die voortdurende weiering om die mylpaal-uitspraak van die SAOG Tribunaal van November 2008 te eerbiedig, ekonomiese herstel en landbouproduktiwiteit vertraag.

Die All Blacks-afrigter, Dave Rennie, sê daar is geen kwade gevoelens tussen hom en Springbok-afrigter, Rassie Erasmus, nie. Dit volg na sy beskuldigings oor Suid-Afrika se vermeende onderduimse taktieke in die skrum, na verlede naweek se tweede toets in Kaapstad. Hy het beweer die Bokke het in vaste skrums “rondom teenstanders geloop”. Rennie sê hulle gaan nie uit hul pad uit om narratiewe oor die skrum te skep in aanloop tot môre se derde toets in Johannesburg nie:

Die drama in die Nasionale Vergadering bly hierdie week die nuus oorheers. Die jongste sitting is na slegs twee dae kortgeknip, met AR- en IPC-wetgewers wat die verwydering van Speaker Saara Kuugongelwa-Amadhila versoek het. Maar openbare beleidskenner dr. Marius Kudumo sê die politieke dooiepunt laat 'n groter kommer ontstaan oor of die parlement sy grondwetlike plig nakom om wette in die openbare belang te maak. In 'n onderhoud met Kosmos 94.1 Nuus sê Kudumo dat niemand tevrede moet wees met wat tans in die Nasionale Vergadering ontvou nie.

Savanna Beef verander sy beesvleisprysbande vanaf 1 Oktober, in 'n poging om produsente aan te moedig om voorraad gedurende die buiteseisoen te handhaaf. Die nuwe struktuur pas die gewigskategorieë aan na 200 tot 219 kilogram, 220 tot 239 kilogram, en 240 kilogram en meer. Ian Collard, uitvoerende hoof van Savanna Beef, het met Kosmos 94.1 Nuus gesels.

Die vakbond Solidariteit het 'n ondersoek van stapel gestuur na die Amerikaanse onderneming Amazon oor bewerings dat ondernemings in Suid-Afrika op grond van die eienaars se ras uitgesluit word van 'n sakeontwikkelingsprogram. Amazon Web Services se beleggingsprogram vir ekonomiese bemagtiging, wat gelyke deelname en insluiting bevorder, aanvaar volgens berigte slegs ondernemings in 100 persent swart besit. Connie Mulder van Solidariteit beklemtoon ras behoort nie 'n maatstaf vir ekonomiese geleenthede te wees nie:

Onafhanklike meteoroloog Vilho Ndeunyema sê met 'n verwagte super El Niño wat 'n ernstige droogte en uiterste hitte rego or Suider-Afrika kan bring, moet boere en nooddienste vroeg optree om water te beveilig, vee te beskerm en veldbrandrisiko's te verminder. Hy sê daar is nou 'n behoefte aan gelokaliseerde kommunikasielyne en duidelike reaksieplanne tussen naburige plase, gemeenskappe en munisipale owerhede.

Kry die nuus soos dit breek.

Die landbou-organisasie TLU SA sê sy jaarkongres in Pretoria het gefokus op landelike veiligheid, die beskerming van eiendomsregte, ekonomiese volhoubaarheid en die bewaring van grond en water. Die tema was: “Landbou: Begrond. Beskerm. Bewaar”. Hoofbestuurder Bennie van Zyl sê die paneelbesprekings het die basis gebied vir besprekings oor die beskerming van produsente en die hulpbronne waarvan toekomstige voedselproduksie afhang. Hy sê optrede is nodig om groter bestendigheid vir boere te skep:

Die direkteur-generaal van die Nasionale Beplanningskommissie, Kaire Mbuende, sê korporatiewe sosiale verantwoordelikheid moet nie net 'n blokkie afmerk-oefening vir maatskappye wees nie, maar 'n werklike belegging wat lewens verander. Mbuende het by die Namibië Korporatiewe Maatskaplike Belegging Mukopano-geleentheid in Windhoek gesê daar is maatskappye wat groot winste maak terwyl die gemeenskappe waarin hulle werk, arm bly.