Nuus

NamRA doen ’n beroep op belastingbetalers wat nie aan hul belastingverpligtinge voldoen nie om voordeel te trek uit die voortgesette belasting-amnestieprogram voordat dit op 31 Oktober 2026 sluit. NamRA se sentrale streekbestuurder vir registrasie en belastingbetalerdienste, Aune Shikongo, sê die program bied volle kwytskelding van rente en boetes op uitstaande belastingrekeninge, mits die uitstaande hoofskuld vereffen word. Sy het met Kosmos 94.1 Nuus gepraat:

Hy sê enige ingryping moet wetstoepassers, maatskaplike werkers en die regerings van Namibië en Angola betrek.

Daar word gevra vir dringende ingryping oor die toenemende aantal Angolese kinders wat by straatkruisings in Namibië geld by motoriste bedel. Dit volg te midde van bewerings dat sommige kinders aggressief raak en selfs klippe na voertuie gooi wanneer motoriste nie geld gee nie. Michael Nieuwoudt, senior privaatondersoeker by Namibia Investigation Services, waarsku dat die voorvalle ’n ernstige veiligheidsrisiko vir motoriste, passasiers en die kinders self inhou.

Hy sê enige ingryping moet wetstoepassers, maatskaplike werkers en die regerings van Namibië en Angola betrek.

Windhoek sal die middelpunt van wêreldwye outismevoorspraak wees wanneer die sesde Wêreld-Outisme-organisasie-kongres van 3 tot 5 November plaasvind. Sleutelkwessies soos vroeë intervensie, onderwys, indiensneming, regte en ondersteuning vir ouer outistiese mense sal bespreek word. Bianca Özcan (uitspraak: Iz-jan) van die Outismevereniging van Namibië sê die kongres kom op ’n kritieke tyd, aangesien die land se outistiese gemeenskap steeds nie voldoende ondersteuning ontvang nie.

Die Verenigde Rugbykampioenskap gaan die naweek voort met onder andere die Stormers wat die Scarlets van Wallis in Kaapstad die stryd sal aansê. John Dobson, die Stormers se hoofafrigter, het met Kosmos 94.1 nuus gepraat.

Namibië moet plaaslike landbouproduksie uitbrei om invoere te verminder en meer in die land se eie behoeftes te voorsien. Dit volgens Ndapewa Hangula, waarnemende uitvoerende direkteur van die Namibië Beleggingsbevorderingsontwikkelingsraad, wat tydens die afsluiting van die tweedaagse Landboubeleggingskonferensie gepraat het. Sy sê die konferensie het gefokus op die lok van private investering, die skep van werksgeleenthede en die ondersoek van beleggingsgeleenthede deur die landbouwaardeketting.

Die Europese Unie-rolprentfees bring plaaslike en internasionale rolprentkuns na Windhoek, met tien Namibiese kortfilms op die program, waaronder Connections, Okuruwo en One More Win. Die fees duur tot 19 November en bied gratis vertonings aan om Namibiese storievertelling en opkomende rolprenttalent te bevorder. Tjuna Daringo, voorsitter van die Filmmakers Association of Namibia, sê die fees skep belangrike geleenthede vir plaaslike rolprentmakers en ander kreatiewes.

Die SA regering het sy gebeurlikheidsfonds tot tien-miljard Namibiese dollar verhoog vir die 2026/2027-boekjaar om voorbereid te wees op droogte, die verwagte El Niño-weerpatroon en moontlike verdere skokke in energiepryse. Die geld is bedoel om as buffer te dien vir noodgevalle wat bykomende druk op huishoudings, besighede en staatsbesteding kan plaas. Die minister van Finansies, Enoch Godongwana, sê sterker openbare finansies het die land se vermoë verbeter om op onverwagte krisisse te reageer:

Die Motorbedryf-personeelvereniging sê die tydelike verligting ten opsigte van die brandstofheffing, wat deur die minister van Finansies, Enoch Godongwana aangekondig is, is 'n oorwinning vir werkers, hul gesinne en georganiseerde arbeid. Van 4 November tot 1 Desember sal die brandstofheffing met drie-Namibiese-dollar-per-liter vir diesel en een-dollar-50-sent vir petrol verminder word. Klein verminderings sal dan tot 5 Januarie van krag sal wees. Phakamile Hlubi-Majola van MISA waarsku baie werkers verkeer steeds onder finansiële druk:

Berigte uit die Hardap-streek lui dat ’n groot veldbrand in die Daweb- en Gibeon-kiesafdelings reeds meer as 15 000 hektaar weiveld verwoes het. Die brand, wat Maandag in Daweb aangemeld is, het sedertdien na Gibeon en omliggende gebiede versprei, terwyl sterk winde pogings om dit onder beheer te bring, bemoeilik. Senior landboutegnikus Chris Kisting het Woensdag gesê bykomende mannekrag en hulpbronne is dringend nodig om die brand te blus. Volgens hom bemoeilik die afstand na waterpunte ook die brandbestrydingspogings: